Read luganda Iesaia 33 Bible Online

Iesaia 33 - luganda bible

Iesaia 33

¹Kpóo hã bo fitelo̱ ní bo le̱ afitekoö, bo nihalo̱ ní bo le̱ ahakoö! Ké̱ ogbe fitemo̱ le̱ nā le̱, bo hũ aafiteo; ni ké̱ ofõ nihā le̱, ho hũ aaheo.

²Iehowa, dromo̱wo̱, ši bo gbe̱ wo̱kwe̱o̱! Tšṍ nine ohãame̱ dā lebi, ke̱ wo̱yiwalaheremo̱ hũ ye̱ fĩmo̱ be le̱ mli!

³*Mãdšimãdši dšoo̱ foi ye̱ hōfemo̱ gbē nā, ni ke̱ owó ohe no̱ le̱, dšeṅmãdši le̱ gbe̱o̱ ſãa. [221]

⁴Ni aakŏ̱lo̱ nyenomṅõnii, tamo̱ bālabiĩ kŏ̱lo̱ö̱ nii; ni tamo̱ bo̱ni otukpe̱i nyieo̱ tšukutšúku le̱, nakai aanyie tšukutšúku ke̱-aba no̱.

⁵Awó Iehowa no̱, edšake̱ ṅwei ehĩo̱; eke̱ kodšomo̱ ke̱ dšale̱ ewo Zion obõ.

⁶Ni šifĩmo̱ aaba ye̱ oyino̱ le̱, ke̱ yiwalaheremo̱ ke̱ ṅā ke̱ nilē babaō; Iehowa gbeyeišemo̱ dši edſetri.

⁷Na, ame̱kãkãlo̱i le̱ mīblo̱ ye̱ blohũiaṅ, hedšo̱le̱-bo̱foi le̱ mīfó naakpa.

⁸Gbe̱dšegbe̱i le̱ etša; anaa gbe̱nyielo̱i doṅṅ, ekũ kpãṅmo̱ lo̱ mli, egbe mãdši lo̱ ahe guo̱, ebuu gbomo ádesã ko.

⁹Šikpoṅ lo̱ miye ṅko̱mo̱ ni eṅălã; Lebanon hĩe egbo ni egbĩ kwrā; Šaron etšṍ tamo̱ ṅã ole̱ṅle̱, Bašan ke̱ Karmel hũ ekpla ame̱bāi eſie ši.

¹⁰Iehowa kē̱: Agbe̱ne̱ mate ši, agbe̱ne̱ mawó miyi no̱, agbe̱ne̱ mawó mihe no̱!

¹¹Nyehĩe dſe̱i mũsũ, nyebafo gbetšelii; nyemnmo̱ ní nyemũo̱ lo̱ dši la ni bašãnye!

¹²Ni aašã mãdši lo̱ ake̱ kālō, tamo̱ *ṅmei ní aflo̱ aſie ši ní ašãa ye̱ la mli. [222]

¹³Nye mei ní nyeyo̱ šoṅṅ le̱, nyenua nii ní mife le̱! ni nye mei ní nyebe̱ṅke̱ le̱, nyeyoa mihewale̱ le̱!

¹⁴Ešafelo̱i ní yo̱ Zion le̱ ahe mīkpokpo, ni ṅmiṅmi emõmo̱ osatofoi le̱ [ame̱-kē̱o̱ ake̱]: Wo̱teṅ namo aahĩ la ní šãa nii mase̱i? ni wo̱teṅ namo aahĩ la ni etšẽ ke̱-yaã nāno̱ le̱ mase̱i?

¹⁵Moni nyieo̱ yo̱ dšale̱ mli, ni ewieo̱ nii ni dša; moni hĩo̱ w̌eiyeli mli nii, ni ekplaä edeṅ, koni ekata nyōṅnii ahe; moni tšĩmoo̱ etoii ni ekanu lá šiſĩemo̱ he sane, ni emĩaä ehĩṅme̱ii, koni ekana nõfõṅ le̱: [223]

¹⁶le̱ le̱ eebi ṅwei šoṅṅ, te̱sāi amli mõdši aatšṍmo̱ ebobāhe; aaṅõ eniyenii ahãle̱, enu hũ emĩṅ.

¹⁷Ohĩṅme̱ii aana *maṅtše̱ le̱ ye̱ ehe-fe̱o le mli, ame̱ana šikpoṅ ní lẽ te̱trē̱. [224]

¹⁸Otšui aadſẽṅ ṅmiṅmi le̱ he: nẽgbe̱ moni kaneo̱ šika le̱ yo̱? nẽgbe̱ moni ṅmẽo̱ le̱ yo̱? nẽgbe̱ moni kanee̱ mõdši le̱ yo̱?

¹⁹Ši onaṅ maṅ ní sane wa le̱, maṅ ní *ewiemo̱ wa ní anuu, ní wieo̱ ke̱ momohā lile̱i ni anaa šiši le̱. [225]

²⁰Kwe̱mo̱ Zion, ni dši wo̱gbĩdšŭrõyeli maṅ le̱, ni ohĩṅme̱ii aana Ierusalem, šĩa ní yo̱ ſeſēſe, bū ni atšii, ní afãmo̱o̱ ehe šiṅmlitšei le̱ gbĩkogbĩko, ní ehe tãṅkpēi le̱ eko eko tšee le̱.

²¹Ši Iehowa ni dši anumnyamtše̱ le̱ aahĩ ši ye̱ dše̱i ahãwo̱, tamo̱ noni fãi ke̱ nsutẽṅi ní lē̱ ebo̱lewo̱, ni ahiṅke̱se ke̱ emli tablõi nyẽṅ dše̱i aya, ni le̱le̱ wulu ko nyẽẽ afo.

²²Edšake̱ Iehowa dši wo̱kodšolo̱, Iehowa dši wo̱tatše̱, Iehowa dši wo̱maṅtše̱, le̱ noṅṅ eehere wo̱yiwala.

²³Otãṅkpēi le̱ amli egbo̱dšo̱, ame̱nyẽẽ le̱le̱ṅtšo le̱ ame̱hĩe, ame̱nyẽẽ aabalã le̱ ame̱ši! No le̱ aadša nomṅõnii ni aha babaō le̱ mli, obubuafoi tete aaha nii.

²⁴Ni maṅbii le̱ ateṅ moko ekē̱ṅ ake̱: *Migbo̱dšo̱! Edšake̱ mei ní yo̱ mli le̱, aaṅõ ame̱nišaianii le̱ afa-ame̱. [226]