Read luganda Ieremia 27 Bible Online

Ieremia 27 - luganda bible

Ieremia 27

¹Zedekia, Iosia bi ní dši Iuda maṅtše̱ le̱, maṅtše̱yeli le̱ šišidšẽ mli ne̱ke̱ wiemo̱ ne̱ dše̱ Iehowa ṅõ ba Ieremia ṅõ, ake̱:

²Bo̱ni Iehowa kē̱mi ne̱: Femo̱ kpãi ke̱ kõṅtšei ohã ohe, ni oṅõ-fĩ okue̱. [247]

³Ni oṅõ-mãdše *Edom maṅtše̱ le̱ ke̱ Moab maṅtše̱ le̱ ke̱ Amonbii amaṅtše̱ le̱ ke̱ Tiro maṅtše̱ le̱ ke̱ Zidon maṅtše̱ le̱, ke̱-tšṍ bo̱foi ní ba Ierusalem ye̱ Iuda maṅtše̱ Zedekia ṅõ le̱ anine no̱, [248]

⁴ni ofã́ame̱ ní ame̱yakē̱ ame̱nuntšo̱mei le̱ ake̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Nyeyakē̱a nyenuntšo̱mei le̱ ake̱:

⁵Mi mife šikpoṅ le̱ ke̱ gbomei ke̱ koloi ní yo̱ šikpoṅ le̱ no̱ le̱ ye̱ mihewale̱ kpeteṅkple le̱ ke̱ minine ní mikpã mli le̱ nā, ni miṅõ-hãa mofẽmo ní misumoo̱;

⁶ni agbe̱ne̱ le̱ miṅõ ne̱ke̱ šikpõdši ne̱ fẽ miwo Nebukadnezar, Babel maṅtše̱ le̱ ni dši *mitšũlo̱ le̱, deṅ, ni miṅõ dſe̱iaṅ koloi tete mihãle̱ ni ame̱súmo̱le̱. [249]

⁷Ni dšeṅmãdši fẽ aasúmo̱le̱ ke̱ ebi ke̱ enãbi āhŭ *ke̱-yaši beyino̱ ní le̱ hũ ešikpoṅ le̱ be aaše̱, ni aahã esúmo̱ dšeṅmãdši babaō ke̱ maṅtše̱mei agboi. [250]

⁸Ni aaba mli ake̱ dšeṅmaṅ lo maṅtše̱yeli ní súmo̱o̱ le̱ Nebukadnezar, Babel maṅtše̱ le̱, ni ame̱ke̱ ame̱kue̱ woo Babel maṅtše̱ le̱ apã le̱ šiši le̱, mike̱ klante ke̱ hõmo̱ ke̱ gbĕle-hela aawo nakai dšeṅmaṅ le̱ nyõmo̱, ke̱-yaši beyino̱ ní matšṍ enine no̱ maplenẽame̱, Iehowa kē̱.

⁹Ši nye le̱, nyekaboa nyegbalo̱i ke̱ klamo̱i ke̱ lamõi ke̱ okõmfoi ke̱ ṅkũnyãyelo̱i le̱ ní kē̱o̱nye ake̱: Nyesúmo̱ṅ Babel maṅtše̱ le̱! atoi. [251]

¹⁰Edšake̱ amale ame̱gbaä ame̱hãanye, beni afe ní afãnye ke̱-dše̱ nyešikpoṅ le̱ no̱ ke̱-ya šoṅṅ, ní maſienye ní nyehīe akpãtã.

¹¹Ši dšeṅmaṅ ní aaṅõ ekue̱ awo Babel maṅtše̱ le̱ apã le̱ šiši ni esúmo̱le̱ le̱, ma-hã ehĩ ešikpoṅ le̱ no̱, ní ehũ no̱, ni ehĩ no̱, Iehowa kē̱.

¹²Ni miwie ne̱ke̱ wiemo̱i ne̱ fẽ mitšõ Zedekia, Iuda maṅtše̱ le̱, ni mikē̱: Nyeke̱ nyekue̱ awoa Babel maṅtše̱ le̱ apã le̱ šiši ni nyesúmo̱ale̱ ke̱ emaṅ le̱, ni nyeyi aná wala!

¹³Mẽba ni oke̱ omaṅ le̱ aagboi ye̱ klante ke̱ hõmo̱ ke̱ gbĕle-hela nā, take̱ bo̱ni Iehowa ewie ye̱ dšeṅmaṅ ní súmo̱ṅ Babel maṅtše̱ le̱ he le̱?

¹⁴Ni nyekaboa gbalo̱i ní kē̱o̱nye ake̱: Nyesúmo̱ṅ Babel maṅtše̱ le̱! awiemo̱i le̱ atoi; edšake̱ amale gbale̱ ame̱gbaä ame̱tšõo̱nye le̱. [252]

¹⁵Edšake̱ mitšũkoame̱, Iehowa kē̱, ši moṅ ame̱dientše̱ ame̱gbaä amale ye̱ mi-gbe̱i ano̱, beni afe ni maſienye, ni nye-hĩe akpãtã, nye ke̱ nyegbalo̱i ní gbaä hãanye le̱ fẽ!

¹⁶Ni asaṅ miwie mitšõ oso̱foi le̱ ke̱ maṅ mū ne̱ fẽ ake̱: Bo̱ni Iehowa kē̱ ne̱: Nyekaboa nyegbalo̱i ní gbaä hãanye ake̱: “Na, etše̱ṅ ni *aaṅõ Iehowa we le̱ nibii le̱ ke̱-adše̱ Babel ke̱-aba ekoṅ!” le̱ awiemo̱i le̱ atoi; edšake̱ amale gbale̱ ame̱gbaä ame̱hãanye le̱. [253]

¹⁷Nyekaboa-ame̱ toi; nyesúmo̱a Babel maṅtše̱ le̱, ni nyeyi ana wala: mẽba ni ne̱ke̱ maṅ ne̱ aatšṍ amaṅfõ?

¹⁸Ši ke̱dši gbalo̱i dšiame̱ ni Iehowa wiemo̱ ye̱ ame̱mli le̱, hã ni ame̱kpa Iehowa Zebaot fai moṅ, koni nibii ní eſe̱ ye̱ Iehowa we le̱ ke̱ Iuda maṅtše̱ le̱ we le̱ ke̱ Ierusalem le̱ akaya Babel.

¹⁹Edšake̱ boni Iehowa Zebaot kē̱ ye̱ akulašĩṅi le̱ ke̱ ṅšo̱ le̱ ke̱ adekai le̱ ke̱ nibii krokomei ní eſe̱ ye̱ ne̱ke̱ mã ne̱ṅ, [254]

²⁰ni Nebukadnezar, Babel maṅtše̱ le̱, elōō, beni eṅõ *Iekonia, Iehoiakim bi ni dši Iuda maṅtše̱ le̱, ke̱ Iuda ke̱ Ierusalem abladei le̱ fẽ nom ke̱-dše̱ Ierusalem ke̱-te Babel le̱, — [255]

²¹edšake̱ bo̱ni Iehowa Zebaot, Israel Nyoṅmo̱ le̱, kē̱ ye̱ nibii ní eſe̱ ye̱ Iehowa we le̱ ke̱ maṅtše̱ we le̱ ke̱ Ierusalem le̱ ahewo̱ ne̱:

²²Ake̱ame̱ aate Babel, ni ame̱ahĩ dše̱i ke̱-yaši beyino̱ ní *mayasraame̱, ni mike̱ame̱ aaba abato bie̱ ne̱ ekoṅ, Iehowa kē̱. [256]