Read luganda Iesaia 65 Bible Online

Iesaia 65 - luganda bible

Iesaia 65

¹Mihãa mei ní bikomi le̱ hetō, mihãa mei ní taokomi le̱ naämi; mĩkē̱o̱ dšeṅmaṅ ní tšé̱ko migbe̱i le̱ ake̱: Nami, nami! [502]

²*Migbe̱o̱ minidši amli dāne̱ mihãa maṅ ní tšeo̱ atũa ní ame̱nyieo̱ gbe̱ ní ehĩĩ no̱ ye̱ †amedientše ame̱dſẽṅmo̱i anā le̱: [503]

³maṅ ni dšeo̱ kpetekplē woo̱ mimli la dāne̱, ní ame̱šãa afole ye̱ abō̱i amli, ní ame̱šãa tšofã-ke̱-ṅma ye̱ ntayāi ano̱,

⁴mei ní yatráa gbonyobui amli, ni ame̱wo̱ö̱ gbatšũi amli, ní ame̱yeo̱ *kplokōlō tete, ní nihĩniiawonu yo̱ ame̱nibii amli, [504]

⁵mei ni kē̱o̱ ake̱: Tši ohe ke̱-ya se̱, kābe̱ṅke̱mi, ši mihe tše fèo! le̱: — mene̱mei dši lasũ ye̱ migugõṅ, ke̱ la ní tšoo̱ dā dšenamo̱!

⁶Na, aṅmã afo mihĩe: Mifeṅ diō, dša mito nãdšiaṅ dã, ni mato nãdšiaṅ hũ mašãkã ame̱tšitši;

⁷ame̱dientše̱ ame̱nišaianii ke̱ ame̱tše̱meĩ ní šã tšofã-ke̱-ṅma ye̱ gõdši le̱ ano̱ ni ame̱bo̱mi ahora ye̱ goṅkpo̱i le̱ ano̱ le̱ anišaianii le̱ fẽ he nyõmo̱wo le̱ masusu mašãkã ame̱tšitši tſẽm dã, Iehowa kē̱.

⁸Bo̱ni Iehowa kē̱ ne̱: Take̱ bo̱ni anáa wein ye̱ weinyibii amli ni akē̱o̱ ake̱: Kāfite, ši dsŏ̱mo̱ ye̱ mli! le̱: nakai mafe *ye̱ mitšũdsi le̱ ahewo̱, †beni afe ní mikafite fẽ. [505]

⁹Ši mahã seši adše̱ Iakob mli aba, ni migõdši le̱ ayelo̱ ko aadše̱ Iuda mli: ni mei ní mihala le̱ aaṅõ ake̱ ame̱nõ, ni mitšũdši le̱ aahĩ dše̱i.

¹⁰Ni Šaron aatšṍ tōikui alẽ̱̀he, ni *Akor dšō̱ le̱ hũ aatšṍ tšinai ašibumo̱he ahã mimaṅ ní taoo̱ mise̱gbe̱ le̱. [506]

¹¹Ši nye mei ní nyekwa Iehowa, ni nyehĩe ekpa egoṅ kroṅkroṅ le̱ no̱, ni nyeṅmẽo̱ okplõ nyehãa šadewo̱ṅ, ní nye fo̱seo̱ wein ní afutu mli nyeſieo̱ ši nyehãa šē̱-mli-wo̱ṅ le̱: —

¹²mi hũ matonye mahã klante, ni nyefẽ nyeakũla ši ní agbenye; edšake̱ *mitšé̱nye ni nyehereemi no̱, miwie, ni nyeboo toi, ši moṅ nyefe noni dši efõṅ ye̱ mihĩe, ni nyehala nii ní esaa mihĩe le̱! [507]

¹³Hewo̱ le̱ bo̱ni Nuntšo̱ Iehowa kē̱ ne̱: Na, mitšũdši le̱ aaye nii, ši nye le̱ hõmo̱ aayenye; na, mitšũdši le̱ *aanu nii, ši nye le̱, kũmai aayenye; na, mitšũdši le̱ aanyã́, ši nye le̱, nyehĩe aagboi; [508]

¹⁴na, mitšũdši le̱ aala ke̱ tšuidšŭrõ, ši nye le̱ nyeablo̱ ke̱ tšuiṅdo̱le̱, ni nyeke̱ mumo̱ ni ekũmo̱ aafo yõ̀!

¹⁵Ni nyeašĩ nyegbe̱i nyehã mei ní mihala le̱ ní ame̱ke̱-lomo̱; ni Nuntšo̱ Iehowa aagbeo, ni *eewo etšŭdši le̱ gbe̱i kroko: [509]

¹⁶koni moni dšō̱o̱ le̱dientše̱ ehe ye̱ šikpoṅ le̱ no̱ le̱, adšō̱ ehe ye̱ ano̱kwale Nyoṅmo̱ le̱ mli, ni moni kãa kitã ye̱ šikpoṅ le̱ no̱ le̱, *akã ano̱kwale Nyoṅmo̱ le̱ kitã; edšake̱ hĩe ekpa tšutšu haomo̱i le̱ ano̱, ni aṅõ-tē ye̱ mihĩe. [510]

¹⁷Edšake̱ na, mībo̱ ṅwei hē ke̱ šikpoṅ hē, ni akaiṅ tšutšunii le̱ doṅṅ, ni asaṅ ebaṅ dſẽṅmo̱ mli doṅṅ; [511]

¹⁸ši moṅ, nyenyã́a ni nyemli aflianye ke̱-yaä nāno̱ ye̱ nii ní mibo̱ö̱ le̱ ahewo̱; edšake̱ na, mībo̱ Ierusalem ní etšṍ mliflimo̱, ke̱ emli bii le̱ hũ ni ame̱tšṍ nyã́mo̱! [512]

¹⁹Ni mimli aaflimi ye̱ Ierusalem he, ni manyã́ mimaṅbii le̱ ahe, ni anuṅ yāfó alo blo̱mo̱ gbē ye̱ emli doṅṅ. [513]

²⁰Fufo̱ō ko be̱ dše̱i ní aaye gbĩĩ fio ke̱ke̱, lo nūmo ko ní egbĩĩ še̱e̱; ši oblanyo aaye afii oha ni eegbo, ni ešafelo̱ ní ye afii oha pe̱ le̱, alomo̱le̱. [514]

²¹Ši ame̱mãmo̱ tšŭi, ni ame̱ahĩ mli, ni ame̱afe weintromi, ni ame̱aye mli yibii! [515]

²²*Ame̱mãmo̱ṅ tšŭi, ní mokroko ahĩ mli, ni ame̱hũṅ hũ, ní mokroko aye; edšake̱ mimaṅ le̱ gbĩĩ aatamo̱ tšei agbĩĩ, ni mei ní mihala le̱ aaye ameninenā nitšumo̱ le̱ mli nii āhũ po. [516]

²³Ame̱gboṅ deṅme yakatſā, ni ame̱fo̱ṅ ame̱hãṅ ošrã; edšake̱ mei ní Iehowa edšō̱ame̱ le̱ asešibii dšiame̱, ni ame̱ſĩei ke̱ame̱ aahĩ ši.

²⁴Ni aaba mli ake̱, dãni ame̱atšé̱mi le̱, mihere no̱; ni beni ame̱wieo̱ lolo le̱, mabo toi! [517]

²⁵*Klaṅ ke̱ tōgwanteṅbi aaye nii ye̱ hekome, ni dšata aaye dſe̱i tamo̱ tšina; ni onũfũ le̱, sũ aafe eniyenii: ayeṅ awui ni akpãtãṅ hĩe doṅṅ ye̱ migoṅ kroṅkroṅ le̱ no̱ fẽ, Iehowa kē̱. [518]