Read luganda Ieremia 38 Bible Online

Ieremia 38 - luganda bible

Ieremia 38

¹Ši Šefatia, Matan bi le̱, ke̱ Gedalia, Pašhur bi le̱, ke̱ Iukal, Šelemia bi le̱, ke̱ *Pašhur, Malkia bi le̱, banu wiemo̱i ní Ieremia wieo̱ tšõo̱ maṅ mū le̱ fẽ ake̱: [358]

²Bo̱ni Iehowa kē̱ ne̱: Moni aahĩ mã ne̱ṅ le̱, eegbo ye̱ klante ke̱ hõmo̱ ke̱ gbĕle-hela nā; ši moni aadše kpo ke̱-ate Kaldeabii le̱ aṅõ le̱, aahere eyiwala, ni esusuma aatšṍ tamo̱ hānõ ahãle̱, ni eyi aaná wala! [359]

³Bo̱ni Iehowa kē̱ ne̱: Tu kẽ aatu ne̱ke̱ maṅ ne̱ awo Babel maṅtše̱ le̱ ta le̱ deṅ, ni ame̱aṅõle̱!

⁴Ke̱ke̱ ni lumei le̱ yakē̱ maṅtše̱ le̱ ake̱: Hã agbe ne̱ke̱ nū ne̱; edšake̱ eehã tabilo̱i ní eſe̱ ye̱ mā ne̱ṅ le̱ ke̱ maṅ mū le̱ fẽ nidšiaṅ mīdše wui ke̱ ne̱ke̱ wiemo̱i ní ewieo̱ etsõo̱ame̱ ne̱; edšake̱ *ne̱ke̱ nū ne̱ taoo maṅ ne̱ edšŭrõ, ši efõṅ moṅ etaoo! [360]

⁵Ni maṅtše̱ Zedekia kē̱: Na, eye̱ nyedeṅ! edšake̱ maṅtše̱ le̱ nyẽṅ adše nyese̱ afe noko.

⁶Ke̱ke̱ ni ame̱ṅõ Ieremia, ni ame̱še̱le̱ ame̱fõ Malkia, Hamelek bi le̱, bu ní yo̱ bulo̱i le̱ akpo le̱ no̱ le̱ mli, ni ame̱ke̱ tãṅkpēi šiu Ieremia; ši bu le̱ nu be̱ mli, ake̱ dša ṅmo̱to̱ ke̱ke̱; ni Ieremia fũ ye̱ ṅmo̱to̱ le̱ mli.

⁷Ši beni *Ebed-Melek, Kušnyo ní dši piafonyo ye̱ maṅtše̱ we le̱, nu ake̱ ame̱ke̱ Ieremia ewo bu le̱ mli, ni maṅtše̱ le̱ tá Benyamin koi le̱ ši le̱, [361]

⁸Ebed-Melek dše kpo ke̱-dše̱ maṅtše̱ we le̱ ni eke̱ maṅtše̱ le̱ yawie ake̱:

⁹Minuntso̱ maṅtše̱! ne̱ke̱ hĩĩ ne̱ efe efõṅ ke̱ nii fẽ ní ame̱fe gbalo̱ Ieremia ní ame̱še̱le̱ ame̱fõ bu le̱ mli le̱, ní eegbo ke̱ hõmo̱ ye̱ heni eyo̱ le̱; edšake̱ abolo ko be̱ mã le̱ṅ doṅṅ,

¹⁰Ke̱ke̱ ni maṅtše̱ le̱ fã́ Ebed-Melek, Kušnyo le̱, ake̱: Ṅõ hĩĩ nyoṅmai-etẽ ke̱-dše̱ bie̱ ne̱ ofata ohe, ni oyadšie gbalo̱ Ieremia ke̱-dše̱ bu le̱ mli, dãni egbo.

¹¹Ni Ebed-Melek ṅõ hĩĩ le̱ efata ebe, ni eyiṅ ete maṅtše̱ we le̱ ye̱ tšũ ní yo̱ nitōhe le̱ šiši le̱ mli ni eyakō̱lo̱ mama-ſe̱i ke̱ nii ní esū, ni ame̱ke̱ tãṅkpēi le̱ šiu ame̱hã Ieremia ye̱ bu le̱ṅ.

¹²Ni Ebed Melek, Kušnyo le̱, kē̱ Ieremia ake̱: Ṅõ mamaſe̱i ke̱ nii ni esū ne̱ owo oṅãšii ye̱ tãṅkpēi le̱ ašiši! Ni Ieremia fe nakai.

¹³Ke̱ke̱ ni ame̱ke̱ tãṅkpēi le̱ ša Ieremia ni ame̱dšiele̱ ke̱-dše̱ bu le̱ mli; ni Ieremia babĩ bulo̱i le̱ akpo le̱ no̱.

¹⁴Ke̱ke̱ ni maṅtše̱ Zedekia tšũ ayaṅõ gbalo̱ Ieremia le̱ ke̱-ba eṅõ ye̱ Iehowa we le̱ nāgbe̱ ní dši etẽ le̱ nā, ni maṅtše̱ le̱ kē̱ Ieremia ake̱: Mibabio wiemo̱ ko; kãsiumi sane ko no̱!

¹⁵Ke̱ke̱ ni Ieremia kē̱ Zedekia ake̱: Ke̱dši migbao le̱, nto gbe obagbemi? ni asaṅ ké̱ miwoö ṅā hũ, oboṅmi toi!

¹⁶Ni maṅtše̱ Zedekia kã Ieremia kitã ye̱ tēmo̱ mli ake̱: Gbĩĩabo̱ ní Iehowa, moni fe ne̱ke̱ susuma ne̱ hãwo̱ le̱, hĩe kã ne̱, migbeṅo, ni asaṅ mike̱o woṅ *hĩĩ ní taoo̱ osusuma se̱gbe̱ ne̱ adeṅ! [362]

¹⁷Ke̱ke̱ ni Ieremia kē̱ Zedekia ake̱: Bo̱ni Iehowa, Zebaot Nyoṅmo̱ ní dši Israel Nyoṅmo̱ le̱, kē̱ ne̱: Ke̱dši oodše kpo oya Babel maṅtše̱ le̱ lumei le̱ aṅō̃ le̱, oyi aaná wala, ni ašãṅ ne̱ke̱ maṅ ne̱ ke̱ la, ši bo ke̱ owe le̱ fẽ yi aaná wala.

¹⁸Ši ke̱dši odšee kpo oyaa Babel maṅtše̱ le̱ lumei le̱ aṅõ le̱, aaṅō ne̱ke̱ maṅ ne̱ awo Kaldeabii le̱ adeṅ, ni ame̱-ke̱ la aašã, ni bo hũ odšeṅ ame̱deṅ!

¹⁹Ši maṅtše̱ Zedekia kē̱ Ieremia ake̱: Mīše Iudafoi ní etše ke̱-te Kaldeabii le̱ aṅõ le̱ agbeyei, ake̱ aleenõ ame̱aṅõmi ame̱wo nomei adeṅ, ni ame̱aye mihe fe̱o!

²⁰Ši Ieremia kē̱: Ake̱o woṅ ame̱deṅ! Bo Iehowa gbē toi, bo̱ni miwieo̱ mitšõo̱o ne̱, ni aahĩ ahão, ni oyi aaná wala!

²¹Ši ke̱dši okplẽẽ ní odše kpo le̱, noni Iehowa edšie etšõmi ne̱:

²²Na, yei fẽ ní eſe̱ ye̱ Iuda maṅtše̱ le̱ we le̱, aaṅõame̱ ke̱-adše kpo ke̱-ate Babel maṅtše̱ le̱ lumei le̱ aṅõ, ni ame̱-akē̱ ake̱: *“Onanemei le̱ ešišiu bo, ni ame̱ye ono̱! ni agbe̱ne̱ ní onãdši efũ ṅmo̱to̱ mli ne̱, ame̱tšṍmo̱ ame̱he ame̱te!” [363]

²³Ni oṅãmei ke̱ obii fẽ hũ, aakplaame̱ ayahã Kaldeabii le̱, ni *bodientše̱ hũ odšeṅ ame̱deṅ, ši moṅ Babel maṅtše̱ le̱ ke̱ enine aamõo, ni ake̱ la aašä ne̱-ke̱ maṅ ne̱. [364]

²⁴Ke̱ke̱ ni Zedekia kē̱ Ieremia ake̱: Kāhã mokomoko mile ne̱ke̱ wiemo̱i ne̱, ši ogboṅ!

²⁵Ni ke̱dši lumei le̱ nu ake̱ mike̱o ewie, ni ame̱ba oṅõ ni ame̱bakē̱o ake̱: “Agbe̱ne̱ dšadsemo̱ wiemo̱ ni oke̱ maṅtše̱ le̱ wie le̱ otšõwo̱, kāšíuwo̱ sane ko no̱, ši wo̱gbeṅo! ni té maṅtše̱ le̱ hũ ke̱o wie tēṅ?” le̱:

²⁶no le̱ kē̱mo̱ame̱ ake̱: Mike̱ mifaikpamo̱ ſie maṅtše̱ le̱ hĩe, koni ekahã ake̱mi miya Ionatan we le̱ doṅṅ, ni miyagbo ye̱ dše̱i!

²⁷Ke̱ke̱ ni lumei le̱ fẽ ba Ieremia ṅõ ame̱babile̱, ni edšadše wiemo̱i le̱ fẽ etsõ-ame̱ bo̱ni maṅtše̱ le̱ ewole̱ kitã le̱; ke̱ke̱ ni ame̱fõ enā gbamo̱, edšake̱ sane le̱ edšee kpo.

²⁸Ni Ieremia hĩ ši ye̱ bulo̱i le̱ akpo le̱ no̱ ke̱-yaši gbĩ ní aṅõ Ierusalem. [365]