Read luganda 3 Mose 17 Bible Online

3 Mose 17 - luganda bible

3 Mose 17

¹Ni Iehowa ke̱ Mose wie ni ekē̱:

²Oke̱ Aaron ke̱ ebihĩĩ le̱ ke̱ Israelbii le̱ fẽ awie ni okē̱ame̱ ake̱: Ene̱ dši sane ní Iehowa wo he kitã le̱ ake̱:

³Mofẽmo ní yo̱ Israel we le̱ ní gbeo̱ tšina alo tōgwanteṅ alo tōabotia ye̱ nsra le̱ mli alo moni gbeo̱ eko ye̱ nsra le̱ se̱,

⁴ni eke̱-baa kpē-bū le̱ šĩnā le̱ nā, koni ake̱-bašã afo̱le ahã Iehowa ye̱ Iehowa šihĩle̱he le̱ hĩe le̱, *le̱ le̱ aabu lá ahãle̱, lá efo̱se eſie ši, ni aafo ne̱ke̱ gbomo le̱ ke̱-adše̱ emaṅ le̱ teṅ ase̱ afo: [111]

⁵beni afe ní Israelbii le̱ afo̱lei ní ame-gbeo̱ ye̱ ṅã le̱ no̱ le̱, ameke-ba, ni ame̱ke̱-bahã Iehowa ye̱ kpē-bū le̱ šĩnā le̱ nā ye̱ oso̱fo le̱ ṅõ, ni ame̱gbe ame̱ke̱-šã šidā-afo̱lei ame̱hã Iehowa.

⁶Ni oso̱fo le̱ aṅõ lá le̱ aſã Iehowa aſo̱lešãlate̱ le̱ no̱ ye̱ kpẽ-bū le̱ šĩnā le̱ ši, ni ešã fo̱ le̱ ní edše ṅma ewo Iehowa.

⁷Ni ame̱kašã afo̱lei ame̱hã wo̱dši ní ame̱nyieo̱ ame̱se̱ ke̱-bo̱ö̱ adſamaṅ le̱ doṅṅ. Ene̱ atšṍ nāno̱ akpo̱ ahãame̱ ye̱ ame̱yino̱i fẽ. [112]

⁸Ni okē̱ame̱ ake̱: Mofẽmo ní yo̱ Israel we le̱ lo gbo̱ ní too̱ gbo̱ ye̱ ame̱teṅ ní aašã šā̃-afo̱le lo gbē-afo̱le,

⁹ni eke̱-baa *kpē-bū le̱ šĩnā le̱ nā, koni ašã ahã Iehowa le̱, le̱ le̱ aafole̱ ke̱-adše̱ emã le̱ teṅ aše̱ afõ. [113]

¹⁰Ni mofẽmo ní yo̱ Israel we le̱ lo gbo̱ ní too̱ ame̱teṅ gbo̱ le̱, ní *yeo̱ lá-ſẽ-lá le̱, madšie mihĩe maka nakai susuma le̱, ni mafole̱ ke̱-adše̱ emã le̱ teṅ maše̱ mafo. [114]

¹¹Edšake̱ helo le̱ wala ye̱ elá le̱ mli, ni mi le̱ miṅõ-hãnye ye̱ afo̱lešãlate̱ le̱ no̱, koni aṅõ-kpãtã ahã nyesusumai le̱; edšake̱ *lá ake̱-kpãtãa ahãa susuma. [115]

¹²Nohewo̱ ni mikē̱ Israelbii le̱ ake̱: Nyeteṅ mokomoko akaye lá ko, ni gbo̱ hũ ni too̱ gbo̱ ye̱ nyeteṅ le̱ akaye la ko.

¹³Ni Israelbii le̱ ateṅ mofẽmo ke̱ gbo̱ ni too̱ gbo̱ ye̱ ame̱teṅ le̱, kē̱ eyagbo̱bi ni egbe kolo lo loflõ ní ayeo̱ le̱, efo̱se ela le̱ eſie ši, ni eke̱ sũ aha no̱.

¹⁴Edšake̱ *helo-fẽ-helo wala le̱, ela le̱ noṅṅ mli ewala le̱ yo̱; hewo̱ ni mikē̱ Israelbii le̱ ake̱: Nyekayea lō ko lō ko lá; edšake̱ helo-fẽ-helo wala dši ela le̱; mofẽmo ní yeo̱ le̱, aafole̱ aše̱ afõ. [116]

¹⁵Ši *mofẽmo ní yeo̱ noko ní enyõ lo noko ní atšere̱ mli le̱, mã le̱ṅ nyo ni dšio, gbo̱ ni dšio, efo̱ etadei ahe, ni eke̱ nu adšu ehe, ni ehe tšee ke̱-yaši gbe̱ke̱; no fẽdã ehe aatše. [117]

¹⁶Ni kē̱ efo̱o̱ etadei ahe ni edšuu ehe le̱, no le̱ esõ akã eno.