Read luganda Ieremia 50 Bible Online

Ieremia 50 - luganda bible

Ieremia 50

¹Wiemo ní Iehowa tšṍ gbalo̱ Ieremia no̱ ewie ye̱ Babel, Kaldeabii le̱ ašikpoṅ le̱, hewo̱ ne̱: [432]

²Nyedšadšea ye̱ dšeṅmãdši le̱ ateṅ, nyešie̱a, ni nyešia aflaṅã! Nyešie̱a, ni nyekašiua no̱! Nyekē̱a ake̱: Aṅõ Babel; ahã Bel hĩe eſie ši, adſăra Merodak hũ; ahã emãgãi le̱ ahĩe eſie ši, adſăra ewo̱dšĩ le̱! [433]

³Ši dšeṅmaṅ ko edše̱ kōyigbe̱ efã ke̱-mība eno̱, ni eefe ešikpoṅ le̱ amaṅfõ, ni mokomoko ehĩṅ ši ye̱ no̱, gbomo ke̱ koloi fẽ aadšo foi ame̱ate.

⁴Nakai gbĩĩ le̱ amli le̱ ke̱ nakai be le̱ mli le̱, Iehowa kē̱, Israelbii le̱ aaba, ame̱ ke̱ Iudabii le̱ fẽ-tſẽm; *ame̱abafó ke̱-nyie, ni ame̱abatao Iehowa, ame̱-Nyoṅmo̱ le̱, se̱gbe̱. [434]

⁵Ame̱abi Zion ši, ame̱atšṍmo̱ ame̱-hĩeaṅ ame̱hã dše̱igbe̱: “Nyebaä ní wo̱ke̱ wohe ayadõmo̱a Iehowa ye̱ nāno̱ kpãṅmo̱ ní hĩe kpaṅ no̱ mli!”

⁶Tōi ní elādše po mimaṅ le̱ etšṍmo̱: ame̱kwe̱lo̱i le̱ ehã ame̱dũ gbe̱, ame̱tšṍmo̱ ame̱he ke̱-te gõdši ano̱; ame̱dše̱ goṅ no̱ ke̱-te goṅkpo̱ no̱, ame̱hĩe ekpa ame̱šibumo̱he le̱ no̱.

⁷Mei fẽ ní naäamo̱ le̱ yeo̱ame̱, ni ame̱henye̱lo̱i le̱ kē̱o̱ ake̱: Wo̱ſeko noko fõṅ ko! edšake̱ ame̱fe eša ame̱ši Iehowa ní dši dšale̱ lẽ̱̀he le̱, Iehowa ní dši ame̱tše̱mei le̱ ahĩeno̱kãmo̱ le̱.

⁸Nyedšoa foi ke̱-dše̱a Babel teṅ, ni nyedšea Kaldeabii le̱ ašikpoṅ le̱ no̱, ni nyetamo̱a tōkpakpoi ní nyie tōiku le̱ hĩe! [435]

⁹Ši na, matšĩe dšeṅmãdši wudši asafo yū hĩe, ni mike̱ame̱ aadše̱ kōyigbe̱ šikpoṅ le̱ no̱ afã ke̱-ba Babel no̱, ni ame̱agba ta ame̱wole̱, ni dše̱i noṅṅ aadše̱ abaṅõle̱; ame̱gãimlibii le̱ aatamo̱ nū kãkãlo̱ ni he esa nõ, ní ekũṅ ese̱ yaka le̱.

¹⁰Ni Kaldea aatšṍ odšonii; mei fẽ ní aatſale̱ odšo le̱ aatŏ̱ro̱, Iehowa kē̱.

¹¹Edšake̱ nyeminyã́, edšake̱ nyemli eflinye, nye mei ní nyehaä mino̱yelinõ le̱, edšake̱ nyehoo̱ la tamo̱ tšinabi oblayō ni gble̱o̱ able, ni nyeblo̱ö̱ tamo̱ okpo̱ṅo̱hĩĩ hewalo̱i. [436]

¹²Nyenye hĩe egbo naakpa dientše̱; moni fo̱nye le̱ hũ hĩe eſie ši: Na, etšṍ dšeṅmãdši ase̱kpelo̱, ṅã kpatā ke̱ šikpoṅ ni egbĩ ke̱ ole̱ṅle̱!

¹³Iehowa mlifũ le̱ hewo̱ le̱ ahĩṅ dše̱i, ši moṅ eetšṍ amaṅfõ kwrā: mofēmo ní aatšṍ Babel he ke̱-aho le̱, enā aakpe̱ ehe, ni eebo tšia ye̱ enii ní atſiale̱ le̱ fẽ hewo̱. [437]

¹⁴Nyegbaä ta nyewoa Babel he ke̱-kpea, nye mei flā ní nyedŏ̱ro̱ö̱ gãii amli! Nyetšẽrẽale̱ nyekabäa gãimlibii ayi! edšake̱ efe eša eši Iehowa!

¹⁵Nyeboa oše nyewoale̱ ke̱-kpea! Eṅõ ehe ehã, ešišitōi le̱ egbēgbē ši, egbogboi le̱ ewule eſie ši! edšake̱ Iehowa oweletō̱ dši no: *nyeto̱a nyehe owele ye̱ eno̱! Bo̱ni efe le̱, nye hũ nyefeale̱ nakai! [438]

¹⁶Nyefoa moni dũo̱ nii ke̱ moni mõo̱ nikpamo̱-kakla mli ye̱ nikpamo̱be le̱ṅ le̱ ke̱-dše̱a Babel! Yiwale̱ klante le̱ hewo̱ le̱, ame̱teṅ mofẽmo aakũ ese̱ ke̱-ate emaṅbii le̱ aṅõ, ni mofẽmo aadšo foi ke̱-ate ešikpoṅ no̱!

¹⁷Tōi ní egbe̱ eſā dši Israel; dšatai le̱ eſiele̱ ke̱-te: tšutšu le̱ Ašur maṅtše̱ le̱ yele̱, ni se̱kpē ne̱ Nebukadnezar, Babel maṅtše̱ le̱, ekpe ewui.

¹⁸Nohewo̱ le̱ bo̱ni Iehowa Zebaot, Israel Nyoṅmo̱ le̱, kē̱ ne̱: Na, mibawo Babel maṅtše̱ le̱ ke̱ ešikpoṅ le̱ nyõmo̱, tamo̱ bo̱ni miwo Ašur maṅtše̱ le̱ nyõmo̱ le̱.

¹⁹Ni mike̱ Israel aaba elẽ̱̀he le̱ ekoṅ, ni eebaye nii ye̱ Karmel ke̱ Bašan, ni esusuma aato̱ ye̱ Efraim ke̱ Gilead gõdši le̱ ano̱!

²⁰Nakai gbĩĩ le̱ amli ke̱ nakai be le̱ṅ le̱, Iehowa kē̱, aatao Israel nišaianii le̱, ši eko be̱, ke̱ Iuda he ešai le̱, ši anaṅ; edšake̱ *maṅõ-fa mei ní miſe̱ le̱. [439]

²¹Fã oyatua atũatšemo̱ nta šikpoṅ le̱ ke̱ mei ni agblaä ame̱toi le̱! Gbe ni ofe musu ke̱-nyie ame̱se̱, Iehowa kē̱, ni ofe bo̱ni mifã́o le̱ pe̱pē̱pe̱!

²²Ta ke̱ hĩekpãtãmo̱ kpeteṅkple ye̱ šikpoṅ le̱ no̱!

²³Té fe tēṅ ní adſăra ni akũmo̱ šikpoṅ le̱ fẽ *hamle le̱ ne̱? Té fe tēṅ ni Babel etšṍ amaṅfõ ye̱ dšeṅmãdši le̱ ateṅ ne̱? [440]

²⁴Mitšṍo tšõne, ni odū hũ, Babel, ši olee tete! Anao ni amõo hũ; edšake̱ oke̱ Iehowa mīši mple.

²⁵Iehowa egble etanii-atōhe le̱, ní edšie emlila tawūnii le̱; edšake̱ Nuntšo̱ Iehowa Zebaot ye̱ nitšumo̱ ko ní ebatšu ye̱ Kaldeabii le̱ ašikpoṅ le̱ no̱.

²⁶Nyedše̱a nāgbēhei le̱ fẽ nyebaä! Nyegblea eboṅoi le̱ anā! Nyelōale̱ nye-buaã ši tamo̱ ṅmā̃ kuikui, nyefeale̱ musu tſẽm! Nyekahãa enokonoko mīſe̱a!

²⁷Nyegbea etšinahĩĩ le̱ fẽ-tſẽm, nyehãa ame̱kplekea ši ke̱-yaä gbē! Kpóo hãame̱! edšake̱ ame̱gbĩ ní dši ame̱sramo̱-be le̱ eše̱!

²⁸Anuo̱ mei ní dšo foi ni ame̱dše mli ke̱-dše̱ Babel šikpoṅ le̱ no̱ le̱ agbē, ni ame̱mīdšadše Iehowa, wo̱-Nyoṅmo̱ lo̱, oweletō̱, eso̱lemo̱we le̱ he oweletō̱ le̱ ye̱ Zion!

²⁹Nyetšé̱a gãitšẽlo̱i le̱ nyewoa Babel be, mei ni dŏ̱ro̱ö̱ gãi le̱ fẽ! Nyeboa nsra nyewoa ehe ke̱-kpea! Nyekahãa mokomoko mīdšea mli! *Nyewoale̱ nyõmo̱ ye̱ enitsumo̱ le̱ nā! Bo̱fẽbo̱ ní efe le̱, nyefeale̱ nakai noṅṅ; edšake̱ ewó ehe ye̱ Iehowa no̱, ye̱ Israel Mokroṅkroṅ le̱ no̱! [441]

³⁰Nohewo̱ le̱ eblahĩĩ le̱ aanyõnyõi ye̱ eblohũi le̱ amli, ni aaplenē ehĩĩ tawulo̱i le̱ fẽ ye̱ no gbĩ le̱ no̱, Iehowa kē̱.

³¹Na, mike̱o ená, bo hewolo̱, Nuntšo̱ Iehowa Zebaot kē̱; edšake̱ ogbĩ ní dši osramo̱be le̱ eše̱!

³²Ni hewolo̱ le̱ aate̱ ni eegbē ši, ni mokomoko be̱ ní aawó eno̱; ni maše̱re la ye̱ emãdši mãdši le̱ amli, ni eešã mei fiā ní bo̱lele̱ ke̱-kpe le̱.

³³Bo̱ni Iehowa Zebaot kē̱ ne̱: Amla Israelbii le̱ ke̱ Iudabii le̱ fẽ-tfẽm, ni ame̱nomṅõlo̱i le̱ fẽ hĩe ame̱mli kpẽṅṅ, ame̱kplẽẽ ní ame̱ṅmē̃ ame̱he le̱.

³⁴Ame̱kpõlo̱ le̱ he wa, Iehowa Zebaot dši egbe̱i: ye kẽ ebaye ame̱sane le̱ ehãame̱, beni afe ní ehã šikpoṅ le̱ adšō̱ ehe, ni ehã Babelbii le̱ ehao.

³⁵Klante aaba Kaldeabii le̱ ano̱, Iehowa kē̱, ke̱ Babelbii le̱ ano̱ ke̱ elumei le̱ ano̱ ke̱ enilelo̱i le̱ ano̱!

³⁶Klante aaba nāfūtše̱mei le̱ ano̱, ní ame̱tšṍmo̱ kwašiai! Klante aaba ehĩĩ kãkãlo̱i le̱ ano̱, ní ame̱tšui afã!

³⁷Klante aaba ekpo̱ṅo̱i ke̱ eſīlii le̱ ano̱ ke̱ futufutugbomei le̱ fẽ ní yo̱ eteṅ le̱ ano̱, ní *ame̱tšṍmo̱ yei! Klante aaba edſetrii le̱ ano̱, ní aha! [442]

³⁸Klante aaba enui le̱ ano̱, ni ame̱amī̃! edšake̱ amãgãi ašikpoṅ ni, ni gbeyei wo̱dši ahe se̱ke̱ ame̱yeo̱!

³⁹Nohewo̱ le̱ ṅãṅ koloi ke̱ klãdši aahĩ dše̱i, ni dugumai aahĩ dše̱i; ni ahĩṅ dše̱i doṅṅ ke̱-ate nāno̱, ni asaṅ ake̱ dše̱i efeṅ šihĩle̱he ye̱ yino̱ ko yino̱ ko no̱.

⁴⁰Tamo̱ bo̱ni Nyoṅmo̱ butu *Sodom ke̱ Gomora ke̱ ame̱hewo̱ mãdši le̱, Iehowa kē̱, mokomoko ehĩṅ dše̱i, ni asaṅ gbomobi ko ebatoṅ gbo̱ yo̱ dšei. [443]

⁴¹Na, *maṅ ko aadše̱ kōyigbe̱ aba, ni dšeṅmaṅ wulu ko ke̱ maṅtše̱mei babaō aate ši ke-adše šikpoṅ le nāgbē tō̃. [444]

⁴²Ame̱hĩe gãi ke̱ akplo̱; ame̱yi wa, ni ame̱mũsũṅ etšõõame̱; ame̱gbē *tamo̱ ṅšo̱ hū̃mo̱, ni ame̱trá okpo̱ṅo̱i ano̱ ke̱-mība, awoame̱ nii tamo̱ tabiloi, ní ame̱-ke̱ bo, Babel biyō le̱, abawu! [445]

⁴³Babel maṅtše̱ le̱ nu ame̱he pe̱, ni enidšiaṅ dše wui; etšui fã, ekõmo̱ tamo̱ yō ni bafo̱.

⁴⁴Na, efã tamo̱ dšata ke̱-dše̱ Iordan he kō-hayīi le̱ amli ke̱-mība koloianiyelihe ní hĩo̱ ši dā le̱: ši mahã edšo foi ke̱-dše̱ ame̱no̱ hĩṅme̱itſā, ni moni aahalale̱ le̱, le̱ maṅõ-to eno̱ Edšake̱ namo po tamo̱mi? ni namo ke̱mi aakpe? ni namo dši tōkwe̱lo̱ ní anyẽ mihĩe adamo̱? [446]

⁴⁵Nohewo̱ le̱ nyeboa Iehowa yiṅ ní eſie ye̱ Babel he ke̱ eyiṅ ní eto ye̱ Kaldeabii le̱ ašikpoṅ le̱ he le̱ toi: Šãtãmo̱ kẽ aasãtã tōiku le̱ mli bibii le̱ ke̱-ate, ni ame̱niyelihe le̱ nā aakpe̱ ehe ye̱ ame̱he!

⁴⁶Gbē ní kē̱o̱ ake̱: Aṅõ Babel! le̱ gbē̱mo̱ nā le̱ šikpoṅ aahoso, ni aanu eblo̱mo̱ le̱ ye̱ dšeṅmãdši le̱ ateṅ.