Read luganda Iesaia 56 Bible Online

Iesaia 56 - luganda bible

Iesaia 56

¹Bo̱ni Iehowa kē̱ ne̱: Nyeyea kodšomo̱ no̱, ni nyefea dšalenii; ši miyiwalaheremo̱ le̱ eše̱ ši etã, ni midšale̱ le̱ hũ abadšiele̱ kpo.

²Adšō̱ ádesã ni feo̱ ene̱ le̱, ke̱ gbomobi ni mõo̱ mli le̱, moni yeo̱ *hedsō̱mo̱gbĩ le̱ ni ebuleele̱, ni edšieo̱ enine ke̱-dše̱o̱ efõṅfemo̱ he le̱! [431]

³Ni *gbo̱ ní ke̱ ehe ebakpe̱te̱ Iehowa le̱ akakē̱ ake̱: Iehowa badšiemi ke̱-dše̱ emaṅ le̱ mli; ni †osai hũ akakē̱ ake̱: Na, mi le̱, tšo gbĩṅ dšimi! [432]

⁴Ši bo̱ni Iehowa kē̱ ne̱: Osaii ni yeo̱ mihedšō̱mo̱gbĩĩ le̱, ní ame̱halaä nii ní sa mihĩe le̱, ní ame̱mõe̱ mikpãṅmo̱ le̱ mli le̱:

⁵mahãame̱ kaimo̱nõ ke̱ gbe̱i ní hĩ fè bihĩĩ ke̱ biyei ye̱ miwe le̱ ke̱ migbo-gboi le̱ amli; mahãame̱ nāno̱ gbe̱i ní fiteṅ!

⁶Ni gbo̱i ní ke̱ ame̱he bakpe̱te̱o̱ Iehowa he ni ame̱súmoo̱le̱ ni ame̱sumoo̱ Iehowa gbe̱i le̱, ni ame̱tšṍmoo̱ etsũdši le̱: mofẽmo ní yeo̱ hedšō̱mo̱gbĩ le̱ ni ebuleele̱, ni emõo̱ mikpãṅmo̱ le̱ mli le̱,

⁷ame̱ hũ mike̱ame̱ aaba migoṅ kroṅkroṅ le̱ no̱, ni mahã amenyã́ ye̱ miso̱lemo̱we le̱: ame̱šã-afo̱lei ke̱ ame̱gbē-afo̱lei le̱ aasa mihĩe ye̱ mifo̱lešālate̱ le̱ no̱; edšake̱ *miwe le̱, aatšé̱le̱ so̱lemo̱ we ahã mãdšimãdši fẽ. [433]

⁸Nuntšo̱ Iehowa, ní buaä Israel mei ní aše̱re̱ame̱ aſie le̱ anā le̱, wiemo ne̱. Masā mabua mei anā maši mei ní abua ame̱nā le̱ ano̱!

⁹Nye ṅãno̱ koloi fẽ, ke̱ nye kō mli koloi fẽ, nyebaä nyebayea!

¹⁰*Ebulo̱i le̱, ſilafoi dšiame̱, ame̱fẽ-tſẽm ame̱lee nokonoko; ame̱fẽ le̱, gbēi mumuii dšiame̱, amenyẽẽ ame̱blo̱; wo mli wielo̱i ni, ame̱kãmoo̱ ši, ni ame̱sumoo̱ wo̱dōiwo̱. [434]

¹¹Ni gbēi le̱ fulo̱i ni, ame̱lee mito̱! Ni mene̱mei hũ tōkwe̱lo̱i ni, ši ame̱be̱ dſẽṅmo̱; ame̱fẽ ame̱kŏ̱lo̱ ame̱gbē̱i, *mofẽmo mitao ese̱námo̱ ye̱ hefẽhe. [435]

¹²Ame̱kē̱o̱ ake̱: “Nyebaä, miyawó wein ke̱-ba, ní wo̱nu dā̃ babaō, ni wó̱ hũ aafe tamo̱ ṅme̱ne̱ noṅṅ, gbĩ wulu ní da *ke̱-teke ne̱!” [436]