Read luganda Ieremia 34 Bible Online

Ieremia 34 - luganda bible

Ieremia 34

¹Wiemo ni dše̱ Iehowa ṅõ ba Ieremia ṅõ, beni Nebukadnezar, Babel maṅtše̱ le̱, ke̱ eta le̱ fẽ ke̱ šikpoṅ le̱ no̱ maṅtše̱yelii fẽ ní yo̱ eno̱yeli šiši le̱ ke̱ mãdšimãdši le̱ fẽ ke̱ Ierusalem ke̱ ehe mãdši le̱ fẽ wuo̱ le̱, ne̱:

²Bo̱ni Iehowa, Israel Nyoṅmo̱ le̱, kē̱ ne̱: Ya ni oke̱ Zedekia, Iuda maṅtše̱ le̱, ayawie, ni okē̱le̱ ake̱: Boni Iehowa kē̱ ne̱: Na, maṅõ ne̱ke̱ maṅ ne̱ mawo Babel maṅtše̱ le̱ deṅ, ni eke̱ la aašã;

³ni bodientše̱ hũ odšeṅ edeṅ, ši mõ kẽ aamõo, ni aaṅõo awo edeṅ, ni *oona Babel maṅtše̱ le̱ hĩe ke̱ hĩe, ni eke̱o aawie nābu ke̱ nābu, ni oote Babel! [331]

⁴Kẽle̱ bo Iehowa wiemo̱ toi, Zedekia, Iuda maṅtše̱! Bo̱ni Iehowa kē̱ ye̱ ohe ne̱: *Ogboṅ ye̱ klante nā; [332]

⁵hedšo̱le̱ mli oogbo ye̱, ni bo̱ni ame̱-šãšã nii ame̱hã otše̱mei, ní dši blema maṅtše̱mei ní tšṍ ohĩe le̱, nakai noṅṅ *ame̱ašã ame̱hão, ni †ame̱awo yăra ame̱hăo ake̱: “Kpóo, Nuntšo̱!” edšake̱ wiemo̱ ne̱, mi miwie! Iehowa kē̱. [333]

⁶Ke̱ke̱ ni gbalo̱ Ieremia yadšadše wiemo̱i ne̱ fẽ etšõ Zedekia, Iuda maṅtše̱ le̱, ye̱ Ierusalem,

⁷beni Babel maṅtše̱ le̱ ta le̱ ke̱ *Ierusalem ke̱ Iuda mãdši ní eſe̱, ní dši Lakiš ke̱ Azeka le̱, wuo̱ le̱; edšake̱ ene̱mei dši mãdsi ní atſa gbogboi awo be ní eſe̱ ye̱ Iuda mãdši le̱ ateṅ. [334]

⁸Wiemo̱ ní dše̱ Iehowa ṅõ ba Ieremia ṅõ, beni maṅtše̱ Zedekia ke̱ maṅ mū le̱ fẽ ní yo̱ Ierusalem le̱ ekpãṅ ake̱ asie̱ heyeli ahãame̱ le̱ se̱, ne̱: [335]

⁹ake̱ mofẽmo ahã ewenū ke̱ eweyō, ní dši Hebrinyo ke̱ Hebriyō le̱, aye ame̱-he, koni moko akaye enyemi Iudanyo nyṍṅ doṅṅ.

¹⁰Ni lumei le̱ fẽ ke̱ maṅ mū le̱ fẽ ní kpãṅ ake̱ ame̱teṅ mofẽmo ahã ewenū ke̱ eweyō aye ame̱he, ni mokomoko akaye enyemi nyṍṅ doṅṅ le̱, bo toi, ni ame̱-ṅmē̃ ame̱he.

¹¹Ši fe se̱ le̱ ame̱hã ame̱wehĩĩ ke̱ ame̱weyei ní ame̱hã ame̱ye ame̱he le̱ kũ se̱ ke̱-ba ekoṅ, ni ame̱nyẽ ame̱no̱, koni ame̱tsṍmo̱ ame̱wehĩĩ ke̱ ame̱weyei ekoṅ.

¹²Nohewo̱ le̱ Iehowa wiemo̱ dše̱ Iehowa ṅõ ba Ieremia ṅõ ake̱:

¹³Bo̱ni Iehowa, Israel Nyoṅmo̱ le̱, kē̱ ne̱: Mike̱ nyetše̱mei le̱ kpãṅ gbĩ ní miyadšieame̱ ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱, ake̱:

¹⁴Afii kpawo se̱ le̱ nyeteṅ mofẽmo ahã enyemi Hebrinyo ní ehõ ehe ehãle̱ le̱ aṅõ ehe ayaye, ni ké̱ esúmo̱o afii ekpa le̱, ke̱ke̱ le̱ ohã edše oṅõ, ni eṅõ ehe eyaye; ši nyetše̱mei le̱ boomi toi, ni asaṅ ame̱hãã ame̱toi aba no̱. [336]

¹⁵Ni nye le̱ nyekpale ṅme̱ne̱, ni nyefe noni sa mihĩe, ni mofēmo ešie̱ heyeli eha enyemi, ni nyekpãṅ ye̱ mihĩe ye̱ sĩa ní ake̱ migbe̱i ewole̱ le̱.

¹⁶Ši nyekũ nyese̱ ni nyeyabule migbe̱i le̱, ni mofẽmo ehã ewenū ke̱ eweyō ní nyehā ame̱ye ame̱he ye̱ ame̱tšui nā le̱ ekũ ese̱ eba ekoṅ, ni nyenyẽ ame̱-uo̱, ni ame̱tsṍmo̱ nyewehĩĩ ke̱ nyeweyei ekoṅ.

¹⁷Nohewo̱ le̱ bo̱ni Iehowa kē̱ ne̱: Nye le̱ nyebokomi toi, ní nyeteṅ mofẽmo aašie̱ heyeli ehã enyemi, ní mofẽmo aašie̱ ahã enanyo. Na, mi le̱ mišie̱ heyeli mahãnye, Iehowa kē̱, ke̱-hã klante ke̱ hõmo̱ ke̱ gbĕle-hela, ni mahã agbenye aſã šikpoṅ le̱ no̱ mantse̱yelihei le̱ fẽ.

¹⁸Ni maṅõ hĩĩ le̱ ni eto mikpãṅmo̱ le̱, ni ame̱yee kpãnmo̱ ni ame̱kpãṅ ye̱ mihĩe, beni ame̱gbá tšinabi mli enyo̱ ni *ame̱tsṍ efãfãi le̱ ateṅ le̱, wiemo̱i le̱ ano̱ le̱ mahã: [337]

¹⁹Iuda lumei le̱ ke̱ Ierusalem lumei le̱ ke̱ piafoi le̱ ke̱ oso̱foi le̱ ke̱ šikpoṅ le̱ no̱ bii le̱ fẽ ní tšṍ tšinabi le̱ fãfãi le̱ ateṅ ke̱-ho le̱,

²⁰manõame̱ mawo ame̱henye̱lo̱i le̱ ke̱ mei ní taoo̱ ame̱susuma se̱gbe̱ le̱ adeṅ, ni *ame̱gbohĩĩ le̱ aatšṍmo̱ ṅwei lofõdšĩ ke̱ šikpon no̱ koloi aniyenii. [338]

²¹Ni Zedekia, Iuda maṅtše̱ le̱ hũ, ke̱ elumei le̱, manõame̱ mawo ame̱henye̱lo̱i le̱ ke̱ mei ni taoo̱ ame̱susuma se̱gbe̱ le̱ adeṅ, ke̱ Babel maṅtše̱ le̱ ta le̱ ní edše nyehe ke̱-te le̱ deṅ.

²²Na, mafã́ Iehowa kē̱, ni *mahã ame̱kũ ame̱se̱ ke̱-ba ne̱ke̱ maṅ ne̱ he, ni ame̱ke̱le̱ aabawu, ni ame̱aṅõle̱ ni ame̱ke̱ la aašã; ni mahã Iuda mãdši le̱ atsṍmo̱ amaṅfõi, ni mokomoko akahĩ mli doṅṅ! [339]