Read luganda 3 Mose 14 Bible Online

3 Mose 14 - luganda bible

3 Mose 14

²Ene̱ dši mla ní kã ši hã kpitiyelo̱ le̱, ye̱ gbĩ no̱ ní abule̱ ake̱ moko ní he tše le̱. Akele aba *oso̱fo le̱ ṅo, [82]

³ni oso̱fo le̱ adše kpo ke̱-ya nsra le̱ se̱; ni ke̱ oso̱fo le̱ kwe̱, ni na, kpiti ní ſie ehe le̱ etã ye̱ kpitiyelo̱ le̱ he le̱,

⁴ke̱ke̱ le̱ oso̱fo le̱ afã́ moni abatšū ehe le̱, ní eṅõ lofõdši ní he tše hīekãlo̱i enyo̱ ke̱ tšenedrutšo ke̱ munēle ke̱ hisopo ke̱-ba.

⁵Ni oso̱fo le̱ afã́, ní agbe lofõdši le̱ ateṅ ekome ye̱ kã ko no̱ ye̱ nu ni hoo no̱;

⁶ni loflõ ní hĩe kã le̱, eṅõle̱ ke̱ tšenedrutšo ke̱ munēle ke̱ hisopo le̱, ni eke̱ ſẽ ke̱ loflõ ní hĩe kã le̱ atšo̱ loflõ ní agbele̱ ye̱ nu ní hoo̱ le̱ no̱ le̱ lá le̱ mli,

⁷ni etšo̱ eſã moni abatšū ehe ke̱-dše̱ ekpiti le̱ mli le̱ no̱ šii kpawo, ni eke̱-tšū ehe, ni *eṅmẽ loflõ ní hĩe kã le̱ he, ní eya ṅã le̱ no̱. [83]

⁸Ni moni atšūo̱ ehe le̱ afo̱ etadei le̱ ahe, ni *eše̱ ehetšo̱i kwrā, ni eke̱ nu adšu ehe, ni ehe tše. Ni no se̱ le̱ eba nsra le̱ṅ; ši ekaya ebu le̱ mli gbĩĩ kpawo. [84]

⁹Ni aba mli ake̱ gbĩ ní dši gbĩ kpawo le̱ no̱ le̱ eše̱ hetšoi fẽ, eyitšo̱i ke̱ etšẽṅ ke̱ ehĩṅme̱ise̱tše̱i, ni ehetšo̱i fẽ tete eše̱, ni efo̱ etadei le̱ ahe, ni eke̱ nu adšu ehe, ni ehe atše.

¹⁰Ni gbĩ ní dši gbĩ kpānyo̱ le̱ ne̱ le̱ eṅõ tōgwanteṅbii enyo̱ ni kpa ko be̱ ame̱he ke̱ tōgwanteṅ yō kome ni eye afi ní kpa ko be̱ ehe ke̱ ṅmã mã efa mli-dšā nyoṅma mli ekome toi etẽ, ní eke̱-fe niyenii-afo̱le ní awo mli mũ, ke̱ mũ log kome ke̱-ba.

¹¹Ni oso̱fo ní tšūo̱ he le̱ aṅõ gbomo ní abatšū ehe le̱ ke̱ nii ne̱ fẽ ke̱-ba Iehowa hĩe ye̱ kpē-bū šĩnā le̱ nā.

¹²Ni oso̱fo le̱ aṅo tōgwanteṅbii le̱ ateṅ ekome eke̱-bahã ake̱ sõ-afo̱le ke̱ mũ log kome le̱ hũ, ni efo ake fō̃-afole ye̱ Iehowa hĩe,

¹³ni egbe tōgwanteṅbi le̱ ye̱ he ní agbeo̱ eša-afo̱le ke̱ šā̃-afo̱le le̱ ye̱ le̱, ye̱ hekroṅkroṅ le̱; edšake̱ *bo̱ni ẽša-afo̱le le̱ dši oso̱fo le̱ nõ le̱, nakai noṅṅ sõ-afo̱le le hũ dši enõ: nõkroṅkroṅ ní fè ſẽ ni. [85]

¹⁴Ni oso̱fo le̱ aṅõ sõ-afo̱le lá le̱ eko ni eke̱-sa moni atšūo̱ ehe le̱ *ninedšŭrõ toi nā, ke̱ eninédšŭrõ goṅtĩ nā, ke̱ enanedšŭrõ goṅtĩ nà. [86]

¹⁵Ke̱ke̱ ni oso̱fo le̱ awó mũ ke̱ log le̱ ni efo eko ewo le̱dientše̱ enine-abeku ko̱ko̱ mli;

¹⁶ni oso̱fo le̱ aṅõ eninedšŭrõ wao etšo̱ mũ ní yo̱ ebe̱ku le̱ mli, ni eke̱ ewao atšo̱ mũ le̱ eko *aſã šii kpawo ye̱ Iehowa hĩe, [87]

¹⁷ni mũ ní eſe̱ ye̱ edeṅ le̱ oso̱fo e̱ aṅõ eko asa moni atšūo ehe le̱ ninedšŭro toi nã, ke̱ eninedšŭrõ goṅtĩ nā, ke̱ enanedšŭrõ goṅtĩ nā, ye̱ sõ-afo̱le le̱ lá le̱ no̱;

¹⁸ši mũ ní eſe̱ ye̱ oso̱fo le̱ deṅ le̱, efo̱se eſie moni atšūo̱ ehe le̱ yiteṅ, ni oso̱fo le̱ akpãtã ahãle̱ ye̱ Iehowa hĩe.

¹⁹Ke̱ke̱ ni oso̱fo le̱ ašã eša-afo̱le le̱, ni ekpãtã ehã moni atšūo̱ ehe ke̱-dše̱ ehe mũdši le̱ mli le̱; ni no se̱ le̱ egbe šā̃-afo̱le le̱;

²⁰ni oso̱fo le̱ ašã šā̃-afo̱le le̱ ke̱ niyenii-afo̱le le̱ ye̱ afo̱lešãlate̱ le̱ no̱, ni ekpãtã ehãle̱, ní ehe atše.

²¹Ši kē̱ edši ohĩafo ní enine še̱e̱ ene̱mei ano̱ le̱, no le̱ eṅõ tōgwanteṅbi kome efe sõ-afo̱le ní afõ aṅo-kpãtã ahãle̱, ke̱ ṅmā̃ mã efa mlidšā nyoṅma mli ekome ni ake̱ mũ ewo mli, ní ake̱-fe niyenii-afo̱le, ke̱ mũ log kome,

²²ke̱ kose̱-okpoi enyo̱ lo okpobii enyo̱ ní enine aše̱ no̱ le̱, ni aṅõ ekome afe eša-afo̱le, ni aṅõ ekome hũ afe šā̃-afo̱le; [88]

²³ni gbĩ ni dši gbĩ kpānyo̱ le̱ no̱ le̱ eke̱-ba ye̱ ehetšūmo̱ hewo̱, eke̱-bahã oso̱fo le̱ ye̱ kpē-bū šĩnā le̱ nā, ye̱ Iehowa hĩe.

²⁴Ni oso̱fo le̱ aṅõ sõ-afo̱le tōgwanteṅbi le̱ ke̱ mũ log kome le̱, ni efõ ake̱ fō̃-afo̱le ye̱ Iehowa hĩe.

²⁵Ni egbe sõ-afo̱le tōgwanteṅbi le̱, ni oso̱fo le̱ aṅõ elá le̱ eko esa moni atšūo̱ ehe le̱ ninedšŭrõ toi nā, ke̱ eninedšŭrõ goṅtĩ nā, ke̱ enanedšŭrõ goṅtĩ nã.

²⁶Ni oso̱fo le̱ afo mũ le̱ eko awo le̱dientše̱ enineabe̱ku dẽko̱ko̱ mli,

²⁷ni oso̱fo le̱ ke̱ eninedšŭrõ wao atšo̱ mũ ní yo̱ ebe̱ku le̱ eko aſã šii kpawo ye̱ Iehowa hĩe;

²⁸ni oso̱fo le̱ aṅo mũ ní yo̱ edeṅ le̱ eko esa moni atšūo̱ ehe le̱ ninedšŭrõ toi nā, ke̱ eninedšŭrõ goṅtĩ nã, ke̱ enanedšŭrõ goṅtĩ nā ye̱ heni sõ-afo̱le lá le̱ yo̱ le̱;

²⁹ni mũ ní eſe̱ ye̱ oso̱fo le̱ deṅ le̱ efo̱se eſie moni atšūo̱ ehe le̱ yiteṅ, koni eṅo-kpãtã ehãle̱ ye̱ Iehowa hĩe.

³⁰No se̱ le̱ eṅõ kose̱-okpoi lo okpobii le̱ ní enine še̱ no̱ le̱ ekome,

³¹nii ní enine še̱ no̱ le̱ ateṅ ekome eke̱-fe eša-afo̱le, ni eke̱ ekome hũ afe šā̃-afo̱le efata niyenii-afo̱le le̱ he; ni oso̱fo le̱ akpãtã aha moni atšūo̱ ehe le̱ ye̱ Iehowa hĩe.

³²Ene̱ dši mla ní kã ši hã kpitiyelo̱ ní nine še̱e̱ nii ní dši ehetšūmo̱nii le̱ fẽ no̱ le̱.

³³Ni Iehowa ke̱ Mose ke̱ Aaron wie ake̱:

³⁴Ke̱dši nyeba Kanaan šikpoṅ noni midientše̱ miṅõ-hãanye no̱yeli le̱ no̱, ni mihã kpiti ſie šĩa ko he ye̱ nyešikpoṅ le̱ no̱ le̱,

³⁵no le̱ nakai šĩa le̱ tše̱ le̱ aba abatšĩ tã *atsõ oso̱fo le̱ ake̱: Efeo̱mi ake̱ noko tamo̱ kpiti eſie mišĩa le̱ he. [89]

³⁶Ni oso̱fo le̱ afã́ ní adšie šĩa le̱ mli nii le̱ ke̱-dše kpo, dãni oso̱fo le̱ abote mli abakwe̱ noni ſie he le̱, koni nii ní yo̱ šĩa le̱ mli le̱ fẽ akabule, ni no se̱ dãni oso̱fo le̱ abote mli ayakwe̱ šĩa le̱.

³⁷Ni ke̱ oso̱fo le̱ kwe̱ noni eſie he le̱, ni na, noni eſie šĩa le̱ gbogboi le̱ ahe le̱ dši fo̱dši ṅo̱lii lo etšudši ni *dše̱i enyõ mli fè gbogbo le̱ hei krokomei le̱, [90]

³⁸no le̱ oso̱fo le̱ adše kpo ye̱ šĩa le̱, ni eṅã́ šĩa le̱ šĩnā le̱ gbĩĩ kpawo.

³⁹Ni gbĩ ní dši gbĩ kpawo le̱ oso̱fo le̱ aba ekoṅ, ni ke̱ ekwe̱, ni na, noni eſie he le̱ mīlē̱ ye̱ sĩa le̱ gbogboi le̱ ahe le̱,

⁴⁰no le̱ oso̱fo le̱ afã́ ní adšie te̱i ní nii eſie he le̱, ni aše̱re̱ aſie maṅ le̱ se̱ heko ni tšee;

⁴¹ni šĩa le̱ mligbe̱ le̱ aṅmlã fẽ ke̱-kpe, ni aṅõ sũ ni aṅmlã ye̱ he le̱ aſie maṅ lẽ sẽ ye̱ heko ní tšee;

⁴²ni akŏ̱lo̱ te̱i krokomei aho̱lo̱ nomei anãdšiaṅ, ni aṅõ sũ kroko amã šĩa le̱ he.

⁴³Ni ke̱dši ekũ ese̱ eſie he ekoṅ ni edše kpo ye̱ šĩa le̱ he, beni adšie te̱i le̱ ni aṅmlã šĩa le̱ he, ni amã he ekoṅ le̱,

⁴⁴ni oso̱fo le̱ ba ni ebakwe̱, ni na, noni eſie he le̱ mīlē̱ ye̱ šĩa le̱ he ekoṅ le̱, bĕle̱ kpiti ní fiteo̱ nii le̱ yo̱ šĩa le̱; ehe tšee.

⁴⁵Ni akũmo̱ šĩa le̱ aſie ši, ete̱i le̱ ke̱ emplãṅi le̱ ke̱ šĩa le̱ sũ le̱ fẽ, ni alō ke̱-dše mã le̱ṅ ke̱-yaſie heko ní tšee.

⁴⁶Ni moni aabote šìa le̱ gbĩĩabo̱ fẽ ní aṅã́ nā le, *ehe tšee ke̱-yaši gbe̱ke̱; [91]

⁴⁷ni moni aawo šĩa le̱ afo̱ etadei ahe, ni moni aaye nii ye̱ šìa le̱ afo̱ etadei ahe.

⁴⁸Ši ke̱dši oso̱fo le̱ ba šĩa le̱ abakwe̱, ni na, noni eſie he le̱ elē̱ē̱ efataa he ye̱ šĩa le̱, beni amã he le̱ se̱ le̱, no le̱ ebule̱ ake̱ ehe tše, edšake̱ noni ſie he le̱ etã.

⁴⁹Ni eṅo lofõdši enyo̱ ke̱ tšenedrutšo ke̱ munēle ke̱ hisopo ni eke̱-šã eša-afo̱le ní eke̱-dſira šĩa le̱;

⁵⁰ni egbe *lofõdši le̱ ateṅ ekome ye̱ sũ kã no̱ ye̱ nu ní hoo no̱; [92]

⁵¹ni eṅõ tšenedrutšo le̱ ke̱ hisopo le̱ ke̱ munēle le̱ ke̱ loflõ ní hĩe kã le̱, ni eke̱ fẽ atšo̱ loflõ ní agbe le̱ lá le̱ mli ke̱ nu ní hoo̱ le̱ mli ni eke̱-ſã šĩa le̱ šii kpawo.

⁵²Ni eke̱ loflõ le̱ lá le̱ ke̱ nu ní hoo̱ le̱ ke̱ loflõ ní hĩe kã le̱ ke̱ tšenedrutšo le̱ ke̱ hisopo le̱ ke̱ munēle le̱ ašã eša-afo̱le ni eke̱-dſira šĩa le̱.

⁵³Ni eṅmẽ *loflō ní hĩe kã le̱ he ye̱ maṅ le̱ agbó nā ní eya ṅã le̱ no̱, ni ekpãtã ehã šĩa le̱, ni ehe atše. [93]

⁵⁴Ene̱ dši mla ní kã ši hã kpiti ní ſieo̱ nii ahe fẽ ke̱ fafale

⁵⁵ke̱ mama ke̱ šĩa he kpiti

⁵⁶ke̱ fū̃mo̱ ke̱ ntſẽṅ ke̱ kpo hãlãhãlã,

⁵⁷koni ake̱-tšo be mli ní noko he tšee ke̱ be mli ní noko he tše; ene̱ dši kpiti he mla le̱.