Read luganda Ieremia 29 Bible Online

Ieremia 29 - luganda bible

Ieremia 29

¹Ni wolo ní gbalo̱ Ieremia ke̱-mãdše ke̱-dše̱ Ierusalem ke̱-yahã nomi le̱ amli onukpai ní eſe̱ le̱ ke̱ oso̱foi le̱ ke̱ gbalo̱i le̱ ke̱ maṅ mū le̱ fẽ ní Nebukadnezar, Babel maṅtše̱ le̱, baṅõame̱ nom ke̱-dše̱ Ierusalem ke̱-te Babel le̱ mli wiemo̱i ne̱:

²(eke̱-mãdše beni *maṅtše̱ Iekonia ke̱ maṅnye le̱ ke̱ piafoi le̱ ke̱ Iuda ke̱ Ierusalem lumei le̱ ke̱ ṅālo̱i le̱ ke̱ sõlo̱i le̱ edše Ierusalem ete le̱ se̱;) [263]

³ni Elasa, Šafan bi le̱, ke̱ Gemaria, Hilkia bi le̱, mei ní Iuda maṅtše̱ Zedekia tšũ ke̱-te Babel maṅtše̱ Nebukadnezar ṅõ ye̱ Babel le̱, anine no̱ etšṍ ke̱-mãdše:

⁴Bo̱ni Iehowa Zebaot, Israel Nyoṅmo̱ le̱, kē̱o̱ nomi le̱ fiā ni mihã aṅõame̱ nom ke̱-dše̱ Ierusalem ke̱-te Babel le̱ ne̱;

⁵Nyemãmo̱a tšũi ni nyehĩa mli, ni nyefea tromi ni nyeyea ame̱mli yibii;

⁶nyekpēkpēa yei ni nyefo̱fŏ̱a bihĩĩ ke̱ biyei, ni nyekpēkpēa yei nyehãa nyebihĩĩ le̱, ni nyeṅõa nyebiyei le̱ nyehãa gblã, ní ame̱fo̱fō̱ bihĩĩ ke̱ biyei, ní nyeyi afá ye̱ dše̱i, ni nyeno̱ akagbo̱!

⁷Ni nyetaoa hedšo̱le̱ nyehãa maṅ le̱ ní mihã aṅõnye nom ke̱-te mli le̱, ni nyekpaä Iehowa fai nyehãale̱; edšake̱ kē̱ ehe dšo̱le̱ le̱, no nye hũ nyehe aadšo̱nye!

⁸Ši boni Iehowa Zebaot, Israel Nyoṅmo̱ le̱, kē̱ ne̱: *Nyekahãa nyegbalo̱i ní yo̱ nyeteṅ le̱ ke̱ nyeklamo̱ĩ le̱ mīlakaä-nye, asaṅ nyekaboa nyelamõi ní nyelaä le̱ atoi! [264]

⁹Edšake̱ amale gbale̱ ame̱gbaä ye̱ migbe̱i ano̱ ame̱hãanye le̱; mitšũkoame̱! Iehowa kē̱.

¹⁰Edšake̱ bo̱ni Iehowa kē̱ ne̱: Ké̱ *afii nyoṅmai-kpawo še̱ hã Babel le̱, mabasranye ni mahã miwiemo̱ kpakpa ni miwie ye̱ nyehe, ake̱ mahã nyekũ nyese̱ ke̱-ba bie̱ ne̱ le̱, aba mli! [265]

¹¹Ši mi le̱ mile dſẽṅmo̱i ní midſẽṅo̱ ye̱ nyehe, Iehowa kē̱: hedšo̱le̱ dſẽṅmo̱i ni, ši dšee efõṅ nõ ni, koni mike̱ nāgbē ni nyehĩe kã no̱ le̱ ahãnye!

¹²Ni nyeatšé̱mi, ni nyeate nyeakpami fai, ni mabonye toi;

¹³ni nyeataomi, ni nyeanami, ke̱-dši nyetao mise̱gbe̱ ke̱ nyetšui fẽ le̱; [266]

¹⁴ni mahã nyenami, Iehowa ke̱. Ni *makpale nyenomṅō̃ le̱ ke̱-ba ekoṅ, ni mabua nyenā ke̱-adše̱ dšeṅmãdši fiā no̱ ke̱ hei fiā ni miſienye ke̱-te le̱, Iehowa kē̱, ni mike̱nye aakũ se̱ ke̱-aba bie̱ ne̱ heni mihã aṅõnye nom ke̱-dše̱ ke̱-te le̱ ekoṅ! [267]

¹⁵Ši nyekē̱o̱ ake̱: Iehowa etē gbalo̱i aši ehãwo̱ ye̱ Babel!

¹⁶Ši bo̱ni Iehowa kē̱ ye̱ maṅtše̱ ní tá David maṅtše̱sẽi le̱ no̱ le̱ ke̱ maṅ mū le̱ fẽ ní hĩo̱ mã ne̱ṅ le̱, nyenyemimei ní kenye eyaa nomṅō̃ le̱ mli le̱, he ne̱,

¹⁷bo̱ni Iehowa Zebaot kē̱ ne̱: Na, matšũ klante ke̱ hõmo̱ ke̱ gbĕle-hela fẽ ke̱-aba ame̱teṅ, ni *mahã ame̱tšṍmo̱ tamo̱ agbãmii šadši ní ehĩĩ yeli ye̱ hĩ ní ame̱hĩĩ so̱ṅṅ nā. [268]

¹⁸Ni mike̱ klante ke̱ hõmo̱ ke̱ gbĕle-hela aanyie ame̱se̱, ni maṅõame̱ mahã ní agbe̱ame̱ aſa šikpoṅ le̱ no̱ *maṅtše̱yelihei le̱ fẽ, ní ame̱tšṍ lōmo̱ ke̱ amaṅfõ ke̱ noni hãa aboo̱ tšia ke̱ ahorabō̱ ye̱ dšeṅmãdši ni miſieame̱ ke̱-te ame̱ṅõ le̱ ateṅ: [269]

¹⁹ake̱-ní ame̱boo miwiemo̱i le̱ atoi le̱, Iehowa kē̱, mi ní mitšũo̱ mitšũdši, gbalo̱i le̱, ke̱-baä ame̱ṅõ, ni miteo̱ ši lebi mā̃ṅkpa mitšũo̱ame̱, ši ame̱boo toi le̱, Iehowa kē̱. [270]

²⁰Ši nye le̱, nyeboa Iehowa wiemo̱ toi, nye *nomi fẽ ni mihã nyedše Ierusalem ke̱-te Babel le̱! [271]

²¹Bo̱ni Iehowa Zebaot, Israel Nyoṅmo̱ le̱, kē̱ ye̱ Ahab, Kolaia bi le̱, ke̱ Zedekia, Maaseia bi le̱, *ni gbaä amale gbale̱ hãanye ye̱ migbe̱i ano̱ le̱, he ne̱: Na, maṅõame̱ mawo Nebukadnezar, Babel maṅtše̱ le̱, deṅ, ni eegbeame̱ ye̱ nyehĩe; [272]

²²koni Iuda nomi fẽ ní yo̱ Babel le̱, aṅõame̱ alomo̱ mo ake̱: Iehowa afeo tamo̱ Zedekia ke̱ Ahab, mei ní Babel maṅtše̱ le̱ šĩ ye̱ la no̱ le̱!

²³edšake̱ ame̱fe hĩegbedšianii ye̱ Israel, ni ame̱ke̱ ame̱nanemei aṅāmei fite gblã, ni ame̱wie amale wiemo̱ ye̱ migbe̱i ano̱, noni mifã́koame̱! Ši midši moni le, ni midsi odasefonyo, Iehowa kē̱.

²⁴Asaṅ Šemaia, Nehelamnyo le̱, kē̱-mo̱le̱ ake̱:

²⁵Bo̱ni Iehowa Zebaot, Israel Nyoṅmo̱ le̱, kē̱ ne̱: Ake̱-ní oke̱ wodši mãdše maṅ mū le̱ fẽ ní yo̱ Ierusalem le̱, ke̱ *Zefania, Maaseia bi, ni dši oso̱fo le̱, ke̱ oso̱foi le̱ fẽ ye̱ bodientše̱ ogbe̱i ano̱ ake: [273]

²⁶Iehowa ewoö oso̱fo ye̱ oso̱fo Iehoiada nãdšiaṅ, koni nyetšṍmo̱ no̱kwe̱lo̱i ye̱ Iehowa we le̱ nyehã mofẽmo ní *eye se̱ke̱ ni efeo̱ ehe gbalo̱, ni obo̱le̱ apã ni owole̱ gbokle̱ le̱: [274]

²⁷mẽba okãã Ieremia, Anatotnyo le̱, ní feo ehe gbalo̱ ehãanye le̱?

²⁸Edšake̱ etšũ aba wo̱ṅõ ye̱ Babel abakē̱: Ese̱ batše̱! nyemãmo̱a tšŭi ni nyehĩa mli, ni nyefea tromi ni nyeyea ame̱ mli yibii!

²⁹Ni oso̱fo Zefania kane ne̱ke̱ wolo ne̱ ye̱ gbalo̱ Ieremia toiiaṅ.

³⁰Ke̱ke̱ ni Iehowa wiemo̱ ba Ieremia ṅõ ake̱:

³¹Tšũ aya nomi le̱ fẽ ṅõ ayakē̱: Bo̱ni Iehowa kē̱ ye̱ Šemaia, Nehelamnyo le̱, he ne̱: Ake̱-ní Šemaia gba ehãnye, ni mitšũkole̱, ni ehã nyeṅõ nyehĩe nyefo amale no̱

³²hewo le̱, bo̱ni Iehowa kē̱ ne̱: Na, mawo Šemaia, Nehelamnyo le̱, ke̱ eseši le̱ nyõmo̱; enáṅ nū ko ní aahĩ maṅ ne̱ teṅ, ni asaṅ enaṅ edšŭrõ ní mibafe mimaṅ le̱, Iehowa kē̱; edšake̱ *ewie atũatšemo̱ wiemo̱ eši Iehowa. [275]