Read luganda Iesaia 43 Bible Online

Iesaia 43 - luganda bible

Iesaia 43

¹Ši agbe̱ne̱, bo̱ni Iehowa ní bo̱ bo, Iakob, ni ešõ bo, Israel, le̱ kē̱ ne̱: Kāše gbeyei, edšake̱ mikpõo; mitšé̱o ke̱ ogbe̱i; minõ dšio!

²Edšake̱ ke̱dši ōfo nu le̱, mike̱o ye̱, ni ke̱dši ōfo fāi hũ, ame̱suṅo. Ke̱dši onyie la mli le̱, ošãṅ, ni lalile̱i hũ ešãṅo. [292]

³Ši mi, Iehowa, midši o-Nyoṅmo̱ le̱, Israel Mokroṅkroṅ, oyiwalaherelo̱ le̱! Miṅõ Mizraim mihā ake̱ okpõmo̱nii, ke̱ Kuš ko̱ Seba hũ *ye̱ onãdšiaṅ. [293]

⁴Ake̱-ni odšra wa ye̱ mihĩe ni ohĩe eba nyam, ni mi le̱, misumoo̱ osane hewo̱ le̱, mike̱ gbomei aahã ye̱ onãdšiaṅ, ke̱ mãdšimãdšĩ hũ ye̱ owala hewo̱.

⁵*Kāše gbeyei, ši mi, mike̱o yo̱; maṅõ oseši ke̱-adše̱ bokã ke̱-ba, nĩ mabua onā ke̱-adše̱ anaĩgbe̱; [294]

⁶makē̱ kōyigbe̱ ake̱: Dšiemō̱ ohã! ke̱ wuoyigbe̱ hũ ake̱: Kātšī nä! Ṅõ mibihĩĩ le̱ ke̱-dše̱ šoṅṅ ke̱-ba, ke̱ mibiyei le̱ hũ ke̱-dše̱ šikpoṅ le̱ nãgbēhe le̱;

⁷mofēmo ní aṅõ *migbe̱ĩ awole̱, moni mibo̱le̱ mihã minumnyam, moni mišõle̱ ni miſele̱ le̱! [295]

⁸Oke̱ maṅ ſilafo ní yo̱ hĩṅme̱ii le̱ aba, ke̱ toimũlo̱i hũ ni yo̱ toii le̱! [296]

⁹Hã dšeṅmãdši le̱ fẽ nā abakpe ši, ni mãdšimãdši le̱ hũ abua ame̱he nā. Ame̱teṅ *namo aanyẽ ene̱ adšadše, ni eehã wo̱nu tšutšu sãdši le̱? Ame̱hã ame̱dasefoi le̱ aba, ní abuame̱ bem, ni ame̱nu, ni ame̱kē̱ ake̱: Eye̱ mli! [297]

¹⁰Iehowa kē̱, nyedši midasefoi, ke̱ *mitšũlo̱ ní mihala, koni nyele, ní nyehemi nyeye, ní nyená nyele ake̱ mi noṅṅ ni. Atšṍko mihĩe ašõko nyoṅmo̱ ko, ni eko eko baṅ ye̱ mise̱! [298]

¹¹Mi, mi noṅṅ, midši Iehowa le̱, ni yiwalaherelo̱ ko be̱, dša mi! [299]

¹²Mi noṅṅ midšadše, ni mihere mei ayiwala, ni mihã anu hũ, ni mokpõṅ ko be̱ nyeteṅ; nohewo̱ le̱ *nyedši midasefoi, Iehowa kē̱, ni mi, midši Mawu le̱! [300]

¹³Dãni gbĩ ko aaba dšeṅ le̱ mi noṅṅ ni, ni moko be̱ ni aadšie mo ye̱ mideṅ; ké̱ mife noko le̱, namo aakũ nā?

¹⁴Bo̱ni Iehowa, nyekpõlo̱ le̱, ní dši Israel Mokroṅkroṅ le̱, kē̱ ne̱: Nyehewo̱ mitšũ ke̱-te Babel tō̃, ni miṅõ ame̱fẽ mitſia ši ake̱ foidšelo̱i, ke̱ Kaldeabii le̱ hũ ye̱ ame̱nyã́mo̱ le̱dši le̱ amli.

¹⁵Mi, Iehowa, dši nye-Mokroṅkroṅ le̱, Israel bo̱lo̱ le̱, nyemaṅtše̱ le̱.

¹⁶Bo̱ni Iehowa, — moni *dše gbe̱ ye̱ ṅšo̱ le̱ mli, ke̱ tempõṅ hũ ye̱ nui ní nā wa le̱ amli le̱, [301]

¹⁷moni dšie ſīlii ke̱ okpo̱ṅo̱i ke̱ ta ke̱ hewale̱ kpo, ni ame̱fẽ-tſẽm ame̱kãmo̱ ši ni ame̱tee ši doṅṅ, ni ame̱tã, ni ame̱gboi tamo̱ kane mli odonti le̱, — kē̱ ne̱:

¹⁸Nyekakaia tšutšu sãdši le̱, ni nyekadſẽṅa kleṅkleṅnĩi le̱ ahe hũ!

¹⁹Na, mibafe noko hē, ebapue amrõ ne̱: aso nyenáṅ nyele? Hē̃, madše gbe̱ ye̱ ṅā le̱ no̱, ke̱ *fāi hũ ye̱ ṅã ole̱ṅle̱ le̱ no̱. [302]

²⁰Ṅãṅ koloi tete aawo mihĩe nyam, ṅãṅgbēi ke̱ dugumai fẽ; edšake̱ mahã nu aba ṅã le̱ no̱, ke̱ fāi hũ ye̱ ṅã ole̱ṅle̱ le̱ no̱, ni mahã mimaṅ le̱, mei ní mihala le̱, anu.

²¹Maṅ ní mišõ mihã mihe, koni ame̱gba miyidšiemo̱ le̱. [303]

²²Kẽle̱ bo, Iakob, otšé̱é̱mi, ni bo, Israel, ogbaa ohe nā ye̱ mihe!

²³Oke̱ ošā̃-afo̱le tōi le̱ ebahããmi, ni asaṅ oke̱ ofo̱lei le̱ woo mihĩe nyam; mi-ke̱ niyenii-afo̱lei gbaa onā, ni mihãã ato̱o ke̱ kro̱be̱o; [304]

²⁴oke̱ odſie̱te̱i hee kalamo ohããmi, ni ohãã mato̱ ke̱ ofo̱lei afo̱ le̱; moṅ, oke̱ ohe ešai le̱ haomi, ni ohã etomi ke̱ onišaianii le̱!

²⁵Mi noṅṅ midši moni gbeo̱ ono̱-tõmo̱i le̱ ye̱ midientše̱ mihewo̱, ni ohe ešai le̱ hũ mikaiṅ doṅṅ. [305]

²⁶Kaimo̱mi, ní wo̱kodšo; dšadšemo̱ osane le̱, koni abuo bem! [306]

²⁷Okleṅkleṅ tše̱ le̱ fe eša, ni mei ní damoo̱ mli hãao le̱ tõ mino̱: [307]

²⁸hewo̱ le̱ mibule hekroṅkroṅ le̱ lumei le̱, ni mife Iakob musu, ni mike̱ Israel hã heguo̱gbē.