Read luganda Ieremia 32 Bible Online

Ieremia 32 - luganda bible

Ieremia 32

¹Wiemo̱ ní dše̱ Iehowa ṅõ ba Ieremia ṅõ ye̱ Iuda maṅtše̱ Zedekia yino̱ afi ní dši nyoṅma, ní dši Nebukadnezar yino̱ afi ní dši nyoṅma ke̱ kpānyo̱ le̱ no̱.

²No be le̱ mli le̱ *Babel maṅtše̱ le̱ ta le̱ ebabo̱ nsra ewo Ierusalem he, ni gbalo̱ Ieremia le̱, aṅã́ eyi ye̱ bulo̱i le̱ akpo le̱ ní yo̱ Iuda maṅtše̱ le̱ we le̱ no; [303]

³edšake̱ Iuda maṅtše̱ Zedekia eṅã́ eyi ekē̱: Mẽba ogbaä ake̱: Bo̱ni Iehowa kē̱ ne̱: Na, *mibaṅõ ne̱ke̱ maṅ ne̱ mawo Babel maṅtše̱ le̱ deṅ ní eṅõle, [304]

⁴ni Iuda maṅtše̱ Zedekia edšeṅ Kaldeabii le̱ adeṅ, ši ake̱le̱ aawo Babel maṅtše̱ le̱ deṅ, ni eke̱le̱ aawie nābu ke̱ nābu, ni eenale̱ hĩe ke̱ hĩe,

⁵ni eekpla Zedekia ke̱-ate Babel, ni eehĩ dše̱i ke̱-yaši beyino̱ ní *mabasrale̱, Iehowa kē̱; ši ké̱ nyeke̱ Kaldeabii le̱ wu le̱, ehoṅ le̱. [305]

⁶Ni Ieremia kē̱: Iehowa wiemo̱ ba miṅõ ake̱:

⁷Na, Hanamel ní dši otše̱kwẽ Šalum bi le̱ baba oṅõ ake̱: He mišikpoṅ ní yo̱ Anatot le̱; edšake̱ bo *oyo̱ hegbe̱ ake̱ okpõo̱ ní oheo̱! [306]

⁸Ke̱ke̱ ni Hanamel, mitše̱kwẽ le̱ bi le̱, ba miṅõ ye̱ bulo̱i le̱ akpo le̱ no̱, tamo̱ bo̱ni Iehowa eke̱ le̱, ni ebake̱mi ake̱: He mišikpoṅ ní yo̱ Anatot ye̱ Benyamin šikpon le̱ no̱ le̱; edšake̱ bo oyo̱ hegbe̱ ake̱ oyeo̱ gbošinii, ni bo oyo̱ hegbe̱ ake̱ okpõo̱; be ohã ohe! Ke̱ke̱ ni mina ake̱ Iehowa wiemo̱ le̱ ni.

⁹Ni mihe šikpoṅ ní yo̱ Anatot le̱ ye̱ mitše̱kwẽ bi Hanamel deṅ, ni minmẽ šika ní ná šio̱ dſie̱te̱i šekeli nyoṅma ke̱ kpawo mihãle̱;

¹⁰ní minmã no̱ wolo, ni miso̱o nā, ni mitsé̱ odasefoi baye odase, ni miṅmẽ šika le̱ ye̱ nsẽni mli.

¹¹Ke̱ke̱ ni miko̱ hemo̱-wolo ní aso̱o nā ní dši enayeli, ke̱ ehe gbe̱dšiano̱tōi le̱ ke̱ noni nā kã le̱,

¹²ni miṅõ hemo̱-wolo le̱ mihã Baruk, Maeseia bi Neria bi le̱, ye̱ mitše̱kwẽ bi Hanamel ke̱ odasefoi ní enmã ame̱gbe̱i ye̱ hemo̱-wolo le̱ šiši le̱ ke̱ Iudafoi fẽ ní yo̱ bulo̱i le̱ akpo le̱ no̱ le̱ ahĩe;

¹³ni mifã́ Baruk ye̱ ame̱hĩe ake̱:

¹⁴Boni Iehowa Zebaot, Israel Nyoṅmo̱ le̱, kē̱ ne̱: He ne̱ke̱ wodši ne̱, ne̱ke̱ hemo̱-wolo ní aso̱o nā ne̱ ke̱ wolo ní nā kã ne̱ fẽ, ni oke̱-wo sũ kpulu ko mli, koni ame̱tše̱ gbĩĩ pī.

¹⁵Edšake̱ boni Iehowa Zebaot, Israel Nyoṅmo̱ le̱, kē̱ ne̱: Aahe šĩai ke̱ abō̱i ke̱ weintromi ye̱ ne̱ke̱ šikpoṅ ne̱ no̱ ekoṅ!

¹⁶Ni beni mike̱ hemo̱-wolo le̱ ehã Baruk, Neria bi le̱, se̱ le̱, miso̱le ye̱ Iehowa hĩe ni mikē̱:

¹⁷Ao, Nuntšo̱ Iehowa! Na, bo *oke̱ ohewale̱ kpeteṅkple le̱ ke̱ onine ní okpã mli le̱ fe ṅwei ke̱ šikpon; †nokonoko be̱ ni onyẽṅ ofe; [307]

¹⁸*onaä mei akpei abo mo̱bo̱, ni osā owoo tše̱mei anišaianii ahe nyõmo̱ ošãkãa ame̱bii ní baä ye̱ áme̱se̱ le̱ atšitši, bo Mawu kpeteṅkple ke̱ hewalo̱, Iehowa Zebaot dši ogbe̱i! [308]

¹⁹oda ye̱ ṅāwō gbe̱fāṅ, ni ohe wa ye̱ nitšumo̱ gbe̱fāṅ, bo ní ohĩṅme̱ii kãmo̱ hã gbomei abii agbé̱i fẽ, koni ohã mofẽmo bo̱ni sa *agbè̱i ke̱ enifemo̱nii ayibii le̱; [309]

²⁰bo ní ofe okadii ke̱ nākpe̱nii ye̱ Mizraim šikpoṅ le̱ no̱ ke̱-baši ṅme̱ne̱ gbĩ ne̱, ye̱ Israel ke̱ gbomei fẽ ateṅ, ni oke̱-he gbe̱i tamo̱ bo̱ni yo̱ ṅme̱ne̱ ne̱!

²¹ni oke̱ okadii ke̱ nākpe̱nii ke̱ ninešiwale̱ ke̱ nine ní akpã mli ke̱ gbeyei babaō dšie omaṅ Israel ke̱-dše̱ Mizraim šikpoṅ le̱ no̱,

²²ni oṅõ šikpoṅ ní okā ame̱tše̱mei le̱ akitã ake̱ oke̱-ahãame̱ le̱, šikpoṅ ní fufo̱ ke̱ wò hoo̱ ye̱ no̱ le̱ ohãame̱;

²³ni ame̱ba ni ame̱baṅõ-fe ame̱nõ, ši ame̱boo ogbe toi ni ame̱nyiee omlai le̱ amli hũ; nibii fẽ ni owoame̱ kitã ake̱ ame̱fe le̱, ame̱fee ekomeflo, nohewo̱ ni ohã ne̱ke̱ efõṅ ne̱ fẽ ba ame̱no̱ ne̱.

²⁴Na, kpokui le̱ mīše̱ maṅ le̱ he, ni ame̱baṅõle̱, ni atu maṅ le̱ awo Kaldeabii ní ke̱le̱ wuo̱ le̱ adeṅ ye̱ klante ke̱ hõmo̱ ke̱ gbĕle-hela so̱ṅṅ nā, ni noni owie le̱ eba mli, ni na, ōna!

²⁵ni kẽle̱ bo Nuntšo̱ Iehowa noṅṅ oke̱mi ake̱: Oke̱ šika ahe šikpoṅ le̱, ni otšé̱ odasefoi abaye odase; tše̱bele̱ aṅõ maṅ le̱ awo Kaldeabii le̱ adeṅ!

²⁶Ke̱ke̱ ni Iehowa wiemo̱ ba Ieremia ṅõ ake̱:

²⁷Na, midši Iehowa, *helo fẽ Nyoṅmo̱ le̱; †aso noko ye̱ ni minyẽṅ mafe lo? [310]

²⁸Nohewo̱ le̱ bo̱ni Iehowa kē̱ ne̱: Na, miṅõ ne̱ke̱ maṅ ne̱ miwo Kaldeabii le̱ adeṅ ke̱ Nebukadnezar, Babel maṅtše̱ le̱, deṅ, ni eehaṅõle̱, [311]

²⁹ni Kaldeabii ní ke̱ maṅ le̱ wuo̱ le̱ aabote mli, ni ame̱amã maṅ ne̱ nā la, ni ame̱ašãle̱ ke̱ šĩai ní *ame̱šã tšofã-ke̱-ṅma ye̱ ame̱yiteaṅ ame̱hã Baal ni ame̱ye ṅkpai ame̱hã nyoṅmo̱i krokomei ni ame̱ke̱-wo mimli la le̱. [312]

³⁰Edšake̱ Israelbii le̱ ke̱ Iudabii le̱ efõṅ so̱ṅṅ ke̱ke̱ ame̱feo̱ ye̱ mihĩe ke̱-dše̱ ame̱blahĩaṅ; ni mimli la so̱ṅṅ ke̱ke̱ Israelbii le̱ ke̱ ame̱nidsi anā nitšumo̱i le̱ woo̱, Iehowa kē̱.

³¹Edšake̱ mlifũ ke̱ mlila so̱ṅṅ ke̱ke̱ ne̱ke̱ maṅ ne̱ woo̱mĩ ke̱-dše̱ gbĩ ní atole̱ le̱ ke̱-baši ṅme̱ne̱, koni madšiele̱ ke̱-dše̱ mihĩe,

³²ye̱ Israelbii le̱ ke̱ Iudabii le̱ anifõdšianii fẽ ní ame̱fe ní ame̱ke̱-wo mimli la le̱ hewo̱, ame̱ ke̱ ame̱maṅtše̱mei ke̱ ame̱lumei ke̱ ame̱so̱foi ke̱ ame̱gbalo̱i le̱ fẽ ke̱ Iudahĩĩ ke̱ Ierusalembii le̱.

³³Ni ame̱tsṍmo̱ ame̱se̱ ame̱hãmi, ši dšee ame̱hĩeaṅ, ni tše̱ atšõo̱ame̱ nii dā, ateo̱ ši lebi mā̃ṅkpa atšõo̱ame̱ moṅ, ši kẽle̱ ame̱boo toi ní ame̱akplẽ tšo̱semo̱.

³⁴Ši moṅ *ame̱ke̱ ame̱nihĩnii le̱ eto šĩa ní aṅõ migbe̱i awole̱ le̱, ni ame̱ke̱bulele̱; [313]

³⁵ni ame̱mãmo̱ Baal hei groṅṅi le̱ ní yo̱ Hinom bi le̱ dšō̱ le̱ṅ le̱, koni ame̱hã ame̱bihĩī ke̱ ame̱biyei atšṍ la mli ahã Molek, noni mifã́ko ni esā ebako miyiṅ ake̱ ame̱fe ne̱ke̱ nihĩnii ne̱ ní ame̱ke̱-hã Iuda afe eša. [314]

³⁶Ni nohewo̱ le̱ agbe̱ne̱ bo̱ni Iehowa, Israel Nyoṅmo̱ le̱, kē̱o̱ ye̱ ne̱ke̱ maṅ ne̱ ní nyekē̱o̱ ake̱ aṅõle̱ awo Babel maṅtše̱ le̱ deṅ ye̱ klante ke̱ hõmo̱ ke̱ gbĕle-hela so̱ṅṅ nā le̱ hewo̱ ne̱:

³⁷Na, mi noṅṅ mabua ame̱nā ke̱-adše̱ šikpõdši fẽ ni miſieame̱ ke̱-te no̱ ye̱ mimlifũ ke̱ mlila ke̱ grimo̱ babaō nā le̱ ano̱, ni mike̱ame̱ aakũ se̱ ke̱-aba bie̱ ne̱ ekoṅ, ni mahã ame̱hĩ ší ſeſēſe.

³⁸Ni ame̱atšṍ mimaṅ, ni mi hũ matšṍ ame̱-Nyoṅmo̱; [315]

³⁹ni maṅõ tšui kome ke̱ gbe̱ kome mahãame̱, ni ame̱šemi gbeyei dā, koni ahĩ ahãame̱ ke̱ ame̱bii ni baä ye̱ ame̱-se le̱. [316]

⁴⁰Ni mike̱ame̱ aakpãṅ nāno̱ kpãṅmo̱, ni mikpaleṅ ye̱ ame̱se̱ ake̱ mife̱eame̱ edšŭrõ doṅṅ, ni migbeyeišemo̱ le̱ hũ maṅõ-wo ame̱tšuii amli, koni ame̱kadše mihe doṅṅ.

⁴¹Ni manyã́ ame̱he, koni mafeame̱ edšŭrõ, ni mate̱oame̱ ye̱ šikpoṅ ne̱ no̱ ano̱kwale mli ke̱ mitšui mũ le̱ fẽ ke̱ misusuma mũ le̱ fẽ.

⁴²Edšake̱ bo̱ni Iehowa kē̱ ne̱: Bo̱ni mike̱ ne̱ke̱ efõṅ kpeteṅkple ne̱ fẽ ba maṅ ne̱ no̱ le̱, nakai noṅṅ mike̱ ekpakpa fẽ ní miwoame̱ ši le̱ aaba ame̱no̱.

⁴³Ni aahe abō̱i ye̱ ne̱ke̱ šikpoṅ ne̱ no̱, tše̱ nyekē̱o̱ ake̱ etšṍ amaṅfõ ní gbomo ke̱ kolo be̱ no̱ doṅṅ, ni aṅõ-wo Kaldeabii le̱ adeṅ.

⁴⁴Ake̱ šika aahehẽ abō̱i, ni aaṅmã no̱ wodši, ni aaso̱o nā, ni aatšé̱ odasefoi abaye odase, ye̱ Benyamin šikpoṅ le̱ no̱ ke̱ Ierusalem niiaṅ ke̱ Iuda mãdši le̱ amli ke̱ goṅ no̱ mãdši le̱ amli ke̱ ṅãno̱ mãdši le̱ amli ke̱ wuoyigbe̱ mãdši le̱ amli: edšake̱ *makpale ame̱nomṅō̃ le̱ ke̱-aba ekoṅ! Iehowa kē̱. [317]