Read luganda 3 Mose 23 Bible Online

3 Mose 23 - luganda bible

3 Mose 23

¹Ni Iehowa ke̱ Mose wie ni ekē̱:

²Oke̱ Israelbii le̱ awie ni okē̱ame̱ ake̱: Iehowa gbĩĩ dšudši, nõ no̱ ní nyešie̱ kpē kroṅkroṅ le̱, migbĩĩ dšudši le̱ ne̱:

³Gbĩĩ ekpa ake̱-tšu nii, ši gbĩ ní dši gbĩ kpawo le̱ hedšō̱mo̱ kpō gbĩ ni, kpe kroṅkroṅ ni; nyekatšua nitšumo̱ ko nitšumo̱ ko, Iehowa hedšō̱mo̱gbĩ ni ye̱ nyešihĩle̱hei le̱ fè. [171]

⁴Ene̱mei dši Iehowa gbĩĩ dšudši ní dši kpēi kroṅkroṅi ní nyešie̱ ye̱ ame̱be ní ato mli le̱: [172]

⁵Kleṅkleṅ nyõṅ le̱ no̱ gbĩ ní dši gbĩ nyoṅma ke̱ edſe̱ le̱ no̱ gbe̱ke̱nāši le̱ Iehowa Hehō ni. [173]

⁶Ni gbĩ ní dši gbĩ nyoṅma ke̱ enumo̱ ye̱ nakai nyõṅ le̱ no̱ noṅṅ ayeo̱ akpĩtĩ gbïdšŭrõ le̱ ahãa Iehowa; nyeyea akpĩtĩ gbĩĩ kpawo.

⁷Kleṅkleṅ gbĩ le̱ no̱ le̱ akpe kpē kroṅkroṅ ye̱ nyeteṅ; nyekatšua nitšumo̱ ko nitšumo̱ ko ní wa.

⁸Ni nyeke̱ afo̱le ní ake̱ la šãa aba-hãa Iehowa gbĩĩ kpawo. Gbĩ ní dši gbĩ kpawo le̱ no̱ le̱ akpe kpē kroṅkroṅ; nyekatšua nitšumo̱ ko nitšumo̱ ko ní wa.

⁹Ni Iehowa ke̱ Mose wie ni ekē̱:

¹⁰Oke̱ Israelbii le̱ awie ni okē̱ame̱ ake̱: Ke̱dši nyebaše̱ šikpoṅ le̱ ní miṅõ-hãanye le̱ no̱, ni nyemīkpa eno̱ nikpamo̱nii le̱, no le̱ nyeke̱ nyenikpamo̱nii le̱ mli kleṅkleṅ dšatšu le̱ abaä oso̱fo le̱ ṅõ;

¹¹ni efõ dšatšu le̱ ye̱ Iehowa hĩe̱, koni nyeke̱-sa ehĩe; hedšō̱mo̱gbĩ le̱ no̱ *dšetše̱reno̱ le̱ ní oso̱fo le̱ afõ. [174]

¹²Ni gbĩ no̱ ní nyefõo̱ dšatšu le̱, nyeṅõa tōgwanteṅbi ní kpa ko be̱ ehe ni eye afi nyefea šā̃-afo̱le nyehãa Iehowa;

¹³ni ehe niyenii-afo̱le ne̱: ṅmā̃ mã efa mlidšāäi nyoṅma mli enyo̱ ní awo mli mũ, ni ake̱-fe afo̱le ní ake̱ la šãa ahãa Iehowa ní edše ṅma; ni ehe dā̃-afo̱le ne̱: wein hin mlidšāi edſe̱ mli ekome.

¹⁴Ni abolo lo able ní ašã lo ablefo̱ le̱ nyekayea eko ke̱-yaši nakai gbĩ le̱ noṅṅ ní nyeke̱ nye-Nyoṅmo̱ le̱ nikēnii le̱ baä le̱. Nāno̱ akpo̱ hã nyeyino̱i le̱ ye̱ nye-šihĩle̱hei le̱ fẽ ne̱.

¹⁵Ke̱ke̱ ni nyekane gbĩĩ nyehã nyehe ke̱-dše̱ hedšō̱mo̱gbĩ le̱ no̱ dšetše̱remo̱, gbĩ no̱ ní nyeke̱ fō̃-dšatšu le̱ ba le̱ ke̱-yaši aaše̱ otšii kpawo pe̱pē̱pe̱, [175]

¹⁶ke̱-yaši hedšō̱mo̱gbĩ ní dši kpawo le̱ no̱ dšetše̱remo̱ le̱ nyekanea gbĩĩ nyoṅmai-enumo̱; ke̱ke̱ ni nyeke̱ niyenii-afo̱le hẽ le̱ abahã Iehowa.

¹⁷Nyeke̱ fō̃-aboloi enyo̱ adše̱a nye-šihĩle̱hei le̱ abahãa; efa mlidšāi nyoṅma mli enyo̱ ṅmā̃ mã nyeṅõ-fea aboloi enyo̱ le̱ ní akē̱ mãša ašã ni ake̱-fe kleṅkleṅ-yibii-afo̱le ahà Iehowa.

¹⁸Ni nyeṅõa tōgwanteṅbii kpawo ni kpa ko be̱ ame̱he ní ame̱ye afifi nyefa-taä abolo le̱ he, ke̱ tšina oblanyo kome ke̱ tōagboi enyo̱; ene̱mei afe Iehowa šā̃-afo̱le ke̱ ehe niyenii-afo̱le ke̱dā̃-afo̱le le̱, afo̱le ní ake̱ la šãa ní dšeo̱ ṅma hãa Iehowa ne̱.

¹⁹Ni nyeṅõa tōkpakpo kome nyefea eša-afo̱le, ke̱ tōgwanteṅbii enyo̱ ní eye afifi nyefea šidā-afo̱le.

²⁰Ni oso̱fo le̱ aṅõ nii ne̱ ke̱ kleṅkleṅyibii abolo le̱ efe fō̃-afo̱le ye̱ Iehowa hĩe ke̱ tōgwanteṅbii enyo̱ le̱ fẽ; ame̱-tšṍmo̱ kroṅkroṅ ame̱hã Iehowa, ni aṅõ-hã oso̱fo le̱.

²¹Ni nyešie̱ ye̱ no gbĩ le̱ no̱ noṅṅ, ake̱ nyebakpe kpẽ kroṅkroṅ; nyekatšua nitšumo̱ ko nitšumo̱ ko ní wa. Nāno̱ akpo̱ dši no ye̱ nyešihĩle̱hei le̱ fẽ hã nyeyino̱i le̱.

²²Ni ke̱dši *nyemīkpa nyešikpoṅ le̱ no̱ nii le̱, kākpa oṅmõ le̱ nānā nii le̱ kwrā ke̱-mõ ši, ni onikpamo̱nii le̱ amli kpe̱kpe̱bii le̱ hũ kākpe̱te: ohĩafo ke̱ gbo̱ moṅ ošĩ ohã; midši Iehowa, nye-Nyoṅmo̱ le̱. [176]

²³Ni Iehowa ke̱ Mose wie ni ekē̱:

²⁴Oke̱ Israelbii le̱ awie ake̱: Nyõṅ ní dši kpawo le̱ no̱ kleṅkleṅ gbĩ ní dši hedšō̱mo̱gbĩ le̱ nyeyea te̱tre̱mantre̱-kpãmo̱ kaimo̱ gbĩdšŭrõ, akpe kpē kroṅkroṅ; [177]

²⁵nyekatšua nitšumo̱ ko nitšumo̱ ko ní wa, ni nyeke̱ afo̱le ní ake̱ la šãa abahãa Iehowa.

²⁶Ni Iehowa ke̱ Mose wie ni ekē̱:

²⁷Asaṅ nyõṅ ní dši kpawo le̱ noṅṅ no̱ gbĩ ní dši gbĩ nyoṅma dši *kpãtãmo̱gbĩ le̱; nyekpea kpē kroṅkroṅ, ni nyewaä nyesusumai ayi, ni nyeke̱ afo̱le ní ake̱ la šãa abahãa Iehowa. [178]

²⁸Nyekatšua nitšumo̱ ko nitšumo̱ ko ye̱ nakai gbĩ le̱ no̱; edšake̱ kpãtãmo̱gbĩ ni, koni akpãtã ahãnye̱ ye̱ Iehowa, nye-Nyoṅmo̱ le̱, hĩe.

²⁹Edšake̱ mofẽmo ní waa esusuma yi ye̱ nakai gbĩ le̱ no̱ le̱, le̱ le̱ aafole̱ ke̱-adše̱ emã le̱ṅ aše̱ afõ.

³⁰Ni mofẽmo ní tšuo̱ nitšumo̱ ko ye̱ nakai gbĩ le̱ no̱ le̱, makpãtã nakai susuma le̱ hĩe ke̱-adše̱ emaṅbii le̱ ateṅ.

³¹Nyekatšua nitšumo̱ ko nitšumo̱ ko. Nāno̱ akpo̱ dši no hã nyeyino̱i le̱ ye̱ nyešihĩle̱hei le̱ fẽ.

³²Hedšō̱mo̱gbĩ wulu ni hãnye, ni nye-waä nyesusumai ayi ye̱ nyõṅ le̱ no̱ gbĩ ní dši gbĩ ne̱hũ le̱ gbe̱ke̱nāši; nyeyea nyehedšō̱mo̱gbĩ le̱ ke̱-dše̱ gbe̱ke̱ ke̱-yaši gbe̱ke̱ ekoṅ.

³³Ni Iehowa ke̱ Mose wie ni ekē̱:

³⁴Oke̱ Israelbii le̱ awie ake̱: Nakai nyõṅ ní dši kpawo le̱ noṅṅ no̱ gbĩ ní dši gbĩ nyoṅma ke̱ enumo̱ le̱ no̱ le̱ aye asesei agbĩdšŭrõ le̱ gbĩĩ kpawo ahã Iehowa. [179]

³⁵Kleṅkleṅ gbĩ le̱ no̱ le̱ akpe kpẽ kroṅkroṅ; nyekatšua nitšumo̱ ko nitšumo̱ ko ní wa.

³⁶Gbĩĩ kpawo nyeke̱ afo̱le ní ake̱ la šãa abahã Iehowa; gbĩ ní dši *gbĩ kpānyo̱ le̱ no̱ le̱ nyekpea kpẽ kroṅkroṅ, ni nyeke̱ afo̱le ní ake̱ la šãa abahãa Iehowa; kpē wulu gbĩ ni; nyekatšua nitšumo̱ ko nitšumo̱ ko ní wa. [180]

³⁷Ene̱mei dši Iehowa gbĩĩ dšudši, no no̱ ní nyešie̱ ake̱ akpe kpēi kroṅkroṅi le̱, koni ake̱ afo̱le ní ake̱ la šãa abahã Iehowa: šā̃-afo̱le ke̱ niyenii-afo̱le ke̱ gbē-afo̱le ke̱ dā̃-afo̱le, nofẽno ye̱ egbi no̱,

³⁸esŏro Iehowa hedšō̱mo̱gbĩĩ le̱, ni esŏro nyenihãmo̱nii le̱, ni esŏro nyešiwōi le̱ fẽ, ni esŏro nyetšuidšŭrõnãnii le̱ fẽ ní nyeṅõ-hãa Iehowa le̱.

³⁹Asaṅ nyõṅ ní dši kpawo le̱ no̱ gbĩ ní dši gbĩ nyoṅma ke̱ enumo̱ le̱, beni nyebua šikpoṅ le̱ nibānii le̱ anā le̱, nyeyea Iehowa gbĩdšũrõ le̱ gbĩĩ kpawo; kleṅkleṅ gbĩĩ le̱ hedšō̱mo̱gbĩ ni.

⁴⁰Ni kleṅkleṅ gbĩ le̱ ne̱ le̱ *nyeṅõa tšeiayibii fe̱fe̱dši ke̱ ble̱oi ke̱ tšei kusūi anidši ke̱ fā nā kpãi, ni nyenyã́a ye̱ Iehowa, nye-Nyoṅmo̱ le̱, hĩe gbĩĩ kpawo. [181]

⁴¹Ni nyeke̱ gbĩĩ kpawo ayea gbĩdšŭrõ abãa Iehowa dā afi. Nāno̱ akpo̱ dši no hã nyeyino̱i le̱; nyõṅ ní dši kpawo le̱ no̱ le̱ nyeyea ne̱ke̱ gbĩdšŭrõ ne̱.

⁴²Nyehĩa asesei amli gbĩĩ kpawo; Israelnyo-fẽ-Israelnyo ahĩ asesei amli.

⁴³Beni afe ní nyesešibii le̱ aná ale ake̱ asesei amli mihã Israelbii le̱ hĩ, beni midšieame̱ ke̱-dše̱ Mizraim šikpoṅ le̱ no̱ le̱; midši Iehowa, nye-Nyoṅmo̱ le̱.

⁴⁴Ni Mose dšadše Iehowa gbĩĩ dšudši le̱ ahe sãdši le̱ etšõ Israelbii le̱.