Read luganda Dšadšelo̱ 9 Bible Online

Dšadšelo̱ 9 - luganda bible

Dšadšelo̱ 9

¹Mike̱ ene̱ fẽ fõ mitšui no̱ ní matao fẽ mli: ake̱ dšalo̱i ke̱ nilelo̱i ke̱ ame̱nitšumo̱i le̱, Nyoṅmo̱ deṅ yo̱; suomo̱ ni dšio, nyē̱ ni dšio, gbomo ko lee; fẽ dſere ame̱hĩe.

²Sãdši fẽ baä mei fẽ no̱ pe̱pē̱pe̱: ošrā kome šrãa dšalo̱ ke̱ mofõṅ, mokpakpa ke̱ moni he tše, ke̱ moni he tšee, moni šãa afo̱le ke̱ moni esãã afo̱le fẽ; bo̱ni mokpakpa naä le̱, nakai noṅṅ efõnfelo̱ naä, moni kãa kitã hũ tamo̱ moni šeo̱ kitākãmo̱ gbeyei noṅṅ. [55]

³Ene̱ dši efõṅ ye̱ nii fẽ ni afeo̱ ye̱ hũlũ šiši ne̱ mli, ake̱-ní ošrã kome šrãa mei fẽ le̱, *nohewo̱ hũ ni gbomei abii atšuiian eyimo̱ obõbõ ke̱ efõṅ, ni se̱ke̱yeli soṅṅ yo̱ ame̱tšuiian ye̱ ame̱wala be mli: ni no se̱ le̱ — ame̱yaä gbohĩĩ le̱ aṅõ. [56]

⁴Edšake̱ moni fata hĩekãlo̱i fẽ he le̱, hĩeno̱kãmo̱ ye̱ hãle̱ kẽ; edšake̱ gbé ní hĩe kã le̱ ehĩ fè dšata ní egbo.

⁵Ši hĩekãlo̱i le ake̱ ame̱bagboi; ši gbohĩĩ le̱, ame̱lee nokonoko, ní ame̱be̱ nyõmo̱wo ko doṅṅ; edšake̱ hĩe edše ame̱kaimo̱ no̱.

⁶Amè̱suomo̱ dšio, ame̱nyē̱ dšio, ame̱wuṅāyeli dšio, fẽ eho ete dšeeṅmõ bēbe, ni ame̱be̱ gbe̱fãṅnõ ko doṅṅ ke̱-mīya nāno̱ ye̱ nii fẽ ní afeo̱ ye̱ hũlũ šiši ne̱ mli.

⁷Ya ni oyaye obolo ke̱ mīše̱, ní oyanu owein ke̱ tšuidšũrõ; ši onitšumo̱i le̱ esa Nyoṅmo̱ hĩe momo. [57]

⁸Hã otadei aye̱ befẽbe, ni mũ hũ akakpa ye̱ oyiteṅ.

⁹*Oke̱ oṅã ní osumoo̱ le̱ ahĩ ši ye̱ mīše̱ mli, ye̱ owala gbĩĩ ní dšee noko ní ehão ye̱ hũlũ šiši ne̱, ní dši ogbĩĩ ní dšee noko le̱ fẽ mli; edšake̱ owala ke̱ odeṅme ní ogboo̱ ye̱ hũlũ šiši ne̱ mli gbe̱fãṅnõ ní onáa dši no. [58]

¹⁰Nofẽno tšumo̱ ní onine aaše̱ no̱ le̱, oke̱ ohewale̱ atšu; edšake̱ nitšumo̱ lo yiṅſíemo̱ lo nilē lo ṅā ko be̱ gbohīĩadše heni oyaä le̱.

¹¹Misā mina ya hũlũ šiši, ake̱ dšee heoyátše̱mei anõ dši foidamo̱, ni dšee ekãto̱i hũ anõ dši ta, ni asaṅ dšee nilelo̱i anõi dši abolo, ni asaṅ dšee sanese̱ko̱lo̱i anõ dši nii ni asaṅ dšee ṅālo̱i anõ dši hĩenyam; ši ame̱fē le̱ be ke̱ ame̱šē̱ mli dše̱o̱. [59]

¹²Ši gbomo hũ lee ebe: tamo̱ lōi ní olōo̱ame̱ ye̱ yā fõṅ mli, lo lofõdši ni adũo̱ame̱ ye̱ tšõne mli le̱, nakai noṅṅ adũo̱ gbomei abii ye̱ be fõṅ mli, ké̱ ebaninaame̱ trukā le̱.

¹³Asaṅ ne̱ke̱ nilē ne̱ mina ye̱ hũlũ šiši, ni eda kple ye̱ mihĩe:

¹⁴maṅ bibiō ko ye̱ ni emli hĩĩ fáá, ni maṅtše̱ agbo ko batuale̱ ni ebo̱ nsra ewo ehe; ni etſa káwō-gbogboi wudši ewo he;

¹⁵ni ana nū ohĩafo nilelo̱ ko ye̱ mli, ni eke̱ enilē le̱ here maṅ le̱ etá ši; ši mokomoko kaii nakai nū ohĩafo le̱.

¹⁶Ke̱ke̱ ni mikē̱: Nilē hĩ fè hewale̱; kẽ-le̱ abuu ohĩafo nilē, ni ewiemo̱i hũ aboo toi.

¹⁷Nilelo̱i awiemo̱i ni ame̱wieo̱ ble̱ō le̱ anuo̱ fè no̱yelo̱ blo̱mo̱ ní eblo̱ö̱ ye̱ kwašiai ateṅ.

¹⁸Nilē hĩ fè tawūnii; ši ešafelo̱ kome fiteo̱ ekpakpa babaō.