Read luganda 3 Mose 27 Bible Online

3 Mose 27 - luganda bible

3 Mose 27

¹Ni Iehowa ke̱ Mose wie ni ekē̱:

²Oko̱ Israelbii le̱ awie ni okē̱ame̱ ake̱: Ke̱dši moko dše gbo̱ *ewo ši le̱, no le̱ bo̱ni owoo̱ susumai adšra ohã Iehowa le̱, nakai owo ame̱dšra. [221]

³Ni bo̱ni owo dšra le̱ ne̱: Ke̱-dše̱ nū ní eye afii nyoṅmai-enyo̱ no̱ ke̱-yaši moni eye afii nyoṅmai-ekpa no̱ le̱, wo edšra dſie̱te̱i šekeli nyonmai-enumo̱ ye̱ hekroṅkroṅ le̱ šekel le̱ nā.

⁴Ni ké̱ yō ni le̱, edšra ni oowo le̱ adamo̱ šekeli nyoṅmai-etẽ.

⁵Ni ke̱dši moko ní eye afii enumo̱ lo nõ āhũ ke̱-yaši afii nyoṅmai-enyo̱ le̱, ké̱ nū ni le̱, no le̱ wo edšra šekeli nyoṅmai-enyo̱, ši yō le̱, šekeli nyoṅma.

⁶Ši ke̱dši moko ni eye nyõṅ kome lo nõ āhũ ke̱-yaši afii enumo̱ le̱, no le̱ bo̱ni owo nū dšra dši dſie̱te̱i šekeli enumo̱; ši yō le̱, owo edšra dſie̱te̱i šekeli etẽ.

⁷Ni ke̱dši moko ní eye afii nyoṅmai-ekpa lo nõ le̱, ké̱ nū ni le̱, wo edšra šekeli nyoṅma ke̱ enumo̱, ši yō le̱, šekeli nyoṅma.

⁸Ši ké̱ edši ohĩafo ní enyẽṅ bo̱ni owo edšra le̱ ehã le̱, no le̱ ake̱le̱ ayadamo̱ oso̱fo le̱ hĩe, ni oso̱fo le̱ awo edšra; bo̱ni moni ewo ši le̱ aana le̱, nakai oso̱fo le̱ awo edšra.

⁹Ši ké̱ šĩa koloi ní ake̱-šãa afo̱le ahãa Iehowa le̱ eko ni le̱, nii fe ní ake̱-bahãa Iehowa le̱ nii kroṅkroṅ ni.

¹⁰Akatšakele̱, ni akaṅõ ekpakpa ato efõṅ, alo efõṅ hũ ato ekpakpa nãdšiaṅ; ši ke̱dši ake̱ kolo tšake kolo kẽ le̱, no le̱ no ke̱ noni ake̱ no tšake le̱ fẽ afe kroṅkroṅ.

¹¹Ši ke̱dši koloi ní he tšee ní ake̱-šãã afo̱le ahãã Iehowa le̱ eko ni le̱, no le̱ ake̱ kolo le̱ ayadamo̱ oso̱fo le̱ hĩe,

¹²ni oso̱fo le̱ awo edšra, ehĩ dšio, ehĩĩ dšio; bo̱ni bo oso̱fo le̱ oowo edšra le̱, nakai edamo̱.

¹³Ši ké̱ ēsumo̱ ake̱ ekpõ le̱, no le̱ eṅõ edšra le̱ mlidšāi enumo̱ mli ekome eſie no̱.

¹⁴Ni ke̱dši moko dšō̱ ešĩa no̱ eke, koni efe kroṅkroṅ ehã Iehowa le̱, no le̱ oso̱fo le̱ awo edšra, ehĩ dšio, ehĩĩ dšio; bo̱ni oso̱fo le̱ aawo edšra le̱, nakai noṅṅ edamo̱.

¹⁵Ni ke̱dši moni dšō̱ ešĩa no̱ eke le̱ mīsumo̱ ake̱ ekpo le̱, no le̱ eṅõ šika bo̱ni owo edšra le̱ mlidšāi enumo̱ mli ekome eſie no̱, ni etšṍ enõ ekoṅ.

¹⁶Ši ke̱dši moko dšō̱ egboši-šikpoṅ fã ko no̱ eke Iehowa le̱, no le̱ wo edšra ye̱ nii ní adũo̱ ye̱ mli le̱ fále̱ nā; bo̱ni aaye akoko homer kome le̱ dſie̱te̱i šekeli nyoṅmai-enumo̱.

¹⁷Ke̱dši nyã́mo̱-afi le̱ no̱ edše̱ edšō̱ ešikpoṅ le̱ no̱ eke le̱, edamo̱ odšra ní oowole̱ no̱.

¹⁸Ši ke̱dši nyã́mo̱-afi le̱ se̱ dãni edšō̱ šikpoṅ le̱ no̱ eke le̱, no le̱ oso̱fo le̱ abu šika le̱ ahãle̱ ye̱ afii ní eſe̱ dãni še̱o̱ nyã́mo̱-afi le̱ nā, ni atše dšra ní owo le̱ no̱.

¹⁹Ši ke̱dši moni dšō̱ ešikpoṅ le̱ no̱ eke le̱ mīsumo̱ ake̱ ekpõ le̱, no le̱ eṅõ šika boni owo edšra le̱ mlidšāi enumo̱ mli ekome eſie no̱, ni etšṍ enõ ekoṅ.

²⁰Ši ke̱dši esumo̱o̱ ake̱ ekpõ šikpoṅ le̱, ni ahõ ahã mokroko le̱, akakpõ doṅṅ;

²¹ši moṅ ne̱ke̱ šikpoṅ ne̱, ke̱ abaṅmē̃ he ye̱ nyã́mo̱-afi le̱ mli le̱, efe kroṅkroṅ ehã Iehowa, take̱ šikpoṅ ko ní adšō̱ no̱ ake le̱, etšṍ oso̱fo le̱ nõ ake̱ eno̱yeli.

²²Ši ke̱dši edšō̱ šikpoṅ ní he ehe, ši dšee egboši-šikpoṅ le̱ eko no̱ eke Iehowa le̱,

²³no le̱ oso̱fo le̱ abu edšra le̱ nā ahãle̱ ke̱-yaši nyã́mo̱-afi le̱ no̱, ni ehã edšra le̱ nā šika le̱ ye̱ nakai gbĩ le̱ no̱ noṅṅ; ni afele̱ kroṅkroṅ ahã Iehowa.

²⁴*Nyã́mo̱-afi le̱ no̱ le̱ šikpoṅ le̱ akũ se̱ atšṍ moni ahe ye̱ edeṅ, ni šikpoṅ le̱ dši egboši-šikpoṅ le̱ nõ ekoṅ. [222]

²⁵Dšra-ſẽ-dšra ní oowo le̱, wo ye̱ hekroṅkroṅ le̱ šekel le̱ nã; gerai nyoṅmai-enyo̱ dši šekel kome.

²⁶Ši koloi *akromo̱bii ní dši Iehowa nii momo le̱, moko akadšō̱ ame̱no̱ mīke Iehowa; tšina dšio, tō dšio, Iehowa nõ ni momo. [223]

²⁷Ši ké̱ šĩa koloi ní he tšee le̱ eko ni le̱, no le̱ akpõ ye̱ odšra ní oowo le̱ na, ni aṅõ emlidšāi enumo̱ mli ekome aſie no̱. Ši ke̱dši akpõṅ le̱, bĕle̱ ahõ ye̱ odšra ní oowo le̱ nā.

²⁸Asaṅ nofẽno ní moko aadšō̱ no̱ ake Iehowa ye̱ nii fẽ ní eyo̱ le̱ mli le̱, gbomo dšio, koloi dšio, eno̱yeli šikpoṅ dšio, akahõ, ni akakpõ hũ; nofẽno ní adšō̱ no̱ ake̱ le̱, edši nokroṅkroṅ fè fẽ hã Iehowa. [224]

²⁹*Gbomo-fẽ-gbomo ní adšō̱ eno̱ ake le̱, akakpõle̱; gbe ágbele̱. [225]

³⁰Ni šikpoṅ le̱ no̱ nibii amlidšāi nyoṅma mli ekome le̱, dũmo̱nii dsio, tšei ayibii dšio, Iehowa nõ ni; efe kroṅkroṅ ehã Iehowa. [226]

³¹Ni ke̱dši moko mīsumo̱ ake̱ ekpõ enibii amlidšāi nyoṅma mli ekome le̱ eko le̱, eṅõ emlidšāi enumo̱ mli ekome eṅmẽ no̱.

³²Ni tšinai ke̱ tōi amlidšāi nyoṅma mli ekome le̱, nii fẽ ni tšṍo̱ tōkwe̱lo̱tso le̱ šiši le̱, ame̱mlidšāi nyoṅma mli ekome le̱, afe kroṅkroṅ ahã Iehowa.

³³Akakpa mli ekpakpa ke̱ efõṅ, ni akatšake eko hũ; ni ké̱ moko aatšake eko kẽ le̱, bĕle̱ no ke̱ noni aṅõ-tšake le̱ fẽ atšo kroṅkroṅ ahã Iehowa; akakpõ.

³⁴Ene̱mei dši kitai ní Iehowa wo Mose ye̱ Sinai goṅ le̱ no̱ ni eke̱-yahã Israelbii le̱. [227]