Read luganda Iesaia 22 Bible Online

Iesaia 22 - luganda bible

Iesaia 22

¹Ninā dšō̱ le̱ kodšomo̱ he gbale̱: Meni feo̱o ni oke̱ omei le̱ fẽ ekwo̱ ke̱-te *tsũi ayiteaṅ ne̱? [145]

²Bo ní omli eyi obõ ke̱ hōfemo̱, maṅ ke̱ emli kiṅkā̃, mliflimo̱ maṅ! Omli mei ni enyõnyõi le̱, dšee klante nā ame̱nyõ ye̱, ni dšee ta mli hũ ame̱gboi ye̱!

³Olumei le̱ fẽ-kwa edšo foi ke̱-te, ahĩee gãi tete ni amõmo̱ame̱! Mei ní ana ye̱ omli le̱ fẽ le̱ ame̱mīdšo foi ke̱-mīya šoṅṅ ni amõmo̱ame̱!

⁴Nohewo̱ le̱ mīkē̱: Nyefõami kwe̱-mo̱ ní mafó wā! Nyekagbaä nyehe nā ake̱ nyemīše̱dše mimī ye̱ mimaṅ biyō le̱ hĩekpãtãmo̱ le̱ hewo̱!

⁵Ši hōfemo̱ ke̱ no̱nānāmo̱ ke̱ butumo̱ gbĩ ni dše̱ Nuntšo̱, Iehowa Zebaot, ṅõ ni ye̱ ninā dšō̱ le̱ mli; ākũmo̱ gbogboi le̱, āblo̱ ke̱-mīya gõdši le̱ ano̱.

⁶Ni Elam hĩe gãimlibii akotoku ko̱ ſīlii ke̱ gbomei ke̱ okpo̱ṅo̱iatše̱mei ke̱-mība, ni Kir hũ mīdšie tše̱ṅ kpo;

⁷ni aaba mli ake̱ odšō̱i kpakpai le̱ amli aayimo̱ obõbõ ke̱ ſīlii so̱ṅṅ, ni okpo̱ṅo̱iatše̱mei le̱ hū aabo̱ nsra ye̱ agbó le̱ nā.

⁸Ni eedšie Iuda no̱hānõ le̱, ni nakai gbĩ le̱ ookwe̱ kō le̱ *šĩa le̱ mli tawūnii le̱. [146]

⁹Ni nyeana ake̱ David mã le̱ṅ gbogboi ní egblagblai le̱ fá, ni nyeabua šišigbe̱ *kpākpo le̱ mli nu le̱ nã. [147]

¹⁰Ni nyeakane Ierusalem tšũi le̱, ni nyeakũmo̱ *tšũi le̱ tete ni nyeke̱-wadše gbogbo le̱; [148]

¹¹ni nyeagba nudšō̱ ye̱ gbogboi enyo̱ le̱ ateṅ, koni nyeke̱-bua kpākpo momo le̱ṅ nu le̱ nā. Ši nyehĩe tšṍṅ moni fe ene̱ le̱, ni moni to ke̱-dše̱ dšeeṅmõ le̱, nyekwe̱ṅle̱ gbe̱.

¹²Ni nakai gbĩ le̱ Nuntšo̱, Iehowa Zebaot, aakpē mei ke̱-aba, ni ame̱bafó ni ame̱baye ṅko̱mo̱ ni ame̱še̱ ame̱yi ni ame̱mĩa kpekpe.

¹³Ši na, nyã́mo̱ ke̱ mliflimo̱ so̱ṅṅ ne̱: āgbegbē tšinai ni āgbegbē toi, āye lō ni anu wein: “Nyehãa *wo̱yea nii ni wo̱nua dā̃i; edšake̱ wó̱ be ne̱ wo̱gboi!” [149]

¹⁴Ni Iehowa Zebaot dšie ene̱ kpo ye̱ mitoiiaṅ ake̱: Le̱le̱ṅ ake̱ aṅõṅ ne̱ke̱ nõ-ša ne̱ afaṅnye ke̱-yaši beyino ní nyeagboi! Nuntšo̱, Iehowa Zebaot, kē̱.

¹⁵Bo̱ni Nuntšo̱, Iehowa Zebaot, kē̱ ne̱: Te ši ní oya ne̱ke̱ tšũlo̱ nukpa *Sebna ne̱ ní kwe̱o̱ šĩa le̱ ṅõ [ni oya-kē̱le̱ ake̱]: [150]

¹⁶Meni oyo̱ ye̱ bie̱? ni namo oyo̱ ye̱ bie̱ hewo̱ okpe̱ ofū̃he ye̱ bie̱ ne̱? Ekpe̱ efū̃he ye̱ heni kwo̱, ekpe̱ te̱sā mli eke̱fe ešihĩle̱he!

¹⁷Na, Iehowa baše̱o afõ, tamo̱ hewalo̱ še̱o̱ nõ fõo̱, ni eemõ omli tſé̱;

¹⁸kotamo̱ eekotao koklō, ni eeše̱o efõ šikpoṅ ní da naakpa ko no̱; dše̱i ooyagbo ye̱, ni onumnyam ſīlii le̱ aaka dše̱i, bo ni odši hĩegbĕle hã onuntšo̱ we le̱!

¹⁹Ni maſieo ke̱-adše̱ onitšumo̱ le̱ mli, ni aakpao ye̱ oyelihe le̱.

²⁰Ni aaba mli ye̱ nakai gbĩ le̱ no̱ ake̱ matšé̱ mitšũlo̱ *Eliakim, Hilkia bi le̱, ke̱-aba. [151]

²¹Ni mike̱ otade yū le̱ aawole̱, ni mike̱ ohe̱finõ le̱ aamīale̱, ni maṅõ ono̱yeli le̱ hũ mawo edeṅ, ní eetšṍ tše̱ ehã Ierusalembii le̱ ke̱ Iuda we le̱.

²²Ni maṅõ David we le̱ samfē le̱ mafõ ekōṅ no̱, ni ké̱ *egble le̱, moko be̱ ni aaṅã́, ni ké̱ eṅã́ le̱, moko be̱ ní aagble. [152]

²³Ni maṅõle̱ maka heko ni wa tamo̱ šiṅmlitšo, ni eetšṍ anumnyam maṅtše̱sẽi ehã etše̱ we le̱;

²⁴ni ake̱ etše̱ we le̱ anumnyam le̱ fẽ aatšotšõro eno̱, eseši ke̱ eſīei fẽ, ke̱ emlinibii bibii fẽ, ke̱-dše̱ kpudši ano̱ ke̱-yaši gbé̱i ano̱ fẽ.

²⁵No gbĩ lo̱ no̱ le̱, Iehowa Zebaot kē̱, šiṅmlitšo ní aṅõ-ka heko ní wa le̱, aafe wo̱ko̱wo̱ko̱, ni aafo afõ ši, ni dšatšu ní tšotšõro no̱ le̱ aafite; edšake̱ Iehowa ekē̱.