Read luganda 3 Mose 19 Bible Online

3 Mose 19 - luganda bible

3 Mose 19

¹Ni Iehowa ke̱ Mose wie ni ekē̱:

²Oke̱ Israelbii asafo le̱ fẽ awie ni okē̱ame̱ ake̱: Nyefea kroṅkroṅ, edšake̱ mi, Iehowa, nye-Nyoṅmo̱ le̱, mokroṅkroṅ dšimi. [130]

³Mofẽmo aše enye ke̱ etše̱ gbeyei, ni mihedšō̱mo̱gbĩĩ le̱ nyeyea; midši Iehowa, nye-Nyoṅmo̱ le̱. [131]

⁴Nyekayanyiea yakayakawo̱dši ase̱, ni nyekafea nyoṅmo̱i ní aſie hũ nyehãa nyehe; midši Iehowa, nye-Nyoṅmo le̱, [132]

⁵Ni ke̱ nyemīšã šidā-afo̱le nyebã Iehowa le̱, *nyesãale̱ bo̱ni nyeke̱-asa ehĩe; [133]

⁶aye gbĩ ní nyešã le̱ noṅṅ, ke̱ eno̱dšetše̱remo̱ le̱; ši noni baſe̱ ke̱-baši gbĩ ní dši gbĩ etẽ le̱ no̱ le̱, ake̱ la ašã. [134]

⁷Ši ké̱ aye gbĩ ní dši gbĩ etẽ le̱ no̱ kẽ le̱, ahĩ ko̱kō̱ko̱, anãṅ he tšui.

⁸Ni moni yeo̱ le̱ atĕre emusu, edšake̱ ebule Iehowa nõkroṅkroṅ le̱, ni aafo ne̱ke̱ susuma ne̱ ke̱-adše̱ emã le̱ṅ aše̱ afo.

⁹Ni ke̱ nyemīkpa nyešikpoṅ le̱ no̱ nii le̱, kākpa oṅmõ le̱ nānā nii le̱ kwrā ke̱-mõ ši, ni onikpamo̱nii le̱ amli kpe̱kpe̱bii le̱ hũ kākpe̱te. [135]

¹⁰Ni oweintrom le̱ hũ kāyakpe̱te mli, ni oweintrom yibii ní ſie ši le̱ kāye kpe̱-kpe̱o: ahĩafo ke̱ gbo̱ moṅ ošĩ ohã; midši Iehowa, nye-Nyoṅmo̱ le̱.

¹¹Nyekadšua, ni moko akašišiua enanyo gbomo ni eyele̱ kũtũmpo̱o. [136]

¹²Ni nyeke̱ migbei le̱ akakãa amale kitã, ní oṅõ-bule o-Nyoṅmo̱ le̱ gbe̱i le̱; midši Iehowa. [137]

¹³Kāye onanyo amim ni okalō enii. *Kāhã dše mītše̱re apāfonyo nyõmo̱wo le̱ no̱. [138]

¹⁴Kālomo̱ toimũlo̱, ni okafe pampĩ omã *ſilafo hĩe; ši oše o-Nyoṅmo̱ le̱ gbeyei; midši Iehowa. [139]

¹⁵*Nyekayea kũtũmpo̱o ye̱ kodšomo̱ mli: kākwe̱ ohĩafo hĩe, ni ohĩe akaſie gbomo agbo hũ hĩeaṅ; dšale̱ nā okodšo onanyo gbomo. [140]

¹⁶Kānyie ake̱ ošekuyelo̱ ye̱ omã le̱ mli; kāte ši odamo̱ ši owo onanyo lá le̱; midši Iehowa.

¹⁷Kānye̱ onyemi ye̱ otšui mli; kã *okã onanyo gbomo, koni okalō ehewo̱ esa ko. [141]

¹⁸Kāto̱ owele ni okabe̱ omaṅbii le̱ eko owo omli; ši suomo̱ onanyo, take̱ bo̱ni osumoo̱ bodientše̱ ohe le̱; midši Iehowa. [142]

¹⁹Nyeyea mikpo̱i le̱ ano̱. Ošĩa koloi le̱, kāhã ame̱mīfutu ame̱mīkwo̱; oṅmõ hũ kāfutu dũmo̱nii odũ ye̱ mli; ni kāwo atade ní ake̱ klala ke̱ kũntũ futu lò. [143]

²⁰Ke̱dši nū ko ke̱ yō ko wo̱, ni yō le̱ dši nyṍnyō ní eye̱ enuntšo̱ le̱ šiši, ni anáko akpõle̱ lo ahã eye ehe le̱, agbla-ame̱ toi moṅ; ši akagbeame, edšake̱ ahãko eye ehe.

²¹Ši nū le̱ ke̱ esõ-afo̱le aba abahã Iehowa ye̱ kpē-bū šĩnā le̱ nā, sõ-afo̱le tōagbo eke̱-ba;

²²ni *oso̱fo le̱ ke̱ sõ-aſo̱le tōagbo le̱ akpãtã ahãle̱ ye̱ Iehowa hĩe ye̱ eša ní efe le̱ hewo, ni aaṅõ ehe eša ní efe le̱ afale̱. [144]

²³Ni ke̱ nyeba šikpoṅ le̱ no̱ ni nyebate̱o yelitšo-fẽ-yelitšo ní ayeo̱ le̱, nyebua ame̱yibii le̱ ake̱ fōnii. Afii etẽ ame̱-tšṍ fōnii ame̱hãnye, ni akaye;

²⁴ši afi ní dši edſe̱ le̱ no̱ le̱ ame̱yibii le̱ fẽ afe kroṅkroṅ ni ake̱-dšie Iehowa yi;

²⁵ni afi ní dši enumo̱ le̱ no̱ le̱ nyeyea ame̱yibii le̱, koni ame̱nibãnii le̱ afã́ babaō ahānye; midši Iehowa, nye-Nyoṅmo̱ le̱.

²⁶Nyekayea noko *ke̱ lá, Nyekaklaä ni nyekayea ṅkũnyã. [145]

²⁷Nyekaše̱a nyeyi kutrukui, ni okafite otšẽṅ nā. [146]

²⁸Nyekabãmo̱a nyehe gbẽi ye̱ gbonyo ko hewo̱, ni nyekayea nyehewolo no̱ sãmãi; midši Iehowa.

²⁹Kābule obiyō ní ohã ebo̱ adſamaṅ, koni šikpoṅ le̱ akabo̱ adſamaṅ, ni šikpoṅ le̱ no̱ bayi to̱ ke̱ musu.

³⁰Mihedšō̱mo̱gbĩĩ le̱ nyeyea, ni mihekroṅkroṅ le̱ hũ nyešea; midši Iehowa.

³¹Nyekayanyiea *okomfoi ase̱, ni klamo̱i le̱ hũ, nyekataoa ame̱se̱gbe̱ ní nyeke̱wo nyehe mũdši; midši Iehowa. [147]

³²Te ši ye̱ yiteṅwadšiatše̱ hĩe, ni owo nūmo hĩe nyam, ni oše o-Nyonmo̱ le̱; midši Iehowa.

³³Ni ké̱ gbo̱ ko bato gbo̱ ye̱ nye-šikpoṅ le̱ no̱ le̱, nyekawaäle̱ yi. [148]

³⁴Gbo̱ ní too̱ gbo̱ ye̱ nyeṅõ le̱, nye-buale̱ tamo̱ nyemaṅnyo noṅṅ, ni osumo̱le̱ take̱ boni osumo̱ bodientše̱ ohe le̱; edšake̱ nye hũ nyeyato gbo̱ pẽṅ ye̱ Mizraim šikpoṅ le̱ no̱. Midši Iehowa, nye-Nyoṅmo̱ le̱.

³⁵Nyekayea kũtũmpo̱o ye̱ kodšomo̱ mli, ye̱ nisusumo̱ ke̱ niṅmē̃ ke̱ nika gbefãṅ. [149]

³⁶Nyehĩea nsẽnii ní dša, te̱i ní dša, efa ní dša ke̱ hin ní dša; midši Iehowa, nye-Nyoṅmo̱ le̱, ní dsienye ke̱-dše̱ Mizraim šikpoṅ le̱ no̱ le̱.

³⁷Nohewo̱ le̱ nyebua mikpoi le̱ fẽ ke̱ migbe̱nānii le̱ fẽ, ni-nyeyea no̱; midši Iehowa. [150]