Read luganda Ieremia 9 Bible Online

Ieremia 9 - luganda bible

Ieremia 9

¹*Miná ní kũle̱ nu ye̱ miyitšoṅ, ni mihĩṅme̱ii tšṍmo̱ yāfónn nubui, ní mike̱-fó mimaṅ le̱ biyō le̱ mei ní enyõnyõi le̱ ſane ke̱ nyõṅ! [93]

²Miná ní kũle̱ miye̱ gbe̱nyielo̱i atōhe ko ye̱ ṅã le̱ no̱, ní mašĩ mimaṅ le̱, ni madše ame̱teṅ maya! edšake̱ ame̱fẽ le̱, gblãfitelo̱i, kũtũmpo̱foi asafo dšiame̱.

³Ni ame̱dō̱ro̱ö̱ ame̱lile̱ii ame̱ke̱-feo̱ ame̱gãii ní ame̱ke̱-maleo̱: ši dšee ano̱kwayeli no̱ ame̱tšṍo̱ ame̱náa hewale̱ ye̱ šikpoṅ le̱ no̱, ši moṅ ame̱dše̱o̱ efõṅ mli ko̱-yaä efõṅ mli, ni mi le̱, ame̱leemi po! Iehowa kē̱.

⁴Nyeteṅ mofẽmo akwe̱ ehe ní ahĩ ye̱ enanyo hewo̱, nyekwe̱a nyehe ní ahĩa, ni nyeke̱ nyehĩe akafõa nyemi ko nyemi ko no̱! edšake̱ nyemi-fẽ-nyemi šišiuo̱ mo, ni asaṅ nanyo-fẽ-nanyo nyieo̱ mo šiši. [94]

⁵Ame̱teṅ mofẽmo šišiuo̱ enanyo, ni ame̱wiee ano̱kwale: ame̱tšõo̱ ame̱lile̱i amale, ni ame̱gbaä ame̱he nā ye̱ nõšaſemo̱ hewo̱.

⁶Šišiumo̱ teṅ ošihĩle̱he yo̱, šišiumo̱ hewo̱ le̱ ame̱kplẽẽ ake̱ ame̱alemi! Iehowa kē̱.

⁷Nohewo̱ le̱ bo̱ni Iehowa Zebaot kē̱ ne̱: Na, masĕreame̱ ni makaame̱ makwe̱; edšake̱ té mafe mimaṅ le̱ biyō le̱ he tēṅ?

⁸Gãimlibi ní gbeo̱ mo dši ame̱lile̱i, šišiumo̱ wiemo̱i ewieo; mo ke̱ enanyo wieo̱ ke̱ nādšo̱le̱, ši ewoo̱le̱ ká ye̱ etšui mli.

⁹Aso mikawoame̱ nyõmo̱ ye̱ ene̱mei ahewo lo? Iehowa kē̱, alo misusuma akato̱ ehe owele ye̱ dšeṅmaṅ ní tamo̱ ne̱ke̱ ne̱ no̱? [95]

¹⁰Mawó yāfó ke̱ ṅko̱mo̱yeli no̱ ye̱ gõdši le̱ ahewo̱, ni mawó yāfó lala no̱ ye̱ ṅã le̱ no̱ koloi alẽ̱̀hei le̱ ahewo̱, edšake̱ ašãame̱, ní moko tšṍṍ dše̱i doṅṅ, ni anuu koloiku ko gbē; *ṅwei lofõdši ke̱ šĩa koloi fẽ edšo foi ete. [96]

¹¹Ni mafe Ierusalem kóikói, ṅãṅgbēi ašihĩle̱he, ni mafe Iuda mãdši le̱ amaṅ-fõ ni moko ehĩĩ mli. [97]

¹²Namo dši *nilelo̱ ní aayo ene̱ se̱? ni namo dši moni Iehowa nābu ke̱le̱ ewie ní egba nõ hewo̱ ní akpãtã šikpoṅ le̱ hĩe ni ašãle̱ tamo̱ ṅãno̱ ní mokomoko tšṍṍ no̱ le̱? [98]

¹³Ni Iehowa kē̱: Edšake̱ ame̱kwa mimla ní miṅõ-to ame̱hĩe le̱, ni ame̱boo mi-gbẽ toi, ni ame̱nyiee ye̱ mli,

¹⁴ši moṅ *ame̱dientše̱ ame̱tšui wale̱ se̱ ame̱nyieo̱, ke̱ Baalim ní ame̱tše̱mei le̱ tšõame̱ le̱, [99]

¹⁵hewo̱ le̱ bo̱ni Iehowa Zebaot, Israel Nyoṅmo̱ le̱, kē̱ ne̱: Na, mike̱ tatšo aafe ne̱ke̱ maṅ ne̱ niyenii, ni mahãame̱ nu ní ebō̱ yo̱ mli ame̱nu; [100]

¹⁶ni magbe̱ame̱ maſã dšeṅmãdši ní ame̱ke̱ ame̱tše̱mei fẽ lee le̱ ateṅ, ni mahã klante anyie ame̱se̱ ke̱-yaši beyino̱ ní maplenēame̱ kwrā. [101]

¹⁷Bo̱ni Iehowa Zebaot kē̱ ne̱: Nyedſẽṅa no̱, ni nyeyakpēa yei yărawolo̱i ke̱-baã, ni nyetšũa ní ayaṅõa yei ṅālo̱i, ni ame̱ba,

¹⁸ni ame̱he afe oyá ní ame̱wo yăra ye̱ wo̱hewo̱, ní wo̱hĩṅme̱iiaṅ afo̱se yāfónui aſie ši, ni wo̱hĩṅme̱inātšo̱i atšere nui!

¹⁹Edšake̱ anu yāfó gbē ke̱-dše̱ Zion: Kwe̱ bo̱ni akpãtã wo̱hĩe ahã! wo̱hĩe eſie ši naakpa; edšako̱ ahã wo̱ši wo̱šikpoṅ le̱; edšake̱ atšire̱ wo̱šihĩle̱hei le̱ atſia ši!

²⁰Agbe̱ne̱, nye yei le̱, nyeboa Iehowa wiemo̱ le̱ toi, ni nyehãa edāṅ wiemo le̱ abotea nyetoiiaṅ, ni nyetšṍ nyebiyei le̱ yărawō, ni nyeteṅ mofẽmo atšõ enanyo yāfó lala!

²¹Edšake̱ gbĕle ekwo̱ ke̱-tšṍ wo̱samfe̱dši amli, ni ebabote wo̱mõdši le̱ amli, ni ebaplenē gbekẽbii ye̱ agbói anã, ke̱ oblahĩĩ hũ ye̱ blohũi amli.

²²Kē̱mo̱ ake̱: Bo̱ni Iehowa kē̱ ne̱: Gbomei *agbohĩĩ aaſie ši tamo̱ ṅmõ mli tumu, lo tamo̱ ṅmā̃ nyaṅkũi ye̱ ṅmā̃kpalo̱i ase̱, ni mokomoko be̱ ní aabua nā! [102]

²³Bo̱ni Iehowa kē̱ ne̱: Nilelo̱ akaſã mīfõ enilē no̱, hewalo̱ hũ akaſã mīfõ ehewale̱ no̱, ni niiatše̱ akaſã mīfõ enii ano̱;,

²⁴ši moni ſãa le̱, *ene̱ moṅ no̱ eſã efõ, ake̱ eyo ni asaṅ elemi, ake̱ midši Iehowa, moni yeo̱ mlihĩle̱ ke̱ kodšomo̱ ke̱ dšale̱ sane ye̱ šikpoṅ le̱ no̱ le̱; edšake̱ ene̱ sa mihĩe, Iehowa kē̱. [103]

²⁵Na, gbĩĩ mība, Iehowa kē̱, ní mibawo ketiafolo̱i ke̱ fōlo̱i fẽ nyõmo̱:

²⁶Mizraim ke̱ Iuda ke̱ Edom ke̱ Amonbii le̱ hũ ke̱ Moab fẽ ke̱ mei ní *eše̱šē̱ ame̱yi afãfãi ni hĩo̱ ṅã le̱ no̱ le̱ fẽ: edšake̱ dšeṅmãdši le̱ fẽ le̱, fōlo̱i ni, ni Israel we le̱ fẽ le̱, †tšuiṅ fōloi ni, [104]