Read luganda Ieremia 43 Bible Online

Ieremia 43 - luganda bible

Ieremia 43

¹Ni eba mli ake̱, beni Ieremia ewie Iehowa, ame̱-Nyoṅmo̱ le̱, wiemo̱i fē ní Iehowa, ame̱-Nyoṅmo̱ le̱, ke̱-tšũle̱ ame̱ṅõ ní dši ne̱ke̱ wiemo̱i ne̱ fẽ etšõ maṅ mū le̱ fẽ egbe nā le̱,

²ke̱ke̱ ni Azaria, Hošaia bi le̱, ke̱ Iohanan, Karea bi le̱, ke̱ hĩĩ hewolo̱i le̱ fẽ kē̱ Ieremia ake̱: Apasa wiemo̱i owieo̱ ne̱! Iehowa, wo̱-Nyoṅmo̱ le̱, tsũkoö ake̱ obakē̱ ake̱: Nyekayaä Mizraim ní nyeyato gbo̱ ye̱ dše̱i!

³Ši moṅ Baruk, Neria bi le̱, tšire̱ oyise̱ wowo̱ ne̱, beni afe ní eṅõwo̱ ewo Kaldeabii le̱ adeṅ, ní ame̱gbewo̱ ni ame̱ṅõwo̱ nom ke̱-ya Babel!

⁴Ni Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ke̱ maṅ mū le̱ fẽ boo Iehowa gbē toi ní ame̱hī Iuda šikpon le̱ no̱;

⁵ši Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ṅõ Iuda mei ní eſe̱ le̱ fẽ ni kũ ame̱se̱ ke̱-dše̱ dšeṅmãdši fẽ ní agbe̱ame̱ aſã no̱ le̱ mli ke̱-ba ní ame̱bato gbo̱ ye̱ Iuda šikpoṅ le̱ no̱ le̱,

⁶hĩĩ ke̱ yei ke̱ gbekẽbii ke̱ maṅtše̱ le̱ biyei le̱ ke̱ susumai fẽ ní Nebuzaradan, oblafoi atše̱ le̱, šĩ hã Gedalia, Šafan bi Ahikam bi le̱, ke̱ gbalo̱ Ieremia ke̱ Baruk, Neria bi le̱, fẽ,

⁷ni *ame̱te Mizraim šikpoṅ le̱ no̱; edšake̱ ame̱boo Iehowa gbē toi; ni ame̱še̱ Takpanes. [383]

⁸Ke̱ke̱ ni Iehowa wiemo̱ ba Ieremia ṅõ ye̱ Takpanes ake̱:

⁹Kŏ̱lo̱mo̱ te̱i wudši ni oṅõame̱ oho̱lo̱ sũ mli ye̱ ntayā ni ake̱-ka Farao we le̱ šĩnā le̱ ši le̱ mli, ye̱ Takpanes, ye̱ Iudahĩĩ le̱ ahĩe,

¹⁰ni okē̱ame̱ ake̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Na, mibatšũ ní ayaṅõ Nebukadnezar, Babel maṅtše̱ ní dši *mitšũlo̱ le̱, ke̱-ba, ni maṅõ esẽi le̱ mamã ne̱ke̱ te̱i ní miṅõ-ho̱lo̱ mli ne̱ ano̱, ni eeši ekatamanso le̱ ye̱ no̱; [384]

¹¹ni eeba ebatſia Mizraim šikpoṅ le̱ nii: moni sa gbĕle le̱, eegbele̱, ni moni sa nomṅō̃ le̱, eeṅõle̱ nom, ni *moni sa klante le̱, eebãmo̱le̱ klante! [385]

¹²Ni mamãmo̱ Mizraim *nyoṅmo̱i le̱ awei le̱ anā la, ni eešãame̱ ni eeṅõame̱ nom; ni eebu Mizraim šikpoṅ le̱ tamo̱ tōkwe̱lo̱ buo̱ emama, ni eedše dše̱i ke̱-ate ye̱ hedšo̱le̱ mli. [386]

¹³Ni eekũmo̱ Bet-Šemeš amãgãi ní yo̱ Mizraim le̱, ni eke̱ la aašã Mizraim nyoṅmo̱i le̱ awei le̱ hũ.