Read luganda Ieremia 49 Bible Online

Ieremia 49 - luganda bible

Ieremia 49

¹*Amonbii le̱ anõ. Bo̱ni Iehowa kē̱ ne̱: Ani Israel be̱ bihĩĩ, alo ebe̱ moni yeo̱ enii? Mẽhewo̱ mo̱ ni †Malkam eṅõ Gad efe enõ, ni emaṅbii le̱ hĩo̱ emãdši le̱ amli ne̱? [415]

²Nohewo̱ le̱, na, gbĩĩ mība, Iehowa kē̱, ní mahã Amonbii le̱ a-Raba le̱ anu ta he, ni eetšṍ goṅkpo̱ ní moko be̱ no̱, ni ebiyei le̱, aašãame̱ ke̱ la, ni Israel aaye eno̱yelo̱i le̱ ano̱! Iehowa kē̱.

³Wo̱ lele, Hešbon! ši akpãtã Ai hĩe! Nyeblo̱a, nye Raba biyei le̱! Nyemīaä kpekpe, nyewoa yāra, ni nyetšomloa ye̱ afãbaṅi le̱ ateṅ; edšake̱ *Malkam baya nomṅō̃ mli ke̱ eso̱foi ke̱ elumei le̱ fẽ! [416]

⁴Mẽba oſãa ofõo̱ odšō̱i ní dši dšō̱i ní hoo̱ le̱ ano̱? bo biyō ní okpale ke̱-te se̱, bo ní ohĩe kã odſetrii ano̱, ni okē̱o̱ ake̱: Namo aaba mino̱? le̱.

⁵Na, mike̱ gbeyei ko badše̱ mei fẽ ní ebo̱leo ke̱-kpe le̱ aṅõ ke̱-ba ono̱, Nuntšo̱ Iehowa Zebaot kē̱; ní aaſienye, mofẽmo aate ehĩe tē̃, ni mokomoko be̱ ní aabua mei ní tšomloe̱ le̱ anā!

⁶Ši ké̱ fe se̱ le̱ aakpale Amonbii le̱ anomṅō̃ le̱ ke̱-kũ se̱ ke̱-ba ekoṅ, Iehowa kē̱. [417]

⁷*Edom nõ. Bo̱ni Iehowa Zebaot kē̱ ne̱: Aso nilē be̱ Teman doṅṅ? alo ṅāwō elādše ye̱ hĩetẽloi le aṅõ, ni afo̱se amenilē le̱ aſie? [418]

⁸Nyedšoa foi! Nyetšṍa nyehe! Nyetšaä bui ní mli kwŏ̱lo̱ ni nyehĩa mli, nye Dedanbii! edšake̱ be mli ni mabasra Esau le̱, mike̱ emanehũlũ le̱ aaba eno̱.

⁹Ke̱dši weinyibii atšelo̱i ba ono̱ le̱, ame̱ſe̱ṅ kpe̱kpe̱bii; ke̱dši dšulo̱i ba ono̱ nyōṅ le̱, ame̱afite bo̱ni aaše̱ ame̱nā!

¹⁰Edšake̱ mife Esau pasā, midšie etēmo̱hei le̱ kpo, ni enyẽṅ ehe etē: akpãtã esešibii ke̱ enyemimei ke̱ ehegbomei le̱ ahĩe, ní mokomoko be̱!

¹¹Ši owusãi le̱, mi le̱ mahere ame̱yiwala, ni hã okũlafoi le̱ ke̱ ame̱hĩe afõ mino̱!

¹²Edšake̱ bo̱ni Iehowa kē̱ ne̱: Na, mei ní esaa-ame̱ ake̱ ame̱anu *kpulu le̱, ame̱anu kẽ; ni bo ni ooṅõ ohe oye kwrā lo? Oṅõṅ ohe oyeṅ, ši nu kẽ oonu! [419]

¹³Edšake̱ mikã midientše̱ mihe kitã, Iehowa kē̱, ake̱ Bozra aatšṍ *nākpe̱nõ ke̱ ahorabō̱ ke̱ amaṅfõ ke̱ lōmo̱, ni emãdši le̱ fẽ aatšṍmo̱ nāno̱ amaṅfõi! [420]

¹⁴Minu sane ko ke̱-dše̱ Iehowa ṅõ, ni atšũ bo̱fo ke̱-te dšeṅmãdši le̱ aṅõ, ake̱: Nyebuaä nyehe nā ke̱-kpea ni nyebaä eno̱, ni nyetea ši nyeyaä ta!

¹⁵Edšake̱ na, mifeo bibiō ye̱ dšeṅmãdši le̱ ateṅ, ni ohe guo̱ egbo ye̱ gbomei ateṅ!

¹⁶Ohe gbeyei le̱ ke̱ otšuiṅ hewō le̱ ešišiuo, bo ni ohĩo̱ te̱kpodši amli, ohĩo̱ gõdši ayiteaṅ: ke̱dši oyafe otšũ ye̱ ṅwei šoṅṅ tamo̱ okropoṅ tete le̱, madšieo ke̱-adše̱ dše̱i ke̱-yi ši! Iehowa kē̱.

¹⁷Ni Edom aatšṍ nākpe̱nõ: mofẽmo ní aabaho ye̱ dše̱i le̱, enā aakpe ehe, ni eebo tšia ye̱ nii ní atſiale̱ le̱ fẽ hewo̱. [421]

¹⁸Tamo̱ bo̱ni abutu Sodom ke̱ Gomora ke̱ ame̱hewo̱ mãdši le̱, Iehowa kē̱, mokomoko ehĩṅ dše̱i ni asaṅ gbomobi ko ebatoṅ gbo̱ ye̱ dše̱i. [422]

¹⁹Na, efã tamo̱ dšata ke̱-dše̱ Iordan he kō-hayīi le̱ amli ke̱-mība koloianiyelihe ní hĩo̱ ši dā le̱; ši mahã edšo foi ke̱-dše̱ eno̱ hĩṅme̱itſā, ni moni aahalale̱ le̱, le̱ maṅõ-to eno̱. Edšake̱ namo po tamo̱mi? ni namo ke̱mi aakpe? ni namo dši tōkwe̱lo̱ ní anyē mihĩe adamo̱ le̱? [423]

²⁰Nohewo̱ le̱ nyeboa Iehowa yiṅ ní eſie ye̱ Edom he ke̱ eyiṅ ní eto ye̱ Temanbii le̱ ahe le̱ toi: Šãtãmo̱ kẽ aašãtã tōiku le̱ mli bibii le̱ ke̱-ate, ni ame̱niyelihe le̱ nā aakpe̱ ehe ye̱ amehe!

²¹Ame̱šigbēmo̱ le̱ gbē̱mo̱ le̱ hewo̱ le̱ šikpoṅ le̱ mīhoso blo̱mo̱ le̱ hũ, anu edšidšemo̱ ye̱ Nšo̱-tšuru le̱ nā tō̃.

²²Na, eefã ke̱-aba, ni *eefliki tamo̱ okropoṅ, ni eegbe̱ efĩdšiaṅ ewo Bozra, ni nakai gbĩ le̱ Edomhĩĩ kãkãlo̱i le̱ atšui aatšṍ tamo̱ yō ní kõmoo̱ tšui. [424]

²³*Damasko nõ. Ahã Hamat ke̱ Arpad hĩe eſie ši, edšake̱ ame̱nu sane fõṅ; ame̱tšui efã, tamo̱ ṅšo̱ ní efe hãmãhãmã, ame̱náá hedšo̱le̱. [425]

²⁴Damasko egbo̱dšo̱, etšṍ ehe ní ebadšo foi, ṅmiṅmi emõle̱; hedšramo̱ ke̱ kō̃-mo̱ eta ehe tamo̱ yō ní bafo̱.

²⁵Té aye tēṅ ní akwa yidšiemo̱ maṅ ní dši mimīše̱ mō̃ le̱ ne̱?

²⁶Nohewo̱ le̱ eblahĩĩ le̱ aanyõnyõi ye̱ eblohũi le̱aṅ, ni aaplenē hĩĩ tawulo̱i le̱ fẽ ye̱ no gbĩ le̱ no̱, Iehowa Zebaot kē̱;

²⁷ni maše̱re la ye̱ Damasko gbogbo le̱ṅ, ni eešã Benhadad mõdši wudši le̱.

²⁸*Kedar ke̱ †Hazor maṅtše̱yelii ní Nebukadnezar, Babel maṅtše̱ le̱, tſĩa-ame̱ nii le̱ anõ. Bo̱ni Iehowa kē̱ ne̱: Nyetea ši, nye-fãa ke̱-yaä Kedar, ni nyeyakpãtãa bokãgbe̱ bii le̱ ahĩe! [426]

²⁹Ame̱būi le̱ ke̱ ame̱tōiku le̱ ame̱aṅõ ke̱-ate; ame̱bū he mamai le̱ ke̱ ame̱nibii le̱ fẽ ke̱ ame̱yomai le̱ ame̱alō ame̱hã ame̱he, ni ame̱ablo̱ ame̱woame̱ ake̱: Hefẽhe efe gbeyei!

³⁰Nyešaä foi, nyedšoa foi ní awáa, nyetšaä bui ní mli kwŏ̱lo̱ nyehĩa mli, nye Hazorbii! Iehowa kē̱; edšake̱ Ne-bukadnezar, Babel maṅtše̱ le̱, ete nyeyi no̱ adšina, ni eto eyin ye̱ nyehe. [427]

³¹Nyetea ši nyefãa ke̱-yaä maṅ ni he edšo̱ame̱, ní ame̱hĩo̱ ši ſeſēſe le̱ no̱, Iehowa kē̱; mei ní be̱ agbói alo agbói ase̱-adabãṅi, ní ame̱ko̱krō̱ ame̱hĩo̱ ši.

³²Ni ame̱yomai le̱ aatšṍmo̱ odšonii, ni ame̱koloikui babaō le̱ aatšṍmo̱ hānii; ni magbe *mei ní eše̱šē̱ ame̱yii afãfãi lo̱ maſã kō̱yo̱i fiā mli; ni mike̱ ame̱manehũlũ le̱ aadše ame̱hewo̱ hefẽhe ke̱-aba, Iehowa kē̱. [428]

³³Ni Hazor aatšṍ ṅãṅgbēi ašihĩle̱he ke̱ amaṅfõ ke̱-ate nāno̱, ni mokomoko ehĩṅ dše̱i, ni asaṅ gbomobi ko ebatoṅ gbo̱ ye̱ dše̱i. [429]

³⁴Iehowa wiemo̱ ní ba gbalo̱ Ieremia ṅõ ye̱ *Elam hewo̱ ye̱ Iuda maṅtše̱ Zedekia maṅtše̱yeli le̱ šišidšē mli ne̱: [430]

³⁵Bo̱ni Iehowa Zebaot kē̱ ne̱: Na, makũ Elam gãi le̱ ní dši ame̱hewale̱nõ titri le̱;

³⁶ni mike̱ kō̱yo̱i edſe̱ aadše̱ ṅwei nãgbēhei edſe̱ le̱ aba Elam no̱, ni magbe̱-ame̱ maſā ke̱-ate nakai kō̱yo̱i le̱ fẽ no̱, ni dšeṅmaṅ ko dšeṅmaṅ ko be̱ ní Elam mei ní agbe̱ame̱ aſã ne̱ eyaṅ mli.

³⁷Ši mahã Elam tšui afã ye̱ ame̱henye̱lo̱i ke̱ mei ní taoo̱ ame̱susuma se̱gbe̱ le̱ ahĩe, ni mike̱ efõṅ, ni dši mimlifũ ní nā wa le̱, aaba ame̱no̱, Iehowa kē̱; ni matšũ klante ke̱-anyie ame̱se̱ ke̱-yaši beyino̱ ní maplenēame̱.

³⁸Ni mike̱ mimaṅtše̱sẽi le̱ aamã Elam, ni makpãtã maṅtše̱ ke̱ lumei le̱ ahĩe ye̱ dše̱i, Iehowa kē̱.

³⁹Ši aaba mli ye̱ nāgbē gbĩĩ le̱ ano̱ ake̱ makpale Elam nomṅō̃ le̱ ke̱-aba ekoṅ, Iehowa kē̱. [431]