Read luganda Ieremia 52 Bible Online

Ieremia 52 - luganda bible

Ieremia 52

¹Zedekia eye afii nyoṅmai-enyo̱ ke̱ ekome, beni ebabõi maṅtše̱yeli le̱, ni eye maṅtše̱ afii nyoṅma ke̱ ekome ye̱ Ierusalem; ni enye gbe̱i dši Hamital, Ieremia ní dše̱ Libna le̱ biyō le̱.

²Ni efe efõṅ ye̱ Iehowa hĩe tamo̱ bo̱ni Iehoiakim fe le̱ pe̱pē̱pe̱.

³Edšake̱ Iehowa mlifũ hewo̱ ni eba mli nakai ye̱ Ierusalem ke̱ Iuda no̱ āhũ ke̱-yaši beyino̱ ní eše̱re̱ame̱ eſie ke̱-dše̱ ehĩe. Ni Zedekia tše Babel maṅtše̱ le̱ hĩe atũa.

⁴Ši eba mli ake̱ emaṅtše̱yeli afi ní dši ne̱hũ le̱ no̱ nyõṅ ní dši nyoṅma le̱ no̱ gbĩ ní dši nyoṅma le̱ no̱ le̱ Nebukadnezar, Babel maṅtše̱ le̱, le̱ ke̱ eta le̱ fẽ batua Ierusalem, ni ame̱bo̱ nsra ame̱wo ehe, ni ame̱mãmo̱ kpokui ame̱bo̱lele̱ ke̱-kpe.

⁵Ni abo̱ nsra awo maṅ le̱ he ke̱-yaši maṅtše̱ Zedekia yino̱ afi ní dši nyoṅma ke̱ ekome le̱ no̱.

⁶Ni nyõṅ ní dši edſe̱ le̱ no̱ gbĩ ní dši gbĩ ne̱hũ le̱ no̱ le̱ hõmo̱ le̱ nā bawa ye̱ mã le̱ṅ, ni šikpoṅ le̱ no̱ bii le̱ náá nii aye.

⁷Ke̱ke̱ ni agbu gbe̱ awo maṅ le̱ he, ni hĩĩ tabilo̱i le̱ fẽ dšo foi ke̱-dše̱ mã le̱ṅ nyōṅ ke̱-tšṍ agbó le̱ ní nā kã gbogboi enyo̱ ní yo̱ maṅtše̱ trom le̱ mase̱i le̱ ateṅ le̱ gbe̱ le̱ no̱, tše̱ Kaldeabii le̱ ebo̱le maṅ le̱ ke̱-kpe; ni ame̱tšṍ ṅã kplanā le̱ no̱ gbe̱ le̱ no̱ ke̱-te.

⁸Ši Kaldeabii le̱ ata le̱ tiu maṅtše̱ le̱, ni ame̱yanina Zedekia ye̱ Ieriko ṅã kplanā le̱ no̱, ni eta le̱ fẽ dše ehe gbe̱ ſã.

⁹Ke̱ke̱ ni ame̱mō maṅtše̱ le̱ ni ame̱ke̱le̱ bahã Babel maṅtše̱ le̱ ye̱ Ribla ye̱ Hamat šikpoṅ le̱ no̱; ni ekodšole̱.

¹⁰Ni Babel maṅtše̱ le̱ gbe Zedekia bihĩĩ le̱ ye̱ ehĩe; ni asaṅ egbe Iuda lumei le̱ fẽ ye̱ Ribla.

¹¹Ni edſăra Zedekia hĩṅme̱ii, ni ewole̱ gbokle̱i, ni Babel maṅtše̱ le̱ kplale̱ ke̱-te Babel, ni ewole̱ tšũṅ ke̱-yaši egbĕle gbĩ. [468]

¹²Ni nyõṅ ní dši enumo̱ le̱ no̱ gbĩ ní dši gbĩ nyoṅma le̱ no̱ ye̱ maṅtše̱ Nebukadnezar, Babel maṅtše̱ le̱, yino̱ afi ní dši nyoṅma ke̱ ne̱hũ le̱ no̱ lo̱, Nebuzaradan, oblafoi atše̱ ní damoo̱ Babel maṅtše̱ le̱ hĩe le̱, ba Ierusalem;

¹³ni ebašã Iehowa we le̱ ke̱ maṅtše̱ we le̱ ke̱ Ierusalem šĩai le̱ fẽ ni šĩa wulu-fẽ-šĩa wulu le̱ eke̱ la šã.

¹⁴Ni Kaldeabii le̱ ata fẽ ní fata oblafoi atše̱ le̱ he le̱ kũmo̱ Ierusalem gbogboi le̱ fẽ hũ ke̱-kpe.

¹⁵Ni maṅbii le̱ amli ohĩafoi kwrā le̱ ateṅ meikomei ke̱ maṅbii le̱ ateṅ mei ni eſe̱ ní ašĩ ye̱ mã le̱ṅ le̱, ke̱ tšelo̱i ní tše ke̱-te Babel maṅtše̱ le̱ ṅõ le̱, ke̱ asafo yū le̱ ateṅ mei ni eſe̱ le̱, Nebuzaradan, oblafoi atše̱ le̱, ṅõame̱ nom ke̱-te.

¹⁶Ši Nebuzaradan, oblafoi atše̱ le̱, šĩ šikpoṅ le̱ no̱ ohĩafoi kwrā le̱ ateṅ meikomei, ni ame̱tšṍmo̱ weintromsālo̱i ke̱ okwāfoi.

¹⁷Ni akō̱ble akulašīṅi le̱ ni yo̱ Iehowa we le̱, ke̱ šiši-adekai le̱ ke̱ akō̱ble ṅšo̱ le̱ ní yo̱ Iehowa we le̱, Kaldeabii le̱ dſăraame̱ dukuduku, ni ame̱lō akō̱ble le̱ fẽ ke̱-te Babel. [469]

¹⁸Ni kukwe̱ii le̱ ke̱ lōmo̱nii le̱ ke̱ kaklai le̱ ke̱ lalakãi le̱ ke̱ atoi le̱ ke̱ akō̱ble nibii le̱ fẽ ni ake̱-súmoo̱ le̱, ame̱kō̱lo̱ ke̱-te;

¹⁹ni kãi le̱ ke̱ ṅe̱sũi le̱ ke̱ lalakãi le̱ ke̱ kukwe̱ii le̱ ke̱ kanetšei le̱ ke̱ atoi le̱ ke̱ liko̱liko̱i le̱, nii ni dši šikanii ke̱ dſie̱te̱inii le̱, oblafoi atše̱ le̱ kŏ̱lo̱ fẽ ke̱-te.

²⁰Akulašĩṅi enyo̱ le̱ ke̱ ṅšo̱ kome le̱ ke̱ akō̱ble tšinai nyoṅma ke̱ enyo̱ ní yo̱ šiši-adekai le̱ ašiši ni *maṅtše̱ Salomo fe hä Iehowa we le̱, ne̱ke̱ nibii ne̱ fẽ akō̱ble le̱ alee nā. [470]

²¹Ni akulašĩṅi le̱, ame̱teṅ ekome kwo̱le̱ dši ninetalo̱i nyoṅma ke̱ kpānyo̱, ni kpã ní hĩe ninetalo̱i nyoṅma ke̱ enyo̱ kpeo̱ he, ni etile̱ dši ninewābii edſe̱, ni gbe̱ kã mli;

²²ni eyiteṅ kpo̱ le̱ hũ akō̱ble ni, ni kpo le̱ ekome kwo̱le̱ dši ninetalo̱i enumo̱, ni ntãṅ ní alò ke̱ kpo̱bii kokrobii ní bo̱le yiteṅ kpo̱ le̱ he ke̱-kpe le̱, fẽ le̱ akō̱ble so̱ṅṅ ni; ni nakai noṅṅ dši akulašĩṅ ní dši enyo̱ le̱ ke̱ kpo̱bii kokrobii lo̱;

²³ni kpo̱bii kokrobii nyoṅmai-ne̱hũ ke̱ ekpa ye kpono̱gbe̱, ni kpo̱bii kokrobii fẽ ní yo̱ ntãṅ le̱ he ke̱-kpe dši oha.

²⁴Ni oblafoi atše̱ le̱ ṅō oso̱fonukpa *Seraia ke̱ Zefania, oso̱fo ní dši enyo̱ le̱, ke̱ šĩnākwe̱lo̱i etẽ le̱; [471]

²⁵ni eṅõ piafonyo ní kwe̱o̱ tabilo̱i le̱ ano̱ le̱ ke̱-dše̱ mã le̱ṅ, ke̱ mei ní naä maṅtše̱ le̱ hĩe le̱ ateṅ mei kpawo ní ana ye̱ mã le̱ṅ, ke̱ tatše̱ ní buaä šikpoṅ le̱ no̱ bii le̱ anā ke̱-yaä ta le̱ woloṅmãlo̱ le̱, ke̱ šikpoṅ le̱ no̱ bii le̱ ateṅ hĩĩ nyoṅmai-ekpa ní ana ye̱ mã le̱ṅ le̱,

²⁶ni Nebuzaradan, oblafoi atše̱ le̱, kplaame̱ ni eke̱ame̱ yahã Babel maṅtše̱ le̱ ye̱ Ribla.

²⁷Ni Babel maṅtše̱ le̱ tſiaame̱ nii ni egbeame̱ ye̱ Ribla ye̱ Hamat šikpoṅ le̱ no̱. Ni aṅõ Iuda nom ke̱-dše̱ ešikpoṅ le̱ no̱ ke̱-te.

²⁸Maṅ ní Nebukadnezar ṅõame̱ nom le̱ ne̱: Afi ní dši kpawo le̱ no̱ le̱ Iudafoi akpei-etẽ ke̱ nyoṅmai-enyo̱ ke̱ etẽ; [472]

²⁹Nebukadnezar yino̱ afi ní dši nyoṅma ke̱ kpānyo̱ le̱ no̱ le̱ ebaṅõ mei ohai-kpānyo̱ ke̱ nyoṅmai-etẽ ke̱ enyo̱ nom ke̱-dše̱ Ierusalem;

³⁰Nebukadnezar yino̱ afi ní dši nyoṅmai-enyo̱ ke̱ etẽ le̱ no̱ le̱ Nebuzaradan, oblafoi atše̱ le̱, baṅõ Iudafoi ateṅ mei ohai-kpawo ke̱ nyoṅmai-edſe̱ ke̱ enumo̱ nom ke̱-te: mei le̱ fẽ dši akpei-edſe̱ ke̱ ohai-ekpa.

³¹Ni eba mli ake̱ Iuda maṅtše̱ Iehoiakin nomṅō̃ afi ní dši nyoṅmai-etẽ ke̱ kpawo le̱ no̱ nyõṅ ní dši nyoṅma ke̱ enyo̱ le̱ no̱ gbĩ ní dši nyoṅmai-enyo̱ ke̱ enumo̱ le̱ no̱ le̱, afi no̱ ní Babel maṅtše̱ Evil-Merodak baye maṅtše̱ le̱, ewó Iehoiakin, Iuda maṅtše̱ le̱, yitšo no̱, ni edšiele̱ ke̱-dše̱ gbokle̱foiatšũ le̱ṅ;

³²ni eke̱le̱ wie wiemo̱ kpakpa, ni eṅõ esẽi le̱ eto maṅtše̱mei ní ke̱le̱ yo̱ Babel le̱ asẽi le̱ ano̱;

³³ni etšake etšũṅwō atadei le̱, ni eke̱le̱ yeo̱ nii dāne̱ ewala gbĩĩ abo̱ fẽ.

³⁴Ni noni ato ní ahãale̱ le̱, Babel maṅtše̱ le̱ ṅõ adše̱o̱ ahãale̱ dā, gbĩ-fẽ-gbĩ ke̱ enõ, ewala gbĩĩ abo̱ fẽ ke̱-yaši egbĕle gbĩ.