Read luganda Iesaia 62 Bible Online

Iesaia 62 - luganda bible

Iesaia 62

¹Zion hewo̱ le̱ mimũaṅ minā, ni Ierusalem hewo̱ le̱ mĩdšō̱ṅ mihe, ke̱-yaši beyino̱ ní edšale̱ le̱ aadše kpo tamo̱ dsetše̱remo̱ kpe̱mo̱, ni eyiwalaheremo̱ aatšo tamo̱ ko̱ti.

²Ni dšeṅmãdši aana odšale̱ le̱, ni maṅtše̱mei fẽ aana onumnyam le̱, ni ake̱ *gbe̱i hē ni Iehowa nãbu aawo bo le̱, aatšé̱o. [480]

³Ni ootšṍ akekre fe̱fe̱o ye̱ Iehowa deṅ ke̱ maṅtše̱fai ye̱ o-Nyoṅmo̱ le̱ deṅ.

⁴Atšé̱ṅo *“moni akwale̱” doṅṅ, ni ošikpoṅ le̱ hũ, atšé̱nle̱ “amaṅfõ” doṅṅ, ši moṅ aatšé̱o ake̱ †“mitšuihe gbomo”, ke̱ ošikpoṅ le̱ hŭ ake̱ “kpēmo̱yō”; edšake̱ Iehowa ená ohe tšuidšŭrõ, ni ošikpoṅ le̱ hũ, aakpēle̱. [481]

⁵Edšake̱ take̱ bo̱ni oblanyo kpēo̱ oblayō le̱, nakai noṅṅ obii le̱ aakpẽo; ni tamo̱ bo̱ni ayemforowu nyã́a eyemforo he le̱, nakai o-Nyoṅmo le aanyã́ ohe. [482]

⁶Mito *bulo̱i ye̱ ogbogboi le̱ ano̱, Ierusalem; ſane ke̱ nyōṅ fẽ le̱ ame̱mũaṅ ame̱nā; nye mei ní nyekaio̱ Iehowa le̱, nyekadšō̱a nyehe! [483]

⁷ni nyekahãale̱ hedšō̱mo̱, ke̱-yaši beyino̱ ní eeṅõ Ierusalem emã ši, ni eehã etšṍ yidšiemo̱ ye̱ šikpoṅ le̱ no̱!

⁸Iehowa ekã eninedšŭrõ ke̱ ehewale̱ nine le̱ kitã ake̱: Le̱le̱ṅ ake̱ mike̱ oble le̱ hãṅ ohenye̱lo̱i yeṅ doṅṅ, ni maṅse̱bii enuṅ owein ní ogbo he deṅme le̱ doṅṅ! [484]

⁹Ši mei ní bua nā le̱ dši mei ní aaye, ni ame̱adsie Iehowa yi; ni mei ni ke̱-ba šĩa le̱ dši mei ní aanu ye̱ mihekroṅkroṅ le̱ kpoi le̱ ano̱.

¹⁰Nyetšṍa, nyetšṍa agbói le̱ amli! Nyedšea maṅ le̱ gbe̱ le̱! Nyesāa, *nyesāa gbe̱dšegbe̱ le̱, nyekŏ̱lo̱a eno̱ te̱i le̱! Nyemãmo̱a aflaṅã ye̱ mãdšimãdši le̱ ano̱! [485]

¹¹Na, Iehowa ehã ašie̱ ke̱-te šikpoṅ le̱ nāgbēhe le̱ ake̱: *Nyekē̱a Zion biyō le̱ ake̱: Na, oyiwalaheremo̱ le̱ miba! na, ehĩe †enyõmo̱wo ke̱-mība, ni enãdšiaṅtō le̱ nyie ehĩe! [486]

¹²Ni aatšé̱ame̱ ake̱ “maṅ kroṅkroṅ”, *“mei ní Iehowa ekpõame̱”; ni bo hũ aatšē̱o “moni ataoo̱ ese̱gbe̱”, “maṅ ní akwaṅle̱ doṅṅ”. [487]