Read luganda 3 Mose 25 Bible Online

3 Mose 25 - luganda bible

3 Mose 25

¹Ni Iehowa ke̱ Mose wie ye̱ Sinai goṅ le̱ no̱ ni ekē̱:

²Oko̱ Israelbii le̱ awie ni okē̱ame̱ ake̱: Ke̱ nyeyaše̱ šikpoṅ ní miṅo-hãanye le̱ no̱ le̱, no le̱ šikpoṅ le̱ adšō̱ ehe, ní eye hedšō̱mo̱-afi ehã Iehowa.

³Afii ekpa odũ oṅmõṅ nii, ni afii ekpa okplo̱ oweintšei ahe, ni obua enibānii anā; [191]

⁴ši afi ní dši kpawo le̱ afe hedšō̱mo̱-afi wulu ahã šikpoṅ le̱, hedsō̱mo̱ hã Iehowa ni; kādũ nii ye̱ oṅmõ le̱ṅ, ni oweintrom mli tšei le̱ hũ kākplo̱ he.

⁵Noni le̱dientše̱ ekwẽ ye̱ onikpamo̱ le̱ se̱ le̱ kākpa oto, ni oweintšo ní akplo̱o̱ he le̱ no̱ yibii le̱ hũ kābua nā; hedšō̱mo̱-afi ni hã šikpoṅ le̱.

⁶Ni šikpoṅ le̱ hedšō̱mo̱be le̱ mli nii le̱ atšṍ nyenõ ní nyeye, bo ke̱ owenū ke̱ oweyō ke̱ opāfonyo ke̱ gbo̱ ní ke̱o yo̱ le̱,

⁷ke̱ ošĩa koloi ke̱ koloi ní yo̱ ošikpoṅ le̱ no̱ le̱; emli nibānii le̱ fẽ atšṍ ame̱-niyenii.

⁸Ni okane ne̱ke̱ hedšō̱mo̱-afii ne̱ kpawo, afii kpawo kpawo toi kpawo ohã ohe, koni hedšō̱mo̱-afii kpawo le̱ mli gbĩĩ afe afii nyoṅmai-edſe̱ ke̱ ne̱hũ.

⁹Ni nyõṅ ní dši kpawo le̱ no̱ gbĩ ní dši gbĩ *nyoṅma le̱ no̱ le̱ hã akpa te̱tre̱mantre̱ wä ke̱-fo ši, nyehãa akpãa te̱tre̱mantre̱ ke̱-foa ši ye̱ nyešikpoṅ mū le fẽ no̱ ye̱ ne̱ke kpãtãmo̱gbĩ ne̱ no. [192]

¹⁰Ni afi ní dši nyoṅmai-enumo̱ le̱ nye-feale̱ kroṅkroṅ, ni nyešie̱a *heyeli ye̱ šikpoṅ le̱ no̱ nyehãa eno̱bii fẽ; etšṍ nyã́mo̱-afi ehãnye, ni nyeteṅ mofẽmo akũ ese̱ ayaṅõ enii, ni nyeteṅ mofẽmo akũ ese̱ aya ewekumei ateṅ ekoṅ. [193]

¹¹Ne̱ke̱ afi ní dši afi nyoṅmai-enumo̱ ne̱ atšṍ nyã́mo̱-afi ahãnye; nyekadũa nii ye̱ no̱, ni asaṅ nyekakpaä noni le̱dientše̱ eba le̱, ni nyekabuaä nyeweintšei ní akplo̱o̱ he le̱ no̱ yibii le̱ anā.

¹²Edšake̱ nyã́mo̱-afi ni, efe kroṅkroṅ ehãnye; emli nibänii le̱ nyeyea ye̱ ṅmõ no̱.

¹³Ne̱ke̱ nyã́mo̱-afi ne̱ mli le̱ nyeteṅ mofẽmo akũ ese̱ ayaṅõ enii ekoṅ.

¹⁴Ni ke̱dši oho noko ohã onanyo gbomo, alo ohe noko ye̱ edeṅ le̱, nyeteṅ *moko akamõ enanyo. [194]

¹⁵Nyã́mo̱-afi le̱ se̱ afii ayikule̱ nā ohe nii ye̱ onanyo deṅ, ni nibānii afii ayikule̱ nā ehõ nii ehão.

¹⁶Ké̱ afii le̱ fá le̱, oṅmẽ edšra le̱ no̱, ni ké̱ afii le̱ fáá le̱, otše edšra le̱ no̱; edšake̱ afii le̱ amli nibānii le̱ ayikule̱ ehoo ehõo̱ le̱.

¹⁷Nohewo̱ le̱ nyeteṅ moko akamõ enanyo, ši še o-Nyoṅmo̱ gbeyei; edša-ke̱ midši Iehowa, nye-Nyoṅmo̱ le̱.

¹⁸Ni mikpo̱i le̱ nyeyea no̱, ni mimlai le̱ nyetoa ní nyeyea no̱, ni *nyeahĩ šikpoṅ le̱ no̱ ſeſēfe. [195]

¹⁹Ni šikpoṅ le̱ aaba edeṅ nibale̱, ni nyeaye nyetŏ̱ro̱, ni nyeahī no̱ ſeſēſe.

²⁰Ni ke̱dši nyekē̱ ake̱: Meni wo̱baye ye̱ afi ní dši kpawo le̱ mli? Na, wo̱dũũ nii ni asaṅ we̱buaa wonibānii anā le̱:

²¹no le̱ *maſã́ midšō̱mo̱ le̱ ní eba nyeno̱ ye̱ afi ní dši ekpa le̱ mli, koni eba nii ehã afii etẽ so̱ṅṅ; [196]

²²ni nyeadũ nii ye̱ afi ní dši kpānyo̱ le̱ mli, ni nyeaye nibänii ní yo̱ momo le̱ ke̱-yaši afi ní dši ne̱hũ le̱ mli; nyeaye nibānii ní yo̱ momo le̱ ke̱-yaši beyino ní enibānii le̱ aaba.

²³Nohewo̱ le̱ šikpoṅ le̱, nyekahõa kwrakwra, edšake̱ minõ dši šikpoṅ le̱, edša-ke̱ *miwe gbe̱i ke̱ mišĩa gbomei dšinye. [197]

²⁴Ni nyene̱yeli šikpoṅ le̱ fẽ no̱ le̱ nyehãa šikpoṅ kpõmo̱ hegbe̱.

²⁵Ke̱dši efĩ onyemi ni ehõ eno̱yelinii le̱ eko le̱, no le̱ ewekunyo ní be̱ṅke̱le̱ aba, ni *ebakpõ noni enyemi le̱ hõ le̱. [198]

²⁶Ši ke̱dši nū ko be̱ moko ní aayakpõ, ni ená edeṅ noko ni ena ake̱ aaše̱ kpõmo le̱,

²⁷no le̱ ebu afii ní ehõ le̱ nā, ni noni eſe̱ le̱ eto moni ehõ ehã le̱ nãdšiaṅ, ni ekũ ese̱ eyaṅõ enii le̱.

²⁸Ši ke̱dši le̱dientše̱ enyẽẽ eyakpõ le̱, no le̱ noni ehõ le̱ ahĩ moni he le̱ deṅ ke̱-yaši nyã́mo̱-afi le̱, ni nyã́mo̱-afi le̱ mli le̱ mo le̱ aṅmē̃ he, ni ekũ ese̱ eyaṅõ enii ekoṅ.

²⁹Ni ke̱dši moko hõ ešĩa ye̱ maṅ ní atſa gbogbo awo he mli le̱, ahãle̱ kpõmo̱ hegbe̱ afii nãkplo̱ ke̱-dše̱ ehõmo̱ be le̱ mli, gbĩĩ ní eyo̱ kpõmo hegbe̱ dši no.

³⁰Ši ke̱dši akpõõ ye̱ afi nākplo̱ le̱ nāgbē le̱, no le̱ šĩa ní yo̱ maṅ ní atſa gbogbo awo he le̱ mli le̱ amã ši ahā moni he le̱ kwrakwra hã esešibii fe; ekaṅmē̃ he ye̱ nyã́mo̱afi le̱ṅ.

³¹Ši tšũi ní yo̱ akrowai ní gbogbo be̱ he le̱ amli le̱, abu aši šikpoṅ le̱ no̱ ṅmõdši ano̱; ahãle̱ kpõmo̱ hegbe̱, ni nyã́mo-afi le̱ mli le̱ aṅmẽ he.

³²Ni Levibii *amãdši ní dši ame̱no̱yeli mãdši le̱ amli šĩai le̱, nomei le̱, Levibii le̱ ye̱ hegbe̱ ake̱ ame̱kpõo̱ befẽbe. [199]

³³Ni ke̱dši Levibii le̱ ateṅ moko kpõõ ene̱yelinii le̱, no le̱ aṅmē̃ šĩa ní ahõ ní yo̱ emaṅ le̱ mli le̱ he ahã le̱ ye̱ nyã́mo̱-afi le̱ṅ; edšake̱ Levibii le̱ amãdšiaṅ šĩai le̱ dši ame̱no̱yelinii ye̱ Israelbii le̱ ateṅ.

³⁴Ši ame̱mãdši le̱ ahe šikpõdši le̱ akahõ; edšake̱ ame̱no̱yelinii ní kã ši dā ni.

³⁵Ni ke̱dši efĩ onyemi ye̱ omase̱i, ni ké̱ emõ ní ekpee le̱, no le̱ mõ emli, ní ehĩ oṅõ ake̱ owe gbo̱ ke̱ ošĩa gbomo.

³⁶*Kāhe hekpa ye̱ edeṅ, ni kāṅmẽ enyõmo̱ ní ewoo̱o le̱ no̱, ši oše o-Nyoṅmo̱ le̱, koni onyemi le̱ ahĩ ši ye̱ omase̱i. [200]

³⁷Ošika ní ofale̱ le̱ kāhele̱ hekpa, ni oniyenii ní ohãale̱ le̱ hũ kābu eko oſie no̱.

³⁸Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni maṅõ Kanaan šikpoṅ le̱ mahãnye, ni matšṍ nye-Nyoṅmo̱ le̱.

³⁹Ni ke̱dši efĩ onyemi ní yo̱ omase̱i, ni *ehõ ehe ehão le, kāyele̱ nyṍṅ; [201]

⁴⁰moṅ etšṍ tamo̱ apāfonyo ke̱ šĩa gbomo ye̱ oṅõ; ni esúmo̱o ke̱-yaši nyã́mo̱-afi le̱,

⁴¹ni edše oṅõ, le̱ ke̱ ebii fẽ, ni ekũ ese̱ ke̱-ya ewekumei ateṅ ní eyaṅõ etše̱mei ano̱yelinii le̱ ekoṅ.

⁴²Edšake̱ ame̱dši mitšũdši ní midšieame̱ ke̱-dše̱ Mizraim šikpoṅ le̱ no̱ le̱; akahõame̱ tamo̱ ahõo̱ nyõdši.

⁴³Kàye eno̱ *ke̱ yiwale̱, ši še o-Nyoṅmo̱ le̱ gbeyei. [202]

⁴⁴Ši ke̱dši otao wehĩĩ ke̱ weyei le̱, no le̱ dšeṅmãdši ní bo̱le nyehe le̱ ateṅ nyeyahea wehĩĩ ke̱ weyei ye̱;

⁴⁵ni gbo̱i ní hĩo̱ nyeṅõ le̱ abii ke̱ ame̱wekumei ní ke̱nye yo̱ ní afo̱ ye̱ nyešikpoṅ le̱ no̱ le̱ ateṅ meikomei nyehea, ni ame̱tšṍmo̱ nyenii,

⁴⁶ni nyešĩame̱ nyehã nyebii ake̱ amegboši gbomei, ni ame̱tšṍmo̱ nyenyṍdši ke̱-ya nāno̱; ši nyenyemimei Israelbii le̱, moko akaye moko no̱ ke̱ yiwale̱.

⁴⁷Ni ke̱dši gbo̱ ko lo mokpoṅ ko ni ke̱o yo̱ le̱ ná nii, ni efĩ onyemi ní ke̱le̱ yo̱ le̱, ní ehõ ehe ehã gbo̱ ní ke̱o yo̱ lo gbo̱ le̱ ſĩei ko ní dše̱ eweku le̱ mli le̱,

⁴⁸no le̱, beni ehõ ehe se̱ le̱, ahãle̱ kpõmo̱ hegbe̱; enyemimei le̱ eko akpõle̱,

⁴⁹alo etše̱kwẽ alo etše̱kwẽbi akpõle̱, lo moko ní eſe̱ ye̱ eweku le̱ mli ní be̱ṅke̱le̱ akpõle̱, lo ké̱ ená noko le̱, le̱dientše̱ ekpõ ehe.

⁵⁰Ni eke̱ moni hele̱ le̱ abu akontā ke̱-dše̱ afi ní ehõ ehe ehãle̱ le̱ no̱ ke̱-yaši nyã́mo̱-afi le̱ no̱; ni eyinii le̱ abu ye̱ afii le̱ ayikule̱ nā, eke̱le̱ šihĩle̱ le̱ abu tamo̱ apāfonyo gbĩĩ.

⁵¹Ke̱dši eſe̱ afii pī dãni še̱o̱ nyã́mo̱-afi le̱, no le̱ eyi šika ní eke̱-bakpõ ehe le̱ afá nakai noṅṅ.

⁵²Ni ké̱ eſe̱ afii fio ke̱ke̱ ní še̱o̱ nyã́mo̱-afi le̱, abu ahãle̱; ehã kpõmo̱nii le̱ ye̱ afii le̱ anā pe̱.

⁵³Eke̱le̱ šihĩle̱ le̱ abule̱ tamo̱ apāfonyo šihĩle̱ afi-fẽ-afi, ekaye eno̱ *ke̱ yiwale̱ ye̱ ohĩe. [203]

⁵⁴Ni ke̱-dši akpõõle̱ ye̱ ne̱ke̱ gbè̱i ne̱ ano̱ le̱, no le̱ eṅõ ehe eye ye̱ nyã́me̱-afi le̱ṅ, le̱ ke̱ ebii fẽ.

⁵⁵Edšake̱ mitšũdši dši Israelbii le̱; ame̱dši mitšũdši ní midšie ke̱-dše̱ Mizraim šikpoṅ le̱ no̱ le̱; midši Iehowa, nye-Nyoṅmo̱ le̱.