Read luganda Ieremia 14 Bible Online

Ieremia 14 - luganda bible

Ieremia 14

¹Iehowa wiemo̱ ní ba Ieremia ṅõ ye̱ nuhōmo̱ le̱ hewo̱ ne̱:

²Iuda mīye ṅko̱mo̱, mei ní yo̱ egbói le̱ anā le̱ eto̱ biti, ame̱wowō nii didši ke̱-trá šikpoṅ, ni Ierusalem blo̱mo̱ le̱ mīte ši ke̱-mīya ṅwei.

³Ame̱teṅ abladei le̱ etšũ ame̱šišibii ke̱-te nuyē̱; ame̱te nubui le̱ anā, ame̱naa nu: ame̱ke̱ ame̱gbé̱i fodši le̱ kũ ame̱se̱, ame̱hĩe egboi, ame̱hĩe eſie ši, ni ame̱ha ame̱yitšei ahe.

⁴Ake̱-ní nyoṅmo̱ ene̱e̱ ní šikpoṅ le̱ egbĩ keketē hewo̱ le̱, hũlo̱i ahĩe egboi, ame̱ha ame̱yitšei ahe. [132]

⁵Edšake̱ ofrote ní yo̱ ṅã mli fo̱ö̱ ni ešĩo̱ ebii, edšake̱ dſe̱i ko dſe̱i ko be̱.

⁶Ni ṅãṅ tedšii damoo̱ gõdši kpatāi ano̱, ame̱hakuo̱ kō̱yo̱ tamo̱ ṅãṅgbẽi: ame̱hĩnme̱ii ešiu, edšake̱ bā komeflo be̱.

⁷Ké̱ wo̱nišaianii le̱ mīye odase mīšiwo̱ po dšiṅṅ, Iehowa, ogbe̱i le̱ hewo̱ le̱ femo̱ he eko! edšake̱ wo̱se̱se̱yā le̱ fá tšṍ; wo̱fe eša wo̱šio. [133]

⁸Bo Israel hĩeno̱kãmo̱, eyiwalaherelo̱ ye̱ fĩmo̱ be mli, mẽba otšṍ tamo̱ gbo̱ ye̱ šikpoṅ le̱ no̱, lo tamo̱ gbe̱nyielo̱ ní egbá ke̱-ba ebato ši nyōṅ ne̱?

⁹Mẽba otšṍ tamo̱ nū ní he edšõ ehe, lo tamo̱ ekãlo̱ ni nyẽẽ mo yiwala ahere ne̱? Tše̱ oye̱ wo̱teṅ noṅṅ, Iehowa, ni *ogbe̱i ake̱-tšé̱o̱wo̱; kākwawo! [134]

¹⁰Bo̱ni Iehowa kē̱o̱ ne̱ke̱ maṅ ne̱ ne̱: Nakai ame̱sumoo̱ šikpā, ame̱tšĩĩ ame̱nã-dši anā; nohewo̱ le̱ Iehowa náá ame̱he tšui: agbe̱ne̱ eekai ame̱nišaianii le̱, ni eewo ame̱he ešai le̱ ahe nyõmo̱.

¹¹Ni Iehowa kē̱mi ake̱: *Kākpa edšŭrõ he fai ohã ne̱ke̱ maṅ ne̱! [135]

¹²Ke̱dši ame̱hĩ ṅmā̃ le̱, miboṅ ame̱-blo̱mo̱ toi; ni ke̱dši ame̱šã šā̃-afo̱le ke̱ niyenii-afo̱le hũ, minaṅ ame̱he tšui: ši moṅ klante ke̱ hõmo̱ ke̱ gbĕle-hela mike̱-aplenēame̱ kwrā! [136]

¹³Ni mikē̱: Ei, Nuntšo̱ Iehowa! na, gbaloi le̱ kē̱o̱ame̱ ake̱: Nyenaṅ klante, ni hõmo̱ hũ yeṅnye, ši moṅ mahãnye hedšo̱le̱ le̱le̱ṅ ye̱ bie̱ ne̱!

¹⁴Ke̱ke̱ ni Iehowa kē̱mi ake̱: *Amale gbale̱ gbaloi le̱ gbaä ye̱ migbei amli le̱; mitšũkoame̱ ni mifã́koame̱, ni mike̱ame̱ ewieko hũ; amale ninā ke̱ klamo̱ ke̱ yakayakanii ke̱ ame̱tšuiṅ šišiume̱ ame̱-gbaã ame̱tšõo̱nye le̱! [137]

¹⁵Nohewo̱ le̱ bo̱ni Iehowa kē̱ ye̱ gbalo̱i le̱ ní gbaä ye̱ *migbe̱i amli, tše̱bele̱ mitšũkoame̱, ni kẽle̱ ame̱kē̱o̱ ake̱: Klante ke̱ hõmo̱ baṅ šikpoṅ ne̱ no̱! le̱ ahewo̱ ne̱: Klante ke̱ hõmo̱ noṅṅ ake̱-aplenē ne̱ke̱ gbaloi ne̱. [138]

¹⁶Ni maṅ ní ame̱gbaä ame̱hãa-ame̱ le̱, aaše̱re̱ame̱ aſie Ierusalem blohũiaṅ ye̱ hõmo̱ ke̱ klante le̱ noṅṅ hewo̱, ni amenáṅ mokomoko *afũame̱, ame̱ ke̱ ame̱ṅãmei ke̱ ame̱bihĩĩ ke̱ ame̱biyei fẽ; ni mafo̱se ame̱nifõdšianii le̱ maſie ame̱no̱! [139]

¹⁷Nohewo̱ le̱ kē̱mo̱ame̱ ne̱ke̱ wĩemo̱ ne̱: Hã *mihĩṅme̱iiaṅ afo̱se yāfónui aſie ši nyõṅ ke̱ ſane ni ekafõ; edšake̱ adſăra mimaṅ le̱ biyō oblayō le̱ dſăramo̱ kpeteṅkple, apilale̱ ni ehĩĩ. [140]

¹⁸Ke̱dši miyiṅ mite ṅã le̱ no̱ le̱, na, mei ní enyõnyõi ye̱ klante nā ne̱! ni ke̱dši misā miba mã le̱ṅ le̱, na, mei ni hõmo̱ egbeame̱ ne̱! edšake̱ gbalo̱ ke̱ oso̱fo fẽ-tſẽm kpaä ši ye̱ šikpoṅ ní ame̱-lee no̱.

¹⁹Aso oše̱ Iuda ofõ kwrā, alo osusuma enyãṅe Zion? mẽhewo̱ mo̱ ni otſia-wo̱ nii ni wo̱náá tšámo̱ ne̱? *Wo̱kwe̱ hedšo̱le̱ gbe̱, ši nõkpakpa ko baa, ke̱ tšámo̱-be hũ, ši na, gbeyei so̱ṅṅ! [141]

²⁰Iehowa, wo̱le wo̱nifõdšianii le̱ ke̱ wo̱tše̱mei le̱ anišaianii le̱; edšake̱ wo̱fe eša wo̱šio! [142]

²¹Ogbe̱i le̱ hewo̱ le̱ kākwawo̱; kāhã onumnyam sẽi le̱ he guo mīgbo; kaimo̱, ni okakũ oke̱wo̱ teṅ kpãṅmo̱ le̱ mli!

²²Ani wo̱ṅdsálo̱i le̱ ayakayakawo̱dši le̱ eko ye̱ ni nyẽo̱ hãa nyoṅmo̱ ne̱o̱? alo ṅwei aanyẽ ahã nu atue? ani dšee bo, Iehowa, wo̱-Nyoṅmo̱ le̱, noṅṅ ni? nohewo̱ le̱ bo gbe̱ wo̱kwe̱o̱; edšake̱ bo oféo̱ ene̱mei fẽ!