Read luganda 3 Mose 1 Bible Online

3 Mose 1 - luganda bible

3 Mose 1

¹Ni Iehowa tšé̱ Mose, ni eke̱le̱ wie ke̱-dše̱ kpē-bū le̱ṅ ake̱:

²Oke̱ Israelbii le̱ awie ni okē̱ame̱ ake̱: Kē̱ nyeteṅ moko ke̱ nikēnii miba abake Iehowa le̱, šĩa koloi ní dši tšinai lo tōi le̱ eko nyeṅõ-fea nikēnii ke̱-baä.

³Ké̱ tšina eke̱-yašã šā̃-afo̱le le̱, eke̱ tšinanū ní kpa ko be̱ ehe abahã; ake̱-ba kpē-bū le̱ šĩnā le̱ nā, koni eke̱-sa Iehowa hĩe. [1]

⁴Ni eke̱ enine aṅmẽ šā̃-afo̱le le̱ yiteṅ, ni eye enãdšiaṅ, koni aṅõ-kpãtã ahãle̱. [2]

⁵Ni egbe tšinabinū le̱ ye̱ Iehowa hĩe, ni Aaron bihĩĩ ní dši oso̱foi le̱ ke̱ ela le̱ aba, ni ame̱ke̱ lá le̱ abaſã afo̱le-šãlate̱ le̱ ní yo̱ kpē-bū le̱ šĩnā le̱ ši le̱ no̱ ke̱-kpe.

⁶Ni edšie šā̃-afo̱le le̱ hewolo le̱, ni asā.

⁷Ni oso̱fo Aaron bihĩĩ le̱ ke̱ la aſie afo̱lešãlate̱ le̱ no̱, ni ame̱to lai le̱ ame̱ſie la le̱ no̱ gbe̱dšiano̱.

⁸Ni Aaron bihĩĩ ní dši oso̱foi le̱ aṅõ lō ní asā le̱ ke̱ yitšo le̱ ke̱ fo̱ le̱ aſie lai ní yo̱ la le̱ no̱ ye̱ afo̱lešãlate̱ le̱ no̱ le̱ ano̱ gbe̱dšiano̱;

⁹ši emlinii le̱ ke̱ enãdši le̱ efo̱ he ye̱ nu mli, ni oso̱fo le̱ ašã fẽ ye̱ afo̱le-šãlate̱ le̱ no̱; šā̃-afo̱le ni, afo̱le ní ake̱ la sãa ní *dšeo ṅma woo̱ Iehowa ni. [3]

¹⁰Ši ke̱dši tōi ní dši tōgwanteṅi lo tōabotiai le̱ eko eke̱-yašã šā̃-afo̱le le̱, nū ni he be̱ kpa ko eke̱-ba.

¹¹Ni egbele̱ ye̱ aſo̱lešãlate̱ le̱ mase̱i ke̱-yaä kōyigbe̱ ye̱ Iehowa hĩe; ni Aaron bihĩĩ ní dši oso̱foi le̱ aṅõ ela le̱ aſã afo̱lešãlate̱ le̱ no̱ ke̱-kpe.

¹²Ni asā; ni oso̱fo le̱ aṅõ lō le̱ ke̱ yitšo le̱ ke̱ fo̱ le̱ aſie lai ní yo̱ la le̱ no̱ ye̱ afo̱lešãlate̱ le̱ no̱ le̱ ano̱ gbe̱dšiano̱;

¹³ni emlinii le̱ ke̱ nãdši le̱ eke̱ nu afo̱ he, ni oso̱fo le̱ ke̱ fẽ aba ni ebašã ye̱ afo̱lešãlate̱ le̱ no̱; šā̃-afo̱le ni, afo̱le ní ake̱ la šãa ní dšeo̱ ṅma woo̱ Iehowa ni.

¹⁴Ši ke̱dši loflõ eke̱-bašã šā̃-afo̱le ehã Iehowa le̱, eke̱ kose̱-okpoi lo šĩa-okpobii le̱ eko aba.

¹⁵Ni oso̱fo le̱ ke̱-ba afo̱lešãlate̱ le̱ he, ni etše eyitšo ye̱ no̱, ni ešã ye̱ afo̱le-šãlate̱ le̱ no̱, ni elá le̱ atšere aſie afo̱lešãlate̱ le̱ hewo̱.

¹⁶Ni edšie ekpo̱ṅo̱ši ke̱ emlinii le̱, ni eše̱ efõ afo̱lešãlate̱ le̱ mase̱i ye̱ bo-kãgbe̱, heni lamlu le̱ yo̱ le̱.

¹⁷Ni ekũmo̱ efĩdši, ši ekakpŏ̱lo̱ ye̱ he; ni oso̱fo ašã ye̱ afo̱lešãlate̱ le̱ no̱ ye̱ lai ní yo̱ la le̱ no̱ le̱ no̱; šā̃-afo̱le ni, afo̱le ní ake̱ la šãa ní dšeo̱ ṅma woo̱ Iehowa ni.