Read luganda Ieremia 18 Bible Online

Ieremia 18 - luganda bible

Ieremia 18

¹Wiemo̱ ní dše̱ Iehowa ṅõ ba Ieremia ṅõ ne̱:

²Te ši ní oyiṅ ke̱-ya gbe̱šõlo̱ le̱ we le̱, ni dše̱i mahã onu miwiemo̱ĩ le̱ ye̱

³Ke̱ke̱ ni miyiṅ ke̱-te gbe̱šõlo̱ le̱ we le̱, ni na, ētšu nii ye̱ ṅišō̃te̱i ano̱.

⁴Ni beni šō̃nõ ní gbe̱šõlo̱ le̱ ke̱ sũ le̱ feo̱ le̱ fite ye̱ edeṅ le̱, esā eṅõ-fe nõ kroko, bo̱ni sa gbe̱šõlo̱ le̱ hĩe ake̱ eefe.

⁵Ke̱ke̱ ni Iehowa wiemo̱ ba miṅõ ake̱:

⁶Israel we, aso minyẽṅ mafenye, tamo̱ bo̱ni gbe̱šõlo̱ ne̱ fe le̱? Iehowa kē̱. Na, bo̱ni sũ le̱ yo̱ ye̱ gbe̱šõlo̱ le̱ deṅ le̱, nakai nye hũ nyeyo̱ ye̱ mideṅ, Israel we! [167]

⁷Amrõ ni mawie ye̱ dšeṅmaṅ ko lo maṅtše̱yelihe ko he, ake̱ mibafãle ni madſale ni mafitele̱ le̱; [168]

⁸ke̱dši nakai dšeṅmaṅ ní miwie ehe le̱ kpale ke̱-dše̱ ame̱nõfõṅ le̱ he le̱, maſa mihe ye̱ nõſõṅ ní misusu ake̱ mafeame̱ le̱ he. [169]

⁹Ni asaṅ amrõ ní mawie ye̱ dšeṅmaṅ ko lo maṅtše̱yelihe ko he, ake̱ matſale̱ mamã ši ni mate̱ole̱ le̱;

¹⁰ke̱dši efe efõṅ ye̱ mihĩe ni eboo migbē toi le̱, no le̱ maſa mihe ye̱ nõkpakpa ní mikē̱ mike̱-afeame̱ edšŭrõ le̱ he!

¹¹Nohewo̱ le̱ agbe̱ne̱ kē̱mo̱ Iudahĩĩ le̱ ke̱ Ierusalembii le̱ ake̱: Bo̱ni Iehowa kē̱ ne̱: Na, misusu efõṅ ye̱ nyehe, ni mito miyiṅ efõṅ ye̱ nyehe! nohewo̱ lo̱ *nyeteṅ mofẽmo akũ ese̱ ke̱-dše̱ egbe̱ fõṅ le̱ no̱, ni nyesāa nyegbè̱i ke̱ nyeni-femo̱nii le̱! [170]

¹²Ši ame̱kē̱o̱ ake̱: *Dabida! ši moṅ wo̱o̱nyie wo̱dientše̱ wo̱yiṅtōi le̱ ase̱, ni wo̱teṅ mofẽmo aafe †etšui fõṅ le̱ wale̱ nā nii! [171]

¹³Nohewo̱ le̱ bo̱ni Iehowa kē̱ ne̱: Nyebia ye̱ dšeṅmãdši le̱ ateṅ, namo enu ene̱ eko dã? Gbeyei nibii Israel oblayō le̱ feo̱ ne̱!

¹⁴Ani Lebanon snō aafõ hõ ke̱-adše̱ te̱sā le̱ no̱ le̱ ke̱-ate ṅã le̱ no̱? alo nu ṅãnī ní dše̱o̱ šoṅṅ hoo̱ le̱ aamī̃?

¹⁵Edšake̱ mimaṅ le̱ hĩe ekpa mino̱, yakayakanii ame̱šãa tšofã-ke̱-ṅma ame̱-hãa; ni nomei hãa ame̱tĕ̱re̱tĕ̱re̱o̱ ye̱ ame̱-gbè̱i le̱ ano̱, ye̱ nāno̱ tempõṅi le̱ ano̱, ni ame̱yanyĩeo̱ gbè̱i ní ehĩĩ ke̱ gbe̱ ní adšeko no̱!

¹⁶koni afe ame̱šikpoṅ le̱ amaṅfõ ke̱ noni aahã abo tšia dā; mofẽmo ní aaho ye̱ dše̱i le̱, ehe aadšõ ehe, ni eehoso eyitšo.

¹⁷Magbe̱ame̱ maſã tamo̱ bokã kō̱yo̱ ye̱ ame̱henye̱lo̱i le̱ ahĩe; ame̱manehũlũ gbĩ le̱ no̱ le̱ *mise̱ moṅ matšṍ mahãame̱ ši dšee mihĩe. [172]

¹⁸Ši ame̱kē̱o̱ ake̱: Nyebaä ni wo̱yaä Ieremia yi no̱ adšina; edšake̱ mla ebo̱ṅ oso̱ſo, ni ṅāwō ebo̱ṅ nilelo̱, ni wiemo̱ ebo̱ṅ gbalo̱! Nyebaä ni nyehãa wo̱tſaä-le̱ lile̱i, ni nyekahãa wo̱dia ewiemo̱i le̱ ekomeflo se̱!

¹⁹Di mise̱, Iehowa, ni obo mei ní ke̱mi béo̱ le̱ agbē toi!

²⁰Aso aṅõo̱ efõṅ atoo̱ ekpakpa nãdšiaṅ? edšake̱ *ame̱tsa bu ame̱hã misusuma. Kaimo̱ ake̱ midamo̱ ohĩe ní mawie ekpakpa mahãame̱, ní makpale omlila le̱ ke̱-dše̱ ame̱no̱! [173]

²¹Nohewo̱ le̱ dšiemo̱ ame̱bii le̱ ohã hõmo̱, ni otuame̱ owo klante deṅ, ni akpakpā ame̱ṅãmei le̱ abii ye̱ ame̱he, ni ame̱tšṍmo̱ okũlafoi, ni gbĕle agbe ame̱wùmei le̱, ni ame̱blahĩĩ le̱, abãmo̱ame̱ klante ye̱ ta mli!

²²Hã anu blo̱mo̱ ye̱ ame̱šĩai, beni oke̱ ta aaba ame̱no̱ trukā lo̱: edšake̱ ame̱tša bu ni ame̱ke̱-dũmi, ni ame̱tšõ̀ minãdši tšõnei ame̱ṅõ-tē.

²³Ši bo, Iehowa, ole miyi no̱ adšina fẽ ní ame̱yaä, koni ame̱gbemi le̱: *kāṅõ ame̱nōša le̱ ofa, ni asaṅ kāgbe ame̱he eša le̱ ke̱-mīdše̱ ohĩe; ši moṅ hã ame̱-gbēgbē ši ye̱ ohĩe; oke̱ame̱ aye ye̱ omlifũ-be le̱ mli! [174]