Read luganda Ieremia 40 Bible Online

Ieremia 40 - luganda bible

Ieremia 40

¹Wiemo̱ ní dše̱ Iehowa ṅõ ba Ieremia ṅõ, beni Nebuzaradan, oblafoi atše̱ le̱, ṅmẽ ehe ye̱ Rama le̱; ši eṅõle̱ ke̱-ba, edšake̱ le̱ hũ awole̱ kõsõṅkõsõi ye̱ Ierusalem ke̱ Iuda nomi le̱ fẽ ní abaṅõ-ame̱ nom ke̱-yaä Babel le̱ ateṅ; [369]

²ši oblafoi atše̱ le̱ tšũ ayaṅõ Ieremia ke̱-ba, ni eke̱le̱ ake̱: Iehowa, o-Nyoṅmo̱ le̱, wie ne̱ke̱ efõṅ ne̱ ye̱ bie̱ ne̱ he,

³ni Iehowa ehã eba mli, ni efe bo̱ni ewie le̱; edšake̱ nyefe eša nyeši Iehowa, ni nyeboo egbē toi; nohewo ne̱ke̱ sane ne̱ ba nyeno̱ ne̱.

⁴Nohewo le̱ agbene, na, mifẽne onidši kõsõṅkõsõi le̱ ṅme̱ne̱: ke̱dši esa ohĩe ake̱ oke̱mi aate Babel le̱, ba, ni makwe̱o dšogbāṅ; ši ke̱dši esaa ohĩe ake̱ oke̱mi aate Babel le̱, no le̱ ahĩ ši; kwe̱, šikpoṅ mū le̱ fẽ kã ohĩe ne̱: heni ehĩ ke̱ heni sa ohĩe ake̱ oote le̱, ya dše̱i!

⁵Ši beni enáko ehã hetō le̱, ekē̱: Bĕlé̱ kũ ose̱ oya *Gedalia, Šafan bi Ahikam bi le̱, ni Babel maṅtše̱ le̱ ewole̱ Iuda mãdši le̱ ano̱ lumo le̱, ṅõ, ni oke̱le̱ ayahĩ ši ye̱ maṅbii le̱ ateṅ, lo hefẽhe ní sa ohĩe ake̱ oote le̱, ya! Ni oblafoi atše̱ le̱ hãle̱ gbe̱ no̱ niyenii ke̱ nikēnii, ni ewole̱ gbe̱. [370]

⁶Ni Ieremia ba Gedalia, Ahikam bi le̱, ṅõ ye̱ Mizpa, ni eke̱le̱ hĩ ši ye̱ maṅ-bii ní eſe̱ ye̱ šikpoṅ le̱ no̱ le̱ ateṅ.

⁷Ni beni tai le̱ ano̱ asafoiatše̱mei le̱ fẽ ni yo̱ ṅã le̱ ne̱ le̱ ke̱ ame̱webii le̱ nu ake̱ Babel maṅtše̱ le̱ ewo Gedalia, Ahikam bi le̱, lumo ye̱ šikpoṅ le̱ ne̱, ni eṅõ hĩĩ ke̱ yei ke̱ gbekẽbii ke̱ šikpoṅ le̱ no̱ ohĩafoi le̱ ateṅ meikomei ni anáá aṅõame nom ke-ya Babel le̱ ewo ešiši le, [371]

⁸ameba Gedalia ṅõ ye̱ Mizpa, ame̱-dši *Išmael, Netania bi le̱, ke̱ †Iohanan ke̱ Ionatan, Karea bii le̱, ke̱ Seraia, Tanhumet bi le̱, ke̱ Efai, Netofatnyo bi-hĩĩ le̱, ke̱ Iezania, Maakatnyo le̱ bi le̱, ame̱ ke̱ ame̱webii le̱ fẽ. [372]

⁹Ni Gedalia, Šafan bi Ahikam bi le̱, kãame̱ ke̱ ame̱webii le̱ akitã ake̱: Nyekašea Kaldeabii le̱ asúomo̱ gbeyei; nyehĩa šikpoṅ le̱ no̱, ni nyesúmo̱a Babel maṅtše̱ le̱, ni aahĩ ahãnye!

¹⁰Ni mi le̱, na, mibahĩ Mizpa, koni madamo Kaldeabii ní aaba wo̱ṅõ le̱ ahĩe; nohewo̱ le̱ nye le̱ nyeyabuaä wein ke̱ tšeiayibii ke̱ mũ nā nyewoa nyenii amli, ni nyehĩa nyemãdsi ní nyeṅõṅõi le̱ amli!

¹¹Asaṅ Iudafoi le̱ fẽ ní yo̱ Moab ke̱ Amonbii le̱ ateṅ, ke̱ mei ní yo̱ Edom ke̱ šikpõdši le̱ fẽ no̱ le̱, beni amenu ake̱ Babel maṅtše̱ le̱ eſe̱ meikomei ehã Iuda, ni eṅõ Gedalia, Šafan bi Ahikam bi le̱, eto ame̱no̱ le̱,

¹²ke̱ke̱ le̱ Iudafoi le̱ fẽ kũ ame̱se̱ ke̱-dše̱ hei fiā ni agbe̱ame̱ aſã le̱, ni ameba Iuda šikpoṅ le̱ ne̱ ye̱ Gedalia ṅõ ye̱ Mizpa, ni ame̱babua wein ke̱ tšeiayibii babaō dientše̱ nā.

¹³Ši Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ní yo̱ ṅã le̱ no̱ le̱ ba Gedalia ṅõ ye̱ Mizpa,

¹⁴ni ame̱bakē̱le̱ ake̱: Ani ole ake̱ Baalis, Amonbii le̱ amaṅtše̱ le̱, etšũ Išmael, Netania bi le̱, ní ebagbeo lo? Ši Gedalia, Ahikam bi le̱, heeame̱ eyee.

¹⁵Ke̱ke̱ ni Iohanan, Karea bi le̱, kē̱ Gedalia ye̱ Mizpa ye̱ tēmo̱ mli ake̱: Hã maya ni mayagbe Išmael, Netania bi le̱, ni mokomoko leṅ! Mẽhewo̱ ni eebagbeo, ni Iudafoi fẽ ní ebabua ame̱he nā ye̱ oṅõ ne̱ agbe̱ aſã, ni Iuda mei ni eſe̱ le̱ hĩe akpãtā?

¹⁶Ši Gedalia, Ahikam bi le̱, kē̱ Iohanan, Karea bi le̱, ake̱: Kāfe nakai; edšake̱ apasa wiemo̱ owieo̱ ye̱ Išmael he ne̱!