Read luganda Ieremia 33 Bible Online

Ieremia 33 - luganda bible

Ieremia 33

¹Ni Iehowa wiemo̱ sã ba Ieremia ṅõ noni dši šii enyo̱, beni aṅṍ eyi ye̱ bu-lo̱i le̱ *akpo le̱ no̱ lolo le̱, ake̱: [318]

²Bo̱ni Iehowa, moni feo̱ le̱, Iehowa, moni too̱ eyiṅ ni ehãa ebaä mli le̱, mo gbe̱i ni dši Iehowa le̱, kē̱ ne̱:

³Blo̱mo̱ otšé̱mi, ní mahereo no̱, ni madšadše nibii wudši matšõo ke̱ nii ni aṅõ-tē ní olee!

⁴Edšake̱ bo̱ni Iehowa, Israel Nyoṅmo̱ le̱, kē̱ ye̱ mã ne̱ṅ *šĩai le̱ ke̱ Iuda maṅtše̱mei le̱ ašĩai le̱ ni akũmo̱ ye̱ kpokui le ke̱ klante le̱ hewo̱ le̱ ahe ne̱: [319]

⁵Ame̱mība ní ame̱ke̱ Kaldeabii le̱ abawu, ši ame̱ke̱ gbomei ní migbe ye̱ mimliſũ ke̱ mimlila mli, mei ni ame̱nifõdšianii so̱ṅṅ hewo̱ miṅõ mihĩe mitẽ ne̱ke̱ maṅ ne̱ le̱, agbohĩĩ aawoame̱ obõ to̱.

⁶Na, mi noṅṅ mafĩ efla le̱ ne̱, ni matšáame̱ ni ame̱he aatã, ni mafã hedšo̱le̱ ke̱ ano̱kwale babaō nã mahãame̱.

⁷Ni mahã Iuda ke̱ Israel *nomi le̱ akũ se̱ aba ekoṅ, ni mamãame̱ tamo̱ tšutšu le̱. [320]

⁸Ni matšũ ame̱he ke̱-adše̱ ame̱nišai anii fẽ ní ame̱ke̱-fe eša ame̱šimi le̱ mli; ni *maṅõ ame̱nišaianii fẽ ní ame̱ke̱-fe eša ame̱šimi ni ame̱ke̱-tõ mino̱ le̱ mafa-ame̱. [321]

⁹Ni eetšṍ mliflimo̱ gbe̱i ehãmi, ke̱ yidšiemo̱ ke̱ anumnyam ye̱ šikpoṅ le̱ no̱ dšeṅmãdši fẽ ni aanu edšŭrõ fẽ ní mifeo̱ame̱ le̱ he le̱ ahĩe, ni ame̱tšui aafã ni ame̱he aakpokpo ye̱ edšŭrõ fẽ ke̱ hedšo̱le̱ fẽ ni mahãle̱ le̱ hewo̱.

¹⁰Boni Iehowa kē̱ ne̱: Bie̱ ne̱ ní nyekē̱o̱ ake̱ ehĩe ekpãtã ní gbomo lo kolo ehĩṅ mli doṅṅ le̱, ke̱ Iuda mãdši ke̱ Ierusalem blohũi ní etšṍmo̱ amaṅfõi ní gbomo be̱ mli ni moko be̱ ní hĩo̱ mli ni kolo ko be̱ mli le̱,

¹¹*aanu mliflimo̱ ke̱ nyã́mo̱ gbẽ ke̱ ayemforowu ke̱ ayemforo gbē ekoṅ, mei ní kē̱o̱ ake̱: †Nyedaä Iehowa Zebaot ši, edšake̱ Iehowa hĩ; edšake̱ nāno̱ emobo̱nale̱ hĩo̱ ši ke̱-yaä! le̱ agbē, ke̱ mei ni ke̱ šidā-afo̱lei baä Iehowa we le̱ agbẽ. Edšake̱ makpale šikpoṅ le̱ nomṅō̃ le̱ ke̱-aba ekoṅ, tamo̱ tšutšu le̱, Iehowa kē̱. [322]

¹²Bo̱ni Iehowa Zebaot kē̱ ne̱: Bie̱ ne̱ ní hĩe ekpãtã ní gbomo be̱ṅ, kolo tete be̱ṅ le̱, ke̱ eno̱ mãdši le̱ fẽ aatšṍmo̱ tōkwe̱lo̱i ní hãa ame̱tōikui bumoo̱ ši le̱ ašihĩle̱hei;

¹³asaṅ *gõdši le̱ ano̱ mãdši le̱ amli ke̱ ṅãno̱ mãdši le̱ amli ke̱ wuoyigbe̱ mãdši le̱ amli ke̱ Benyamin šikpoṅ le̱ no̱ ke̱ Ierusalem niiaṅ ke̱ Iuda mãdši le̱ amli hũ, tōikui aatšṍ kanelo̱ nidši ašiši ke̱-ho ekoṅ, Iehowa kē̱. [323]

¹⁴Na, gbĩĩ mība, Iehowa kē̱, ní ma-hã wiemo̱ kpakpa ní miwie ye̱ Israel we le̱ ke̱ Iuda we le̱ he le̱ aba mli.

¹⁵Nakai gbĩĩ le̱ amli ke̱ nakai be le̱ṅ le̱ mahã dšale̱ tšonine akwẽ ahã David, ni eekodšo ni eeye dšale̱ sane ye̱ šikpoṅ le̱ no̱. [324]

¹⁶Nakai gbĩĩ le̱ amli le̱ aahere Iuda yiwala, ni *Ierusalem †aahĩ ši ſeſēſe, ni gbe̱i ní ake̱-atšé̱le̱ dši: Iehowa wo̱dšale̱ le̱! [325]

¹⁷Edšake̱ bo̱ni Iehowa kē̱ ne̱: Nū ní aatá Israel we le̱ maṅtše̱sẽi le̱ no̱ ebo̱ṅ David. [326]

¹⁸Asaṅ oso̱foi, ní dši Levibii le̱ hũ, nū ní aašã šā̃-afo̱lei, ní eešã niyenii-afo̱lei, ní eegbe afo̱lei gbĩ-fẽ-gbĩ ye̱ mi-hĩe, ebo̱ṅame̱.

¹⁹Ni Iehowa wiemo̱ sā ba Ieremia ṅõ ake̱:

²⁰Bo̱ni Iehowa kē̱ ne̱: Ke̱dši nye-anyẽ miſane-he-kpãṅmo̱ ke̱ minyōṅ-he-kpãṅmo̱ le̱ mli nyekũ, ni ſane ke̱ nyōṅ akaba ye̱ ame̱be mli doṅṅ le̱, [327]

²¹no le̱ aakũ mikpãṅmo̱ ni mike̱ mitšūlo̱ David ekpãṅ le̱ mli, ni enáṅ binū ni aatá esẽi le̱ no̱ aye maṅtše̱, ke̱ noni mike̱ Levibii, oso̱foi ní dši misúolo̱i le̱, ekpãṅ le̱ hũ!

²²Bo̱ni *anyẽṅ akane ṅwei asafo le̱, lo asusu ṅšo̱nā šia le̱, nakai mahã mitšũlo̱ David seši le̱ afá, ke̱ Levibii ní dši misúolo̱i le̱ hũ. [328]

²³Ni Iehowa wiemo̱ ba Ieremia ṅõ ake̱:

²⁴Ani onako noni maṅ ne̱ wieo̱ ake̱: Wekui enyo̱ le̱, ní Iehowa hala le̱, ekwa-ame̱! ke̱ bo̱ni ame̱gbeo̱ mimaṅ le̱ he guo̱, ake amedšee dšeṅmaṅ doṅṅ ye̱ amehĩe le̱ lo?

²⁵Bo̱ni Iehowa kē̱ ne̱: Ke̱dši miſane ke̱ nyōṅ-he-kpãṅmo̱ le̱ emãã ši ni mitoko gbe̱nāi mihãko ṅwei ke̱ šikpoṅ le̱, [329]

²⁶no le̱ makwa Iakob seši le̱, ke̱ mitšũlo̱ David nõ le̱ hũ, ni miṅõṅ esešibii le̱ ateṅ meikomei miwoṅame̱ Abraham ke̱ Isak ke̱ Iakob sešibii le̱ ano̱yelo̱i; edšake̱ *makpale ame̱nomṅō̃ le̱ ke̱-aba, ni mimũsũṅ aatšõmi ye̱ ame̱he! [330]