Read luganda Ieremia 36 Bible Online

Ieremia 36 - luganda bible

Ieremia 36

¹Ni eba mli ake̱ Iosia bi Iehoiakim, Iuda maṅtše̱ le̱, *yino̱ afi ní dši edſe̱ le̱ no̱ le̱, ne̱ke̱ wiemo̱ ne̱ dše̱ Iehowa ṅõ ba Ieremia ṅõ ake̱: [344]

²Ko̱ wolokpo ko ohã ohe, ni oṅmã wiemo̱i fẽ ni mike̱o ewie ye̱ Israel ke̱ Iuda ke̱ dšeṅmãdši le̱ fẽ he ke̱-dše̱ gbĩ ní mike̱o bõi wiemo̱ ye̱ Iosia yino̱ ke̱-baši ṅme̱ne̱ le̱ owo mli;

³aleenõ *ekole̱ Iuda we le̱ aanu efõṅ fẽ ni mito miyiṅ ake̱ mafeame̱ le̱, koni ame̱teṅ mofẽmo akpale ke̱-dše̱ egbe̱ fõṅ le̱ no̱, ni maṅõ amenišaianii ke̱ ame̱he ešai le̱ mafaame̱. [345]

⁴Ke̱ke̱ ni Ieremia tšē̱ *Baruk, Neria bi le̱, ke̱-ba; ni Baruk ṅmã Iehowa wiemo̱i fẽ ní eke̱ Ieremia wie le̱ ke̱-dše̱ enā ewo wolokpo le̱ mli. [346]

⁵Ni Ieremia fã́ Baruk ake̱: Mi le̱ atšĩmi gbe̱, minyẽṅ Iehowa we le̱ maya;

⁶nohewo̱ le̱ bo le̱ ya ni oyakane Iehowa wiemo̱i ni oṅmã ke̱-dše̱ minā owo wolokpo le̱ṅ le̱ owo maṅ le̱ toiiaṅ ye̱ Iehowa we le̱ ye̱ ṅmā̃hĩle̱ gbĩ le̱ no̱, ni asaṅ okane owo Iuda fẽ ní dše̱o̱ ame̱mãdši amli baä le̱ atoiiaṅ;

⁷ekole̱ *ame̱ke̱ ame̱faikpamo̱ aaſie Iehowa hĩe, ni ame̱teṅ mofẽmo aakpale ke̱-dše̱ egbe̱ fõṅ le̱ no̱; edšake̱ mlifũ ke̱ mlila ní Iehowa ewie ye̱ ne̱ke̱ maṅ ne̱ he le̱ da naakpa. [347]

⁸Ni Baruk, Neria bi le̱, fe bo̱ni gbalo̱ Ieremia fã́le̱ le̱ pe̱pē̱pe̱, ni eyakane Iehowa wiemo̱i ní yo̱ wolo le̱ mli le̱ ye̱ Iehowa we le̱.

⁹Ni eba mli ake̱ Iosia bi Iehoiakim, Iuda maṅtše̱ le̱, yino̱ afi ní dši enumo̱ le̱ no̱ nyõṅ ní dši ne̱hũ le̱ no̱ le̱ ašie̱ ṅmā̃hĩle̱ ye̱ Iehowa hĩe ahã Ierusalem maṅ mū le̱ fē ke̱ mei fẽ ní dše̱o̱ Iuda mãdši le̱ amli baä Ierusalem le̱.

¹⁰Ke̱ke̱ ni Baruk kane Ieremia wiemo̱i ní yo̱ wolo le̱ mli le̱ ye̱ Iehowa we le̱ ye̱ woloṅmãlo̱ Šafan bi Gemaria le̱ pia le̱ mli ye̱ yiteṅgbe̱ kpo le̱ no̱ ye̱ Iehowa we le̱ agbó hẽ le̱ šīnā le̱ nā ewo maṅ mū le̱ fẽ toiiaṅ.

¹¹Ni beni Mikaia, Šafan bi Gemaria le̱ bi le̱, nu Iehowa wiemo̱i fẽ ní yo̱ wolo le̱ mli le̱,

¹²eyiṅ ete maṅtše̱ we le̱ ye̱ wolo-ṅmãlo̱ le̱ pia le̱ṅ; ni na, lumei le̱ fẽ trá dše̱i: Elišama, woloṅmãlo̱ le̱, ke̱ Delaia, Šemaia bi le̱, ke̱ Elnatan, Akbor bi le̱, ke̱ Gemaria, Šafan bi le̱, ke̱ Zedekia, Hanania bi le̱, ke̱ lumei le̱ fẽ.

¹³Ni Mikaia gbaame̱ wiemo̱i fẽ ní enu, beni Baruk kane wolo le̱ ewo maṅ le̱ toiiaṅ le̱.

¹⁴Ke̱ke̱ ni lumei le̱ fẽ tšũ Iehudi, Kuši bi Šelemia bi Netania bi le̱, ke̱-te Baruk ṅõ ake̱: Ko̱ wolokpo ní okane owo maṅ le̱ toiiaṅ le̱ ohĩe odẽ ke̱-ba! Ni Baruk, Neria bi le̱, ko̱ wolokpo le̱ ehĩe edẽ ke̱-te ame̱ṅõ.

¹⁵Ni ame̱kē̱le̱ ake̱: Tá ši agbe̱ne̱ ní okane owo wo̱toiiaṅ! Ke̱ke̱ ni Baruk kane ewo ame̱toiiaṅ.

¹⁶Ni eba mli ake̱, beni ame̱nu wiemo̱i le̱ fẽ le̱, ame̱ke̱ gbeyeišemo̱ kwe̱kwē̱ ame̱hīeaṅ, ni ame̱kē̱ Baruk ake̱: Dša wo̱yagba wiemo̱i ne̱ fẽ wo̱tšõ maṅtše̱ le̱!

¹⁷Ni ame̱sā ame̱bi Baruk ake̱: Agbe̱ne̱ kē̱mo̱wo̱, té ofe tēṅ ní oṅmã wiemo̱i ne̱ fẽ ke̱-dše̱ enā hũ?

¹⁸Ni Baruk kē̱ame̱ ake̱: Le̱dientše̱ eke̱ enābu tšé̱ wiemo̱i ne̱ fẽ ehãmi, ni mike̱ ble̱gi ṅmã miwo wolo le̱ mli.

¹⁹Ni lumei le̱ kē̱ Baruk ake̱: Ya ni oyatē ohe, bo ke̱ Ieremia fẽ, koni mokomoko akale heni nyeyo̱!

²⁰Ni ame̱te maṅtše̱ le̱ ṅõ ye̱ kpo le̱ no̱, ši wolokpo le̱ ame̱ke̱-to Elišama, woloṅmãlo̱ le̱, pia le̱ mli, ni ame̱yagba wiemo̱i le̱ fẽ ame̱wo maṅtše̱ le̱ toiiaṅ.

²¹Ni maṅtše̱ le̱ tšũ Iehudi ake̱ eyako̱ wolokpo le̱ ke̱-ba; ni eyako̱ ke̱-dše̱ Elišama, woloṅmãlo̱ le̱, pia le̱ṅ ke̱-ba; ni Iehudi kane wo maṅtše̱ le̱ ke̱ lumei le̱ fẽ ní damo̱ maṅtše̱ le̱ he le̱ atoiiaṅ.

²²Bĕle̱ maṅtše̱ le̱ tá fẽibe-tšũ le̱ṅ ye̱ nyõṅ ni dši ne̱hũ le̱ ne̱, ni la ke̱ ṅe̱sũ ni etšẽ mã ehĩe.

²³Ni eba mli ake̱, ké̱ Iehudi kane wolo bāſãi etẽ lo edſe̱ le̱, maṅtše̱ le̱ ke̱ woloṅmãlo̱ kakla flo̱ö̱ ni eke̱-woo̱ la ní yo̱ ṅe̱sũ le̱ṅ le̱ mli āhũ ke̱-yaši beyino̱ ní wolokpo le̱ fẽ-tſem šã ye̱ la ni yo̱ ṅe̱sũ le̱ṅ le̱ mli.

²⁴Ni maṅtše̱ le̱-ke̱ etšũdši le̱ fẽ ní nu ne̱ke̱ wiemo̱i ne̱, ame̱teṅ moko šee gbeyei, ni *amegblaa ame̱tadei hũ. [348]

²⁵Tše̱ Elnatan ke̱ Delaia ke̱ Gemaria kpa maṅtše̱ le̱ fai ake̱ ekašã wolokpo le̱, ši ebooame̱ toi.

²⁶Ši moṅ maṅtše̱ le̱ fã́ Ierameel, Hamelek bi le̱, ke̱ Seraia, Azriel bi le̱, ke̱ Šelemia, Abdeel bi le̱, ake̱ ame̱yamõmo̱ Baruk, woloṅmãlo̱ le̱, ke̱ gbalo̱ Ieremia ke̱-ba; ši Iehowa ṅõame̱ etē.

²⁷Ni beni maṅtše̱ le̱ ešã wolokpo le̱ ke̱ *wiemoi ni Baruk ṅmã ke̱-dše̱ Ieremia nā le̱ se̱ le̱, ke̱ke̱ ni Iehowa wiemo̱ ba Ieremia ṅõ ake̱: [349]

²⁸Ko̱ wolokpo kroko ni oṅmã tšutšu wiemo̱i le̱ fẽ ní yo̱ kleṅkleṅ wolokpo le̱ ní Iuda maṅtše̱ Iehoiakim šã le̱ mli le̱ owo mli!

²⁹Ši kē̱mo̱ ye̱ Iuda maṅtše̱ Iehoiakim le̱ hewo̱ ake̱: Bo̱ni Iehowa kē̱ ne̱: Bo le̱ ošã ne̱ke̱ wolokpo ne̱, okē̱: Mẽhewo̱ ni oṅmã owo mli ake̱: “Ba kẽ *Babel maṅtše̱ le̱ aaba ní ebafite ne̱ke̱ šikpoṅ ne̱, ní ehã ene̱ †gbomei ke̱ koloi fẽ ata”? [350]

³⁰Nohewo̱ le̱ bo̱ni Iehowa kē̱ ye̱ Iuda maṅtše̱ Iehoiakim le̱ hewo̱ ne̱: Enáṅ mo-ko ní atá David maṅtše̱sẽi le̱ no̱, ni aaše̱ *egbonyo le̱ afõ ní latšā atšale̱ ſane ni fẽi ayele̱ nyōṅ. [351]

³¹Ni mawo le̱ ke̱ esešibii le̱ ke̱ etšũdši le̱ nyõmo̱ ye̱ ame̱nišaianii le̱ ahewo̱, ni ame̱ ke̱ Ierusalembii le̱ ke̱ Iudahĩĩ le̱, mike̱ efõṅ fẽ ní miwie ye̱ ame̱he ní ame̱boo toi le̱ aaba ame̱no̱.

³²Ke̱ke̱ ni Ieremia ko̱ wolokpo kroko, ni eke̱-hã Baruk, Neria bi le̱, ní dši woloṅmãlo̱ le̱, ni eṅmã wiemoi fẽ ni yo̱ wolo ní Iuda maṅtše̱ Iehoiakim šã ye̱ la mli le̱ṅ le̱ ke̱-dše̱ Ieremia nā ewo mli; ni aṅõ wiemo̱i babaō ní tamo̱ nomei afata he tete.