Read luganda Iesaia 24 Bible Online

Iesaia 24 - luganda bible

Iesaia 24

¹Na, Iehowa mihã šikpoṅ le̱ mīkã eflo ni ēfele̱ kpatã, ni etšṍ ehĩe eba ši, ni ẽgbe̱ eno̱bii le̱ ēſã.

²Ni bo̱ni afe maṅ le̱, nakai noṅṅ aafe oso̱fo; ni bo̱ni afe tšũlo̱ le̱, nakai aafe enuntšo̱; ni bo̱ni afe weyō le̱, nakai aafe ewura; ni bo̱ni afe nihelo̱ le̱, nakai aafe nihõlo̱; bo̱ni afe moni ke̱ nii faä le̱, nakai aafe moni faä nii; ni bo̱ni afe moni ahĩele̱ nyõmo̱ le̱, nakai aafe moni hĩe nyõmo̱.

³Šikpoṅ le̱ no̱ aakã eflo ni aahale̱ kwrā; edšake̱ Iehowa wie ne̱ke̱ wiemo̱ ne̱!

⁴Šikpoṅ le̱ mīye ṅko̱mo̱ ni ēṅãlã; dše le̱ṅ yi mītã ni ēṅãlã; šikpoṅ le̱ no̱ gbomei agboi le̱ mītã!

⁵Abule šikpoṅ le̱ ye̱ eno̱bii lo̱ ašiši; edšake̱ ame̱tõ mlai le̱, ni ame̱bule gbe̱nānii le̱, ni ame̱kũ nāno̱ kpãṅmo̱ le̱ mli.

⁶Hewo̱ le̱ lōmo̱ mīye šikpoṅ le̱, ni eno̱bii le̱ tĕre sõ; hewo̱ le̱ šikpoṅ le̱ no̱ bii le̱ egbĩ, ni mei fiō pe̱ eſe̱.

⁷Wein hē le̱ miye ṅko̱mo̱, ni weintšo le̱ hũ mīṅãlã, mei ni mli fliame̱ le̱ fẽ mīdõmo̱ ntšo̱i. [157]

⁸Mĩdši anyã́mo̱ le̱ edšo̱, mliflilo̱i le̱ ablo̱mo̱ le̱ se̱ efo, saṅkũi anyã́mo̱ le edšo̱. [158]

⁹Anuu wein afataa lala he, dā̃ ní wa hũ edšō ehã mei ní nuo̱ le̱.

¹⁰Akũmo̱ maṅ ni yo̱ sakasaka le̱, ni aṅã́mo̱ šĩai le̱ fẽ nā, ni mokomoko eyaa mli doṅṅ.

¹¹Āblo̱ ye̱ blohũi le̱ amli ye̱ wein hewo̱, ni mīše̱ fẽ enyõ ši kwrā, šikpoṅ le̱ no̱ nyã́mo̱ le̱ ete šoṅṅ.

¹²Maṅ le̱ noni eſe̱ pe̱ dši amaṅfõ, akũmo̱ agbói le̱ dukuduku.

¹³Edšake̱ bo̱ni baha ye̱ šikpoṅ le̱ no̱ ke̱ mãdšimãdši le̱ ateṅ ne̱, tamo̱ ahosoo̱ mũtšo, lo ayeo̱ weinyibii akpe̱kpe̱o, beni atše weinyibii le̱ etã le̱. [159]

¹⁴Mene̱mei aahole ame̱gbẽi ano̱ ni ame̱abo̱ oše, Iehowa agbodšē le̱ hewo̱ le̱ ame̱ke̱ mliflimo̱ aablo̱ ke̱-adše̱ ṅšo̱ṅgbe̱.

¹⁵Nohewo̱ le̱ nyewoa Iehowa hĩe nyam ye̱ bokã le̱, ni ṅšo̱kpo̱i le̱ ano̱ hũ, nyewóa Iehowa, Israel Nyoṅmo̱ le̱, gbe̱i le̱ no̱!

¹⁶Wo̱nu lalai ke̱-dše̱ šikpoṅ le̱ nāgbẽ-hei le̱ ake̱: Dšalo̱ le̱ hĩe aaba nyam! Ši mi le̱ mikē̱: Mītã lō, mĩtã lō! kpóo hãmil kũtũmpo̱foi miye kũtũmpo̱o, kũtũmpo̱foi miye kũtũmpo̱o pi!

¹⁷Gbeyei ke̱ bu ke̱ tšõne kã ši hão, bo moni oyo̱ šikpoṅ le̱ ne̱ le̱.

¹⁸Ni aaba mli ake̱ moni aadšo gbeyei sane le̱ nā foi le̱, eeyagbē ba le̱ mli; ni moni aadše kpo ke̱-dše̱ bu le̱ mli le̱, eeyadũ tšõne le̱. Edšake̱ aagble ṅwei samfe̱dši le̱ ni šikpoṅ le̱ šišitōi le̱ aahoso. [160]

¹⁹Wulemo̱ šikpoṅ le̱ wuleo̱, gblamo̱ šikpoṅ le̱ gblaä, hosomo̱ šikpoṅ le̱ hosoo̱. [161]

²⁰Šikpoṅ le̱ aadidã *tamo̱ dā̃to̱lo̱, eehoso tamo̱ ahĩmaṅka; ni eno̱tõmo̱ le̱ aatšī ye̱ eno̱, ni eegbē ši, ni eteṅ ši doṅṅ. [162]

²¹Ni aaba mli ye̱ nakai gbĩ le̱ no̱ ake̱ Iehowa aawo ṅwei ta le̱ nyõmo̱ ye̱ ṅwei, ke̱ šikpoṅ le̱ no̱ maṅtše̱mei le̱ hũ ye̱ šikpoṅ le̱ no̱; [163]

²²ni aawoame̱ tšũṅ, tamo̱ awoo̱ gbokle̱foi atšũṅ ye̱ bu mli, aaṅã́ ame̱yi awo gbokle̱ſoi atšũṅ, ni gbĩĩ babaō ee̱ dãni aawoame̱ nyõmo̱.

²³Ni nyoṅtšēre hĩe aagbo, ni hũlũ hĩe aaſie ši; edšake̱ Iehowa Zebaot aaye maṅtše̱ ye̱ anumnyam mli ye̱ Zion goṅ le̱ no̱ ke̱ Ierusalem ye̱ enukpai le̱ ahĩe. [164]