Read luganda 3 Mose 4 Bible Online

3 Mose 4 - luganda bible

3 Mose 4

¹Ni Iehowa ke̱ Mose wie ni ekē̱:

²Oke̱ Israelbii le̱ awie ake: Ke̱dši moko lee be ní eyafe eša ni efe nii ni Iehowa ewo kitã ake̱ akafe le̱ eko le̱:

³ke̱dši oso̱fo ní afo̱le mũ le̱ fe esa ni eke̱ sõ tĕrẽ maṅ le̱, no le̱ ehe eša le̱ hewo le̱ eṅõ tšinabinū ní kpa ko be̱ ehe eke̱-bašã eša-afo̱le eha Iehowa.

⁴Ni eke̱ tšinanū le̱ aba kpē-bū šĩnā le̱ ši ye̱ Iehowa hĩe, ni eṅõ enine efo tšinanū le̱ yiteṅ, ni egbele̱ ye̱ Iehowa hĩe.

⁵Ni oso̱fo ní afo̱le̱ mũ le̱ aṅõ tšinanū le̱ lá le̱ eko ni eko̱-bote kpē-bū le̱ṅ;

⁶ni oso̱fo le̱ aṅõ ewao atšo̱ lá le̱ mli, ni eṅõ lá le̱ eko efã *šii kpawo ye̱ Iehowa hĩe ye̱ hekroṅkroṅ le̱ muhō̱ le̱ hĩe. [9]

⁷Ni oso̱fo le̱ aṅõ lá le̱ eko adiki tšofã-ke̱-ṅma-šãlate̱ le̱ ní ye̱ *Iehowa hĩe ye̱ kpē-bū le̱ṅ le̱ no̱ kodši le̱; ni etši tšinanū le̱ lá ni eſe̱ le̱ fẽ eſie afo̱lešãlate̱ ní yo̱ †kpē-bū le̱ šĩnā le̱ ši le̱ šiši. [10]

⁸Ni eša-afo̱le tšinanũ le̱ fo̱ le̱ edšie fẽ: fo̱ ní ha mlinii le̱ ahe le̱ ke̱ fo̱ fẽ ní yo̱ mlinii le̱ ahewo̱ le̱,

⁹ke̱ sabai enyo̱ le̱ ke̱ fo̱ ní yo̱ he ye̱ he̱ mli le̱ ke̱ noni tšotšŏro mle̱bo le̱ he ní adšie ye̱ sabai le̱ ahe le̱,

¹⁰tamo̱ boni adšieo̱ ye̱ šidā-afo̱le tšina le̱ he le̱; ni oso̱fo le̱ ašã fo̱ le̱ ye̱ afo̱le-šãlate̱ le̱ no̱,

¹¹Ši tšinanū le̱ *wolo le̱ ke̱ elō le̱ fẽ ke̱ eyitšo ke̱ enãdši le̱ fẽ ke̱ emlinii le̱ ke̱ efei le̱, [11]

¹²tšinanū mũ le̱ fẽ le̱, ake̱-dše kpo ke̱-ya nsra le̱ se̱, ye̱ heko ní tše, ye̱ lamlu tumu no̱, ní ake̱ la ašã ye̱ lai no̱; lamlu tumu no̱ ayašã ye̱. [12]

¹³Ni ké̱ Israel asafo mū le̱ fẽ lee he ní ame̱yafe eša, ni ake̱ sane le̱ tē gwabo̱ le̱, ni ame̱fe nibii ní Iehowa ewo kitã ake̱ akafe le̱ eko, ni ame̱tẽre sõ, [13]

¹⁴ni fe se̱ le̱ abale eša ní amefe ame̱ṅõ-tõ le̱, no le̱ gwabo̱ le̱ aṅõ tšinabinū ke̱-ba, ni ake̱-bašã *eša-afo̱le, ni ame̱ke̱le̱ aba kpē-bū le̱ šĩnā le̱ ši; [14]

¹⁵ni asafo le̱ mli onukpai le̱ aṅo ame̱nidši aſie tšinanū le̱ yiteṅ ye̱ Iehowa hĩe, ni agbe tšinanū le̱ ye̱ Iehowa hĩe.

¹⁶Ni oso̱fo ní afo̱le̱ mũ le̱ aṅõ tšinanū le̱ lá le̱ eko eke̱-bote kpē-bū le̱ mli,

¹⁷ni oso̱fo le̱ aṅõ ewao atšo̱ lá le̱ mli, ni eke̱-ſã šii kpawo ye̱ Iehowa hĩe ye̱ muhō̱ le̱ hĩe,

¹⁸ni esā eṅõ lá le̱ eko ediki tšofã-ke̱-ṅma-šãlate̱ ní mã Iehowa hĩe ye̱ kpē-bū le̱ṅ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ ní mã kpē-bū šĩnā le̱ ši le̱ šiši.

¹⁹Ni edšie efo̱ le̱ fẽ, ni ešã ye̱ afo̱lešãlate̱ le̱ no̱.

²⁰Ni ake̱ tšinanū le̱ afe tamo̱ bo̱ni ake̱ eša-afo̱le tšinanū le̱ feo̱ le̱, nakai ake̱le̱ afe. Ni oso̱fo le̱ akpãtã ahãame̱, ni aaṅõ-faame̱.

²¹Ni ake̱ tšinanū le̱ adše kpo ke̱-ya nsra le̱ se̱, ni *ašãle̱ take̱ bo̱ni ašã tšu-tšu tšinanū le̱; gwabo̱ le̱ he eša-afo̱le ni. [15]

²²Ké̱ ne̱yelo̱ ko fe eša, ni elee be ní eyafe nii ní Iehowa, e-Nyoṅmo̱ le̱, ewo kitã ake̱ akafe le̱ eko, ni eye sõ le̱,

²³ké̱ ahã ele eša ní efe le̱, no le̱ eṅõ tōkpakpo ní kpa ko be̱ ehe ke̱-ba,

²⁴ni eṅõ enine efõ tōkpakpo le̱ yiteṅ, ni egbele̱ ye̱ heni agbeo̱ šā̃-afo̱le le̱ ye̱ le̱ ye̱ Iehowa hĩe; eša-afo̱le ni.

²⁵Ni oso̱fo le̱ ke̱ ewao atšo̱ eša-afo̱le lá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ eſie afo̱lešãlate̱ le̱ šiši.

²⁶Ni ešã efo̱ le̱ fẽ ye̱ afo̱lešãlate̱ le̱ no tamo̱ šidā-afo̱le fo̱ le̱; ni oso̱fo le̱ akpãtã ahãle̱ ye̱ ehe eša le̱ hewo̱, ni aṅõ-fale̱.

²⁷Ni ke̱dši maṅbii le̱ ateṅ moko lee be ní eyafe eša ko, ni efe nibii ní Iehowa ewo kitã ake̱ akafe le̱ eko, ni eye sõ le̱,

²⁸ke̱dši ahã ele eša ní efe le̱, no le̱ eke̱ tōabotia yō ní he be̱ kpa ko aba abahã ye̱ eša ní efe le̱ hewo̱;

²⁹ni eṅõ enine efõ eša-afo̱le le̱ yiteṅ, ni egbe eša-afo̱le le̱ ye̱ heni agbeo šā̃-afo̱le le̱ ye̱ le̱;

³⁰ni oso̱fo le̱ ke̱ ewao atšo̱ elá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ šiši;

³¹ni edšie efo̱ le̱ fẽ, tamo̱ bo̱ni adšieo̱ *šidā-afo̱le le̱ no le̱, ni oso̱fo le̱ ašã ye̱ afo̱lešãlate̱ le̱ no̱, ní edše ṅma ewo Iehowa; ni oso̱fo le̱ akpãtã ahãle̱, ni aṅõ-fale̱. [16]

³²Ši ke̱dši eke̱ tōgwanteṅ mība abašã eša-afo̱le le̱, eṅõ yō ní kpa ko be̱ ehe ke̱-ba,

³³ni eṅõ enine efõ eša-afo̱le le̱ yiteṅ, ni egbele̱ ní eke̱-fe eša-afo̱le ye̱ heni agbeo̱ šā̃-afo̱lei le̱ ye̱ le̱.

³⁴Ni oso̱fo le̱ ke̱ ewao atšo̱ eša-afo̱le lá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ šiši.

³⁵Ni edšie efo̱ le̱ fẽ, tamo̱ bo̱ni adšieo̱ šidā-afo̱le tōgwanteṅ le̱ fo̱ le̱, ni oso̱fo le̱ ašã ye̱ afo̱lešãlate̱ le̱ no̱ ye̱ Iehowa lai le̱ ano̱; ni oso̱fo le̱ akpãtã ahãle̱ ye̱ eša ní efe le̱ hewo̱, ni aṅõ-fale̱.