Read luganda Ieremia 25 Bible Online

Ieremia 25 - luganda bible

Ieremia 25

¹Wiemo̱ ni ba Ieremia ṅõ ye̱ Iuda maṅ mū le̱ fẽ hewo̱ ye̱ Iuda maṅtše̱ Iehoiakim, Iosia bi le̱, yino̱ afi ní dši edſe̱, ní dši Nebukadnezar, Babel maṅtše̱ le̱, yino̱ kleṅkleṅ afi le̱ mli,

²ní gbalo̱ Ieremia wie tšõ Iuda maṅ mū le̱ fẽ ke̱ Ierusalembii le̱ ne̱:

³Ke̱-dše̱ Iuda maṅtše̱ Iosia, Amon bi le̱, yino̱ afi ní dši nyoṅma ke̱ etẽ le̱ no̱ ke̱-baši ṅme̱ne̱ gbĩ ne̱ no̱ le̱, ne̱ke̱ afii nyoṅmai-enyo̱ ke̱ etẽ ne̱ mli le̱, Iehowa wiemo̱ baä miṅõ ni miwieo̱ mitšõo̱-nye, miteo̱ ši lebi mā̃ṅkpa miwieo̱, ši nyeboo toi.

⁴Ni asaṅ Iehowa etšũ etšũdši fẽ ní dši gbalo̱i le̱ ke̱-ba nyeṅõ, eteo̱ ši lebi mā̃ṅkpa etšũo̱ame̱, ši nyeboo toi ni asaṅ nyehãã nyetoi aba no̱ ní nyenu;

⁵ekē̱o̱ ake̱: Agbe̱ne̱ nyeteṅ mofẽmo *akũ ese̱ ke̱-dše̱ egbe̱ fõṅ le̱ no̱ ke̱ nyenifemo̱nii fõdši le̱ ahe, ní nyehĩ šikpoṅ ní Iehowa ṅõ-hãnye ke̱ nyetše̱mei le̱ ke̱-dše̱ nāno̱ āhũ ke̱-yaši nāno̱ le̱ no̱! [227]

⁶ni nyekanyiea nyoṅmo̱i krokomei ase̱, ní nyesúmo̱ame̱ ni nyedšáame̱, ni nyeke̱ nyenidši anā nitšumo̱i le̱ akawoa mimli la, ni mifeṅnye efõṅ ko!

⁷Ši kẽle̱ nyeboomi toi, Iehowa kē̱, ni nyeke̱ nyenidši anā nitšumo̱i le̱ wo mimli la ni nyeke̱-fe nyehe efõṅ.

⁸Nohewo̱ le̱ bo̱ni Iehowa Zebaot kē̱ ne̱: Ake̱-ní nyeboo miwiemo̱i le̱ atoi hewo̱ le̱,

⁹na, matšũ ní ayaṅõ kōyigbe̱ wekui le̱ fẽ ke̱-ba, Iehowa kē̱, ke̱ Babel maṅtše̱ Nebukadnezar, *mitšũlo̱ le̱, ni mike̱ame̱ aaba ne̱ke̱ šikpoṅ ne̱ ke̱ emli bii ke̱ dšeṅmãdši ni bo̱le ehe ne̱ fẽ no̱, ni mafeame̱ musu, ni mafeame̱ amaṅfõ ke̱ noni hãa aboo̱ tšia ke̱ nāno̱ ole̱ṅle̱. [228]

¹⁰Ni asaṅ mahã nyã́mo̱ ke̱ mīše̱ gbē ke̱ ayemforowu ke̱ ayemforo gbē, w̌ie̱ gbē̱mo̱ ke̱ kane kpe̱mo̱ alādše ye̱ ame̱teṅ, [229]

¹¹Ni ne̱ke̱ šikpoṅ ne̱ fẽ aatšṍ ole̱ṅle̱ ke̱ amaṅfõ, ni ne̱ke̱ dšeṅmãdši ne̱ fẽ aasúmo̱ Babel maṅtše̱ le̱ *afii nyoṅmai-kpawo. [230]

¹²Ni aaba mli ake̱ ké̱ afii nyoṅmai-kpawo le̱ še̱ le̱, mawo Babel maṅtše̱ le̱ ke̱ ne̱ke̱ dšeṅmaṅ ne̱ nyõmo̱ ye̱ ame̱ni-šaianii le̱ ahewo̱, Iehowa kē̱, ke̱ Kaldeabii le̱ ašikpoṅ le̱ hũ, ni mahã etšṍ amaṅfõ ke̱-ya nāno̱.

¹³Ni mahã miwiemo̱i fẽ ni miwie ye̱ šikpoṅ ne̱ he le̱ aba eno̱, nii fẽ ni aṅmã ye̱ wolo ne̱ mli ní Ieremia gba ye̱ dšeṅmãdší le̱ ahe le̱:

¹⁴edšake̱ aahã ame̱ hũ ame̱súmo̱ dšeṅmãdši babaō ke̱ maṅtše̱mei agboi, ni mawoame̱ nyõmo̱ ye̱ ame̱nifemo̱nii ke̱ ame̱nidsi anā nitšumo̱i le̱ anā.

¹⁵Edšake̱ bo̱ni Iehowa, Israel Nyoṅmo̱ le̱, kē̱mi ne̱: Hemo̱ ne̱ke̱ *mlifũ wein kpulu ne̱ ye̱ midẽ, ni †ohã dšeṅmãdši fẽ ní mitšũo̱o ame̱ṅõ le̱ anu, [231]

¹⁶ni ame̱nu ni ame̱didã ni ame̱ye se̱ke̱ ye̱ klante ní mibatšũ ke̱-ba ame̱teṅ le hewo̱!

¹⁷Ke̱ke̱ ni mihe kpulu le̱ ye̱ Iehowa deṅ, ni mihã dšeṅmãdši fẽ ní Iehowa tšũmi ame̱ṅõ le̱ nu:

¹⁸ame̱dši Ierusalem ke̱ Iuda mãdši le̱ ke̱ emaṅtše̱mei le̱ ke̱ elumei le̱, koni ahã ame̱tšṍmo̱ ole̱ṅle̱ ke̱ amaṅfõ ke̱ noni hãa aboo̱ tšia ke̱ lōmo̱, take̱ bo̱ni eyo̱ ṅme̱ne̱ gbĩ ne̱;

¹⁹Farao, Mizraim maṅtše̱ le̱ hũ, ke̱ etšũdši le̱ ke̱ elumei le̱ ke̱ emaṅ mū le̱ fẽ,

²⁰ke̱ futufutugbomei le̱ fẽ, ke̱ Uz šikpoṅ le̱ no̱ maṅtše̱mei le̱ fẽ, ke̱ Filistibii ašikpoṅ le̱ no̱ maṅtše̱mei le̱ fẽ ke̱ Aškelon ke̱ Gaza ke̱ Ekron ke̱ Ašdod mei ní eſe̱ le̱,

²¹ke̱ Edom ke̱ Moab ke̱ Amonbii le̱,

²²ke̱ Tiro maṅtše̱mei le̱ fẽ ke̱ Zidon maṅtše̱mei le̱ fẽ ke̱ ṅšo̱kpo̱ ni yo̱ ṅšo̱ le̱ se̱ le̱ no̱ maṅtše̱mei le̱,

²³ke̱ Dedan ke̱ Tema ke̱ Buz ke̱ mei fẽ *ní še̱o̱ ame̱yi afãfãi le̱, [232]

²⁴ke̱ Arabia maṅtše̱mei le̱ fẽ ke̱ futufutugbomei ní hĩo̱ ṅã le̱ no̱ le̱ amaṅtše̱mei le̱ fẽ,

²⁵ke̱ Zimri maṅtše̱mei le̱ fẽ ke̱ Elam maṅtše̱mei le̱ fẽ ke̱ Media maṅtšemei lo̱ fẽ,

²⁶ke̱ kōyigbe̱ maṅtše̱mei le̱ fẽ, mei ní be̱ṅke̱ ke̱ mei ní yo̱ šoṅṅ le̱ fẽ, ke̱ ši-kpoṅ le̱ no̱ maṅtše̱yelii fẽ ní yo̱ šikpoṅ le̱ no̱ le̱, ni ame̱fẽ ame̱se̱ le̱ *Šešak maṅtše̱ le̱ aana! [233]

²⁷Ni okē̱ame̱ ake̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Nyenua, ni nyetŏ̱ro̱a, ni nyeſea, ni nyegbēgbēa ši, ni nyekate ši doṅṅ ye̱ klante ní mibatšũ ke̱-ba nyeteṅ le̱ hewo̱.

²⁸Ni aaba mli ake̱, kē̱ ame̱kplẽẽ ake̱ ame̱ahe kpulu le̱ ye̱ odeṅ ame̱nu le̱, okē̱ame̱ ake̱: Bo̱ni Iehowa Zebaot kē̱ no̱: Nu kẽ nyeanu!

²⁹Edšake̱ na, *midše šiši mife maṅ ní aṅõ migbe̱i awole̱ le̱ efõṅ, ni nye ni nyeaṅõ nyehe nyeye kwrā lo? Nyeṅõṅ nyehe nyeyeṅ, ši moṅ matšé̱ klante ke̱-aba šikpoṅ le̱ no̱ bii fẽ no̱, Iehowa Zebaot kē̱. [234]

³⁰Nohewo̱ le̱, gba ne̱ke̱ wiemo̱i ne̱ fẽ otšõame̱ ni okē̱ame̱ ake̱: Iehowa aadše̱ ṅwei *ahũ, ni eewo egbē ke̱-adše̱ ešihĩle̱he kroṅkroṅ le̱, eehū̃ wā ewo ekoloi alẽ̱̀he le̱; eebo oše ewo šikpoṅ le̱ no̱ bii ſẽ tamo̱ weinṅã̀lo̱i anõ! [235]

³¹Gbē̱mo̱ aayaše̱ šikpoṅ le̱ nēgbēhe tō̃; edšake̱ Iehowa ke̱ dšeṅmãdši le̱ ená, eke helo flā bakodšo: meifõdsi le̱, eeṅõ-ame̱ ehã klante! Iehowa kē̱.

³²Bo̱ni Iehowa Zebaot kē̱ ne̱: Na, efõṅ aadše̱ dšeṅmaṅ no̱ aya dšeṅmaṅ no̱, ni ahum kpeteṅkple aate ši ke̱-adše̱ ši-kpoṅ le̱ nāgbēhe tō̃;

³³ni mei ní Iehowa *aagbe ye̱ nakai gbĩ le̱ no̱ lo̱ aakãmo̱ ši ke̱-adše̱ šikpoṅ le̱ nāgbēhe kome ke̱-ate šikpoṅ le̱ nāgbēhe kroko le̱; afeṅ ame̱yăra, abuaṅ ame̱nā, ni asaṅ afũṅame̱: ame̱atšṍ tumu ye̱ šikpoṅ le̱ no̱. [236]

³⁴Nyewo̱a lele ko, nye *tōkwe̱lo̱i, ni nyeblo̱a, ni nyekokloa ši ye̱ lamlu mli nye toi le̱ amli ekpakpai; edšake̱ nyegbē-gbĩĩ le̱ ese̱, ni madſăranye wo̱tšo̱wo̱tšo̱, ni nyeagbēgbē ši tamo̱ šō̃nõ ni dšra wa! [237]

³⁵Ni foidšē aalādse tōkwe̱lo̱i lo̱, ni toi le̱ amli ekpakpai le̱ náṅ gbe̱ adše mli.

³⁶Aanu tōkwe̱lo̱i le̱ ablo̱mo̱ ke̱ tōi le̱ amli ekpakpai le̱ alelewo̱mo̱! edšake̱ Iehowa efite ame̱lẽ̱̀hei le̱,

³⁷ni hedšo̱le̱ šihĩle̱hei le̱ efite ye̱ Iehowa mliſũ ní nā wa le̱ hewo̱.

³⁸Ešĩ ebu le̱ efõ ši tamo̱ dšata, ni ame̱šikpoṅ le̱ etšṍ amaṅfõ ye̱ yiwale̱ klante le̱ hĩe, ke̱ emlifũ ní nā wa le̱ hewo̱. [238]