Read luganda Iesaia 30 Bible Online

Iesaia 30 - luganda bible

Iesaia 30

¹Kpóo hã *bii kaniṅkadšelo̱i le̱, Iehowa kē̱, mei ní yaä adšina ní mibe̱ mli, ni ame̱-kpãṅo̱ kpãṅmo̱ ní Mimumo̱ le̱ be̱ mli, koni ame̱ṅõ eša ame̱fata eša he le̱! [201]

²Ame̱yiṅ ame̱te Mizraim, ni ame̱bii midãṅ gbē, koni ame̱ke̱ ame̱he ayakpasa Farao hewale̱, ni ame̱ba abo ye̱ Mizraim hō̃ṅ le̱ mli.

³Ši Farao hewale̱ le̱ aahã nyehĩe agboi, ni Mizraim hō̃ṅ le̱ṅ abobā aahã nyehĩe aſĩe ši.

⁴Edšake̱ ame̱lumei le̱ te Zoan, ni ame̱bo̱foi tšeiatše̱mei le̱ še̱ Hanes;

⁵ši ame̱fẽ ame̱hĩe aagboi ye̱ maṅ ni he be̱ se̱námo̱ ko hãame̱ le̱ hewo̱! ame̱yeṅ ame̱buaṅame̱ ni ame̱náṅ se̱ ko ye̱ ame̱he, ši moṅ hĩegbĕle ke̱ ahorabō̱ ke̱-ke̱ ame̱aná.

⁶Wuoyigbe̱ koloi le̱ akodšomo̱ he gbalo̱: Ame̱tšṍo̱ haomo̱ ke̱ hedšramo̱ šikpoṅ le̱ no̱, heni dšatayō ke̱ dšatanū dše̱o̱ baä le̱, heni šinõ ke̱ onũfũ flikilo̱ ní nā yo̱ la yo̱ le̱; ame̱lōo̱ ame̱nii ame̱-ſieo̱ tedšibii akotose̱, ni ame̱ke̱ ame̱dſetrii le̱ ſieo̱ yomai ase̱ aſũi ano̱ ke̱-yaä maṅ ko ní he be̱ se̱námo̱ hãame̱ le̱ ṅõ.

⁷Ši Mizraim yeli-ke̱-buamo̱ le̱ yakatſā ni, ni enyẽẽ nokonoko efe: nohewo̱ mitšé̱le̱ ake̱: *Nāfūtše̱ ní táa ši dĩṅṅ le̱! [202]

⁸Agbe̱ne̱ ya ni oyaṅmã ye̱ tāo no̱ ohãame̱, ni okadi ye̱ wolo mli, ni ekã ši ehã be ni baba le̱ dā ke̱-ya nāno̱.

⁹Edšake̱ maṅ atũatšelo̱ ni, bii amalelo̱i, ke̱ bii ní ekplẽẽ Iehowa mla le̱ toibō ni;

¹⁰mei ní kē̱o̱ ninalo̱i lo̱ ake̱: Nyekanaã nii! ke̱ gbaloi le̱ hũ ake̱: Nyekagbaä nii ní dša nyehãa wo̱! Nyeke̱wo̱ awiea nādo̱ko̱mo̱ wiemo̱i, nyegbaä šĩšĩumo̱ sãdši moṅ!

¹¹Nyedšea gbe̱ le̱ no̱, ni nyegbaä ke̱-dšea tempõṅ le̱ no̱; nyehãa Israel Mokroṅkroṅ le̱ adšea wo̱hĩe kwrā!

¹²Hewo̱ le̱ bo̱ni Israel Mokroṅkroṅ le̱ kē̱ ne̱: Ake̱-ní nyekwa ne̱ke̱ wiemo̱ ne̱, ni nyehĩe kã yiwale̱ ke̱ kũtũmpo̱o no̱, ni nyeſãa hū nyeſōo̱ no̱ tete

¹³hewo̱ le̱, ne̱ke̱ nõša ne̱ aatšṍ tamo̱ gbogbo ko ní kwo̱ mli gbálo̱ ní ekpa ni eheo̱ egbē ši ni ekū̃ baä trukã ye̱ hĩṅme̱itſā mli le̱.

¹⁴Ni eekũle̱ tamo̱ adſaä gbe̱šõlo̱ gbé̱ ní adſăraä lo̱ wo̱tšo̱wo̱tšo̱ ní aſe̱e̱ eko, ni anaa ṅe̱sũkó tete ye̱ ekoi le̱ ateṅ, ni ake̱-dše la ye̱ late̱ mli, lo ake̱-aye̱ nu ye̱ nubuṅ le̱.

¹⁵Ši bo̱ni Nuntšo̱ Iehowa, Israel Mokroṅkroṅ le̱, kē̱ ne̱: Se̱kũ ke̱ bā ke̱ *diṅṅ-femo̱ mli nyeyi aaná wala ye̱, kpōfemo̱ ke̱ hĩeno̱kãmo̱ mli nyeaná hewale̱ ye̱! ši nyekplẽẽ; [203]

¹⁶ni nyekē̱ ake̱: “Dabi! ši wo̱o̱trá okpo̱ṅo̱i ano̱ ke̱-dšo foi!” nohewo̱ le̱ foi kẽ nyeadšo! ni “wo̱o̱trá koloi ní he yo̱ oyá no̱!” nohewo̱ le̱ mei ní aatiunye le̱ hũ ahe aafe oyá!

¹⁷*Mei akpe aadšo foi ye̱ mokometō yiṅā̃ nā, nyeadšo foi ye̱ mei enumo̱ yiṅā̃ nā, ke̱-yaši beyino̱ ni nyeaſe tamo̱ tšo kakadaṅṅ ko ní mã goṅ ko yiteṅ, lo tamo aflaṅā ní mã goṅkpo ko no. [204]

¹⁸Ni nohewo̱ le̱ Iehowa mīmẽ, koni edronye, ni nohewo̱ le̱ ewó ehe no̱, koni enanyo mo̱bo̱; edšake̱ Iehowa le̱, kodšomo̱ Nyoṅmo̱ ni; adšō̱ mei fẽ ní mẽo̱le̱ le̱!

¹⁹Ši bo maṅ, ní oyo̱ Zion ke̱ Ierusalem: Ofóṅ doṅṅ! Dromo̱ moṅ eedroö ye̱ *oblo̱mo̱ gbē le̱ nā; amrõ pe̱ ní eenu le̱ eehereo no̱! [205]

²⁰Ni Nuntšo̱ le̱ aahãnye amanehũlũ abolo ke̱ haomo̱ nu moṅ, ši ake̱ otšõlo̱i le̱ etēṅ doṅṅ, ši ohĩṅme̱ii aana otšõlo̱i le̱;

²¹ni otoii hũ aana wiemo̱ ko ye̱ ose̱ ake̱: Gbe̱ le̱ ne̱! nyenyiea no̱! *ninedšŭrõgbe̱ nyetšṍ dšio, abe̱kughe̱ nyetšṍ dšio. [206]

²²Ni *nyeabule odſie̱te̱i amãgãi le̱ ahehā le̱, ke̱ ošika amãgãi le̱ aheſiemo̱ le̱; ooše̱re̱ oſie tamo̱ nyãṅemo̱ noko; ookē̱ame̱ ake̱: Nyedšea dše̱i! [207]

²³Ni eehã nyoṅmo̱ ane̱ aſie odũmo̱-nii ni odũ ye̱ ošikpoṅ le̱ no̱ le̱ ke̱ šikpoṅ le̱ nibānii le̱ amli niyenii le̱ no̱, ni eefe niyenii kpakpa ní ṅõ. Nakai gbĩ le̱ olẽ̱̀-koloi le̱ aaye nii ye̱ lẽ̱̀hei ní dăra;

²⁴ni tšinai ke̱ tedšibii le̱ ní tšuo̱ ṅmõdšiaṅ nii le̱ aaye niyenii ni yo̱ srẽm-srẽm, ní ake̱ tšene ke̱ šānõ éša mli.

²⁵Ni fāi wudši ke̱ fāi bibii aaba gõdši groṅṅi ke̱ goṅkpo̱i ní kwŏ̱lo̱ le̱ fẽ no̱ ye̱ ta mli gbē kpeteṅkple gbĩ le̱ no̱, beni mõdši ní kwŏ̱lo̱ le̱ aagbēgbē ši le̱.

²⁶Ni *nyoṅtšĕre kpe̱mo̱ aatamo̱ hũlũ kpe̱mo̱, ni hũlũ aakpe̱ toi kpawo, tamo̱ gbĩĩ kpawo mli kpe̱mo̱, gbĩ ní Iehowa aafīmo̱ emaṅ le̱ pilamo̱i ano̱, ni †eetšá ame̱yī le̱ nā fadši le̱. [208]

²⁷Na, Iehowa gbei le̱ dše̱ šoṅṅ miba, emlifũ le̱ mītšo, ni ēdše lasũ kpī; enābu eyi obõ ke̱ mlila, elile̱i tamo̱ la ní šãa nii.

²⁸Emnmo̱ ní emũo̱ le̱ tamo̱ fā ni eyi ke̱-batá kue̱, ni eke̱ hĩekpãtãmo̱šanõ aaša dšeṅmãdši le̱ amli, ni eke̱ gbe̱dū̃ daṅ-dade aawo mãdšimãdši le̱ adaṅ.

²⁹Nyeala lala ko tamo̱ bo̱ni alaä nyōṅ ké̱ āye gbĩdšūrõ kroṅkroṅ le̱; nyeaná tšuidšŭrõ hũ, tamo̱ mei ní nyieo̱ ke̱ ble̱-kpãmo̱ ke̱-yaä Iehowa goṅ le̱ no̱, ke̱-yaä Israel te̱sã le̱ ṅõ le̱.

³⁰Ni Iehowa aahã anu enumnyam gbē le̱, ni eehã ana enine ní baä ši le̱, ke̱ emlifũ ní nä wa ke̱ *lalilei ní šãa nii, ke̱ nyoṅmo̱ne̱mo̱ ke̱ ahum ke̱ nyoṅmo̱ṅte̱i. [209]

³¹Edšake̱ Iehowa gbē le̱ aahã Ašur he akpokpo, beni eke̱ tšo aayile̱ le̱;

³²ni tšo ni ato ni Iehowa ke̱-bayile̱ le̱, tſā-fẽ-tſā le̱ mĩdši ke̱ saṅkũi aafata he, ni eetšṍ eninefō̃ mli eke̱le̱ aawu.

³³Edšake̱ asā šā̃he ato dšeeṅmõ bē-be, asā ato maṅtše̱ le̱, ekwo̱, elē̱; laiku ní yo̱ dše̱i le̱ la ke̱ lai babaō ye̱ mli, ni Iehowa mumo̱ ní emũo̱ ní tamo̱ swō̱ fā le̱ aamã nā la. [210]