Read luganda Iesaia 27 Bible Online

Iesaia 27 - luganda bible

Iesaia 27

¹Nakai gbĩ le̱ no̱ le̱ Iehowa ke̱ eklante ní nā wa ni eda ni emli wa aawo leviatan ní dši onũfũ ní he yo̱ oyá ke̱ leviatan ni dši onũfũ lo̱go̱ligi le̱ nyõmo̱, ni eegbe drako ní yo̱ ṅšo̱ le̱ mli le̱. [177]

²Nakai gbĩ le̱ no̱ le̱ nyelaã ye̱ *weintrom fe̱fe̱o le̱ he ake̱: [178]

³Mi, Iehowa le̱, mabā yi, maſie no̱ nu hĩṅme̱itſā-fē-hĩṅme̱itſā; koni noko akafele̱, mabā yi nyõṅ ke̱ ſane.

⁴Mlifũ ko be̱ mimli. Miná ni kũle̱ kpitikpitii ke̱ ṅmeiĩ ke̱mi mīwu, kũle̱ mafã ke̱-yaninaame̱ ni mašã blublu tſēm!

⁵Dša ebabami abo, ni eke̱mi kpãtã; hē̃, hã eke̱mi akpãtã!

⁶Gbĩĩ ni baba le̱ amli le̱ Iakob aatšẽrẽ fãi, ni Israel hũ aagba afofro ni eefro̱ke, ni ame̱ke̱ yibii aawo dše le̱ṅ obõ to̱. [179]

⁷Ani eyile̱ tamo̱ bo̱ni eyi mei ní yile̱ le̱, alo egbele̱ tamo̱ bo̱ni agbe mei ní gbele̱ le̱?

⁸Beni oſiele̱ le̱, *susumo̱ nā oke̱le̱ ye ye̱; †gbĩ ní bokã kō̱yo̱ le̱ tſaä le̱ oke̱ kō̱yo̱ ní nä wa le̱ lōle̱ ke̱-te. [180]

⁹Nohewo̱ le̱ ene̱ ake̱-tšumo̱ Iakob nõša le, ni yibii fẽ ní ehe eša le̱ dšiemo̱ le̱ wo ne̱, beni efe efo̱lešãlate̱ le̱ be te̱i le̱ fẽ tamo̱ kālote̱i ní efuflu le̱, ni *wo̱ṅkōi le̱ ke̱ †hũlũ amãgãi le̱ mãmo̱ṅ ši doṅṅ. [181]

¹⁰Edšake̱ maṅ ní atſa gbogbo awo he le̱ etšṍ amaṅfõ, šihĩle̱he ní ašĩ afõ ši ni akwa tamo̱ ṅãno̱; tšinabii aaye nii ye̱ dše̱i, ni ame̱abumo̱ ši ye̱ dše̱i, ni ame̱aye ebāi le̱.

¹¹Ké̱ enidši le̱ gbĩ le̱, aakũmo̱; yei hũ aaba abale̱ lai ye̱ dše̱i ayašã. Edšake̱ ame̱dšee maṅ ko ni ko̱ö̱ sane se̱, hewo̱ le̱ moni feame̱ le̱ mũsũṅ etšõṅle̱ ye̱ ame̱he; ni moni šõame̱ le̱ enaṅame̱ mo̱bo̱.

¹²Ni aaba mli ye̱ nakai gbĩ le̱ no̱ ake̱ Iehowa aagbẽ eṅmā̃ le̱ ke̱-adše̱ Eufrate fā le̱ nā ke̱-yaši Mizraim fā le̱ nā, ni nye, Israelbii le̱, aako̱lo̱nye ekomekome.

¹³Ni aaba mli ye̱ nakai gbĩ le̱ no̱ ake̱ aakpã te̱tre̱mantre̱ wulu, ni mei ni elādše ye̱ Ašur šikpoṅ le̱ no̱ le̱ ke̱ mei ni aše̱re̱ame̱ aſie Mizraim šikpoṅ le̱ no̱ le̱ aaba, ni ame̱abadšá Iehowa ye̱ goṅ kroṅkroṅ le̱ no̱ ye̱ Ierusalem. [182]