Read luganda 3 Mose 26 Bible Online

3 Mose 26 - luganda bible

3 Mose 26

¹Nyekafea yakayakawo̱dši nyehãa nyehe, ni nyeke̱ amãgã lo wo̱ṅte̱ akamãa ši nyehãa nyehe, ni nyeke̱ te̱-mfoniri hũ akamãa ši ye̱ nyešikpoṅ le̱ no̱, *ní nyekoto ši nyedšá; edšake̱ midši Iehowa, nye-Nyoṅmo̱ le̱. [204]

²*Mihedšō̱mo̱gbĩĩ le̱ nyeyea, ni mihekroṅkroṅ le̱ hũ nyešea dše̱i gbeyei; midši Iehowa. [205]

³Ke̱dši nyenyie ye̱ mikpo̱i le̱ anā ni mikitãi le̱ hũ nyebu ni nyeye no̱ le̱,

⁴no le̱ mabã nyoṅmo̱ ane̱ ahãnye ye̱ be ní sa mli, ni šikpoṅ le̱ hũ aaba enii, ni ṅmodši amli tšei le̱ aawo ame̱yibii. [206]

⁵Ni nyeṅmā̃-gbẽmo̱ aakã no̱ ke̱-ate weinyibii atšemo̱be mli, ni weinyibii atšemo̱ aakã no̱ ke̱-ate nidũmo̱be mli, ni nyeaye nyebolo nyetŏ̱ro̱, ni nyeahĩ ši ſeſēſe ye̱ nyešikpoṅ le̱ no̱. [207]

⁶Ni mahã dšeṅ adšo̱ ye̱ šikpoṅ le̱ no̱, ni *nyeawo, ni mokomoko woṅ nyehe gbeyei, ni mahã koloi fõdši ase̱ afo ye̱ nyešikpoṅ le̱ no̱, ni klante hũ tšṍṅ nye-šikpoṅ le̱ no̱. [208]

⁷Ni nyeawo nyehenye̱lo̱i le̱ afoi, ni ame̱anyõnyõi ye̱ nyehĩe ye̱ klante nã.

⁸Ni nyeteṅ mei enumo̱ aawo mei oha foi, ni nyeteṅ mei oha hũ aawo mei akpei-nyoṅma foi, ni nyehenye̱lo̱i le̱ aanyõnyõi ye̱ nyehĩe ye̱ klante nā. [209]

⁹Ni matšṍ mihĩe mahãnye, ni mahã nyefo̱fo̱i ni mahã nyeyi afá, ni mahã mi ke̱ nye teṅ kpãṅmo̱ le̱ amã ši.

¹⁰Ni nyeaye kukudabi āhũ, ni nyeadšie emomo le̱ nyeſie ye̱ ehē le̱ hewo̱.

¹¹Ni maṅo mišihĩle̱he le̱ mamã nyeteṅ, ni misusuma nyãṅeṅnye.

¹²Ni manyie nyeteṅ, ni matšṍ nye-Nyoṅmo̱, ni nye hũ nyeatšṍ mimaṅ.

¹³Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni nyekafe ame̱nyṍdši doṅṅ, ni mikũmo̱ nyepã-tšei le̱, ni mihã nyenyie trõmō̃ le̱.

¹⁴Ši ke̱dši nyeboomi toi ni nyeyee mikitãi ne̱ ano̱,

¹⁵ni ke̱dši nyekwa mikpo̱i le̱, ni nyesusuma nyãṅe mimlai le̱, ni nyeyee mi-kitãi le̱ ano̱, ni nyekũ mikpãṅmo̱ le̱ mli le̱,

¹⁶mi hũ noni mafenye ne̱: mike̱ tšuifā̃ sane ke̱ hela ní wa ke̱ fulu aabaſie nyeno̱, ní aahã nyehĩnme̱ii afite, ni nyetšui asu; ni nyeadũ nyedũmo̱nii yakatſā, edšake̱ nyehenye̱lo̱i moṅ baye.

¹⁷Ni madšie mihĩe makanye, ni aatſia-nye nii ye̱ nyehenye̱lo̱i le̱ ahĩe, ni nye-hetšẽlo̱i le̱ aaye nyeno̱, ni nyeadšo foi, tše̱ moko woonye foi.

¹⁸Ni ke̱dši ene̱mei fẽ ase̱ ni nyeboomi toi lolo le̱, no le̱ magbla nyetoi šii kpawo mafata he ye̱ nyehe ešai le̱ ahewo̱,

¹⁹ni makũme̱ nyehewō ke̱ nyekue̱ṅwale̱ le̱, ni mahã *nyeṅwei le̱ atšṍ tamo̱ dade, ni nyešikpoṅ le̱ hũ aatšṍ tamo̱ akō̱ble. [210]

²⁰Ni nyeagbo yaka deṅme, edšake̱ nyešikpoṅ le̱ baṅ edeṅ nibale̱, ni šikpoṅ le̱ no̱ tšei le̱ woṅ yibii.

²¹Ni ke̱dši nyedše mihe tše̱i kẽ, ni nyesumo̱o̱ ake̱ nyeboo̱mi to̱i le̱, makã no̱ matſianye nii šii kpawo ye̱ nyehe ešai le̱ anā.

²²Ni matšũ ṅãṅ koloi ke̱-aba nyeteṅ, ni *ame̱šăra nyebii ye̱ nyehe, ni ame̱ye nyešĩa koloi le̱, ni ame̱hã nyeno̱ agbo̱, ni nyegbè̱i le̱ ano̱ afe šõ. [211]

²³Ni ke̱dši ne̱ke̱ toigblamo̱ ne̱ hũ hãã nyetšake, ni nyedše mihe tše̱i kẽ le̱,

²⁴no le̱ *mi hũ madše nyehe tše̱i, ni matſianye nii šii kpawo ye̱ nyehe ešai le̱ ahewo̱. [212]

²⁵Ni mike̱ *oweletō̱-klante aaba nyeno̱ ní eto̱ mikpãṅmo̱ le̱ he owele; ni ké̱ nyebua nyehe nā ye̱ nyemãdši le̱ amli le̱, mahã gbĕle-hela aba nyeteṅ, ni aaṅõnye awo henyelo̱ le̱ deṅ; [213]

²⁶beni mikũmo̱ nyebolo-tšo le̱, yei nyoṅma aašã nyebolo ye̱ flõnõ kome mli, ni aaṅmẽ nyebolo le̱ ahãnye ekoṅ ye̱ nsẽni mli, ni nyeaye ni nyetŏ̱ro̱ṅ.

²⁷Ni ke̱dši no hũ nyeboṅmi toi, ni nyeadše mihe tše̱i lolo le̱,

²⁸no le̱ mi hũ madše nyehe tše̱i ye̱ mlila nā, ni magbla nyetoi šii kpawo ye̱ nyehe ešai le̱ ahewo̱.

²⁹Ni nyeaye nyebihĩĩ le̱ alō, ni nyebiyei le̱ alō hũ nyeaye. [214]

³⁰Ni mafite nyehei groṅṅi le̱, ni maflo̱ nyehũlũ amãgãi le̱ maſie, ni maše̱re̱ nyegbohĩĩ le̱ maſie nyewo̱dši le̱ agbohĩĩ le̱ ano̱, ni misusuma aanyãṅenye.

³¹Ni mafe nyemãdši le̱ amaṅfõi, ni makpãtã nyehei kroṅkroṅi le̱ ahĩe, ni mihereṅ nyetšofã-ke̱-ṅma le̱ ṅmadšẽ le̱.

³²Ni midientše̱ po makpãtã šikpoṅ le̱ hīe, bo̱ni nyehenye̱lo̱i ni aahĩ no̱ le̱ tete ahĩe aafeame̱ yā.

³³Ši nyedientše̱ le̱, magbe̱nye maſã dšeṅmãdši le̱ ateṅ, ni magbla klante ke-nyie nyese̱, ni nyešikpoṅ le̱ aatšṍ ole̱ṅle̱, ni nyemãdši le̱ aatšṍmo̱ amaṅfõi.

³⁴Gbĩĩabo̱ fẽ ní nyeyo̱ nyehenye̱lo̱i ašikpoṅ le̱ no̱, ni šikpoṅ le̱ kã ši ole̱ṅle̱ le̱, bĕle̱ šikpoṅ le̱ mīye *ehedšō̱mo̱bei le̱ eto nãdšiaṅ; no dãni šikpoṅ le̱ aadšō̱ ehe, ni eeye ehedšō̱mo̱gbĩĩ le̱. [215]

³⁵Gbĩĩabo̱ fẽ ní ekã ši ole̱ṅle̱ le̱ ẽdšō̱ ehe, gbĩĩabo̱ ní edšō̱ō̱ ehe ye̱ nyehedšō̱mo̱bei le̱ amli beni nyeyo̱ no̱ le̱.

³⁶Ni nyeteṅ mei ní aaſe̱ le̱, mahã tšuifā̃ aba ame̱tšuiṅ ye̱ ame̱henye̱lo̱i le̱ ašikpõdši le̱ ano̱, ni bā ni gbēo̱ ši gbē̱mo̱ aawoame̱ foi, ni ame̱adšo foi tamo̱ adšoo̱ klante nā foi, ni ame̱anyõnyõi, tše̱ mokomoko be̱ ní woo̱ame̱ foi.

³⁷Ni ame̱agbēgbē ši, moko kã moko no̱, take̱ bo̱ni agbēo̱ ši ye̱ klante nā, tše̱ foiwolo̱ ko be̱; ni nyenyẽṅ nyehenye̱lo̱i ahĩe nyedamo̱.

³⁸Ni nyehĩe aakpãtã ye̱ dšeṅmãdši le̱ ateṅ, ni nyehenye̱loi le̱ ašikpoṅ le̱ aayenye.

³⁹Ni mei ní aaſe̱ ye̱ nyeteṅ le̱ aatărã lō ye̱ ame̱nišaianii le̱ ahewo ye̱ nyehenye̱lo̱i le̱ ašikpõdši le̱ ano̱, ni asaṅ ame̱atărã lō ye̱ ametšemei le̱ anišaianii le̱ ahewo hũ tamo̱ ame̱ noṅṅ.

⁴⁰Ke̱ke̱ ni *ame̱adšadše ame̱nifõdšianii ke̱ ame̱tše̱mei anifõdšianii le̱, bo̱ni ame̱yemi kũtũmpo̱o, ni asaṅ amedše mihe tše̱i, [216]

⁴¹ni mi hũ midše ame̱he tšei, ni mike̱ame̱ te ame̱henye̱lo̱i ašikpoṅ le̱ no̱ le̱; ke̱dši aleenõ *ame̱fō-tšui le̱ aaba ehe ši, ni †ame̱akplẽ ame̱nifõdšianii le̱ ahe nyõmo̱wo le̱, [217]

⁴²no le̱ *makai mike̱ Iakob kpãṅmo̱ le̱, ni mike̱ Isak kpãṅmo̱ le̱ hũ ke̱ mike̱ Abraham kpãṅmo̱ le̱ hũ makai, ni makai šikpoṅ le̱. [218]

⁴³Ši šikpoṅ le̱ dša ame̱šĩ, ní eye ehedšō̱mo̱bei le̱, be mli ní ekã ši ole̱ṅle̱ le̱; ni ame̱ hũ *ame̱kplẽ ame̱nifodšianii le̱ ahe nyõmo̱wo le̱, edšake̱ ame̱kwa mimlai le, ni mikpo̱i le hũ ame̱susuma le̱ enyãṅe. [219]

⁴⁴Ni kẽle̱, ké̱ ame̱ye̱ ame̱henye̱lo̱i le̱ ašikpoṅ le̱ no̱ tete dšiṅn, mikwaṅame̱, ni asaṅ minyãṅeṅame̱, bo̱ni makpãtã amehĩe kwrā, koni makũ mike̱ame̱ teṅ kpãnmo̱ le̱ mli; edšake̱ midši Iehowa, ame̱-Nyoṅmo̱ le̱.

⁴⁵Ni amehewo̱ le̱ makai mi ke̱ *ame̱tse̱mei le̱ akpãṅmo̱ le̱, mei ní midšie †ke̱-dše̱ Mizraim šikpoṅ le̱ no̱ ye̱ dšeṅmãdši le̱ ahĩe le̱, koni matšṍ ame̱-Nyoṅmo̱ le̱, midši Iehowa. [220]

⁴⁶Ene̱mei dši akpo̱i le̱ ke̱ gbe̱nānii le̱ ke̱ mlai le̱ ní Iehowa tšṍ Mose nine no eṅõ-to eke̱ Israelbii le̱ ateṅ ye̱ Sinai goṅ le̱ no̱ le̱.