Read luganda Iesaia 25 Bible Online

Iesaia 25 - luganda bible

Iesaia 25

¹Iehowa, mi-Nyoṅmo̱ dšio. Mīkafoö, mīdšie ogbe̱i le̱ yi, edšake̱ otšu nākpe̱-nii. Oyiṅtō ni dše̱ blema bēbe le̱ emã ši šiṅṅ, ni ano̱kwale ni.

²Edšake̱ ohã maṅ le̱ efe koikoi, maṅ ni atſa gbogbo awo he le̱ etšṍ amanfō, maṅse̱hii amõ le̱ dšee maṅ doṅṅ, ni amãṅ doṅṅ gbīkogbĩko.

³Hewo̱ le̱ maṅ ko ni he wa aawo ohĩe nyam, dšeṅmãdši yiwalo̱i le̱ amaṅ le̱ aašeo gbeyei.

⁴Edšake̱ otšṍ mõ ohã nõnalo̱, otšṍ mō̃ ohã ohĩafo ye̱ efĩmo̱ mli, *abobāhe ye̱ ahum mli, ke̱ hō̃ṅ ye̱ latšā mli, be mli ní yiwalo̱i le̱ amumo̱ tamo̱ ahum ke̱ nyoṅmo̱ne̱mo̱ ní yio̱ gbogbo le̱.

⁵Bo̱ni latšā feo̱ ye̱ ṅă kpatā no̱ le̱, nakai oba maṅse̱bìi ahōfemo̱ le̱ ši; bo̱ni atatu hō̃ṅ mli latšā yo̱ le̱, nakai oba yiwalo̱i le̱ alala le̱ ši.

⁶Ni Iehowa Zebaot aaṅmẽ okplõ ye̱ goṅ ne̱ no̱ ahă mãdšimãdši fẽ: *fo̱nii ke̱ wein kpakpa, fo̱nii ke̱ wuiaṅfo̱, wein kpakpa ni atšere no. [165]

⁷Ni eedšĩe hĩehānõ ní aṅō-ha mãdšimãdši fẽ hĩe le̱, ke̱ muhō̱ ní alē̱ mli aha dšeṅmãdši fẽ no̱ le̱ ye̱ ne̱ke̱ goṅ ne̱ no̱.

⁸Eemĩ *gbĕle ke̱-ate nāno̱; ni Nuntšo̱ Iehowa †aatšumo̱ hĩeaṅ fẽ yāfónui, ni eedšie emaṅ le̱ hĩegbĕle le̱ ye̱ šikpoṅ mū le̱ fẽ no̱; edša-ke̱ Iehowa ekē̱. [166]

⁹Ni aakē̱ ye̱ nakai gbĩ le̱ no̱ ake̱: Na, wo̱-Nyoṅmo̱ le̱ ní wo̱hĩe kã eno̱, ake̱ eehere wo̱yiwala le̱ ne̱! Mone̱ dši Iehowa ní wo̱hĩe kã eno̱ le̱! Nyehãa wo̱nyã́a ni wo̱mli afliawo̱ ye̱ eyiwalaheremo̱ le̱ hewo̱! [167]

¹⁰Ši Iehowa ke̱ enine aaṅmẽ ne̱ke̱ goṅ ne̱ no̱, ni aanānā Moab no̱ ye̱ heni eyo̱ le̱, tamo̱ anāa dſe̱i no̱ ye̱ tumu no̱ nu mli le̱.

¹¹Ni eekpã enidši amli ye̱ ame̱teṅ, tamo̱ sĕrelo̱ kpãa enidšĩ amli ní eke̱-sẽreo̱ le̱; ni eehã ehewō le̱ ke̱ eninenā ṅā le̱ aba ši;

¹²ni ogbogboi ní wa ní ame̱kwŏ̱lo̱ le̱, eekūmo̱ nĩ eehã aba ši, ní eke̱ šikpoṅ sũ aye egbo.