Read luganda Ieremia 6 Bible Online

Ieremia 6 - luganda bible

Ieremia 6

¹Nye Benyaminbii, nyedšoa foi ke̱-dšea Ierusalem, ni nyekpãa te̱tre̱mantre̱ ye̱ Tekoa, ni nyešia aflaṅã ye̱ Bet-Hakerem! Edšake̱ nõfõṅ ko mīpue ke̱-mīdše̱ kōyigbe̱, ke̱ hĩekpãtãmo̱ kpeteṅkple. [50]

²Zion biyō ní he yo̱ fe̱o ní ehe yo̱ ako̱no̱ le̱, mafole̱ mafo ši!

³Tōkwe̱lo̱i ke̱ ame̱tōikui le̱ aaba eno̱, ni *ame̱aši ame̱būi ke̱-abo̱lele̱; mofẽmo aaye nii ye̱ egbe̱he. [51]

⁴Nyefea ta le̱ kroṅkroṅ nyešiale̱t Nyetea ši ni wo̱fãa ke̱-yaã ſane! Kpóo bãwo̱! edšake̱ dše mina, ni gbe̱ke̱ hō̃ṅ le̱ elē̱ ši ke̱-te šoṅṅ!

⁵Nyetea ši ni wo̱fãa ke̱-yaã nyōṅ, ní wo̱yafite emõdši fe̱fe̱dši le̱!

⁶Edšake̱ bo̱ni Iehowa Zebaot kē̱ ne̱: Nyetoa tšei nyeſiea ši, ni nyetſaä kpoku nyewoa Ierusalem he! Maṅ ní abawole̱ nyõmo̱ le̱ ne̱: *amimyeli so̱ṅṅ yo̱ mli. [52]

⁷Bo̱ni nubu ko baä nu le̱, nakai enifõdšianii le̱ baä: anuo̱ yiwale̱ ke̱ haomo̱ he ye̱ mli, fadši ke̱ nitſiamo̱ so̱ṅṅ yo̱ mihĩe dā!

⁸Kplēmo̱ tšo̱semo̱, Ierusalem, kē̱ dšee nakai le̱, mitšine aadšeo, ni mafeo amaṅfõ, šikpoṅ ni mokomoko ehĩĩ no̱!

⁹Bo̱ni Iehowa Zebaot kē̱ ne̱: Ame̱aye Israel mei ní eſe̱ le̱ kpe̱kpe̱o, tamo̱ ayeo weintšo kpe̱kpe̱o, ní weinyibii atšelo̱ kpaa enine mli ke̱-yaä tšo le̱ no̱ no̱tono̱to le̱.

¹⁰Namei mawie matšõ, ni maye odase, koni ame̱bo toi? Na, ame̱toii le̱, fō-toii ni, ni amenyẽẽ sane toi ame̱bo! Na, Iehowa wiemo̱ etšṍ ahorabō̱ ehãame̱, ni ame̱náá he mīše̱.

¹¹Hewo le̱ Iehowa mlila le̱ eyimi obõ, etomi ke̱ nātsĩ. Fo̱semo̱ oſie gbe-kẽbii ni yo̱ blo̱hũiaṅ le̱ ke̱ oblahĩĩ asafo le̱ fẽ no̱ šikome; edšake̱ abamõ nū ke̱ eṅã, nūmo ke̱ moni eye gbĩĩ fẽ.

¹²Ni ame̱šĩai aatšṍmo̱ meikrokomei anii, ke̱ ame̱šikpõdši ke̱ ame̱ṅãmei fẽ; edšake̱ makpã minine mli mawo šikpoṅ le̱ no̱ bii le̱, Iehowa kē̱.

¹³Edšake̱ ke̱-dše̱ ame̱teṅ bibiō no̱ ke̱-yaši agbo no̱, ame̱fẽ-kwa *ame̱hĩe dšōo̱, ni ke̱-dše̱ gbalo̱ no̱ ke̱-yaši oso̱fo no̱, ame̱fẽ-kwa ame̱yeo̱ kũtũmpo̱o; [53]

¹⁴ni ame̱tšáa mimaṅ le̱ biyō le̱ pilamo̱ le̱ hĩeaṅhĩeaṅ, ni ame̱kē̱o̱ ake̱: *Omanye, omanye! ši omanye ko be̱. [54]

¹⁵Ké̱ ame̱fe nihĩnii le̱, agbeo̱ ame̱hĩe; ši ame̱hĩe gboii komeflo, ni ame̱lee noni dši hĩegbĕle. Nohewo̱ le̱ ame̱anyõnyõi ye̱ mei ní enyõnyõi le̱ ateṅ; be mli ní mabasraame̱ le̱, ame̱agbēgbē ši, Iehowa kē̱.

¹⁶Bo̱ni Iehowa kē̱ ne̱: Nyehoa nyedamo̱a gbè̱i le̱ ano̱, ni nyekwe̱a, ni nyebia năno̱ tempõṅi le̱ aši, heni gbe kpakpa le̱ yo̱ le̱, ni nyenyie no̱, ni *nyeana hedšō̱mo̱ nyehã nyesusumai le̱! Ši ame̱-kē̱o ake̱: †Wo̱nyiee no̱! [55]

¹⁷Asaṅ mito *bulo̱i mihãnye [mikē̱ ake̱]: Nyeboa te̱tre̱mantre̱ le̱ gbē̱mo̱ toi! Ši ame̱kē̱e̱ ake̱: Wo̱boo toi! [56]

¹⁸Nohewo̱ le̱ nyeboa toi, nye dšeṅmãdši, ni bo asafo le̱, oná ole noni baba ame̱no̱!

¹⁹Bo toi, *šikpoṅ! Na, mike̱ efõṅ ní dši ame̱dſẽṅmo̱i le̱ ayibii le̱ mība ne̱ke̱ maṅ ne̱ no̱; edšake̱ miwiemo̱i le̱, ame̱boko toi, ni mimla le̱, amegbe he guo̱. [57]

²⁰Meni mifeo̱ kro̱bo̱o ni dše̱ Šeba le̱ ke̱ sinamon ni dieo̱ ṅma ní dše̱ maṅse̱ šoṅṅ le̱ he? Nyešā̃-afo̱lei le̱ esaa mible, ni nyegbē-afo̱lei le̱ misumo̱o̱! [58]

²¹Hewo̱ le̱ bo̱ni Iehowa kē̱ ne̱: Na, mike̱ tĕ̱re̱mo̱nii aato maṅ ne̱ hĩe, ni tše̱mei ke̱ bii fẽ-tſēm aatẽre̱; hegbomo ke̱ nanyo fẽ hĩe aakpãtã!

²²Bo̱ni Iehowa kē̱ ne̱: Na, maṅ ko *aadše̱ kōyigbe̱ šikpoṅ le̱ no̱ aba, ni dšeṅmaṅ wulu ko aate ši ke̱-adše̱ šikpoṅ le̱ nāgbē tō̃. [59]

²³Ame̱hĩe gãi ke̱ akplo̱, ame̱yi wa, ní ame̱mũsũṅ etšõõame̱; ame̱gbē tamo̱ ṅšo̱ hū̃mo̱, ni ame̱trá okpo̱ṅo̱i ano̱ ke̱-mība; awoame̱ nii tamo̱ tabilo̱i, ní ame̱-ke̱ bo, Zion biyō le̱, abawu. [60]

²⁴Wo̱nu ame̱he: wo̱nidšiaṅ edše wui, wo̱tšui efã, wo̱mīkõmo̱ tamo̱ yō ní bafo!

²⁵Kādše kpo ke̱-mīya ṅã le̱ no̱, ni kānyie gbe̱ le̱ no̱ hũ! edšake̱ henye̱lo̱ le̱ hĩe klante, ni hefẽhe efe gbeyei!

²⁶Mimaṅ biyō, mĩamo̱ kpekpe, ni okoklo ši ye̱ lamlu mli; ye ṅko̱mo̱ tamo̱ *ayeo̱ bi kome he ṅko̱mo̱, ni owo yăra ní mli wa; edšake̱ hĩekpãtãlo̱ le̱ baba wo̱no̱ trukā! [61]

²⁷Mike̱o efe šikakalo̱ mihã mimaṅ le̱, koni oná ole, ni oka ame̱gbe̱ le̱ okwe̱.

²⁸Ame̱fẽ le̱ kaniṅkadšelo̱i amli kaniṅkadšelo̱i ni, ame̱kpaä ši ame̱nyieo̱ mei ašiši, *akō̱ble ke̱ dade so̱ṅṅ dšiame̱; ame̱fẽ le̱ fitelo̱i dšiame̱. [62]

²⁹Āhū afoto le̱ wā; la mīye sumui le̱ mītã: yakatſā akã he atšũo̱ he, ši meifõdši le̱ edšee mli.

³⁰Aatšé̱ame̱ *dſie̱te̱ifei; edšake̱ Iehowa ekwaame̱. [63]