Read luganda Ieremia 21 Bible Online

Ieremia 21 - luganda bible

Ieremia 21

¹Wiemo̱ ní dše̱ Iehowa ṅõ ba Ieremia ṅõ ne̱, beni maṅtše̱ Zedekia tšũ Pašhur, Malkia bi le̱, ke̱ oso̱fo *Zefania, Maaseia bi le̱, ke̱-ba eṅõ amebakē̱ ake̱: [191]

²Bi Iehowa nii ohãwo̱; edšake̱ Nebukadnezar, Babel maṅtše̱ le̱, ke̱wo̱ bawu: ake̱ aleenõ Iehowa ke̱wo̱ aaye ye̱ enãkpe̱nii le̱ fẽ nā, ni eedše wo̱no̱ eya lo.

³Ke̱ke̱ ni Ieremia kē̱ame̱ ake̱: Nyeyakē̱a Zedekia ake̱:

⁴Bo̱ni Iehowa, Israel Nyoṅmo̱ le̱, kē̱ ne̱: Na, tawūnii ní yo̱ nyedeṅ ní nyehĩe nyeke̱ Babel maṅtše̱ le̱ ke̱ Kaldeabii ní ebo̱ nsra ewo nyehe ye̱ gbogboi le̱ ase̱ le̱ wuo̱ le̱, mibakpale ke̱-kũ se̱, ni mabua na ke̱-ba maṅ ne̱ teṅ.

⁵Ni midientše̱ mike̱nye aawu ke̱ nine ní akpã mli ke̱ ninešiwale̱ ye̱ mlifũ ke̱ mlila ke̱ grimo̱ babaō nā.

⁶Ni matſia ne̱ke̱ mã ne̱ṅ bii, gbomei ke̱ šĩa koloi fẽ anii, ni ame̱agboi ke̱ gbĕle-hela kpeteṅkple!

⁷Ni no se̱ le̱, Iehowa kē̱, madšie Zedekia, Iuda maṅtše̱ le̱, ke̱ etšũdši le̱ ke̱ maṅ le̱ ke̱ mei ní eſe̱ ye̱ mã ne̱ṅ ní ame̱dše gbĕle-hela ke̱ klante ke̱ hõmo̱ le̱ mli le̱, mawo Nebukadnezar, Babel maṅtše̱ le̱, ke̱ ame̱henye̱lo̱i le̱ ke̱ mei ní taoo̱ ame̱susuma se̱gbe̱ le̱ adeṅ, ni eegbeame̱ ye̱ klante nā, ekõṅ efliṅ, ni enaṅame̱ mo̱bo̱, ni emũsũṅ hũ etšõṅle̱.

⁸Ni ne̱ke̱ maṅ ne̱ hũ okē̱ame̱ ake̱: Bo̱ni Iehowa kē̱ ne̱: *Na, mihĩe wala gbe̱ ke̱ gbĕle gbe̱ mīſie nyehĩe! [192]

⁹Moni aahĩ mã ne̱ṅ le̱, eegbo ye̱ klante ke̱ hõmo̱ ke̱ gbĕle-hela nā; šĩ mo moṅ ní aadše kpo, ní eyagbē Kaldeabii ní ebo̱ nsra ewo nyehe le̱ adeṅ le̱, eyi aaná wala, ni esusuma aatšṍ hānõ ahãle. [193]

¹⁰Edšake̱ midšie mihĩe mika maṅ ne̱ ye̱ efõṅ gbe̱ ni dšee ekpakpa gbe̱, Iehowa kē̱; aatule̱ awo Babel maṅtše̱ le̱ deṅ, ni eke̱ la aašãle̱.

¹¹Ni Iuda maṅtše̱ le̱ we le̱, kē̱mo̱ame̱ ake̱: Nyeboa Iehowa wiemo̱ le̱ toi!

¹²David we, bo̱ni Iehowa kē̱ ne̱: Nyekodšoa dšale̱ nā dā lebi, ni *nyedšiea moni ahaäle̱ le̱ ke̱-dše̱a amimyelo̱ le̱ deṅ, koni †mimlila le̱ akadše kpo tamo̱ la, ní etšo ní moko nyẽẽ agbe, ye̱ nyenifemo̱nii fõdši le̱ ahewo̱! [194]

¹³Na, mike̱o ená, bo moni ohĩo̱ dšō̱ le̱ṅ ke̱ ṅã kplanā le̱ no̱ te̱sā le̱ no̱, Iehowa kē̱; nye mei ní nyekē̱o̱ ake̱: Namo aabatuawo̱? ni namo aabote wo̱šihĩle̱hei le̱?

¹⁴ni mawonye nyõmo̱ ye̱ nyenifemo̱nii le̱ ayibii le̱ anā, Iehowa kē̱, ni maše̱re la ye̱ ekō le̱ mli, ni eešã nibii fẽ ní ebo̱lele̱ ke̱-kpe le̱!