Read luganda Iesaia 34 Bible Online

Iesaia 34 - luganda bible

Iesaia 34

¹Nye dšeṅmãdši, nyetšia nyebe̱ṅke̱a ni nyenua; nye mãdšimãdši hũ, nyeboa toi! Hã šikpoṅ ke̱ emlinii le̱ fẽ, dše le̱ ke̱ nii fē ní kwẽo̱ ye̱ mli le̱ anu!

²Edšake̱ Iehowa mli efũ dšeṅmãdši le̱ fẽ ni egri ewo ame̱tai le̱ fẽ; efeame̱ musu, eke̱ame̱ ehã ni agbeame̱.

³Ni *aaše̱re̱ ame̱mei ni enyõnyõi le̱ aſĩe, ni ame̱gbohĩĩ le̱ aadše fũ, ni gõdši le̱ aasĕre ke̱ ame̱lá le̱. [227]

⁴Ni ṅwei asafo le̱ fẽ aafite, *aakota ṅwei tamo̱ wolo, ni esafo le̱ fẽ aaṅălã, tamo̱ bo̱ni băi ṅălãa ye̱ weintšo no̱, lo tamo̱ boni agbãmitšo yi bāi ṅălãa le̱. [228]

⁵Edšake̱ miklante le̱ eto dā̃ ye̱ ṅwei; na, ebayi *Edom no̱, ebaba maṅ ni mifele̱ musu le̱ no̱ ebakodšo. [229]

⁶Iehowa klante le̱, lá so̱ṅṅ ewu he, fo̱ so̱ṅṅ eha he, tōgwanteṅbii ke̱ tõkpakpoi alá, ke̱ tōagboi asabai ahe fo̱; edšake̱ Iehowa mīšã afo̱le ye̱ Bozra, ni ēgbe gbē kpeteṅkple ye̱ Edom šikpoṅ le̱ no̱.

⁷Ni wuoi ke̱ame̱ aanyõnyõi, ke̱ tšinahĩĩ ke̱ tšina osaii hũ, ni ame̱šikpoṅ le̱ aato̱ ke̱ lá, ni ame̱sũ le̱ aafe ṅĕlẽṅṅ ke̱ fo̱ so̱ṅṅ.

⁸Edšake̱ Iehowa *oweletō̱ gbĩ ni, ke̱ nãdšiaṅtō afi ní eke̱-baye Zion sane ehã le̱. [230]

⁹Ni emli fāi le̱ aatšṍmo̱ amã, ni dše̱i sũ hũ aatšṍ swō̱, ni ešikpoṅ le̱ aatšṍ amã ní tšoo̱; [231]

¹⁰egboṅ nyōṅ ke̱ ſane fẽ, *elasũ aate ši ke̱-ate nāno̱, ni eetšṍ amaṅfõ ye̱ yino̱i fẽ no̱, ni mokomoko tšṍṅ dše̱i ke̱-ate nāno̱; [232]

¹¹ši kpokukpoku ke̱ ko̱to̱ko̱i aaṅõ dše̱i afe ame̱nō, ni patui ke̱ kwãkwãlabitei aahĩ dše̱i; ni eeṅmẽ ole̱ṅle̱ kpã ye̱ no̱, ni eke̱ amaṅfõ kŭlomŭlo aato he;

¹²ni ame̱bladei le̱ hũ, moko be̱ ní aašie̱ maṅtše̱yeli le̱; ame̱lumei le̱ fẽ le̱, ame̱dšee noko doṅṅ.

¹³Ni ṅmeii aakwẽ ye̱ ame̱mõdši le̱ amli, sãnsrõi ke̱ aṅlẽṅlẽi hũ aakwẽ ye̱ ame̱mōdši ní wa le̱ amli, ni eetšṍ ṅăṅgbẽi *ašihĩle̱he, ke̱ dugumai aniyelihe. [233]

¹⁴Ni ṅãṅ koloi ke̱ klãdši aabakpe ye̱ dše̱i, ni sasabonsami hũ anā aakpe ši; nyōṅ-sisa aahĩ dše̱i, ni eená hedšō̱mo̱he ye̱ dše̱i. [234]

¹⁵Ahurutia aafe etšũ ye̱ dše̱i ni eeṅmẽ ni eebu no̱ ni eefo̱ ye̱ ehō̃ṅ le̱ṅ, ni akromãi aabua ame̱he nā, mone̱ ke̱ mone̱, ye̱ dše̱i.

¹⁶Nyetaoa ye̱ Iehowa wolo le̱ṅ ni nyekanea: nii ne̱ ateṅ ekomeflo eſe̱ṅ, eko eko hefatalo̱ ebo̱ṅle̱; edšake̱ minābu efã́, ni emumo̱ le̱ dši moni buaä nā.

¹⁷Ni le̱ noṅṅ efō ošiki ehãame̱, ni enine dša mli hãame̱ ye̱ susumo̱ kpã nā: eetšṍ ame̱nõ ke̱-ate nāno̱, ni ame̱ahĩ dše̱i ye̱ yino̱i fẽ no̱.