Read luganda Yāfó 2 Bible Online

Yāfó 2 - luganda bible

Yāfó 2

¹Kwe̱ bo̱ni Iehowa eṅõ atatu eha Zion biyō le̱ he ye̱ emlifũ le̱ mli! Ṅwei po edše̱ eṅõ Israel hefe̱o le̱ etſa šikpoṅ, ni emlifũ gbĩ le̱ no̱ le̱ ekaii *enādšiaši măṅō le̱. [12]

²Nuntšo̱ le̱ eplenē Iakob šihĩle̱hei le̱ fẽ, enaa mo̱bo̱; ekũme Iuda biyō le mõdši le̱ ye̱ emlifũ le̱ṅ, etšire̱ame̱ etſie šikpoṅ; ebule maṅtše̱yeli le̱ ke̱ emli lumei le̱.

³Eflo̱ Israel aklontoi fẽ ye̱ mlifũ ní nā wa mli; esu eninedšũrò ewoṅ ye̱ benye̱lo̱ le̱ hĩe, ni ešā Iakob tamo̱ la ni tšoo̱ plamplam ní šãa nii ke̱-kpeo̱.

⁴*Edo̱ egãi mli tamo̱ henye̱lo̱; edamo̱ ši ke̱ eninedšũrõ tamo̱ haolo̱, ní ekpãtã nii fẽ ni feo̱ hĩṅme̱i ako̱no̱ le̱ hĩe; efo̱se emlifũ le̱ tamo̱ la ye̱ Zion biyō le̱ bū le̱ mli. [13]

⁵Nuntšo̱ le̱ etšṍ tamo̱ henye̱lo̱; eplenē Israel, eplenē emõdši fe̱fe̱dši le̱ fẽ, efite emõdši ní wa le̱, ni ehã ṅko̱mo̱yeli ke yāfá efá ehã Iuda biyō le̱.

⁶Efe esese le̱ butū tamo̱ ahũo̱ trom mli, efite egwabō̱he le̱. Iehowa ehã hĩe ekpa gbidšũrõ ke̱ hedšō̱mo̱gbĩ le̱ no̱ ye̱ Zion, ní emlifũ hĩedō̱ le̱ mli le̱ enyāṅe maṅtše̱ ke̱ oso̱fo fẽ.

⁷Nuntšo̱ le̱ eše̱ efo̱lešãlate̱ le̱ efõ enyāṅe ehekroṅkroṅ le̱; eṅõ emõdši fe̱fe̱dši le̱ ahe gbogboi le̱ ewo henye̱lo̱ le̱ deṅ; ame̱mīblo̱ ye̱ Iehowa we le̱ tamo̱ eblo̱ō̱ ye̱ *gbĩdšũrõ ko no̱. [14]

⁸Iehowa eto eyiṅ ake̱ eekpätä Zion biyō le̱ gbogbo le̱ hĩe; eṅmẽ kpã ke̱, esuko enine ewoko mli ní efõle̱ plenēmo̱; ehã kpoku ke̱ gbogbo fẽ miye ṅko̱mo̱, ame̱fẽ ame̱gbo̱dšo̱,

⁹Egbóí le̱ ešiu ke̱-bote šikpoṅ; ekpãtá egbói ase̱-adabāṅi le̱ ahĩe ni ekũmo̱ame̱. Emaṅtše̱ ke̱ elumei le̱ ye̱ dšeṅmãdši le̱ ateṅ, heni mla be̱ le̱; egbalo̱i le̱ tete enaa ninā ko ke̱-dše̱e̱ Iehowa ṅõ.

¹⁰Zion biyō le̱ onukpai le̱ trá šikpoṅ, ame̱fe diṅṅ; ame̱lō mlu ame̱ſie ame̱yiteaṅ, ame̱mīa kpekpei; Ierusalem oblayei le̱ emāmo̱ ame̱yii aši.

¹¹*Mihĩṅme̱ii ešiu ke̱ yāfónui so̱ṅṅ, mimlinii mltšṍmo̱; afo̱se mimle̱bo aſie šikpoṅ ye̱ mimaṅ le̱ biyō le̱ hĩekpãtãmo̱ le̱ hewo̱, edšake̱ gbekẽbii ke̱ fufo̱bii eto̱ biti ye̱ mā le̱ṅ blohũi le̱ amli. [15]

¹²Ame̱kē̱o̱ ame̱nyemei ake̱: Nẽgbe̱ able ke̱ wein yo̱? beni ame̱to̱tō̱ biti tamo̱ pilafoi ye̱ mã le̱ṅ blohũi le̱ amli, ní ame̱fo̱seo̱ ame̱susuma ame̱ſieo̱ ame̱nyemei amīnā le̱.

¹³Mẽ odase maye mahão, meni he maṅõo mato, Ierusalem biyō? Meni mike̱-ato ohe, ni mike̱-še̱dše omī, Zion biyõ oblayō? Edšake̱ opilamo̱ le̱ da tamo̱ ṅšo̱; namo aanyẽo atšá?

¹⁴Ogbalo̱i le̱ gbaã apasa ke̱ yakanināi ame̱hãao; ši ame̱dšiee onišaianii le̱ aši ni ame̱ke̱ kpale onomṅõ le̱ ke̱-ba, ši moṅ ame̱gbaä apasa gbale̱ wiemo̱i ke̱ nanešitũtſā sãdši ame̱hãao. [16]

¹⁵Mei fẽ ní hoo̱ ye̱ gbe̱ le̱ no̱ le̱ tſaä ame̱dẽ ame̱woo̱o; ame̱boo̱ tšia ni ame̱hosoo̱ ame̱yitšei ame̱woo̱ Ierusalem biyō le̱ ake̱: “Aso maṅ ní atšé̱o̱le̱ *hefe̱o ni eye emū, šikpoṅ mū le̱ fẽ nyã́mo̱nõ le̱ ne̱ lo?” [17]

¹⁶Ohenye̱lo̱i le̱ fẽ egbe̱ ame̱dāṅ ewoö, ame̱boo̱ tšia, ni *ame̱kpeo̱ ame̱nyãnyõdši ašiši, ame̱kē̱o̱ ake̱: “Wo̱plenēle̱ pe̱! Gbĩ ni †wo̱kwe̱o̱ gbe̱ le̱ ne̱; eše̱ wo̱deṅ ni wo̱na!” [18]

¹⁷Iehowa yiṅ ní eto le̱ efe; ehã ewiemo̱ ní ewo he kitã ke̱-dse̱ blema bēbe le̱ eba mli; etšire̱ etſia ši ni enaa mo̱bo̱; ebo henye̱lo̱ le̱ eyeo yō̱; ewo haolo̱i le̱ aklonto le̱ no̱!

¹⁸Ame̱tšui blo̱ tšé̱ Iehowa; Zion biyō le̱ gbogbo, hã *yēfónui aho tamo̱ fā ſane ke̱ nyōṅ; kākpa, kãhā ohĩṅme̱i mli adša-ṅmalāte̱ le̱ midšō̱ ehe! [19]

¹⁹Te ši ni obo yāfó nyōṅ, ye̱ būbei le̱ ašišidšē mli; fo̱seme̱ otšui oſie ši tamo̱ nu ye̱ Nuntšo̱ le̱ hĩe; holemo̱ onidši ano̱ otšõle̱ ye̱ obii abifabii le̱ asusuma hewo̱, edšake̱ ame̱mīto̱ biti ke̱ hōmo̱ ye̱ blohũ-fẽ-blobũ kóṅ!

²⁰Iehowa, kwe̱mo̱ ní ona moni ofe le̱ ene̱ ne̱! Aso yei aye *ame̱mũsũṅbii, abifabii ni ahĩe ye̱ dẽ le̱? Aso agbe oso̱fo ke̱ gbalo̱ fẽ ye̱ Nuntšo̱ le̱ hekroṅkroṅ le̱? [20]

²¹Gbekẽbii ke̱ onukpai kãmo̱ šikpoṅ ye̱ blohũi amli; miblayei ke̱ miblahĩĩ le̱ enyõnyõi ye̱ klante nā. Oye awui ye̱ omlifū gbĩ le̱ no̱; ogbe kpo̱tō̱, onaa mo̱bo̱.

²²Otšé̱ migbeyei le̱ owo hefẽhe ke̱-kpe tamo̱ *kpē gbĩ, ni Iehowa mlifũ gbĩ le̱ no̱ le̱ moni edše mli ke̱ moni eſe̱ be̱; mei ní mihole ke̱ mei ni milè̱ le̱, mihenye̱lo̱ eplenēame̱. [21]