Read luganda Iesaia 26 Bible Online

Iesaia 26 - luganda bible

Iesaia 26

¹Nakai gbĩ le̱ no̱ le̱ aala lala ne̱ ye̱ Iuda šikpoṅ le̱ no̱ ake̱: Wo̱ye̱ maṅ ni wa; eke̱ yiwalaheremo̱ efe ehe gbogboi ke̱ ehe káwõ-gbogboi. [168]

²Nyegblea agbói le̱, koni dšeṅmaṅ ni dša ní yeo̱ ano̱kwa le̱ abote mli! [169]

³Dſẽṅmo̱ ní mã ši šiṅṅ le̱, oohã ená hedšo̱le̱, hedšo̱le̱; edšake̱ ono̱ eṅõo̱ ehĩe efõo̱.

⁴Nyeṅõa nyehĩe nyefõa Iehowa no̱ dā; edšake̱ Nuntšo̱ Iehowa dši *nāno̱ te̱sā. [170]

⁵Edšake̱ mei ní trá ṅwei le̱, ebaä-ame̱ ši; maṅ ní kwo̱ lo̱, ebaäle̱ ši, ebaä-le̱ ši ke̱-baä šikpoṅ, ni eke̱ šikpoṅ sũ aye egbo̱;

⁶ake̱ nane aanā no̱; hē̃, nõnalo̱i anãdši ke̱ ohĩafoi ananefãmo̱i hũ.

⁷Dšalo̱ gbe̱ le̱ dša tromō̃; bo odšadšeo̱ dšalo̱ tempõṅ le̱ pe̱pē̱pe̱.

⁸Iehowa, wo̱mīkwe̱o gbe̱ ye̱ okodšomo̱i agbe̱ le̱ no̱ hũ; *wo̱susuma mīſe ogbe̱i ke̱ okaimo̱ le̱! [171]

⁹Misusuma ſeo̱o nyōṅ, mimumo̱ hũ ní yo̱ mimli le̱ taoo̱ bo mrã; edšake̱ kē̱ okodšomo̱i le̱ ba šikpoṅ le̱ no̱ le̱, dše le̱ṅ bii le̱ kaseo̱ dšale̱.

¹⁰Ké̱ adro efõṅfelo̱ tete le̱, ekasee dšale̱; ši moṅ, eyeo̱ sãdši fõdši ye̱ dšale̱ šikpoṅ le̱ no̱, ni ekwe̱e̱ Iehowa agbodšē le̱.

¹¹Iehowa, owó onine no̱, ši kẽle̱ ame̱naa; ši ame̱ana dšōmo̱ ní odšōo̱ ye̱ omaṅ le̱ he le̱, ni ame̱hĩe aagboi; la aašã ohenye̱lo̱i le̱.

¹²Iehowa, ooṅõ hedšo̱le̱ ohãwo̱; edša-ke̱ otšu wo̱nitšumo̱i le̱ fẽ ohãwo̱.

¹³Iehowa, wo̱-Nyoṅmo̱, nuntšo̱mei krokomei ebaye wo̱no̱, ni dšee bo ke̱ke̱; ši bo okome ogbe̱i le̱ atã wo̱o̱tšĩ!

¹⁴Gbohĩĩ le̱ ahĩe kāmo̱ṅ, sisai hũ eteṅ ši; edšake̱ owoame̱ nyõmo̱ ni okpãtã ame̱hĩe, ni ohã ame̱kaimo̱ fẽ elādše.

¹⁵Ohã dšeṅmaṅ le̱ yi efá, Iehowa, ohã dšeṅmaṅ le̱ yi efá, ohĩe eba nyam, ogble šikpoṅ le̱ hũsũi le̱ fẽ mli.

¹⁶Iehowa, kē̱ efĩ le̱, no ame̱hĩe tšṍo̱o; ké̱ otšo̱semo̱ le̱ kã ame̱no̱ le̱, ame̱fo̱seo̱ faikpamo̱ ame̱ſieo̱ ši. [172]

¹⁷Tamo̱ *yō ní hĩe mũsũ ni eše̱ efo̱mo̱be kẽmoo̱ ni eblo̱ö̱ yo̱ ekō̃mo̱ le̱ mli le̱, nakai wo̱ hũ wo̱yo̱ ye̱ ohĩe ne̱, Iehowa. [173]

¹⁸Wo̱ hũ *wo̱hĩe mũsũ, wo̱mīkẽmo̱; etamo̱ ake̱ wo̱fo̱ kō̱yo̱. Wo̱nyẽẽ šikpoṅ le̱ yiwala wo̱here, ni dše le̱ṅ bii le̱ hũ wo̱fo̱koame̱. [174]

¹⁹Omei ní *egboi le̱ ahĩe aakãmo̱, migbohĩĩ le̱ aate ši. Nyehĩe atšẽa, nyelaä yidšiemo̱ lalai, nye mei ní nyeyo̱ sũ mli le̱! Ši obó̱ le̱, la bó̱ ni, ni šikpoṅ le̱ aadšie sisai le̱ aſie. [175]

²⁰Ya, mimaṅ, ni oyabote opia le̱ mli, ni oṅã́ ošĩnā le̱ owo oyi; tēmo̱ ohe hĩṅme̱itſā-ō ko *ke̱-yaši beyino̱ ní mlifũ le̱ aaho! [176]

²¹Ši na, Iehowa mīdše kpo ke̱-mīdše̱ ehĩle̱he le̱ ni eyawo šikpoṅ le̱ no̱ bii anyõmo̱ ye̱ ame̱nišaianii le̱ ahewo̱; ni šikpoṅ le̱ aadšie elá le̱ kpo ni ehaṅ mei ni agbe ye̱ eno̱ le̱ ano̱ doṅṅ.