Read luganda Ieremia 2 Bible Online

Ieremia 2 - luganda bible

Ieremia 2

¹Ni Iehowa wiemo̱ sã ba miṅõ ake̱:

²Ya ni oyašie̱ owo Ierusalem toiiaṅ ake̱: Bo̱ni Iehowa kē̱ ne̱: Mikai oblayeiaṅ mlihĩle̱ le̱ mihão ke̱ oyemforo be le̱ mli suomo̱ le̱ hũ, bo̱ni onyie mise̱ ke̱-te ṅã le̱ no̱, ye̱ šikpoṅ ní adũko nii ye̱ no̱ le̱ no̱ le̱.

³Kroṅkroṅ dši Israel hã Iehowa, enibānii le̱ amli kleṅkleṅ yibii: mei fẽ ni aayele̱ le̱, aaye fo̱; nõfõṅ aaba ame̱no̱, — Iehowa kē̱.

⁴Nyeboa Iehowa wiemo̱ toi, nye Iakob we ke̱ nye Israel we le̱ wekui le̱ fẽ!

⁵Bo̱ni Iehowa kē̱ ne̱: Mẽ sane ní edšaa po nyetše̱mei le̱ na ye̱ mihe, hewo̱ ni ame̱tše ame̱he ye̱ mihe ke̱-te šoṅṅ, ni ame̱yanyie yakayakanii ase̱ ni ame̱-tšṍmo̱ yakayaka ne̱? [9]

⁶Ni ame̱kē̱ē̱ ake̱: Nẽgbe̱ Iehowa yo̱, moni dšiewo̱ ke̱-dše̱ Mizraim šikpoṅ le̱ no̱, ní ekplawo̱ ke̱-tšṍ ṅã le̱ no̱, ke̱-tšṍ ṅã ole̱ṅle̱ šikpoṅ ke̱ eno̱ buibui le̱ no̱, šikpoṅ ní nu be̱ no̱, ke̱ gbĕlehō̃ṅ šikpoṅ, šikpoṅ ní moko tšṍṍ no̱ ní gbomo ádesã ko ehĩĩ no̱ le̱?

⁷Ni mike̱nye ba šikpoṅ ní baä nii no̱, koni nyeye eno̱ yibii ke̱ eno̱ nii kpakpai; ši beni nyeba le̱, nyebabule mišikpoṅ le̱, ni nyefe mino̱yelinõ le̱ noni anyãṅeo̱.

⁸Oso̱foi le̱ ekē̱ē̱ ake̱: Nẽgbe̱ Iehowa yo̱? ni mlatšõlo̱i le̱ leemi, ni no̱kwe̱lo̱i le̱ tõ mino̱, ni gbalo̱i le̱, Baal no̱ ame̱tšṍo̱ ame̱gbaä, ni nii ni he be̱ se̱námo̱ le̱ ase̱ ame̱nyieo̱.

⁹Nohewo̱ le̱ mike̱nye mībé lolo, Iehowa kē̱, ni mike̱ nyebii abii hũ aabé;

¹⁰edšake̱ nyefoa mli ke̱-yaä Kitimbii aṅšo̱kpo̱i le̱ ano̱ nyeyakwe̱a, ni nyetšua ke̱-yaä Kedar hũ, ní nyeyatao mli fitšo-fitšo, ni nyekwe̱ ake̱ ana ene̱ eko dã lo?

¹¹Ani dšeṅmaṅ ko etšake enyoṅmo̱i le̱ pẽṅ? tše̱ nomei po le̱ dšee nyoṅmo̱i ni! ši mimaṅ le̱ eṅõ *enumnyam le̱ etšake noni he be̱ se̱námo̱! [10]

¹²Ṅwei, onā akpe oha ye̱ ene̱ he, ni ṅmiṅmi amõo ni ohe adšõ ohe babaō! Iehowa kē̱.

¹³Edšake̱ mimaṅ le̱ efe nifõdši enyo̱: ame̱šĩmi ní dši *wala nubu le̱, ni ame̱yakpe̱kpē̱ bui ní edſăra ní nyẽẽ nu ato ame̱hã amehe. [11]

¹⁴Ani Israel le̱, nyṍṅ ni, alo nyṍṅbi ní afo̱le̱ ye̱ šĩa ni? Mẽhewo̱ mo̱ ni etšṍ hãnõ ne̱?

¹⁵Dšatabii hū̃o̱, ni ame̱blo̱ö̱ ame̱woo̱le̱, ni ame̱fe ešikpoṅ le̱ amaṅfõ; ašã emãdši le̱, ní moko ehĩĩ mli doṅṅ.

¹⁶*Nof ke̱ Takpanes bii le̱ hũ efẽ̀ oyiteṅ pampam. [12]

¹⁷Ani dšee bodientše̱ otao ene̱ ohã ohe, ake̱-ní okwa Iehowa, o-Nyoṅmo̱ le̱, beni ekplaäo ke̱-tšṍ gbe̱ le̱ no̱ le̱? [13]

¹⁸Ni agbe̱ne̱ meni oyo̱ femo̱ ye̱ Mizraim gbe̱ le̱ no̱, ni oyanu Šihor [Nilo] nu le̱ eko? alo meni oyo̱ femo̱ ye̱ Ašur gbe̱ le̱ no̱, ni oyanu [Eufrate] fā le̱ mli nu le̱ eko?

¹⁹Bodientše̱ onifõdšianii aagbla otoi, ni ose̱se̱yā le̱ hũ aakã ohĩe; hewo̱ le̱ ná ole ni oyo ake̱ kwa ni okwa Iehowa, o-Nyoṅmo̱ le̱, ke̱ migbeyeišemo̱ ní be̱ omli le̱ edši nõfõṅ ke̱ noni dšōo̱, Nuntšo̱, Iehowa Zebaot, kē̱!

²⁰Edšake̱ blema bēbe odše̱ okũ opã le̱, ni otšere̱ okpãi le̱, ni okē̱ ake̱: Misúmo̱o̱ moko! edšake̱ *goṅkpo̱-fẽ-goṅkpo̱ ní kwo̱ no̱ ke̱ tšo-fẽ-tšo ni ebu kusū šiši oyakãa ši obo̱ō̱ adſamaṅ ye̱. [14]

²¹Ši mi le̱, mite̱o bo ake̱ weintso kpakpa ní dše̱ noni hĩ kwrā mli: té fe tēṅ ní otšake otšṍ kōṅ weintso ní ehĩĩ obãmi ne̱? [15]

²²Edšake̱ ké̱ odšu ke̱ adi po, ni ohã sãmlã fá babaō tete, otõmo̱ le̱ ṅmã ši ye̱ mihĩe kẽ! Nuntšo̱ Iehowa kē̱.

²³Té tēṅ ní okē̱o̱ ake̱: Mibuleko mi-he, ni miyanyieko Baalim se̱ le̱? Kwe̱mo̱ ogbe̱ le̱ ye̱ dšō̱ le̱ mli, ni oná ole noni ofe! yoma oblayō ni he yo̱ oyá ní kpaä ši;

²⁴ṅãṅ tedšiyō ní ele ṅãno̱ hĩle̱, ní fũo̱ kō̱yo̱ ye̱ esusuma se̱di le̱ mli, — ehĩedō̱ le̱ṅ le̱, namo aatšĩ enā? mei fẽ ni taoo̱le̱ le̱, eto̱ṅame̱; enyõṅ le̱ no̱ le̱ ame̱anale̱.

²⁵Kwe̱mo̱ onane dšogbāṅ, ní ehe aka-kã, ke̱ osẽ hũ, ní kũmai akayeo! Ši okē̱ ake̱: Ehĩĩ fõmo̱! dabi! edšake̱ misumoo̱ meikpõdši, ni ame̱se̱ manyie!

²⁶Boni dšulo̱ hĩe gboo, kē̱ amõle̱ le̱, nakai noṅṅ Israel we le̱ hĩe aagbo, ame̱ ke̱ ame̱maṅtše̱mei ke̱ ame̱lumei ke̱ ame̱so̱foi ke̱ ame̱gbalo̱i le̱ fẽ,

²⁷mei ni kē̱o̱ tšo ake̱: Mitše̱ dšio! ke̱ te̱ ake̱: Bo ofo̱mi! le̱; edšake̱ ame̱tšṍmo̱ ame̱se̱ ame̱hãmi, ši dšee ame̱hĩeaṅ; ši ame̱fĩmo̱ be mli le̱ ame̱kēo ake: Te ši ní ohere wo̱yiwala!

²⁸Ši *nẽgbe̱ onyoṅmo̱i ní ofe ohã ohe le̱ yo̱? hã ní ame̱te ši, ake̱ ame̱anyẽ oyiwala ame̱here ye̱ ofĩmo̱ be le̱ mli lo? Edšake̱ †bo̱ni omãdši le̱ fá le̱, nakai noṅṅ onyoṅmo̱i le̱ fá, Iuda! [16]

²⁹Mẽba nyeke̱mi béo̱ mo̱? Nyefẽ-tſẽm nyetō mino̱, Iehowa kē̱.

³⁰Yakatſa po mitſia nyebii le̱ anii; *ame̱kplẽẽ tšo̱semo̱. Nyedientše̱ nyeklante yeo̱ nyegbalo̱i le̱, take̱ dšata hĩekpãtãlo̱! [17]

³¹Nye ne̱ke̱ yino̱bii! nyekwe̱a Iehowa wiemo̱ le̱! Ani mitšṍ ṅãno̱ mihā Israel alo šikpoṅ ní eno̱ ewo duṅ kpī? Mẽhewo̱ mo̱ ni mimaṅ le̱ kē̱o̱ ake̱: Wo̱ye wo̱he! ni wo̱baa oṅõ doṅṅ ne̱?

³²Ani oblayō hĩe aakpa ewulamo̱nii ano̱, alo ayemforo hĩe aakpa emlifĩnii ano̱? ši mimaṅ le̱ hĩe ekpa mino̱ gbĩĩ ní anyẽṅ akane.

³³Kwe̱ bo̱ni osā ogbe̱ le̱ fe̱fe̱o, ní oke̱-tao suomo̱! Nohewo̱ hũ le̱ ohã nifõdšianii eka ogbè̱i le̱ ano̱.

³⁴Anaä ohĩafoi ní efeko noko le̱ asusumai le̱ alá ye̱ otade nāmūi le̱ amli; dšee nifĩfĩaṅ mina ene̱ ye̱, ši moṅ hefẽhe.

³⁵Kẽle̱ okē̱o̱ ake̱: Mifeko noko: nto emlifũ le̱ edše mino̱! Na, *mike̱o bakodšo ye̱ kē̱mo̱ ní okē̱ ake̱: Mifeko eša ko! le̱ hewo̱. [18]

³⁶Mẽba olilaä ši babaō ne̱ke̱, ni otšake ogbe̱ le̱? Ohĩe bagbo ye̱ Mizraim he, tamo̱ bo̱ni ohĩe gbo ye̱ Ašur he le̱.

³⁷Oodše̱ dše̱i hũ odše kpo, ni onidši aadſere oyiteṅ; edšake̱ Iehowa ekwa mei ní ohĩe kã ame̱no̱ le̱, ni emli ehĩṅ bāṅo ye̱ ame̱ṅõ.