Read luganda Iesaia 32 Bible Online

Iesaia 32 - luganda bible

Iesaia 32

¹Na, maṅtše̱ ko baye maṅtše̱ ye̱ dšale̱ nā, ni lumei hũ, baye lumei ye̱ kodšomo̱ nā; [217]

²ni mofẽmo aatšṍ tamo̱ abobāhe ye̱ kŏ̱yo̱ nā ke̱ tēmo̱he ye̱ nyoṅmo̱ne̱mo̱ nā, tamo̱ fāi ye̱ ṅã kpatā no̱ lo te̱sā kple ko ní hãa hō̃ṅ ye̱ šikpoṅ gbĩṅ no̱.

³Ni aſílaṅ ninalo̱i ahĩṅme̱ii, ninulo̱i atoii hũ aanu nii dšogbāṅ;

⁴ni mei ní tšui yo̱ flòflò le̱ aakase nilē, ni momohalo̱i alile̱i aawie pe̱pē̱pe̱ ni emli aatše. [218]

⁵Atšé̱ṅ kwašia ake̱ ablade doṅṅ, ni šišiulo̱ hũ abuṅle̱ odše doṅṅ.

⁶Ši kwašia wieo̱ kwašiai awiemo̱, ni etšui hũ tšuo̱ nišaianii, ni ayeo̱ kũtũmpo̱o sane, ni ewieo̱ sakasaka ešio̱ Iehowa, ni ehãa moni hõmo̱ yeo̱le̱ le̱ susuma kãa eflo, ni moni kũmai yeo̱le̱ le̱ ehãã ená nu enu.

⁷Šišiulo̱ ṅă le̱, efõṅ ni; etoo̱ efõṅ he ṅā, koni eke̱ amale wiemo̱i akpãtã mei ní nii yo̱ mo̱bo̱ le̱ ahĩe, ké̱ ohĩafoi miwie noni dša tete le̱.

⁸Ši ablade le̱ abladei anii ahe edſẽṅo̱, ni abladei anii ahe hũ ekãa.

⁹Nye yei ní nyehe edšo̱nye le̱, nyetea ši nyeboa migbē toi! Nye biyei hũ, ní nyeyitšei kãmo̱ nyeyise̱ le̱, nyefea toi nyehãa miwiemo̱ le̱! [219]

¹⁰Wó̱se̱ afi ko le̱ nyehe aakpokpo, nye yei ní nyeyitšei kãmo̱ nyeyi se̱ ne̱; edšake̱ weinyibii atšemo̱ se̱ aafo, tšei ayibii anābuamo̱ baṅ doṅṅ.

¹¹Nye yei ní nyehe edšo̱nye le̱, nyehe adšoa, ni nye mei ní nyeyitšei kãmo̱ nyeyise̱ le̱, nyehe akpokpoa! Nyekplo̱a nyetadei ni nyehe akã ni nyeke̱ kpekpe aṅmõlõa nyehe̱i!

¹²Nyeašimo̱ nyetšitšii ye̱ ṅmõdši ní yo̱ fe̱o le̱ ahewo̱, ye̱ weintšei ní woo̱ yibii pī le̱ ahewo̱.

¹³Nmeii ke̱ kpitikpitii aakwẽ ye̱ mimaṅ le̱ šikpoṅ le̱ no̱, hē̃, ye̱ nyã́mo̱ maṅ le̱ mli mīše̱námo̱ tšũi le̱ fẽ ayiteaṅ!

¹⁴Edšake̱ aakwa mõdši le̱, ni aašĩ maṅ ní mli yo̱ so̱ko̱so̱ko̱ le̱ afõ ši, goṅkpo̱ le̱ ke̱ būmō̃ le̱ aatšṍmo̱ koloi abui ke̱-ate nāno̱, ke̱ ṅãṅ tedšii amīše̱nõ ke̱ kolokui alẽ̱̀he;

¹⁵ke̱-yaši beyino̱ ní aafo̱se *Mumo̱ ke̱-adše̱ ṅwei aſie wo̱no̱, ni †ṅãno̱ aatšṍ abō̱, ni aabu abō̱ hũ ake kō. [220]

¹⁶Ni kodšomo̱ aahĩ ši ye̱ ṅã le̱ ne̱, ni dšale̱ hũ aahe ši ye̱ abō̱ le̱ṅ.

¹⁷Ni nii ni dšale̱ le̱ aatšu dši hedšo̱le̱, ni dšale̱ le̱ mli se̱námo̱ dši hedšē̱mo̱ ke̱ toiṅdšo̱le̱ ke̱-ate nāno̱;

¹⁸ni mimaṅ le̱ aabi ši ye̱ hedšo̱le̱ šĩa, ke̱ šihĩle̱he ni yo̱ ſeſēſe, ke̱ hedšō̱mo̱he ní yo̱ kpō.

¹⁹Ši beni kō le̱ aagbē ši le̱, nyoṅmo̱ṅte̱i aane̱, ni aaba maṅ le̱ ši kwrakwra.

²⁰Adšō̱ nye mei ní nyedũo̱ nii ye̱ fāi fẽ nā, ni nyeṅmẽo̱ tšina ke̱ tedši nane gbe̱ le̱.