Read luganda Ieremia 11 Bible Online

Ieremia 11 - luganda bible

Ieremia 11

¹Wiemo̱ ní dše̱ Iehowa ṅõ ba Ieremia ṅõ ne̱:

²Nyeboa ne̱ke̱ kpãṅmo̱ ne̱ wiemoi le̱ atoi, ni nyeke̱ Iudahĩĩ le̱ ke̱ Ierusalembii le̱ awiea.

³Ni okē̱ame̱ ake̱: Bo̱ni Iehowa, Israel Nyoṅmo̱ le̱, kē̱ ne̱: *Alomo̱ moni boo ne̱ke̱ kpãṅmo no̱ wiemoi le̱ atoi le̱, [112]

⁴noni miwo nyetše̱mei le̱ akitã ye̱ he, gbĩ ni midšieame̱ ke̱-dše̱ Mizraim šikpoṅ le̱ no̱, ke̱-dše̱ dade flõnõ le̱ mli le̱, ake: Nyeboa migbē toi, ni nyeyea no̱ tamo̱ bo̱ni miwonye kitã le̱ pe̱pē̱pe̱, ní nyetšṍ mimaṅ, ni matšṍ nye-Nyoṅmo̱;

⁵koni mahã kitã ní mikã nyetše̱mei le̱ amã ši ake̱ mike̱ *šikpoṅ ni hoo̱ fufo̱ ke̱ wò le̱ aahãame̱, tamo̱ bo̱ni eyo̱ ṅme̱ne̱ ne̱! Ni mihere no̱ mikē̱: Aba mli nakai, Iehowa! [113]

⁶Ni Iehowa kē̱mi ake̱: Šie̱mo̱ ne̱ke̱ wiemo̱i ne̱ fẽ ye̱ Iuda mãdši le̱ ke̱ Ie-rusalem blohũi le̱ amli ake̱: Nyeboa ne̱ke̱ kpãṅmo̱ ne̱ wiemo̱i le̱ atoi, ni nyeyea no̱!

⁷Edšake̱ mikpa miwo nyetše̱mei le̱ atoiiaṅ gbĩ ní midšieame̱ ke̱-dše̱ Mizraim šikpoṅ le̱ no̱ ke̱-ba le̱ ke̱-baši ṅme̱ne̱ gbĩ ne̱, miteo ši lebi mā̃ṅkpa ni mikpãa miwoo ame̱toiiaṅ ake̱: Nyeboa migbē toi!

⁸Ši ame̱boo toi ni asaṅ ame̱hãã ame̱toi aba no̱ hũ, ši mofẽmo nyie etsui fõṅ le̱ wale̱ se̱. Nohewo̱ le̱ mike̱ ne̱ke̱ kpãṅmo̱ ne̱ wiemo̱i fẽ ní miwoame̱ kitã ake̱ ame̱ye no̱, ni ame̱yee no̱ le̱, eba ame̱no̱, [114]

⁹Ni Iehowa kē̱mi ake̱: Ana ake̱ ludahĩĩ le̱ ke̱ Ierusalembii le̱ ete apãm.

¹⁰Ame̱kpale ke̱-te ame̱blematše̱mei le̱ ní ekplẽẽ mĩwiemo̱i le̱ atoibō le̱ anišai-anii le̱ ahe, ni ame̱yanyie nyoṅmo̱i krokomei ase̱ ni ame̱súmo̱ame̱. Israel we le̱ ke̱ Iuda we le̱ fẽ eku mikpãṅmo̱ ní mi-ke̱ ame̱tše̱mei le̱ kpãṅ le̱ mli,

¹¹Nohewo̱ le̱ bo̱ni Iehowa kē̱ ne̱: Na, mike̱ nõfõṅ aaba ame̱no̱, ní ame̱nyẽṅ mli ame̱dše; ni *ke̱dši ame̱blo̱ ame̱tšē̱mi le̱, miboṅame̱ toi! [115]

¹²Ke̱ke̱ le̱ Iuda mãdši le̱ ke̱ Ierusalembii le̱ aate ayablo̱ atšé̱ nyoṅmo̱i ní ame̱šãa tšofã-ke̱-ṅma ame̱hãa le̱, ši *ame̱hereṅ ame̱yiwala kwrā ye̱ ame̱fĩmo̱ be le̱ mli. [116]

¹³Edšake̱ bo̱ni omãdši le̱ fá le̱, nakai noṅṅ onyoṅmo̱i le̱ fá, Iuda; ni bo̱ni Ierusalem blohũi le̱ fá le̱, nakai ṅyemãmo̱ afo̱lešãlate̱i nyehã hĩegbedšianii, afo̱lešãlate̱i ni ašãa tšofã-ke̱-ṅma ahãa Baal ye̱ no̱!

¹⁴Nohewo̱ le̱ *bo le̱, kākpa fai ohã ne̱ke̱ maṅ ne̱, ni asaṅ kāwó blo̱mo̱ lo so̱lemo̱ no̱ ohãame̱; edšake̱ be mli ni ame̱atšé̱mi ye̱ ame̱fĩmo̱ le̱ hewo̱ le̱ miboṅame̱ toi. [117]

¹⁵Mẽba misuole̱ le̱ tšuo̱ nihĩnii ye̱ miwe le̱? Ani siwōi ke̱ lō kroṅkroṅ aadšíe onifõdšianii le̱ ye̱ ohe, alo ootšṍ ene̱mei ano̱ odše mli? ké̱ nakai ni le̱, no le̱ omī aše̱ ohe!

¹⁶Iehowa woö gbe̱i ake̱ mũtšo ní ebu kusū fe̱fe̱o ní woo yibii kpakpai; ši agbe̱ne̱ eke̱ hōfemo̱ gbē̱mo̱ wulu eše̱re la ewo ehe ni enidši le̱ ekũmo̱.

¹⁷Ši Iehowa Zebaot ní te̱o bo le̱ ewie efõṅ ye̱ ohe, ye̱ Israel we le̱ ke̱ Iuda we le̱ efõṅ ní ame̱ſe ame̱dientše̱ ame̱he, ake̱ ame̱šã tšofā-ke̱-ṅma ame̱hã Baal ni ame̱ke̱-wo mimli la le̱ hewo̱.

¹⁸Ni Iehowa hã mile, ni miná mile hũ: no mli ohã mina ame̱nifemo̱nii le̱.

¹⁹Ši mi le̱ mitamo̱ *gwanteṅbi ní he dšo̱ ni akplaäle̱ ke̱-yaä ni eyagbele̱, ni milee ake̱ ame̱to mihe ṅā fõṅ ake̱: Nyehãa wo̱fitea tšo le̱ ke̱ eno̱ yibii le̱, ni wo̱fole̱ ke̱-dše̱ hĩekãlo̱i ašikpoṅ le̱ no̱, ní akakai egbe̱i le̱ kwrakwra doṅṅ! [118]

²⁰Ši bo, Iehowa Zebaot, ní okodšoo̱ dšale̱ nā, ni okaä *sabai ke̱ tšuii okwe̱o̱, hã mana owele ní obato̱ ye̱ ame̱no̱ le̱; edšake̱ bo odeṅ mitu misane le̱ miwo! [119]

²¹Nohewo̱ le̱ ne̱ke̱ Iehowa kē̱ ye̱ *Anatot hĩĩ le̱ ní taoo̱ bo amegbe ni ame̱kē̱o̱ ake̱: Kāgba ye̱ Iehowa gbe̱i le̱ ano̱, koni okatšṍ wo̱nine no̱ ogbo! le̱ ahewo̱. [120]

²²Nohewo̱ le̱ bo̱ni Iehowa Zebaot kē̱ ne̱: Na, mibawoame̱ nyõmo̱ kẽ: oblahīĩ le̱ aagboi ye̱ klante nā, ame̱bihĩĩ ke̱ ame̱biyei le̱ aagboi ke̱ hõmo̱,

²³ni ašĩṅ ſē̱nõ ko ahãṅame̱; edšake̱ mike̱ efõṅ aaba Anatot hĩĩ le̱ ano̱ ye̱ ame̱sramo̱ afi le̱ mli,