Read luganda 3 Mose 13 Bible Online

3 Mose 13 - luganda bible

3 Mose 13

¹Ni Iehowa ke̱ Mose ke̱ Aaron wie ake̱: [77]

²Ke̱dsi noko fũ moko hewolo no̱, gbẽi dšio alo noko hãlãhãlã dšio, ni eye ehewolo le̱ mli tamo̱ kpiti hela le̱, ake̱le̱ aba oso̱fo Aaron lo ebihĩĩ ní dši oso̱ſoi le̱ ateṅ mokome ṅõ.

³Ni ke̱ oso̱fo le̱ na hela ní yo̱ hewolo le̱ no̱, ni ehetšo̱i etšṍ eye̱ṅ, ni *ke̱ akwe̱ ní heni hela le̱ yo̱ le̱ enyo mli vō fè ehewolo kroko le̱, kpiti ni; ni ke̱ oso̱fo le̱ nale̱ le̱, ebule̱ ake̱ moko ni he tšee. [78]

⁴Ši ke̱dši noko ye̱ṅ hãlãhãlã ye̱ ehe̱-wolo le̱ no̱, ni ke̱ akwe̱ le̱, enyõko mli vō fè hewolo kroko le̱, ni emli tšoi le̱ hũ ye̱e̱ le̱, no le̱ oso̱fo le̱ aṅã́ helatše̱ le̱ yi gbĩĩ kpawo.

⁵Ni gbĩ ní dši gbĩ kpawo le̱ oso̱fo le̱ akwe̱, ni na, ké̱ hela le̱ ye̱ bo̱ni eyo̱ le̱ noṅṅ ye̱ ehĩe, ni elē̱ko efatako he ye̱ hewolo le̱ no̱ le̱, no le̱ oso̱fo le̱ asā aṅã́ eyi gbĩĩ kpawo ekoṅ.

⁶Ni ke̱ oso̱fo le̱ kwe̱ ye̱ gbĩ ní dši kpawo le̱ no̱ ekoṅ, ni na, hela le̱ elādše, ni elē̱ē̱ ye̱ ehewolo le̱ no̱ le̱, no le̱ oso̱fo le̱ abule̱ ake̱ moko ní he tše; gbẽi ni; ni efo̱ etadei ahe, ní ehe atše.

⁷Ši ke̱dši gbẽi le̱ mīlē̱ ye̱ ehewolo le̱ ne̱, beni oso̱fo le̱ enale̱ ni ebule̱ ake̱ moko ni he tše le̱ se̱ le̱, no le̱ oso̱fo le̱ akwe̱le̱ noni dši šii enyo̱ ekoṅ;

⁸ní ke̱ oso̱fo le̱ kwe̱, ni na, gbẽi le̱ mīlē̱ ye̱ hewolo le̱ no̱ le̱, oso̱fo le̱ abule̱ ake̱ moko ni he tšee; kpiti ni.

⁹Ke̱dši kpiti ſie moko he le̱, ake̱le̱ aba oso̱fo le̱ ṅõ;

¹⁰ni ke̱ oso̱fo le̱ kwe̱, ni na, noko ye̱ṅ efũ ye̱ hewolo le̱ no̱, ni emli tšoi le̱ hũ etšṍ eye̱ṅ, ni lō ṅmõṅ tō̃ ye̱ fũmo̱ le̱ mli le̱,

¹¹bĕle̱ kpiti momo yo̱ ehewolo le̱ mli le̱; ni oso̱fo le̱ abule̱ ake̱ moko ní he tšee; ekaṅã́ eyi, edšake̱ ehe tšee.

¹²Ši ke̱dši kpiti le̱ dše kpo ye̱ hewolo le̱ ne̱, ni eſie helatše̱ le̱ hewolo no̱ fẽ ke̱-dše̱ eyiteṅ ke̱-yaši enãdši ahe, hefẽhe ní oso̱fo le̱ naä le̱,

¹³ní oso̱fo le̱ kwe̱, ni na, kpiti le̱ eha ehewolo no̱ fẽ le̱, ebu helatše̱ le̱ ake̱ ehe tše: ehe fẽ etšṍ eye̱ṅ; ehe tše.

¹⁴Ši gbĩ no̱ ní aana lō ṅmõṅ ye̱ ehe le̱, ehe tšee;

¹⁵ni ké̱ oso̱fo le̱ na lō ṅmõṅ le̱, ebule̱ ake̱ moni he tšee: lō ṅmõṅ le̱ he tšee; kpiti ni.

¹⁶Ši ke̱dši lō ṅmõṅ le̱ sā tšṍ eye̱ṅ ekoṅ, ni eba oso̱fo le̱ ṅõ,

¹⁷ni oso̱fo le̱ kwe̱, ni na, noni ſie ehe le̱ etšṍ eye̱ṅ le̱, no le̱ oso̱fo le̱ abule̱ ake̱ moni he tše; ehe tše.

¹⁸Ke̱dši asane tšẽ moko hewolo no̱, ni etã,

¹⁹ni noko ye̱ṅ bafū heni asane le̱ yo̱, lo noko ye̱ṅ hãlãhãlã ní tšuo̱ō ba dše̱i le̱, ahã oso̱fo le̱ akwe̱.

²⁰Ni ke̱ oso̱fo le̱ kwe̱, ni na, dše̱i enyõ mli fè hewolo kroko le̱, ní emli tšoi le̱ etšṍ eye̱ṅ le̱, oso̱fo le̱ abule̱ ake̱ moko ní he tšee; kpiti ebote asane le̱ mli le̱.

²¹Ši ke̱dši oso̱fo le̱ kwe̱, ni na, tšo̱i ye̱ṅ be̱ṅ, ni dše̱i enyõko mli hũ fè hewolo kroko le̱, ni ēlādše, no le̱ oso̱fo aṅã́ eyi gbĩĩ kpawo;

²²ni ke̱dši ēlē̱ ēſie no̱ ye̱ hewolo le̱ no̱ le̱, oso̱fo le̱ abule̱ ake̱ moko ní he tšee; kpiti ni.

²³Ši ke̱dši noko hãlãhãlã le̱ ye̱ bo̱ni eyo̱ le̱ noṅṅ ni elē̱ē̱ eſiee no̱ le̱, no le̱ asane le̱ *fladoku ni, ni oso̱fo le̱ abule̱ moko ni he tše. [79]

²⁴Alo ké̱ la šã moko, ni la-fla le̱ fe kpo̱ hãlãhãlã ní ye̱o̱ ni etšuo̱ō alo eyeo futā le̱,

²⁵no le̱ oso̱fo le̱ akwe̱, ni na, ké̱ ehetšo̱i le̱ etšṍ eye̱ṅ ye̱ kpo̱ hãlãhãlã le̱ mli, ni dše̱i enyõ mli vō fè hewolo kroko le̱, bĕle̱ kpiti ebote la-fla le̱ mli le̱, ni oso̱fo le̱ abule̱ ake̱ moko ní he tšee; kpiti ni.

²⁶Ši ke̱ oso̱fo le̱ kwe̱le̱, ni na, tšo̱i ye̱ṅ be̱ kpo̱ hãlãhãlã le̱ mli, ni dše̱i enyõko mli hũ fè hewolo kroko le̱ ni ēlādše le̱, no le̱ oso̱fo le̱ aṅã́ eyi gbĩĩ kpawo;

²⁷ni ke̱ oso̱fo le̱ na ye̱ gbĩ ní dši gbĩ kpawo le̱ no̱, ake elē̱ eſie no̱ ye̱ hewolo le̱ no̱ le̱, oso̱fo le̱ abule̱ moko ní he tšee; kpiti ni.

²⁸Ši ke̱dši kpo̱ hãlãhãlã le̱ ye̱ bo̱ni eyo̱ le̱ noṅṅ, ni elē̱ē̱ eſiee no̱ ye̱ hewolo le̱ no̱, ši ēlādše moṅ le̱, la-fla le̱ fũmo̱ ke̱ke̱ ni; ni oso̱fo le̱ abule̱ ake̱ moko ní he tše, edšake̱ *la-fladoku ni. [80]

²⁹Ni kē̱ noko ſie nū ko lo yō ko yiteṅ lo etšẽṅ mli le̱,

³⁰oso̱fo le̱ akwe̱ noni eſiele̱ le̱, ni na, ke̱dši enyõ mli vō fè hewolo kroko le̱, ni tšo̱i tšuru hãṅhãṅ ye̱ mli le̱, oso̱fo le̱ abule̱ ake̱ moko ni he tšee; fafale ni, yiteṅ alo tšẽṅ mli kpiti ni.

³¹Ši ke̱ oso̱fo le̱ kwe̱ fafale ni eſiele̱ le̱, ni na, dše̱i enyõko mli fè hewolo kroko le̱, ni emli tšo̱i le̱ hũ dĩko le̱, oso̱fo le̱ aṅã́ moni yeo̱ fafale le̱ yi gbĩĩ kpawo;

³²ni ke̱ oso̱fo le̱ kwe̱ helatse̱ le̱ ye̱ gbĩ ní dši gbĩ kpawo le̱ no̱, ni na, fafale le̱ elē̱ē̱ eſiee no̱, ni emli tšo̱i le̱ hũ etšuko, ni heni fafale le̱ yo̱ le̱ enyõko mli fè hewolo kroko le̱,

³³ke̱ke̱ ni eše̱ eyi, ši fafale le̱ ekaše̱ no̱, ni oso̱fo le̱ asā aṅã́ fafaletše̱ le̱ yi gbĩĩ kpawo ekoṅ.

³⁴Ni ke̱ oso̱fo le̱ kwe̱ fafale le̱ ye̱ gbĩ ní dši gbĩ kpawo le̱ no̱, ni na, fafale le̱ elē̱ē̱ eſiee no̱ ye̱ hewolo le̱ no̱, ni dše̱i enyõko mli fè hewolo kroko le̱, no le̱ oso̱fo le̱ abule̱ ake̱ moko ní he tše; ni efo̱ etadei le̱ ahe, ni ehe atše.

³⁵Ši ké̱ fafale le̱ sā le̱ ekoṅ ye̱ hewolo le̱ no̱ ye̱ ehetšūmo̱ le̱ se̱,

³⁶ni oso̱fo le̱ kwe̱le̱, ni na, fafale le̱ elē̱ ekoṅ ye̱ hewolo le̱ no̱ le̱, no le̱ oso̱fo le̱ akabi ši doṅṅ ake̱ emli tšo̱i le̱ etšu lo; ehe tšee.

³⁷Ši ké̱ fafale le̱ ye̱ bo̱ni eyo̱ le̱ noṅṅ ye̱ ehĩe, ni tšo̱i diṅ ekwẽ ye̱ mli le̱, bĕle̱ fafale le̱ etã; ehe tše, ni oso̱fo le̱ abule̱ ake̱ moko ní he tše.

³⁸Ni ke̱dši nokomei ye̱dši hãlãhãlã ba nū ko lo yō ko hewolo no̱,

³⁹ni oso̱fo le̱ bakwe̱, ni na, nokomei ye̱dši hãlãhãlã le̱ mīlādše ye̱ hewolo le̱ no̱ le̱, aflimata ní ſieo̱ mo hewolo no̱ ni; ehe tše.

⁴⁰Ke̱dši nū ko yi kpa le̱, yikpatātše̱ dšile̱, ši ehe tše.

⁴¹Ni ke̱dši ehĩenā gbe̱ ke̱ke̱ eyi le̱ kpa ye̱ le̱, hĩenā kpatãtše̱ dšile̱; ehe tše.

⁴²Ši ke̱dši noko ye̱ṅ ní tšuo̱ō ſie eyiteṅ lo ehĩenā heni ekpa le̱, kpiti eſie eyiteṅ lo ehĩenā heni ekpa le̱.

⁴³Ni ke̱ oso̱fo le̱ bakwe̱le̱, ni na, noko ye̱ṅ ní tšuo̱ fũ ye̱ eyiteṅ lo ehĩenā heni ekpa le̱, ni etamo̱ kpiti ye̱ hewolo le̱ no̱ le̱,

⁴⁴no le̱ kpitiyelo̱ ní he tšee dšile̱; oso̱fo le̱ abule̱ ake̱ moko ní he tšee ye̱ noni eſie eyiteṅ le̱ hewo̱.

⁴⁵Agbe̱ne̱ kpitiyelo̱ le̱ ní hela le̱ yo̱ ehe le̱ agbla etadei ní enyie eyitšo flo, ni eha enābui ano̱ ni eblo̱ ake: Mihe tšee! mihe tšee!

⁴⁶Gbĩĩabo̱ ní hela le̱ yo̱ ehe le̱, ehe tšee kwrā; ekometō ehĩ ši, ešihĩle̱he le̱ ahĩ nsra le̱ se̱. [81]

⁴⁷Ni atade hũ, ke̱dši kpiti eſie he le̱, kũntũ nõ dšio, odonti nõ dšio,

⁴⁸kũntũ lo klala tšimo̱-kpã lo lõ̀-kpã le̱ mli dšio, kolo wolo lo nofẽno ní ake̱ kolo wolo fe le̱ mli dsio,

⁴⁹ni ke̱dši noni eſie he le̱ ṅo̱lio̱ō lo etšuo̱ō ye̱ mama lo wolo le̱ mli, ye̱ tšimo̱-kpã lo lṍ-kpã le̱ mli lo nofẽno ní ake̱ kolo wolo fe le̱ mli le̱, kpiti eſie he le̱, ni aṅõ-hã oso̱fo le̱ ni ekwe̱;

⁵⁰ni ke̱ oso̱fo le̱ kwe̱ noni eſie he le̱, eṅã́ nõ he ní eſie le̱ yi gbĩĩ kpawo.

⁵¹Ni ke̱ esā ekwe̱ gbĩ ní dši gbĩ kpawo le̱ no̱, ni ena ake̱ noni eſie he le̱ mīlē̱ ye̱ mama lo etšimo̱-kpã lo elõ̀-kpã le̱ mli lo wolo le̱ lo nofẽno ní ake̱ kolo wolo le̱ fe le̱ mli le̱, bẽle̱ kpiti ní fiteo̱ nii eſie he le̱; ehe tšee.

⁵²Ni ašã ne̱ke̱ mama ne̱ lo etšimo̱-kpã lo elõ̀-kpã le̱, kũntũ dšio, klala dšio, alo wolonõ fẽ ní eſie he le̱; edšake̱ kpiti ní fiteo̱ nii ni, ake̱ la ašã.

⁵³Ši ke̱ oso̱fo le̱ kwe̱, ni na, noni eſie he le̱ elē̱ē̱ ye̱ mama le̱ lo etšimo̱-kpã lo elõ̀-kpã le̱ lo wolonõ-fẽ-wolonõ ní dši le̱ mli le̱,

⁵⁴no le̱ oso̱fo le̱ awo kitã, ako̱ afo̱ noni heſiemo̱ yo̱ mli le̱ he, ni esā eṅã́ eyi gbĩĩ kpawo ekoṅ;

⁵⁵ni ke̱ oso̱fo le̱ kwe̱, beni afo̱ noni ſie he le̱ se̱ le̱, ni na, noni ſie he le̱ tšakee ye̱ ehĩe, ni elē̱ē̱ efataa he hũ le̱, ehe tšee; ake̱ la ašã, eka mli ye̱ hĩegbe̱ lo se̱gbe̱, heni ekwa le̱.

⁵⁶Ši ke̱dši oso̱fo le̱ kwe̱, ni na, noni ſie he le̱ mīlādše, beni afo̱ he se̱ le̱, no le̱ etše ke̱-dse mama le̱ alo wolo le̱ alo tšimo̱-kpã alo lõ̀-kpã le̱ he.

⁵⁷Ni ke̱dši āna lolo ye̱ mama le̱ lo etšimo̱-kpã lo elò-kpã le̱ lo wolonõ le̱ mli le̱, no le̱ ka eka le̱; ake̱ la ašã nõ he ni eſie le̱.

⁵⁸Ši mama le̱ lo etšimo̱-kpã lo elò-kpã le̱ lo wolonõ le̱ ní afo̱ he le̱, ké̱ noni ſie he le̱ dše le̱, asā afo̱ he ekoṅ, ni ehe atše.

⁵⁹Ene̱ dši mla ní kã ši hã kpiti ní ſie kũntũ lo odonti mama lo etšimo̱-kpã lo elò-kpã lo wolonõ-fẽ-wolonõ mli, ní ake̱-naä ake̱ nõ le̱ he tše lo nõ le̱ he tšee le̱.