Read luganda Abe̱i 18 Bible Online

Abe̱i 18 - luganda bible

Abe̱i 18

¹Moni etše ehe le̱, ako̱no̱nii etaoo̱, ni etšeo̱ noni hĩ hãle̱ fẽ hĩe atũa.

²Kwašia náá sanese̱ko̱mo̱ he mīše̱, ši moṅ ake̱ etšui adšie ehe kpo ke̱ke̱.

³Beni efõṅfelo̱ baä le̱, heguo̱gbĕle hũ mība, ni he-ahorabō̱ hũ ke̱ sopamo̱ nyie.

⁴Gbomo dāṅ wiemo̱i tamo̱ nui ní mli kwō̱lo̱ ke̱ fā ní hoo̱ ke̱ nilē nubu.

⁵Ehĩĩ ake̱ akwe̱ efõṅfelo̱ hĩeṅtšo no̱, ní atšṍ dšalo̱ sane hĩe abu ši ye̱ kodšomo̱ mli. [204]

⁶Kwašia nābu woo̱ béi, ni edā tšé̱o̱ mãi ke̱-baä.

⁷Kwašia dā dši noni kpãtãa eble, ni enābu dši esusuma tšõne. [205]

⁸Able̱biwielo̱ wiemo̱i tamo̱ do̱ko̱do̱ko̱nii, ni ame̱kplekeo̱ ši ke̱-yaä mũsũṅ piai le̱ amli. [206]

⁹Mo hũ ní ṅõo̱ enitšumo̱ ešašaoo̱ ši le̱, nii fitelo̱ kpeteṅkple nyemi dšile̱. [207]

¹⁰Mõ ní wa dši Iehowa gbe̱i le̱; no mli dšalo̱ šaä foi ke̱-yaä, ni ehĩo̱ ši ſeſẽſe. [208]

¹¹Niiatše̱ nii le̱ dši emō̃ ní wa, ni le̱dientše̱ edſẽṅmo̱ nā le̱ etamo̱ gbogbo groṅṅ. [209]

¹²Dãni *hĩekpãtãmo̱ aaba le̱, gbomo tšui wóo̱ ehe no̱, ni †hešibā nyieo̱ no̱wómo̱ hĩe. [210]

¹³Moni nuu sane dãni ehereo̱ no̱ le̱, edši bulufemo̱ ke̱ hĩegbẽle hãle̱.

¹⁴Gbomo mli ekā̃ tẽreo̱ ehela hāale̱; ši ṅko̱mo̱yeli mumo̱ le̱, namo aanyè mli ahĩe? [211]

¹⁵Hĩetẽlo̱ tšui náa nilē, ni nilelo̱ toi taoo̱ nilē se̱gbe̱.

¹⁶Gbomo nikēnii dšeo̱ gbe̱ hãale̱, ni eke̱le̱ yaä gbomei wudši ahĩe. [212]

¹⁷Mo kleṅkleṅ ní badšadšeo̱ esane le̱, efeo̱ tamo̱ noni esane dša; ši ké̱ enanyo le̱ ba le̱, ebakpaäle̱ ši.

¹⁸Ošiki *hãa béi se̱ foo̱, ni egblaä kãkãlo̱i ateṅ. [213]

¹⁹Nyemi ní afele̱ efõṅ le̱ efè maṅ ní wa, ni béi hũ tamo̱ mō̃ se̱ adabāṅi.

²⁰Gbomo dāṅ yibii aayi emũsũ obō, ní enābu nibanii le̱ aahã eto̱. [214]

²¹Gbĕle ke̱ wala ye̱ lile̱i deṅ, ni mei ní sumoo̱le̱ le̱, ame̱aye eyibii le̱ eko. [215]

²²Moni aaná ṅã le̱, ena nõkpakpa, ni ehĩe aaba nyam ye̱ Iehowa hĩe. [216]

²³Ohĩafo le̱, fai ekpaä; ši niiatše̱ le̱, mo ebuaä.

²⁴Moni bo̱ö̱ nanemei pī le̱, ekã amane gbe̱; ši nanyo ko ye̱ ní kpe̱te̱o̱ mo gbãgbãlī fè nyemi.