Read luganda Iesaia 47 Bible Online

Iesaia 47 - luganda bible

Iesaia 47

¹Kplekemo̱ ši, ni obatá mlu mli, bo oblayō, Babel biyō! Tá šikpoṅ, maṅtše̱sẽi ko be̱, bo Kaldeabii abiyō! Ši akãṅ he atšé̱ṅo odše ke̱ *moni ahĩele̱ do̱dō̱do̱ doṅṅ. [343]

²Kŏ̱lo̱mo̱ w̌ie̱bii moṅ ni oyaw̌ie̱ mã, dšiemo̱ ohīehānõ le̱, wó omama yū le̱ no̱, dšiemo̱ oſuo̱ kpo, ní oyafo fāi!

³Aadšie *oyayaiaṅ kpo, aana ohĩegbĕle le̱! Mato̱ owele, ni gbomo ko etšīṅ minā! [344]

⁴Wo̱kpõlo̱ le̱, Iehowa Zebaot dši egbe̱i, Israel Mokroṅkroṅ le̱!

⁵Tá ši diō ni obote duṅ mli, bo Kaldeabii abiyō! Ši akãṅ he atšé̱ṅo ake̱ maṅtše̱yelii le̱ awura doṅṅ!

⁶Mimli wo mimaṅ le̱ la, mibule mino̱yelinõ le̱, ni mike̱ame̱ wo odeṅ: omũsũṅ etšõõo ye ame̱he, ohã opã le̱ tšī ye̱ nūmo po no̱; [345]

⁷ni okē̱: Mafe awura ke̱-yaši nāno̱! hewo̱ le̱ oke̱ nii ne̱ woo otšuiṅ, ni odſẽṅṅ enãgbēhe.

⁸Nohewo̱ le̱ agbe̱ne̱ bo ene̱ toi, bo ni osumoo̱ dšeṅṅõmo̱ yeli, ní otá ši ni ohe edšo̱o, ni *okē̱o̱ ye̱ otšui mli ake̱: Mi dši mi, ni mise̱ le̱ moko be̱ doṅṅ, mitáṅ ši ake̱ yō okũlafo, ni mileṅ bo̱ni akpakpāa mo bii yo̱ ehe. [346]

⁹Ši nibii enyo̱ no̱ aaba ono̱ trukã ye̱ gbĩ kome no̱, aakpakpã obii ye̱ ohe ni ootšṍ okũlafo hũ; ene̱mei fẽ aaba ono̱ ye̱ okũnyāyelii ní fá le̱ ke̱ okable̱fĩmo̱i babaō le̱ mli.

¹⁰Edšake̱ oke̱ ohĩe fõo̱ onifõdšianii le̱ ano̱, okē̱o̱ ake̱: Moko enaami! Oṅā ke̱ onilē lo̱ ehã odũ gbe̱, ni okē̱o̱ ye̱ otšui mli ake̱: Mi dši mi, ni mise̱ le̱ moko be̱ doṅṅ!

¹¹Nohewo̱ lo̱ efōṅ aaba ono̱, oleṅ bo̱ni oofe okpa ye̱ ono̱; ni ošrã aašrão, ni onyẽṅ okpãtã; ni hĩekpãtãmo̱ aaba eno̱ trukā ní olee be.

¹²Agbe̱ne̱ te ši odamo̱ ši ke̱ okable̱fĩmo̱i, ke̱ *okūnyāyeliĩ babaō ní ogbo he deṅme ke̱-dše̱ ogbekẽbiiaši le̱: ake̱ aleenõ oonyẽ oke̱-fe noko, ake̱ aleenõ ohe aafe gbeyei lo! [347]

¹³Oṅāwō pī le̱ ehã eto̱o: hã mei ní le ṅwei nii le̱ ke̱ ṅulamiiaṅkwe̱lo̱i le̱ ni ké̱ nyõṅ dše ni ame̱tšõo̱ nii ní baba ono̱ le̱ ate ši, ni ame̱here oyiwala!

¹⁴Na, ame̱tamo̱ gbetšelĩĩ, la aašãame̱: ame̱nyẽṅ ame̱he ame̱dšie ke̱-dše̱ lalilei le̱ deṅ; edšee ṅãi-ke̱-la ní aw̌ereo̱, lo la ko ni atráa he.

¹⁵Mei ní ogbo ame̱he deṅme le̱, bo̱ni ame̱batšṍmo̱ ame̱hão ne̱, mei ní ke̱o ye dšra ke̱-dše̱ ogbekẽbiiaši le̱ ateṅ mofẽmo aadũ gbe̱ ke̱-ate enõ mli; mokomoko be̱ ni aahere oyiwala.