Read luganda Ieremia 31 Bible Online

Ieremia 31 - luganda bible

Ieremia 31

¹No be le̱ mli le̱, matšṍ Israel wekui le̱ fẽ Nyoṅmo̱, Iehowa kē̱, ni ame̱ hũ ame̱atšṍ mimaṅ. [290]

²Bo̱ni Iehowa kē̱ ne̱: Maṅ ní klante le̱ šĩ le̱ hĩe eba nyam ye̱ ṅã le̱ no̱; hã maya ni mayahã Israel hedšō̱mo̱!

³Šoṅṅ Iehowa pue hãmi ye̱: Ni nāno̱ suomo̱ mike̱-sumo̱o hewo̱ le̱ mike̱ mlihĩle̱ mīgblao.

⁴Masā mamāo ekoṅ, ni oomã ši, Israel oblayōl Ootšotšŏro omĩdši le̱ ekoṅ ni oodše kpo ye̱ mei ni mli efliame̱ le̱ adšõ̀ le̱ mli!

⁵Oofe weintromi ekoṅ ye̱ Samaria gõdši le̱ ano̱: te̱olo̱i aate̱o, ni ame̱aye emli yibii!

⁶Ši gbĩ ko aaba ní bulo̱i aablo̱ ye̱ Efraim goṅ le̱ no̱ ake̱: Nyetea ši ní wo̱yaä Zion ye Iehowa, wo-Nyoṅmo̱ le̱, ṅõ!

⁷Edšake̱ bo̱ni Iehowa kē̱ ne̱: Nyenyã́a Iakob he ke̱ mīše̱, nyeboa oše nyehãa dšeṅmãdši le̱ ayitšo le̱! nyehãa anua yidšiemo̱ lala ni nyekē̱a ake̱: Iehowa, heremo̱ omaṅ ní dši Israel mei ní eſe̱ le̱ ayiwala!

⁸Na, mayaṅõame̱ ke̱-adše̱ kōyigbe̱ šikpoṅ le̱ no̱ ke̱-aba, ni mayabua ame̱-nā ke̱-adše̱ šikpoṅ le̱ nāgbē tō̃, ni ſilafoi ke̱ ošīfoi, yeiho̱lo̱i ke̱ yeifo̱yei fẽ-tſẽm ye̱ mli: asafo yū aakũ ame̱se̱ aba bie̱ ne̱ ekoṅ! [291]

⁹Ame̱aba ke̱ yāfó ke̱ faikpamo̱, makplaame̱ ni mahã amenyie fāi atoi ye̱ gbe̱ trōmō̃ no̱, heni ame̱tĕ̱re̱ṅ ye̱, edšake̱ *mi-tšṍ Israel tše̱, ni mikromo̱bi dši Efraim! [292]

¹⁰Nyeboa Iehowa wiemo̱ toi, nye dšeṅmãdši, ni nyegbaã ye̱ ṅšo̱kpo̱i ni ye̱ šoṅṅ le̱ ano̱ nyekē̱a ake̱: Moni gbe̱ Israel eſã le̱, eebua ame̱nā ni eekwe̱ame̱ take̱ tōkwe̱lo̱ kwe̱o̱ etōiku le̱!

¹¹Edšake̱ Iehowa ekpõ Iakob, ni edšiele̱ ye̱ moni he wa fèle̱ le̱ deṅ.

¹²Ni ame̱aba ni ame̱abala nyã́mo̱ lala ye̱ Zion he groṅṅ le̱, ni ame̱aho ke̱-ate Iehowa nii dšudši le̱ ahe, ke̱-ate able ke̱ wein ke̱ mũ ke̱ tōbii ke̱ tšinai ahe, ni ame̱susuma aatšṍ tamo̱ *trom ní nu hoo̱ ye̱ mli, ni ame̱kãṅ he ame̱to̱ṅ biti doṅṅ. [293]

¹³No dãni oblayei ke̱ oblahĩĩ ke̱ hĩĩmedši fẽ-kwa aanyã́ ye̱ dšõ̀ mli; edšake̱ mahã ame̱ṅko̱mo̱yeli le̱ atšṍ mliflimo̱, ni maše̱dše ame̱mī, ni mahã ame̱mī aše̱ ame̱-he ke̱-dše̱ ame̱w̌ere̱hō le̱ mli.

¹⁴Ni mahã oso̱foi le̱ asusumai atŏ̱ro̱ ke̱ fo̱, ni mimaṅ le̱ aaye minii dšudši le̱ atŏ̱ro̱, Iehowa kē̱.

¹⁵Bo̱ni Iehowa kē̱ ne̱: *Anu gbē ko ye̱ Rama, yărawō ke̱ yāfó ni mli wa; Rahel mīfó ebihĩĩ le̱, ni ekplẽẽ mīše̱dše-mo̱ ye ebihĩĩ le̱ ahewo̱, edšake̱ ame̱be̱! [294]

¹⁶Boni Iehowa kē̱ ne̱: Tšĩ ogbē nā ní okafó, ke̱ ohĩṅme̱ii hũ ní yāfónu aka-dše mli; edšake̱ aawo onitšumo̱ le̱ he nyõmo̱ kẽ, Iehowa kē̱, ni ame̱akũ ame̱-se̱ ke̱-adše̱ henye̱lo̱ le̱ šikpoṅ le̱ no̱,

¹⁷Ni asaṅ hĩeno̱kãmo̱ ye̱ hã owó̱se̱-be, Iehowa kē̱, ni obii le̱ aaba ame̱dientše̱ ame̱kpokpai ano̱ ekoṅ!

¹⁸Minu le̱le̱ṅ ní Efraim miye ṅko̱mo̱ ake̱: Ogbla mitoi, ni mikplẽ mitoigblamo̱ le̱ tamo̱ tšinabi ní atšõkole̱ nii: kpalemo̱mi, ni makpale; edšake̱ bo dši Iehowa, mi-Nyoṅmo̱ le̱!

¹⁹Ši beni mikpale ke̱-dše̱ ohe le̱ se̱ le̱, miſa mihe, ni beni ahã miná mile se̱ le̱, migbla miſuo̱ he mãi: mihĩe gbo, ni mihĩe ſie ši; edšake̱ mitēre miblahīaṅ ahorabē̱ le̱.

²⁰Aso mibinū dšŭrõ dši Efraim, alo bi ní mimī še̱o̱ ehe ni? edšake̱ šiiabo̱ fẽ ni miwieo̱ mišio̱le̱ le̱ *mikaio̱le̱ kẽ; nohewo̱ le̱ †mimli nṍmoo̱mi ye̱ ehewo̱, mimũsũṅ tšõo̱mi ye̱ ehe kẽ! Iehowa kē̱. [295]

²¹Mãmo̱ gbe̱kadimo̱nii ohã ohe, ni omãmo̱ gbe̱tšõmo̱tšei hũ ohã ohe, hã odſẽṅmo̱ akã gbe̱dšegbe̱ le̱, gbe̱ ní onyie no̱ ke̱-te le̱ no̱; kpalemo̱ ke̱-ba ko, Israel oblayō, kpalemo̱ ke̱-ba omãdši ne̱ amli!

²²Mẽ beyino̱ noṅṅ olilā ši ke̱-yaši, bo biyō ní okpale ke̱-te se̱? Ši Iehowa ebo̱ nõ hē ko ye̱ šikpoṅ le̱ no̱: yō aaba-bo̱le nū he!

²³Bo̱ni Iehowa Zebaot, Israel Nyoṅmo̱ le̱, kē̱ ne̱: Kē̱ mikpale ame̱nomṅō̱̃ le̱ ke̱-ba le̱, ame̱awie ne̱ke̱ wiemo̱ ne̱ ye̱ Iuda šikpoṅ le̱ no̱ ke̱ emãdši le̱ amli ake̱: Iehowa adsō̱o, bo dšale̱ šihĩle̱he, bo goṅ kroṅkroṅ!

²⁴Ni Iuda ke̱ emãdši fẽ-tſẽm aahĩ mli, okwāfoi hũ ke̱ mei ni ke̱ ame̱tōi-ku kpaä ši le̱.

²⁵Ši *mahã susuma ní eto̱le̱ le̱ ato̱, ni susuma-fë-susuma ní eto̱ biti le̱ hũ aaye nii ato̱, [296]

²⁶Ene̱ no̱ mihĩe tšẽ ye̱ ni mikwe̱, ni miwo le̱ ṅõ minā.

²⁷Na, gbĩĩ mība, Iehowa kē̱, ní madũ gbomei aseši ke̱ koloi aseši ye̱ Israel we le̱ ke̱ Iuda we le̱.

²⁸Ni aaba mli ake̱, bo̱ni miši kpe ye̱ ame̱he, ní mafãmo̱, ní makũmo̱, ní mabutu, ní mafite, ní mafeame̱ efõṅ le̱, nakai noṅṅ kē maši kpe ye̱ ame̱he, ni mamãmo̱, ní mate̱oame̱, Iehowa kē̱.

²⁹Nakai gbĩĩ le̱ ano̱ le̱ ame̱kē̱ṅ doṅṅ ake̱: Tše̱mei le̱ eye weinyibii ṅmlikitii, ni bii le̱ moṅ anyãnyõdši eſã! [297]

³⁰Ši moṅ, mofẽmo aagbo ye̱ le̱dientše̱ enõša hewo̱, ni mofẽmo ní yeo̱ weinyibii ṅmlikitii le̱, le̱ noṅṅ enyãnyõdši aaſã.

³¹Na, gbĩĩ miba, Iehowa kē̱, ní mike̱ Israel we le̱ ke̱ Iuda we le̱ aakpãṅ kpãṅmo̱ hē: [298]

³²etamo̱o̱ kpãṅmo̱ ni mike̱ ame̱tše̱mei le̱ kpãṅ gbĩ ní mimõ amenine mli ni midšieame̱ ke̱-dše̱ Mizraim šikpoṅ le̱ no̱ le̱; nakai mikpãṅmo̱ le̱ ame̱kũ mli, tše̱ midši ame̱wù! Iehowa kē̱.

³³Ši *kpãṅmo̱ ní mike̱ Israel we le̱ bakpãṅ ye̱ nakai gbĩĩ le̱ ase̱ le̱ ne̱, Iehowa kē̱: †Maṅõ mimla le̱ mawo ame̱mli ni maṅma ye̱ ame̱-tšui no̱, ni **matšṍ ame̱-Nyoṅmo̱, ni ame̱ hũ ame̱atšṍ mimaṅ! [299]

³⁴Ni moko etšõṅ enanyo, ni asaṅ moko etšõṅ enyemi doṅṅ ake̱: Le Iehowa! edšake̱ ame̱fẽ-kwa ame̱ale-mi, ke̱-adše̱ ame̱teṅ mo bibiō no̱ ke̱-yaši ame̱teṅ mo wulu no̱. Iehowa kē̱; edšake̱ *maṅõ ame̱nišaianii le̱ mafa, ni ame̱he ešai le̱ mikaiṅdoṅṅ! [300]

³⁵Bo̱ni Iehowa, moni fe hũlũ ní ekpe ſane, ní ewo nyoṅtšĕre ke̱ ṅulamii akpoi ní ame̱kpe̱ nyōṅ, ní etaä ṅšo̱ mli ni emli ṅšo̱kei le̱ hũo̱, ní egbe̱i dši Iehowa Zebaot le̱, kē̱ ne̱:

³⁶Ke̱dši ne̱ke̱ *akpo̱i ne̱ aalādše ye̱ mihĩe le̱, Iehowa kē̱, no †dãni Israel seši le̱ aatã, ni ame̱feṅ maṅ ye̱ mihĩe gbĩkogbĩko doṅṅ! [301]

³⁷Bo̱ni Iehowa kē̱ ne̱: Ke̱dši aanyẽ ṅweii ní yo̱ yiteṅgbe̱ le̱ asusu, ni atao šikpoṅ le̱ šišitōi ni yo̱ šišigbe̱ le̱, no dãni mi hũ makwa Israel seši le̱ fiā ye̱ nibii fẽ ní ame̱fe le̱ hewo̱, Iehowa kē̱.

³⁸Na, gbĩĩ mība, Iehowa kē̱, ní aato maṅ le̱ ahã Iehowa ke̱-adše̱ Hananel mō̃ ni kwo̱ le̱ he ke̱-yaši agbó ní yo̱ koṅ le̱ nā le̱ he; [302]

³⁹ni susumo̱ kpã le̱ aadše̱ dše̱i tē̃ ke̱-atšṍ Gareb goṅkpo̱ le̱ no̱, ni eedo̱ eyi ke̱-ba Goa;

⁴⁰ni gbohĩĩ ke̱ lamudši adšō̱ mū le̱ fẽ ke̱ ṅmõdsi le̱ fẽ ke̱-yaši Kidron fā le̱ nā, ke̱-yaši okpo̱ṅo̱i agbó le̱ koṅ ní ye bokãgbe̱ le̱ he le̱, aatšṍ kroṅkroṅ ahã Iehowa: akũmo̱ṅ ni awuleṅ aſieṅ ši doṅṅ ke̱-ate nāno̱!