Read luganda Iesaia 19 Bible Online

Iesaia 19 - luganda bible

Iesaia 19

¹*Mizraim kodšomo̱ he gbalo̱: Na, Iehowa tá atatu ní he yo̱ oyá no̱ ke̱-mība Mizraim: ni Mizraim yakayakawo̱dši le̱ ahe aakpokpo ye̱ ehĩe, ni Mizraim tšui aafã ye̱ emli. [133]

²Ni mahã Mizraimbii ate ši awo Mizraimbii, ni ame̱ke̱ ame̱he awuwui: mo ke̱ enyemi, mo ke̱ enanyo, maṅ ke̱ maṅ, maṅtše̱yelĩ ke̱ maṅtše̱yeli.

³Ni Mizraim mumo̱ aatã ye̱ emli, ni mahã edšinatō afe yaka. Ni ame̱ate ame̱yafe nii ye̱ ame̱yakayakawo̱dši ke̱ ame̱klamo̱i ke̱ ame̱kõmfoi ke̱ ame̱wo̱dšiatše̱mei hũ aṅõ.

⁴Ni maṅõ Mizraim mawo nuntšo̱mei yiwalo̱i adeṅ, ni maṅtše̱ ko ní sane wa aaye ame̱no̱, Nuntšo̱, Iehowa Zebaot, kē̱.

⁵Ni ṅšo̱ le̱ mli nu le̱ aamĩ, ni fā le̱ aatã ni emli aagbĩ;

⁶ni fāi le̱ aadše fũ, ni Mazor nudšō̱i le̱ aagbla ni ame̱mli aagbĩ; neṅ ke̱ gãlãi le̱ hũ aaṅãlã;

⁷ni dſe̱fo̱ ní yo̱ Nilo he ko̱ Nilo toii le̱ ke̱ nii fẽ ní adū ye̱ Nilo he le̱ aagbĩ ni eegbe̱ eſā ní eefite.

⁸Ni wole̱i le̱ hũ aafó ame̱mli, ni mei ni fōe̱ kpoṅ ye̱ fã le̱ṅ le̱ fẽ aaye ṅko̱mo̱, ni mei ní fõo̱ yā ye̱ nu le̱ mli le̱ ahĩe aaſie ši.

⁹Ni mei ní kpōo̱ ananaṅsē ke̱ mei ni lòo̱ klala le̱ ahĩe aagboi.

¹⁰Aakũmo̱ ekulašīṅi le̱ dukuduku, ni apāyelo̱i le̱ fẽ atšuii aye.

¹¹Zoan lumei le̱ kwašiai so̱ṅṅ ni, Farao ṅāwolo̱i ní le nii dšogbāṅ le̱ aṅāwō le̱ etšṍ buluiaṅāwō. Té tẽṅ ní nyekē̱o̱ Farao ake̱: Nilelo̱i abi dšimi, blema maṅtše̱mei le̱ abi dšimi le̱!

¹²Agbe̱ne̱ nẽgbe̱ onilelo̱i le̱ yo̱? Hã ame̱gbao ni ame̱hã ole Iehowa Zebaot yiṅ ni eto ye̱ Mizraim hewo̱ le̱!

¹³Zoan lumei le̱ etšṍmo̱ kwašiai! Ašišĩu Nof lumei le̱ hũ! Ni mei ni dši Mizraim akutšei le̱ akoṅte̱i le̱ ehã edũ gbe̱!

¹⁴Iehowa eṅõ *kũtũmpo̱o mumo̱ ewo Mizraim mli, ni ehã Mizraim edũ gbe̱ ye̱ enifemo̱nii le̱ fẽ mli, tamo̱ bo̱ni dā̃to̱lo̱ ko didãa ké̱ ēſe le̱. [134]

¹⁵Ni *yitšo lo lei, pãmpã lo gălã nyẽṅ noko sro̱to ko atšu ye̱ Mizraim. [135]

¹⁶Nakai gbĩ le̱ no̱ le̱ Mizraimbii aatšṍmo̱ tamo̱ yei, ni ame̱he aakpokpo ni ame̱aše gbeyei ye̱ Iehowa Zebaot nine ni ebahoso ewoame̱ le̱ hewo̱.

¹⁷Ni Iuda šikpoṅ le̱ he aaba gbeyei ahã Mizraim; mofẽmo ni aatšĩ etã atšõle̱ le̱ eeše gbeyei, ye̱ Iehowa Zebaot yiṅ ní eto ye̱ Mizraim he le̱ hewo̱.

¹⁸Nakai gbĩ le̱ no̱ le̱ Mizraim šikpoṅ le̱ no̱ mãdšĩ enumo̱ aawie Kanaan wiemo̱, ni *ame̱akãmo̱ Iehowa Zebaot kitãi; ni aatšé̱ ekome ake̱ Ir-Heres. [136]

¹⁹Nakai gbĩ le̱ no̱ le̱ afo̱lešãlate̱ ko aamã Mizraim šikpoṅ le̱ teṅ ahã Iehowa, ni okadite̱ ko hũ aamã ehũsũi le̱ ano̱ ahã Iehowa;

²⁰ni eetšṍ okadi ke̱ odase ehã Iehowa Zebaot ye̱ Mizraim šikpoṅ le̱ no̱: ni kē̱ ame̱blo̱ ame̱tšé̱ Iehowa ye̱ haolo̱i ahewo le̱, eetsũ yiwalaherelo̱ ke̱ hefãlo̱ ke̱-aba ame̱ṅō ní ebahereame̱.

²¹Ni Iehowa aadšie ehe ši atšõ Mizraim, ni Mizraimbii aale Iehowa ye̱ nakai gbĩ le̱ no̱, ni ame̱ke̱ afo̱le ke̱ nikēnii aaba-súmo̱le̱, ni ame̱awo Iehowa ši ni ame̱-aye no̱.

²²Ni Iehowa aatſia Mizraim nii: eetſia-ame̱ nii, ni esā eetšáame̱; ni ame̱akũ ame̱se̱ ke̱-aba Iehowa ṅõ, ni eeboame̱ toi, ni eetšáame̱.

²³Nakai gbĩ le̱ no̱ le̱ aadše gbe̱dšegbe̱ ke̱-adše̱ Mizraím ke̱-ate Ašur, ni Ašurnyo aaba Mizraim, ni Mizraimnyo hũ aate Ašur, ni Mizraimbii ke̱ Ašurbii aafe ekome asúmo̱ Iehowa.

²⁴Nakai gbĩ le̱ no̱ le̱ Israel aafe moni dši etẽ ní fata Mizraim ke̱ Ašur he, ni ame̱atšṍ dšō̱mo̱ ye̱ šĩkpoṅ le̱ teṅ.

²⁵Ni Iehowa Zebaot aadšō̱ame̱ ake̱: Aadšō̱ Mizraim ní dši mimaṅ le̱, ke̱ Ašur ní dši mininenā nitsumo̱ le̱, ke̱ Israel ní dší migbe̱fãṅnõ le̱. [137]