Read luganda Ieremia 3 Bible Online

Ieremia 3 - luganda bible

Ieremia 3

¹Ekē̱: Kē̱ *nū ko ſie eṅã, ni edše eṅõ eyatšṍ nū kroko ṅã le̱: ani ekũo̱ ese̱ eyaṅõo̱le̱ ekoṅ? ani dšee bulemo̱ ababule nakai šikpoṅ le̱? Ši bo le̱ oke̱ šientše̱mei babaō eyabo̱ adſamaṅ, ni ōkũ ose̱ oba miṅõ ekoṅ? Iehowa kē̱. [19]

²Holemo̱ ohĩṅme̱ii ano̱ ke̱-ya gõdši kpatāi le̱ ano̱ ní okwe̱: Nẽgbe̱ ake̱o ebo̱ko adſamaṅ ye̱? Gbè̱i atoii po otáa omẽo̱ame̱, tamo̱ Arabianyo ye̱ ṅã le̱ no̱, ni oke̱ odſamaṅbō̱ ke̱ onifõdšianii le̱ buleo̱ šikpoṅ le̱.

³Nohewo le̱ atšĩ nyoṅmo̱ne̱mo̱ nā, ni gbo nyoṅmo̱ ene̱e̱; ši ohĩe yō adſamaṅ hĩentšo, ni ohĩe gboo nõ.

⁴Aso odšeṅ bene̱ be oblo̱ṅ otšé̱ṅmi ake̱: Mitše̱! bo dši miblayeiaṅ šientše̱! lo?

⁵Ani eebè̱ mo ewo emli ke̱-ate nāno̱, alo eke̱ mlifũ aato ke̱-ate nāgbē? Na, bo̱ni owieo̱ ne̱, ši kẽle̱ okã he ōfe nifõdšianii.

⁶Ni Iehowa kē̱mi ye̱ maṅtše̱ Iosia yino̱ ake̱: Ona noni se̱se̱yalo̱ Israel efe lo? Eyiṅ ete *goṅ-fẽ-goṅ ní kwo̱ no̱ ke̱ tšo-fẽ-tšo ni ebu kusū šiši, ni eyabo̱ adſamaṅ ye̱ dše̱i. [20]

⁷Ni beni efe ene̱mei fẽ se̱ le̱, mikē̱: Kũ ose̱ ke̱-ba miṅõ! Ši ekũũ ese̱. Ni enyemiyō Iuda, kũtũmpo̱fo le̱, na.

⁸Ni enyemiyō Iuda, *kũtũmpo̱fo le̱, ena fā ake̱ miſie †se̱se̱yalo̱ Israel ye̱ egblāfitemo̱ le̱ fẽ hewo̱, ni mihãle̱ ſiemo̱wolo moṅ, ši kẽle̱ ešee gbeyei; ši moṅ le̱ hũ eyiṅ ete ni eyaho adſamaṅ. [21]

⁹Ni eba mli ake̱ eke̱ edſamaṅbō̱ blo̱mo̱ le̱ bule šikpoṅ le̱, edšake̱ eke̱ te̱i ke̱ tšei fite gblã.

¹⁰Ši fẽ le̱, enyemiyō Iuda, kũtũmpo̱fo le̱, ekũũ ese̱ ke̱-baa miṅõ ke̱ etsui mū le̱ fẽ, ši moṅ, apasa mli ke̱ke̱, Iehowa kē̱.

¹¹Ni Iehowa kē̱mi ake̱: Se̱se̱yalo̱ Israel etšõ ehe ake̱ dšalo̱ fè kũtũmpo̱fo Iuda.

¹²Ya ni oyašie̱ ne̱ke̱ wiemo̱i ne̱ ke̱-ya kōyigbe̱ ni okē̱: Kũ ose̱, se̱se̱yalo̱ Israel! Iehowa kē̱; mitũṅ mihĩe miwoṅ-nye doṅṅ; edšake̱ *mo̱bo̱nalo̱ dšimi, Iehowa kē̱; mibè̱ṅnye miwoṅ mimli ke̱-yaṅ nāno̱! [22]

¹³Ná onišaianii le̱ ole ke̱ke̱, ake̱ otõ Iehowa, o-Nyoṅmo̱ le̱, no̱, ni oyakpa ši ye̱ ogbè̱i le̱ ano̱ ke̱-nyie meikpõdši ase̱, ye̱ tšo-fẽ-tšo ní ebu kusū šiši, ni nyeboko migbē toi! Iehowa kē̱.

¹⁴Nyekũa nyese̱, nye bii se̱se̱yalo̱i! Iehowa kē̱; edšake̱ *midsi nyewù, ni maṅõnye, †mokome ke̱-adše̱ maṅ kome mli, mei enyo̱ hũ ke̱-adše̱ weku kome mli, ni mike̱nye aaba Zion ekoṅ. [23]

¹⁵Ni mahãnye no̱kwe̱lo̱i ye̱ mitšui nã, ni emealè̱nye ke̱ nilē ke̱ dſẽṅmo̱. [24]

¹⁶Ni aaba mli ake̱, beni nyeyi aafá ni nyeafo̱ pī ye̱ šikpoṅ le̱ no̱ ye̱ nakai gbĩĩ le̱ amli le̱, — Iehowa kē̱, — akē̱ṅ doṅṅ ake̱: Iehowa kpãṅmo̱ adeka le̱! ní ebaṅ dſẽṅmo̱ mli, ni akaiṅ, ni ataoṅ, asaṅ afeṅ eko doṅṅ.

¹⁷Nakai be le̱ mli le̱ aatsé̱ Ierusalem ake̱ Iehowa maṅtše̱sẽi; ni *dšeṅmãdši fẽ aabua amehe nā ke̱-aba dše̱i ye̱ Iehowa gbe̱i ní yo̱ Ierusalem le̱ hewo̱, ni ame̱-nyieṅ †ametšui fõṅ le̱ wale̱ se̱ doṅṅ. [25]

¹⁸Nakai gbĩĩ le̱ amli le̱ Iuda we le̱ aate Israel we le̱ ṅõ, ni ame̱yi enyo̱ le̱ fẽ ame̱adše̱ kōyigbe̱ šikpoṅ le̱ no̱ ke̱-aba šikpoṅ ni miṅõ-hã ame̱tše̱mei le̱ ake̱ ame̱gbe̱fāṅnõ le̱ no̱. [26]

¹⁹Ši mi le̱ mikē̱: Kwe̱ boni mike̱o bato bii ateṅ, ni mike̱ šikpoṅ fe̱fe̱o ni dši dšeṅmãdši le̱ asafoi le̱ agbošinii ni yo̱ fe̱o fè fẽ le̱ bahão! Ni mikē̱: Nye-atšé̱mi ake̱: *Mitše̱l ni nyekpaleṅ ye̱ mise̱ doṅṅ. [27]

²⁰Ši take̱ bo̱ni yō yeo̱ ewù he kũtũmpo̱o le̱, nakai nye hũ nyeye mihe kũtũmpo̱o, nye Israel we, Iehowa kē̱.

²¹Anuo̱ gbē ko ye̱ gõdši kpatāi le̱ ano̱: Israelbii le̱ ayāfó ke̱ faikpamo̱i, edšake̱ ame̱kõdõ ame̱gbe̱ le̱, ni ame̱hĩe ekpa Iehowa, ame̱-Nyoṅmo̱ le̱, no̱.

²²Nyekũa nyese̱, nye bii se̱se̱yalo̱i, matšá nyese̱se̱yā le̱! *Na, wo̱mība oṅõ, edšake bo dši Iehowa, wo-Nyoṅmo le̱. [28]

²³Le̱le̱ṅ, goṅkpo̱i ke̱ gõdši le̱ ano̱ hōſemo̱ le̱, yakatſā ni! Le̱le̱ṅ, Iehowa, wo̱-Nyoṅmo̱ le̱, mli Israel yiwalaheremo̱ yo̱!

²⁴Ši hĩegbĕle eye nii ní wo̱tše̱mei le̱ gbo he deṅme le̱ ke̱-dše̱ wo̱gbekẽbii-aši: ame̱tōi ke̱ ame̱tšinai ke̱ ame̱bihĩĩ ke̱ ame̱biyei fẽ!

²⁵Nyehãa wo̱kãmo̱a ši ye̱ wo̱hĩegbĕle le̱ mli, ni wo̱hĩešiſiemo̱ le̱ aha wo̱no̱; edšake̱ wo̱fe eša wo̱ši Iehowa, wo̱-Nyoṅmo̱ le̱, wo̱ ke̱ wo̱tše̱mei le̱ fẽ, ke̱-dše̱ wo̱gbekẽbiiaši ke̱-baši ṅme̱ne̱ gbĩ ne̱, ni wo̱boko Iehowa, wo̱-Nyoṅmo̱ le̱, gbē toi.